Etiketaren artxiboa: Aholkuak

Sexua lankideekin

Sexua lanean

Sexua lanean

Askok mitoa dela uste duten arren, geroz eta gehiago ikertzen dira lankideekin izandako harremanen inguruko xehetasunak. Zergatik? Gaur egun, oso ohikoak direlako. Etxean baina denbora gehiago igarotzen dugu lanean; beraz, ez da zaila halako kasuren bat ezagutu nahiz bizitzea.

Frantziako datuak islatzen dituen ikerketa baten arabera, galdetutakoen % 31k izan du lankideren batekin afera noizbait. Horietatik % 17ri ez zaio axola naturaltasunez jokatzea, baina gainontzekoek nahiago izan dute ezkutuan mantendu.

Ameriketako Estatu Batuetan, adibidez, laneko harremanak ez daude batere ondo ikusita. Hortaz, langile askok klausula bereziak sinatu behar izaten dituzte kontratuetan, tentazioak ekiditeko. Antza denez, produktibitatea kaltetzen dutela uste du enpresa askok.

Espainiar estatuko ikerketa baten arabera, galdetutakoen % 50ak onartzen du lankideren batekin sexua eduki izana. Era berean, bikotekide ofizialari adarrak jarri dizkiotenen artean, mutilen erdiak dio lankide batekin egin duela; nesken kasuan, ordea, % 42ak aitortu du lanean izan dela.

Datuak datu, garrantzitsua da zenbait neurri kontuan izatea, lanean eragin negatiborik ez izateko. Lehenik eta behin, hasieratik gauzak argi uztea komeni da; hau da, bakoitzak zer nahi duen azaltzea elkarri. Izan ere, harremana ez bada ondo bukatzen, egunerokotasunean ondorio kaltegarriak eragin ditzake. Horrez gain, beste lankideekin dugun harremana ez aldatzen saiatu beharko genuke, naturaltasunez jokatuz. Azkenik, hobe da intimitate uneak etxerako uztea.

Nola zoratu zure bikotea ohean?

sexoAkabo Bakea saioko “Luzia eta Sexua” tarteak indartsu hasi du urtea. 2014an sexu kontuetan behar bezala aritzeko, neskei eta mutilei ohean zer gustatzen zaien azaldu zigun Luziak asteleheneko saioan.

Mutilen artean “hirukotea” da praktika arrakastatsuena. Inkestek erakusten dutenez, mutil gehienek aparteko kuriositatea dute bi neskarekin batera oheratzeko, nahiz eta askotan amets hau errealitate bihurtzeko gai izaten ez diren.

Horrez gain, ikusmenak paper garrantzitsua betetzen du mutilen sexu harremanetan. Neska bat biluzik ikusteak, eskote zein minigona batek edota lentzeriak, mutilen libidoa pizten laguntzen dute. Eta nola ez, entzumenak ere garrantzia du; alegia, sexua praktikatzen dauden bitartean adibidez, bikotearen ahotik hitzen edo hasperenen bat entzutea, besteak beste.

Aipatutakoaz gain, beharrezkoa da baita ere mutilaren gorputza behar bezala esploratzen ikastea, eta gizonezkoen puntu erogenoak “martxan jartzea”. Horren harian, G, F eta O puntuak non dauden azaldu zigun Luziak.

Neskei buruz ere aritu zen urtarrilaren 7ko saioan.

Zer da sexuan neskek nahi dutena?

Gorputza musukatzea atsegin dute neska gehienek, eta sexu harremanak izaterakoan presa barik aritzea. Entzumen kontuetan ere finak dira emakumeak. Kasu askotan, hitz politek eta berba erotikoek harremana hobetzen lagun dezakete.

Baina zein da neska bat zoratzeko sekretua? Behin ikusmena eta entzumena aseta eta harremana berotuta, klitorian jarri dezakete arreta mutilek. Ahoarekin, eskuekin zein zakilarekin klitoria suabe laztantzea, neska poz-pozik uzteko sekretuetako bat izan daiteke. Beti ere, sarketa praktikatzean ere, puntu erogeno honekin ahazten ez badira, behintzat.

