Zer da ekosexualitatea?

Geroz eta hedatuago dagoen korronte bat da ekosexualitatea, baina zertan oinarritzen da? Ekosexualitateak naturarekin bat egiten duen bizimodua defendatzen du, eta ideia hori sexu harremanetara ere zabaltzen du. Hasteko, bikotea bilatzeko orduan, naturarekiko konpromisoa erakusten duten pertsonekin batzen dira ekosexualak. Ura, lurra, sua eta haizea elementu “sakratuak” dira haientzat, eta planetaren ongizaterako zein munduan bakea lortzeko lanean dihardute etengabe.

Jarduera ekosexualei dagokienez, hainbat iradokizun eta dekalogo dituzte, nahiz eta helburua beti bakarra den: ingurugiroa errespetatzea.

Bikotearekin dutxa hartzea ura aurrezteko modu hobezina izan daiteke, baita sexu-harremanei hasiera emateko bide aproposa ere.

Sexua praktikatzerakoan argia itzaltzea gomendatzen dute, eta bikotea ikusi nahi dutenei erle-argizariarekin egindako kandelak piztea aholkatzen diete. Beste aukera bat izan daiteke sexua egunez praktikatzea.

Afrodisiakoak nahi izan ezkero, elikagai organikoak hautatzen dituzte; transgenikorik gabekoak.

Bestalde, kondoiak, lubrifikatzaileak, arropa eta sexu jostailuak biodegradagarriak izan behar dira. Gainera, nudismoa da ingurugiroarekin harremanak izateko oinarrietako bat.

 

 

Orgasmorik onenak, 36 urterekin

Espainiako Estatuko emakumeek gogobeteko sexu harremanak dituzte munduko gainerako herrialdeekin alderatuta. Izan ere, hainbat adituk zoriontasunari buruz egindako txosten batek erakusten duenez, sexua praktikatzen duten bi alditik behin orgasmora iristen dira; beste herrialde askotan, berriz, hiru alditik behin soilik lortzen dute klimaxera heltzea.

Gizonezkoei dagokienez, 50 urterekin sexu harrean hobeak dituzte 30ekin baino. Hain zuzen ere, adituen arabera, gezurra da urteek aurrera egin ahala sexu-harreman gutxiago edukitzen direla.

Horrekin lotuta, Texaseko Unibertsitateak egindako ikerketa batek ondorioztatu du 36 urterekin izaten direla harreman gogobetegarrienak. Oraindik zahar sentitzetik urruti gaude adin horrekin, baina, aldi berean, lotsa galduta dugu. Hori horrela, sexuaz gozatzeko aukera zabalagoa dugu.

‘Sexercise’, kaloriak erretzeko ariketak

imagesPublic Library of Scienciek argitaratutako ikerketa batek erakusten du “sexercise” delakoak kirolaren abantaila bertsuak izan ditzakeela. Izan ere, kiroldegian 30 minutuz korrika egotearen parekoa omen da ordubetez sexua praktikatzea.

Hain zuzen ere, sarketa praktikatzerakoan erretzen den energia neurtu dute hori ondorioztatzeko. Horretarako, 18 eta 35 urte bitarteko 20 bikote aztertu dituzte, eta emaitza izan da gizonezkoek minuturo 4,2 kaloria erretzen dituztela, denbora berean korrika eginda baino 5 gutxiago. Emakumezkoek, berriz, 3,1 kaloria erretzen dituzte sexu-harremanekin, eta 7,1 kaloria tarte berean oinez edo korrika ibilita.

Hori jakinda, Dolce Love enpresak sexua praktikatuta kaloriak erretzeko aproposak diren hainbat ariketa proposatu ditu:

1. Emakumea gora begira etzan behar da, bi hankak elkartuta. Behin hori eginda, 90 graduko angelua osatu behar du hankekin eta atzerantz eraman behar ditu. Oreka eusteko egokia da jarrera hau. Gainera, gizonak “sentadillak” egiten ditu.

