Hileko artxiboak: iraila 2011

Estresak haziaren kalitatea gutxitzen du

estresAzken hamarkadetan semenaren kalitateak txarrera egin du nabarmen eta horren eraginez ugalketa arazoak hazi egin dira. Arrazoietako bat gaur egungo bizimoduak gazteengan eragiten du estresa izan da.

Ikerketa ezberdinek erakusten dutenez, haziaren kalitatea duela urte batzuk baino hamar aldiz baxuagoa da orain eta, beraz, emakumeak haurdun geratzeko dituen aukerak ere askoz urriagoak dira.

Batez ere, industrializatutako herrialdeetan nabaritzen da estres maila altu hori. Dena den, estresa ez da semenaren kalitatea gutxitzen duen faktore bakarra, nahiz eta denen artean garrantzitsuena izan.

Estresak ez ezik, industrializatutako herrietan, kutsadurak eta substantzi toxikoek ere eragin negatiboa dute ugalkortasunean.

Nola musukatu?

besosMusukatzea artea dela diote askok. Musu ematen dugunean ezpainek ez ezik, ahoak, gorputzak, eskuek eta begiek ere paper garrantzitsua betetzen dute.

Hasteko, nahitaezkoa da ahoa txukun izatea; hortzak eta mihia garbitzea eta ezpainak osasuntsu mantentzea, besteak beste. Horrez gain, musu ematean kontutan izan behar dugu begiradak, erritmoak eta ukimenak ere garrantzia dutela.

Musukatu aurretik sakon begiratu behar diogu bikoteari, baina, muxu ematen hasten garen momentuan begiak ixtea da egokiena, musua bukatu arte.

Esperientzi gutxiko musuetan gerta daiteke bi pertsonen hortzek elkar jotzea. Dena den, argi izan behar dugu hortzak bikotearen ezpainetan, lepoan edota belarrian hozkadatxoak egiteko baino ez direla erabili behar.
Horretarako ezpainak ez dira tentsioan egon behar, ezta oso nasai ere. Presio pixka bat egon behar da bien ahoetan, baina, baita goxotasuna eta irmotasuna ere.

Pertsona askok ez dute oso argi izaten mihia nola mugitu. Horren aurrean, garrantzitsuena mingaina eztarrira arte ez sartzea. Geldika mugitu behar da, bikotearen mihia, ezpainak eta ahoa laztanduz eta mugimendu zirkularrak eginez.

Era berean, muxuen erritmoa kontrolatu behar da. Hasieran astiro-astiro musukatu behar da, geroago intentsitatea areagotu behar da kitzikapena ugalduz doan heinean. Halere, abiadura aldakorra izan daiteke.
Ez ahaztu musuak bestelako laztanekin tartekatzea. Musu onak emateko gorputza eta ahoa erabili behar dira.

250 orgasmo egunean

sexuaAskok pentsatuko duzue egunean 250 orgasmo dituen pertsona batek sekulako zortea duela, baina, gaixotasun hau pairatzen duen neskaren batekin hitz egiten baduzue, erraz konturatuko zarete etengabeko kitzikapenaren sindromea arazo oso larria dela.

Sexu-harremanik izan gabe orgasmoak bata bestearen atzetik eragiten dituen gaixotasuna da hau eta adituek diotenez, egunean 250 orgasmo izatera hel daitezke sindrome hau duten emakumeak: eskailerak igotzean edo jaistean, gidatzean… edozein egoeratan iritsi ahal dira klimaxera.

Duela gutxi deskubritu dute eta oso jende gutxik pairatzen du. Hasiera bateko ikerketen arabera, neska askori depresioaren kontrako tratamendu bat utzi ostean etorri zaie gaixotasuna. Gainera, momentuz gaitz honek ez du sendabiderik.

Posible da neska bat orgasmora iristea bularrak soilik laztanduta?

pechoOrgasmoak izateko orduan, askotan emakumeek klitorian soilik jartzen dute arreta. Dena den, ohikoa da beste laztan batzuen bidez ere klimaxera iristea.

Sexu azterketak egiten dituen Kinsev Fundazioak egindako ikerketa baten arabera, emakumeen %12 gai dira orgasmoak edukitzeko bularrak soilik laztanduta. Gainera, ez dute horretarako inoren laguntzarik behar, hau da, beraien titiak ukituta posible dute kitzikapen maila gorenera heltzea.

Dena den, titiburuak zurrupatzea da orgasmoak izateko modu eraginkorrena. Ikerketa honek dionez, nesken %57 gai da orgasmora iristeko bular-puntak zurrupatuta.

Gainera, kontutan izan behar da ipurmasailak alde batera utzita, bularrak direla gizonei gehien gustatzen zaien emakumeen gorputz atala.