Halere, badira neskak txora-txora eginda uzteko beste hainbat taktika. Zeintzuk?

Entzun asteleheneko saioa! Merezi du eta!

Probatu al duzu ‘Slow Sex’ joera?

Slow Sex. Argazkia: elpais.com.co

Slow Sex. Argazkia: elpais.com.co


Sexu kontuez ari garenean, presaka ibiltzeak ez du, orohar, ondorio onik eragiten. Hori da, bederen, ‘Slow sex’ joera berriak babesten duen teoria. Azkarregi aritzeak amorrazioa eta frustrazioa sorrerazten dituela argudiatuz, harreman lasai eta luzeagoak defendatzen dituzte ‘Slow sex’aren jarraitzaileek. Helburua orgasmora iristeko bideaz gozatzea da.

Filosofia horrek ez dauka zerikusirik sexu tantrikoarekin, eta honako fase hauek izan beharko lituzke harreman sexual egoki batek:

Beroketa fasea (15 minutu inguru)
Lehenik eta behin, garrantzitsua da norberaren gorputzeko atalak miatu, beste ezertan hasi aurretik. Hala, plazer gehien non sentitzen dugun jakingo dugu, bakarka gozatu nahiz bikotekideari adierazteko. Era berean, harremana sexualari ekin aurretik, oso gomendagarria da sentsualitateari eta erotismoari arreta berezia jartzea, orgasmoari bidea zabaltzeko.

Koitoa (15 minutu, gutxi gorabehera)
Koitoaren garaia iristen denean, arnasa eta erritmoa lasaiak izan daitezen saiatu beharko genuke. Sakon arnasa hartu eta atsedenaldiak egin daitezke. Halaber, postura bat baino gehiago probatzea proposatzen du ‘Slow Sex’ joerak.

Erlaxazioa
Harreman sexuala ez da amaitutzat jotzen orgasmoa sentitu eta berehala. Ondoren, hamar minutu inguru igaro beharko genuke elkarrekin erlaxatzen, koitoa bukatu ostean

Dena den, teoria horiek oso ederrak diruditen arren, egia da beroaldi azkarren ondorioz, sexu-harreman arinetara jotzen dugula sarri. Bitxikeria gisa, bat-bateko harreman horietarako toki ohikoenak errepasatuko ditugu.

Esate baterako, jatetxe eta dendetako komunak irtenbide egokia izan daitezke beroaldiak baretzeko. Geroz eta gutxiago geratzen diren arren, badira telefono-kabinaren batean ibili direnak ere. Aukera izanez gero, igogailua, lantokia, diskoteka, gimnasioa, zinema, hotela, dutxa eta bulegoa ere leku aproposak dira. Azkenik, nork ez du autoan proba egin behin edo beste?

Zein duzue gustukoen?

Entzun asteleheneko “Luzia eta sexua” saioa!

Zer da A puntua?

Emakumeen A puntua

Emakumeen A puntua

Sexu kontuez ari garenean, beti hausnartu eta hitz egin izan dugu emakumeen G puntuaren inguruan: guztiok dakigu zein garrantzitsua den eremu hori ondo estimulatzea, orgasmoa sentitu ahal izateko.
Zer diozue, ordea, A puntuari buruz? Zer den eta non dagoen aztertuko dugu gure sexu-blogean. Lehenik eta behin, baginaren hormaren atzeko aldean dagoela esan beharra dago, baginaren lepoa eta G puntuaren artean.

Nerbio ugari dago kokapen horretan; beraz, garrantzitsua da ondo kitzikatzea, sentipenak azaleratzeko. ”Lana” ongi eginez gero, orgasmo luze eta sakonak bermatu daitezke. Gainera, G puntuarekin baino arinago lortu ohi da orgasmoa eta emakumeen eiakulazioa. Hortaz, postura aproposenarekin asmatuz gero, emaitza bikainak eragiten ditu eremu horrek.

Teknikei dagokienez, zenbait aukera daude: A puntua eskuekin ferekatzea edo ahozko sexua praktikatuz estimulatzea. Azken kasu horretan, mingaina da tresna baliogarriena.

Informazioa eta gakoak hor dituzue; orain, zuen txanda da!

7 minutu eta kitto!