2.Gizonak ipurdia orpoen gainean jarri behar du, eta emakumea gainean eseri behar da, haren magalean jarri behar da, kulunka eginez. Ipurdia, abdominalak eta aldaka lantzen dira.

3.Eskorgaren jarrera: indarra behar da, bai besoetan, bai sorbaldetan.

4.Zutik: Bikotea altzoan hartu behar izateak ere esfortzu fisikoa dakar.

Sexu-erruleta, hedatuz doan jolas arriskutsua

sex-symbols-coupleOrain arte, batik bat, Hego Amerikan praktikatzen zen sexu-erruletaren jolasa, baina azkenaldian Espainiako Estatura iritsi da.

Barruko arroparik gabe, biribilean esertzen da mutil talde bat. Parte-hartzaile guztiek zakila tente dute, eta bitartean neskak haien gainean jartzen dira 30 segundoko “sarketa” praktikatzeko. Txandaka, mutil batetik bestera aldatzen doaz jolasean parte hartzen ari diren neskak. Isurketa gertatzen denean, jolasetik kanpo geratzen da mutil hori.

Helburua da jolas horretan mutil bakarra geratzea, eta berorrek irabaztea.
Oraindik “modatzat” hartzen ez bada ere, geroz eta hedatuago dago sexu-erruleta, eta, arriskuak arrisku, Espainiako Estatuan izan da talderen bat edo beste jolas hori praktikatu izan duena.

Argi dago oso arriskutsua dela, sexu bidezko gaixotasunak kutsatzeko bide izan daitekeelako, eta nahigabeko haurdunaldiak gerta daitezkeelako.

Askotan, kondoirik gabe egiten dute jolasa, are arriskutsuagoa eginez. Nolanahi dela, kondoia erabili arren, gaixotasunak kutsatzeko arriskua ez da salbuesten; batez ere, nesken kasuan. Izan ere, kondoi bera erabilita, mutil batetik bestera aldatzen doaz neskak.

Horretaz jabetuta eta azkenaldian sexu bidezko gaixotasunak areagotu egin direla ikusita, alarma piztu da sexu adituen artean.

Aipatzekoa da halaber, praktika honekin “baginismoa” ere eman daitekeela, eta horrek sexu-harremanak oso mingarri bihurtzen dituela.

Kontuan izanda sexu-erruletan emakumeak ez duela “sarketa” aurretik estimulurik izaten, gerta liteke baginan lesioak eragitea.

Nolako sexua izango duzu, zodiakoko zeinuaren arabera?

indiceHoroskopoan adituak direnek, 2017an zodiakoko zeinu bakoitzak izango dituen sexu harremanen nondik norakoak argitu dituzte, eta hauxe da emaitza:

ARIES

Sexu kontuetan Garai onak datozkie Aries direnei, fantasia erotikoak betetzen urtea izango delako. Lotsa alde batera utzi eta, sedukzioaren bideari ekingo diote.

TAURUS

Inoiz baino prestuago egongo da esperientzia berriri aurre egiteko, bai emozionalki, bai sexualki. Harreman batean daudenek monotoniatik alde egiteko trikimailuak bilatu beharko dituzte.

GEMINI

Sexy sentituko dira Gemini direnak, eta argi jakingo dute zer den haien bikoteak nahi duena. Plazera eta erotismoa jaun eta jabe egongo dira harremanean.

CANCER

Modu irekikoagoan biziko dute sexualitatea, bikotearekin hitz gehiago eginda. Sexuak lehentasuna hartuko du Cancer direnen bizitzan.

LEO

Ausardia eta askatasuna indartuko dute, nahi dutena adieraziz eta egoera berrien aurrean aurrea hartuz.

VIRGO

Maitasunean zein sexuan zorrotzagoak izango dira. Haien bikoteak erritmo bera jarraitzen ez badu, litekeena da urruntzeko joera hartzea.