Sexua lotan gauden bitartean

003-7bc_Sexomnia_140810Lo gaudenean buruak atseden hartzen du, eta kontzientzia galdu egiten dugu. Horrela, loaren fase sakonean sartzen garenean, amets erotikoen eta sexu-fantasien munduan murgiltzen gara.

Somnanbulismoa duten pertsonak gauetan ibiltzeko eta hitz egiteko gai dira lo daudenean, eta esnatzerakoan ez dute ezer gogoratzen. Honen antzekoa da sexsomnioa, baina modu desberdinean adierazten da.

Somnanbulismoarekin harreman handia du desoreka honek, baina kontzeptu hau “sexualagoa” da, loaren fase sakonean beste pertsona batekin sexua izatean datza. Amets erotikoak errealitate bihur daitezke, baina fase horretan sexua izaten dutenak ez dira horretaz kontziente, eta esnatzerakoan ez dute ezer oroitzen.

Gai honi buruz egindako mediku-ikerketen arabera, pertsona hauek sexomneak izateko aukera gehiago dituzte: lo sakona dutenek, estresa dutenek, edo alkohola edo drogak hartzen dituztenek.

Arazo honek ondorio garrantzitsuak izan ditzake, izan ere, inkontzientzia egoeran sexua izan dezakete ezagutzen ez duten jendearekin. Ondorioz, hau jasaten duten pertsonen bizitzan lotsa eta errudun sentimenduak nagusi izan daitezke.

Zer da muxu beltza?

drsafdafsAnnilingusa edo muxu beltza izenarekin ezagunagoa den praktika tabutzat dute pertsona askok. Ahorekin bikotearen uzkia estimulatzean oinarritzen da muxu beltza eta normalean joko luze baten amaiera izaten da. Hau da, ipurdian muxuak emanda hasten da gehienetan prozesu hau eta gutxika, bikotea kitzikatzen doan heinean, uzkia miazkatzera iristen gara.

Batez ere, pelikula pornoetan ikusteagatik da ezaguna annilingusa, baina, jende gutxik onartzen du praktika hau egin izana.

Nola egin

Hasteko, oso garrantzitsua da higienea muxu beltza praktikatzean. Uzkian birus eta bakteria asko egon ohi dira, hori dela eta, inportantea da ipurdiaren barnealdea oso ongi garbitzea annilingusa egin aurretik. Praktika honek ez du aparteko arriskurik, baina, garbi dago existitzen dela sexu bidezko gaixotasunak kutsatzeko arriskua.

Nola luzatu eta loditu zakila?

ssexoNorainoko garrantzia dauka zakilaren tamainak? Askok uste dute tamainak ez duela inporta, beste batzuk, aldiz, sekulako garrantzia ematen diote zakil handi bat edukitzeari. Horren aurrean, kirurgiak aurrerapauso handia eman du azken urteetan eta, badirudi, zimurrak kentzeko erabiltzen ziren azido hialuronikoz osatutako injekzioak zakila handitzeko ere balio dutela orain.

Injekzio honek larruazalaren eta gorputz leizetsuen artean gel antzeko bat sartzen du. Ordu erdi inguruko ebakuntza da eta zakilaren zirkunferentzia 3,5 zentimetro handitzen du.

Ebakuntza anestesia lokalarekin egiten dute eta gai honetan adituak direnek esaten dutenez, emaitza oso naturala lortzen da. Gainera, kasu askotan posible da luzera eta lodiera aldi berean handitzea. Zakil txikia duten gizon askok teknika bikoitz hau aukeratzen dute. Gutxi gorabehera 6000 euro inguru balio du ebakuntzak.

Sexua: derrigorrezko irakasgaia

sexoTxinako Hezkuntza Ministerioak jakinarazi duenez “Maitasunaren psikologia eta sexua” irakasgaia derrigorrezkoa izango da unibertsitateetan. Orain arte aukerazko irakasgaia zen, baina, sexuaren fisiologia eta psikologia ikasteak duen garrantziaz jabetuta, derrigorrezkoa izatea erabaki dute herrialde honetako agintariek.

Hain zuzen ere, gazteei maitasunaren psikologia eta sexuaren gaineko ohitura onak irakastea da helburua. Horretarako, kurtsoa zazpi ikasgaitan banatuko dute eta sexuaz eta maitasunaz ez ezik, unibertsitateko ikasleetan ohikoak diren psikologia arazoez ere hitz egingo dute.

Albiste honen aurrean, ikasleak ez dira oso pozik azaldu eta ordura arte antzeko gaiak jorratzen zituztela azpimarratu dute. “Oso irakasgai aspergarria zen eta ez zen eduki interesgarririk lantzen”. Gainera, sexuaz eta maitasunaz hitz egiteko tokirik aproposena institutua dela uste dute unibertsitateetako ikasleek.