3, 2, 1… Ekin! Ipini kronometroa martxan baina, adi, 7 minutu baino ez dituzue harremen sexual perfektua izateko.

Sexu kontuez ari garenean, garrantzitsua al da iraupena? Pensilvaniako Unibertsitateko zenbait ikertzailek baietz ondorioztatu dute txosten batean: harreman sexual perfektu batek zazpi minutu iraun behar du. Beraz, denbora ezinbestekoa dela pensatzen dutenak lasai egon daitezke, ez baita esanguratsuena.

Antza denez, pasio gau luzeak izateak ez du esan nahi gehiago gozatzen denik, nekagarriegiak eta aspergarriak ere izan baitaitezke, sarri.

Ikerketan aztertutakoaren arabera, minutu bat edo bi irauten duen harremana laburregia da, eta hiru eta zazpi minutu artekoak aproposenak dira plazera erabatekoa izan dadin; hamar minutu baino gehiagokoak, ordea, luzeegitzat jo dituzte. Izan ere, harreman sexualek iraupen jakin bat izan behar dutela uste dutenak ”marka” horiek berdintzen edo gainditzen saiatu ohi dira, eta ez da batere onuragarria.

Hala ere, ez erotu marka eta kronometroekin. Erlojua gorde eta gozatzea izango da onena, ezta?

Harreman sexual perfektua

Harreman sexual perfektua

Lehen aldian kontuan izan beharreko aholkuak

Asko dira sexu harremanak lehenengoz izan aurretik sortu daitezkeen zalantzak eta beldurrak. Hasierako urduritasun hori gainditzeko zenbait aholku aztertuko ditugu, gure sexu-blogean.

Lehenik eta behin, gustura sentitzea beharrezkoa da. Beraz, pertsona egokia dela uste baduzu eta zure kabuz hartutako erabakia bada, aurrera! Ez egin sekula presiopean. Ondoren, toki eta une aproposak aukeratzeko unea etortzen da.

Urduritasun eta ezinegonaren aurrean, lasaitasuna izan ohi da sendagai onena. Hortaz, hartu arnasa, eta gozatu! Koitora iritsi baino lehen, joko eta erotikoei denbora eskaini behar zaie, giroa eta gorputzak berotzen joan daitezen. Hala, prest egongo zara unea iristen denerako.

Halaber, ezinbestekoa da elkarren arteko komunikazioa ona izatea, harreman sexuala bideratzeko eta, batez ere, plazera sentitu ahal izateko. Ez du zertan hitzen bidez izan: izan ere, fereka edo begirada batek primeran adieraz dezake sentitzen duguna.   

Azkenik, kontuan izan lehen aldiak ez direla beti espero bezain atseginak izaten! Erlaxatu, eta ikasi gozatzen!

Sexua, lehen aldia.

Sexua, lehen aldia.

Orgasmora errazago iritsi nahi?

Orgasmora iristeko gakoak ezagutarazi ditu egunkari digitalak. Argazkia: Huffington Post.

Orgasmora iristeko gakoak ezagutarazi ditu egunkari digitalak. Argazkia: Huffington Post.

Lehenik eta behin, berotzen gaituzten gauzetan pentsatu behar dugu; hau da, eroso sentiarazten gaituzten egoeretan eta orgasmoa erraz lortzea ahalbidetzen dutenetan. Gure burua eta gustatzen zaiguna ondo ezagutzea ezinbestekoa da eta hau bikotekidearekin konpartitzea, honek ere lagun dezan.

Kezkatzen gaituzten gauzak alde batera utzi behar ditugu. Estresak, antsietateak edota orgasmora iritsi beharrarekin itsutzeak ez gaitu kontzentratzen uzten. Horrelako egoerek kontrako efektua sorraraz dezakete, gure burua helburuan pentsatzen ari baita eta ez prozesuan.

Hirugarrenik, orgasmora iristeko ”bide zuzena” ahaztea komeni da. Ez dago modu hoberik ez okerrik, esperimentatzea eta norberari gustatzen zaiona aurkitzea da gakoa. Sexu harremanetan orgasmora ez iristea ez da zertan txarra izan behar; oso ohikoa da, eta horregatik komeni da kanpoko laguntzak erabiltzea, hala nola, bibragailuak edo pelikula erotikoak.