LIBRA

Samurtasuna eta konplizitatea izango ditu ardatz urte berrian. Libra direnek bikotearen fideltasuna eta babesa bilatuko dute.

SCORPIUS

Uda garaian, batik bat, alde batera utzi beharko dituzte finantza-kontuak, bestela horrek eragina izango du sexu harremanetan.

SAGITARIUS

Urtarriletik aurrera sexu-energia ikaragarria izango da. Ordura arte, aitzitik, Garai ez hain onak biziko dituzte.

CAPRICORNUS

Maitasuna eta sexua barrenak askatzeko modu ezin hobea izango dira.

AQUARIUS

Ausart eta liluragarri sentituko dira.

PISCIS

Desinhibituta egongo dira, sexua % 100ean bizitzeko gogoz.

Zer xuxurlatu bikoteari sexua praktikatzerakoan?

imagesSexu-harremanak ditugunean berba gutxi egitea da ohikoena, baina behin edo beste bikoteari belarrira zerbait xuxurlatzea garrantzitsua izan daiteke.

Baina, zer esan ahal diogu harremana indartzeko?

Sentitzen duguna adieraztea da gakoa. Alegia, une horretan praktikatzen ari garena atsegin dugula esatea, ipurdia nola heltzen digun gustatzen zaigula gogoraraztea edota haren mingaina gure azalean sentitu nahi dugula erakustea, adibidez.

Hitz sentsualak erabiltzeak mesede egiten dio sexu-harremanari, are gehiago, kitzikagarria izan daiteke.

Halaber, lagungarria da bikoteari zer egingo diogun hitzez azaltzea: “Musu hau bukatutakoan, genitalak laztanduko dizkizut”. Mota horretako esaldiek harremana indartzeko ez ezik, bikotekideen artean “sua pizteko” ere balio dute.

 

Sexu gaitzak antzematean kolorez aldatzen diren kondoiak

condonesSexu-harremanetarako neurri eraginkorrenetakoa da kondoia; batik bat, sexu bidezko gaixotasunak saihesteko. Alabaina, gazteen artean gaitz horiek zabaldu direla ikusita, gazte talde batek kolorez aldatzen diren kondoiak asmatu dituzte, gaixotasun benereoak antzemateko.

Hain zuzen ere, Londreseko Isaac Newton akademian ikasten duten hiru gazte estatubatuarrek egin dute asmakuntza, eta Teen Tech Awards saria jaso dute horregatik. Baina nola da posible kondoi batek sexu bidezko gaitz bat duzun ohartaraztea?

Ideia sinplea bezain eraginkorra da. Kondoiak molekulaz osatuta daude, eta horiek gai dira gaitzak hautemateko, baita horietako bakoitza kolore jakin batekin erakusteko ere. Hala, berde, hori, urdin edo more jarri daiteke, erabiltzen duenak duen gaixotasunaren arabera.

Dena den, oraindik finantziazio zain dago asmakuntza.

Zer da pansexualitatea?

3759375253_2de9c1992e_bAskotan sexuarekin lotutako hitzek ez dute hiztegietan tokirik izaten, baina horrek ez du adierazi nahi berba horiek ez dutela esanahirik. Hau da, pansexual, adibidez, Interneten azken urtean gehienetarik bilatu den hitzetako bat da, nahiz eta ez den hiztegietan existitzen.

Zer da, baina, pansexualitatea

Sexualitate guztiak pertsona bakar batean batzean oinarritzen da. Askatasun sexualarekin du lotura zuzena. Euren burua pansexualtzat dutenek ez dituzte gizarteak ezarritako etiketak eta estereotipoak atsegin, ez baitute ezberdintasun sexualik zein sozialik nahi.

Sigmund Freudek aspaldi esan zuenez, guztiok gara pansexualak jaiotzez, gizarteak, ostera, bisexualitetaren, heterosexualitatearen edota homosexualitatearen bidea hartzera behartzen gaitu.

