Hileko artxiboak: iraila 2010

“24 urte ditut eta sexuak beldurra ematen dit”

Irakurlearen zalantza:

“Arazo larria daukat. Inoiz ez dut nire mutil-lagunarekin sexu harremanik izan, minari beldurra diodalako. Duela nahiko denbora gabiltza alkarrekin eta ia 24 urte ditut, baina, sekulako beldurra ematen dit sexuak. Zer aholkatzen didazu?”

sexualidad

Olatzen erantzuna:

“Lasai, hori ez da arazo larri bat. Puntu batzuk aztertuko ditugu, zure zailtasun horri aurre egiteko.

Sexu harremanak izan ez dituzula esaten duzunean, zure mezua irakurriz, sarketa praktikatu ez duzula pentsatzen dut. Baina sexu harremanak ez dira horretara mugatzen, hau da muxuak, laztanak, masturbazioa… ere sexu harremanak dira.

Zure bikotearekin horrelako kontaktua izan baduzu harreman sexualak izaten ari zara.

Dena den, zure beldurra harreman sexual genitalekin lotuta dagoenez gaiari helduko
diogu:

Kontutan izan behar ditugun gauzak:

– Oso garrantzitsua da zure beldurra errespetatzea eta horri aurre egiteko beharrezko denbora hartzea.

– Zure aldetik joan zaitez zure organo genitalak begiratzen, ezagutzen…

– Aztertu zure mutilarekin harremanetan zaudenean, nola zauden, exzitatzen zaren, erlaxatuta zauden, gustura sentitzen zaren…

– Zuen arteko harremanetan ez jarri helmuga bezala sarketa praktikatzea, joan zaitezte zuen gorputzak, desioak, gustura sentiarazten zaituzten gauzak probatzen, baina sarketa hitza alde batera utzita.

– Fisiologikoki jakin behar dena da: neska ez badago exzitaturik, ez dago behar bezala lubrifikatuta eta horrek sor dezake mina. Bestalde, ez baduzu inoiz ezer baginatik sartu (ez tanpoirik, ez behatzik…), denbora beharko duzu zakila sartu ahal izateko, beraz, poliki-poliki hasi, lehendabizi behatz bat, gero bi eta gero zakila sartu gutxika-gutxika.

GARRANTZITSUENA. elkarrekin ondo pasatzea, dibertitzea eta gustura sentitzea!!! Hori da helmuga bakarra!! Horretarako behar duzun denbora guztia hartu!!!

“Baginatik puzkerrak botatzen ditut sexu harremanak ditudanean”

amor_sexoAtzerapen apur batekin gatoz oraingoan, baina, astea ondo hasteko Olatz Berastegi sexologoak gure irakurle bati argitutako zalantza konpartituko dugu zuekin.

Irakurlearen zalantza:

“19 urte ditut eta nire bikoteak 21. Sexu harremanetan oso ondo moldatzen gara baina bada arduratzen nauen zerbait. Nire baginak zarata arraroak egiten ditu larrua jotzen ari garenean. Puzkerrak botatzean ateratzen den zarata antzekoa egiten du eta ezin dut saihestu. Ez du usainik ateratzen baina oso ezerosoa egiten zait. Zergatik gertatzen zait hau eta zer egin dezaket saihesteko?”

Olatzen erantzuna:

“Kaixo, komentatzen duzunari puzker baginala deitzen zaio. Hau ohikoa izaten da, hau da sarketa praktikatzen den bitartean haizea sartzen da baginan, hor metatzen da eta horren ondorioz puzker baginalak sortzen dira.

Ez dute inolako arazorik sortzen, baina zuk esaten duzu zuretzat deserosoa dela.
Agian zure mutilarekin hitz egin dezakezu honi buruz, nola sentitzen zaren, zure lotsa adierazi al diozu. Honek zuen arteko konfiantza lantzen lagunduko dizue, eta gainera gertaerari garrantzia kendu al diozu.Horrelako egoerez hitz egitea, gure lotsak eta beldurrak plazaratzea, asko laguntzen dio harremanari.

Gero, proba ezberdinak egin ditzakezue, postura aldatzen, adibidez.

Honetaz gain, zure kabuz ariketak egin ditzakezu zure baginako muskuluak indartzeko. Hau da, egunero tarte bat hartu, lasai zauden leku batean ipini eta zutik edo eserita eroso sentitzen zaren posturan, saiatu bagina ixten, eutsi 3 segundo eta ireki (hau da pixa egiten zaudenean pixa etengo bazenu bezala),ariketa honi kegel ariketa deitzen zaio eta baginako muskuluak indartzeko erabiltzen da. Baginaren muskuluak indartsu edukitzea oso garrantzitsua da harreman sexual genitaletan, gehiago disfrutatzeko, adibidez.

Beraz, animo eta ondo segi.”

“Hiru minututan korritzen naiz”

Aspaldiko partez, Olatz Berastegiri irakurle baten zalantza luzatu diogu eta hona hemen erantzun diona:

hombre_sexo_huevosIrakurlearen zalantza:

“Sexu harremanak ditudanean azkar korritzen naz. 3-4 minutu baino gehiago ez dot agoantaten. Lehen nirekin oheratzen zen neskari ez zitzaion inporta, baina orain, beldur diot beste neska batzuekin harremanak izateari. Ez dakit ulertuko nauten… zer egin dezaket ‘arazo’ hori konpontzeko?”

Hemen Olatz Berastegiren erantzuna:

“Kaixo,

Lehenengo esango dizut denborarena oso erlatiboa dela, eta azkar edo berandu aipatzen dugunean beti konparatzen gabiltzala. Mutil eta neska bakoitzak bere erritmoa dauka, eta hau gainera aldatu daiteke, bikotea aldatzen dugunean, edo aldagai pertsonalak direla medio (estresa, momentu pertsonala…).

Honetaz gain, harreman baten kalitatea ez da neurtzen sarketa praktikatzerakoan tardatzen dugun denboragatik, hau da harreman batean baita daude bi pertsonen arteko komunikazioa, konplizitatea, sarketa ez diren praktika sexualak…

Beraz, ez jarri hainbesteko indarra, sarketan irauten duzun denboran, beste pertsona batekin zaudenean biok elkarrekin gustora sentitzeko, gozatzeko, sarketan irauten den denbora ez da gauzarik garrantzitsuena.

Badakizu, zure buruaz disfrutatu, bestearekin gozatu, eta ez zentratu hainbeste denboran, ondo pasatzean baizik.

Ondo ondo izan”

Gau erromantikoetarako marinel mozorroa proposatu digu Manex Rekartek

Atsedenaldi labur baten ostean, berriro ere bueltan gara Manex Rekarte sexu hezitzailearen proposamen eta gomendioekin.

Oraingoan bere sexo shopean (La Jugueteria, Donostia) aurki dezakegun mozorro bat aurkeztuko digu gazte honek.

Garu erromantikoetarako aproposa eta erakargarria omen da mozorro hau. Ausartuko zinatekete zuen maitalea liluratzeko horrela mozorrotzen?