Orgasmora hobeto iristeko beste gako bat osasuntsu egotea da: ez erretzea, alkoholik ez edatea, drogarik ez kontsumitzea eta kirola egitea aholkatzen du egunkariak, hauek beroaldian eragiten dutelako eta ez beti positiboki.

Azkenik, gomendagarria da sexuan adituak diren medikuengana jotzea arazoren bat badugu. Askotan gure arazoen azalpena uste duguna baina askoz ere sinpleagoa da, eta haiek lagundu dezakete.

Nola gozatu sexuaz bainuontzian?

Bikotekidearekin bainatzea sexu-harreman baten aurrekari aparta izan daiteke. Burbuilaz beteriko bainu bero batek burua eta gorputza erlaxatzen lagunduko digu, ondoren jarduera sexual atsegina errazteko.

Sexua bainuontzian

Sexua bainuontzian

Garrantzitsua da zenbait aholku kontuan hartzea, bainuontzian igaroko dugun denbora ahalik eta perfektuena izan dadin. Esate baterako, olio aromatikoak apartak dira giro ezin hobea eragiteko.

Ondoren, argiak itzali eta kandelak ipini ditzakegu. Izan ere, ukitu ezin erromantikoagoa emango diogu agertokiari argiztapen xumea eta leuna erabiltzen badugu. Azkenik, ez ahaztu musika egokia aukeratzeaz!

Osagai guztiak prest ditugunean, uretan sartu eta lanean has gaitezke. Masajeak, laztanak…norberaren irudimenaren txanda da orain!!!

Denbora ez da aitzakia

Astirik ez duzula? Denbora ezin da aitzakia izan harreman sexualez ez gozatzeko. Biak prest egonez gero, posible da hamar minututan esperientzia bikaina bizitzea. Horretarako, gomendagarria da zenbait aholku kontuan hartzea.

Sexu-harrmanak

Sexu-harrmanak

Minutu gutxi batzuk baino ez ditugunean, egokia da lubrikatzaileren bat eskura edukitzea; izan ere, emakumeek denbora gehiago behar izaten dute sexu-organoak berotzeko. Hortaz, lagungarria izan daiteke halako kasuetan.

Martxan jarri ostean, onena biek gustuko duten postura bat aukeratzea da. Asko probatuz gero, amaitzeko ordua iritsiko zaigu oharkabean. Kontzentrazioa ezinbestekoa da harreman laburretan, arreta galarazten diguten arrazoiak kontuan hartu gabe.

Azkenik, funtsezkoa da orgasmoarekin ez itsutzea, nahiz eta askotan zaila iruditu. Une bakoitzean sentitzen dugun plazeraz gozatzea da onena, helburuarekin obsesionatu gabe.

Felazioa ongi egiteko aholkuak

Ez da lan erraza, baina zenbait ohar kontuan hartuz gero, emaitza bikaina lortu genezake. Plazera areagotzeko teknika aparta da, beraz, adi jarraian aztertuko ditugun gakoei!!

Lehenik eta behin, postura egokiena zein den erabakitzea da ona, ahalik eta erosoen egiteko. Belauneko jarriz gero, esaterako, eremu erotiko osoa menderatuko dugu.

Felazioa. Argazkia: sexologia.net

Felazioa. Argazkia: sexologia.net

Ondoren, miazkatu zakila astiro-astiro, batez ere, hasieran. Beheko aldetik hasi eta jarraitu puntaraino. Ibilbide bera bizpahiru aldiz egin eta gero, ahoan sartzeko unea da.

Gogoratu ahozko sexua ez dela zakilera soilik mugatzen. Izan ere, ezinbestekoa da sexu-organo osoa estimulatzea, eta ahaztu egiten dugu sarri. Adibidez, zakila aho barruan dugun bitartean, eskuekin barrabilak ferekatuta, eragina sakonagoa da.

Azkenik, kontuz ibili hortzekin! Ezpainekin eta mingainarekin egin behar dugu lan, hortzak mina eman baitezakete. Egin proba eta gozatu!