Bisexualitatea vs. Pansexualitatea

Sexua emakumeekin zein gizonekin praktikatzen dutenak bisexualtzat ditugu. Aitzitik, bisexuala denak ez du zertan pansexuala izan behar. Izan ere, pansexualitatea haratago doa, askatasun sexuala aldarrikatzen baitu.

Emakumeari ukitu behar ez zaizkion gorputzeko atalak

Argi dago emakume guztiak ez direla berdinak, horregatik, batzuen eta besteen artean gustuak aldatu egiten dira. Dena den, badira gorputzeko hainbat atal gizonek plazerarekin lotzen dituztenak, baina emakume askok ez.

Hori horrela, sexu-harremanak izaten ari garen bitartean, kontuan hartu behar da emakume askok ez dutela, adibidez, umetokiaren edo uteroaren lepoa ukitzea nahi. Emakumea oso kitzikatuta ez badago, zakilak uteroaren lepoa imagesjotzea mingarria edota ezerosoa izan daiteke.

Klitoriaren glandea

Klitoriaren buruari deitzen zaio horrela. Nerbio asko igarotzen dira bertatik, eta oso sentikorra da. Bada, emakume askok ez dute gustuko zuzenean klitoria ukitzea, nahiz eta beste batzuentzat oso kitzikagarria izan.

Oinak

Kasu honetan Johns Hopkins Unibertsitateak egindako ikerketa bat hartuko dugu ardatz. Izan ere, aipatu ikerketak dio galtzerdiekin sexua praktikatzeak orgasmoa errazten duela, dela emakumeetan dela gizonetan.

Dirudienez, oinak hotz ditugunean zaila da aldamenean dugun lagunak transmititzen dizkigun sentsazioetan kontzentratzea.  Beroak, aitzitik, zentzu guztietan “berotzen” gaitu.

Uzkia

Ez dugu esan nahi uzkia ukitzea soberan dagoenik, baina bai emakume batzuentzat desatsegina dela; beraz, kontuz ibili beharra dago.

Uzki bidezko jolasetan murgiltzeko beharrezkoa da gutxieneko konfiantza maila egotea. Halaber, garrantzitsua da uzkia lubrifikatzea, ostean ez dugu inondik inora plazerik emango edota hartuko.

Hasieran esan bezala, emakume batetik bestera nabarmen alda daitezke gustuak. Hori dela eta, nahitaezkoa da komunikazioa egotea, eta huts egin orduko, emakumeari gustuko dituen praktikei buruz galdetzea.

Sexu robotek ahozko sexua eskainiko dute Londreseko kafetegi batean

The Mirron egunkariak zabaldu duen informazioaren arabera, Londreseko biztanleek felazio batekin lagundutako kafea hartu ahal izango dute aurki. Izan ere, Bradley Chavet enpresariak Fellatio Cafe kafetegia zabaltzeko asmoa du Erresuma Batuko hiriburuan, urte bukaerarako. Horretarako, gizaki baten itxurako robotak erabiliko dituzte.

Björk_AIFOL_MoMAEz da mota horretako zerbitzuak eskaintzen dituen lehendabiziko lekua. Ginebran (Suitza), adibidez, horixe bera egiten zuten, baina benetako pertsonekin.

15 minutuko saio baten eta kafe baten truke 60 libra ordaindu beharko dute bezeroek Fellatio Café kafetegian. Gainera kruasanak, gailetak edo madalenak eskatzeko aukera izango dute.

Charveten arabera, “sexu-robotek plazera ematea dute helburu, eta teknikak hobetzeko gaitasuna edukiko dute, bezero bakoitzari egokitzeko gai direlako, haien beharrak ase eta betetze aldera”.

Guztira, zortzi robot egongo dira; horietako bi polizia jantziekin, beste bi erizain jantzita, bi ikasle itxurarekin eta gainerakoak idazkari tankera hartuta.