“Sexurako gogorik ez dudalako utzi nau mutil-lagunak”

sexoIrakurleak Olatz Berastegi sexologoari galdetutakoa:

“Duela egun batzuk nire mutil-lagunarekin neukan harremana bukatu nuen eta gure arteko eztabaiden arrazoietako bat sexu harremanak ziren. Azkenaldian nahiko gaizki sentitzen naiz nire buruarekin eta sarritan antsietatea izatean dut. Berak behin baino gehiagotan aurpegiratu dit ez dudala nire buruarekin hobeto sentitzeko ezer egiten, lanean hasi behar naizela eta, gainera, sexurako gogorik ez izatea leporatu izan dit askotan. Nik ez dut harremana betirako bukatu nahi, baina, badakit horretarako sexu grina berreskuratu behar dudala. 28 urte ditut eta berak 37 eta bere ondoan pertsona ‘aktibo’ bat nahi duela esaten dit. Zer egin dezaket sexurako gogoa edukitzeko? Ni oso maiteminduta nago eta berak ez dit beste munduko ezer eskatzen baina, ni ez naiz gai bere nahiak asetzeko. Nola lortu berriro gogotsu egotea?”

Olatzen rantzuna:

“Kaixo

Lehenik eta behin erru sentsazio hori burutik eta gorputzetik kentzeko esango nizuke. Pertsonak bizitzan egoera ezberdinetatik pasatzen gara, batzuetan gogotsu gaude beste batzuetan ez hainbeste, eta denak bizi behar dira. Honekin esan nahi dizut denboraldi txarrak edukitzea bizitzaren atal bat dela eta honengatik ezin gareral errudun sentitu, pertsonak osotasun bat gara eta gure egoera psikologikoak eragina du guregan eta gure harremanengan.

Pertsona batekin gaudenean onartu egin behar dugu prozesu ezbedinak biziko ditugula eta hor egotea, hau da, horietan laguntzea garrantzitsua dela. Egoera aldatzeko ezer ez duzula egiten leporatzen dizu, baina tira batzuetan indarrak falta zaizkigu eta, beraz, dena ez da gauzak egitean oinarritzen, gure gorputzari denbora ematea ere ondo etortzen da.

Horrek zure gogoan eragina duela uste duzu, eta agian izan daiteke, baina honetaz gain puntu hauek aztertzea ez legoke gaizki:

-Gogo sexuala aipatzen duzunean harreman sexual genitalak bakarrik sartzen dituzu zakuan edo edozein kontaktu izateko gogo eza sentitzen duzu?

-Harreman batean desio ezberdinak daudenean egoera ezin zaio bikoteko partaide bati leporatu, harremanean gertatzen den guztia bien ardura da.

-Sexurako gogoa falta denean gure bikotekidearen hainbat jarrera egon daitezke arazo honen atzean eta ongi legoke jarrera horiek aztertzea.

-Oso maiteminduta zaudela eta zure “izaera” aldatu nahi duzula esaten duzu. Kontuz!!!!!! Oso arriskutsua da gure izaera besteen beharretara moldatzea, kasu horretan beste pertsona horrek nahi duena egiten baitugu eta orduan gure desioak, nahiak ez ditugu kontutan hartzen. Jarrera hori, agian, momentuan lagungarria izan daiteke berarekin egoteko, baina luzaro eta harremana aldatzen denean, zuregan amorrua eta ezjakintasuna sor ditzazke.

Beraz, aldatu nahi baduzu zure buruarengatik izan dadila. Bueno neska asko maitatu zure burua, erantzuna lagungarri egitea espero dut.

Ondo izan”

Zeren beldur dira mutilak ohean?

GIZONAKEmakumeek bezala, gizonek ere beldurrak eta zalantzak izaten dituzte oheratzeko orduan. Nesken kasuan, gehienetan sentimenduekin lotutako ikarak izaten dira, mutiletan, aldiz, beldur fisikoak dira normalean.

Batez ere, zakilaren tamainarekin itsutzen dira hauek, baita, zakila zutitzeko izan ditzaketen arazoekin ere. Hain zuzen ere, sexu-harremanak izaterakoan “maila egokia” ez erakustea izan ohi da mutilen artean beldur nagusia. Dena den, argi izan behar dute askotan ohikoa dela erekzio arazoak izatea: alkohol gehiegi edatean, drogak kontsumitzean edota estresatuta dagoenean, adibidez.

Baina horrez gain, bada mutilen artean oso zabalduta dagoen beste beldur bat: isurketa goiztiarra. Hau gazteetan zein pertsona helduetan gerta daiteke.

Uzkia laztantzea ere gizonezkoen artean oso zabalduta dagoen beste ikara bat da. Askok ez dute jolas hori onartzen nahiz eta gustuko izan. Beraientzat uzkian plazerra sentitzea homosexualtasunarekin lotuta dago. Halere, sexuaz behar bezala gozatzeko, komeni da mito faltsu horri aurre egiteko gai izatea.