Etiketaren artxiboa: sexua

Orgasmorik onenak, 36 urterekin

Espainiako Estatuko emakumeek gogobeteko sexu harremanak dituzte munduko gainerako herrialdeekin alderatuta. Izan ere, hainbat adituk zoriontasunari buruz egindako txosten batek erakusten duenez, sexua praktikatzen duten bi alditik behin orgasmora iristen dira; beste herrialde askotan, berriz, hiru alditik behin soilik lortzen dute klimaxera heltzea.

Gizonezkoei dagokienez, 50 urterekin sexu harrean hobeak dituzte 30ekin baino. Hain zuzen ere, adituen arabera, gezurra da urteek aurrera egin ahala sexu-harreman gutxiago edukitzen direla.

Horrekin lotuta, Texaseko Unibertsitateak egindako ikerketa batek ondorioztatu du 36 urterekin izaten direla harreman gogobetegarrienak. Oraindik zahar sentitzetik urruti gaude adin horrekin, baina, aldi berean, lotsa galduta dugu. Hori horrela, sexuaz gozatzeko aukera zabalagoa dugu.

Zer xuxurlatu bikoteari sexua praktikatzerakoan?

imagesSexu-harremanak ditugunean berba gutxi egitea da ohikoena, baina behin edo beste bikoteari belarrira zerbait xuxurlatzea garrantzitsua izan daiteke.

Baina, zer esan ahal diogu harremana indartzeko?

Sentitzen duguna adieraztea da gakoa. Alegia, une horretan praktikatzen ari garena atsegin dugula esatea, ipurdia nola heltzen digun gustatzen zaigula gogoraraztea edota haren mingaina gure azalean sentitu nahi dugula erakustea, adibidez.

Hitz sentsualak erabiltzeak mesede egiten dio sexu-harremanari, are gehiago, kitzikagarria izan daiteke.

Halaber, lagungarria da bikoteari zer egingo diogun hitzez azaltzea: “Musu hau bukatutakoan, genitalak laztanduko dizkizut”. Mota horretako esaldiek harremana indartzeko ez ezik, bikotekideen artean “sua pizteko” ere balio dute.

 

Sexu gaitzak antzematean kolorez aldatzen diren kondoiak

condonesSexu-harremanetarako neurri eraginkorrenetakoa da kondoia; batik bat, sexu bidezko gaixotasunak saihesteko. Alabaina, gazteen artean gaitz horiek zabaldu direla ikusita, gazte talde batek kolorez aldatzen diren kondoiak asmatu dituzte, gaixotasun benereoak antzemateko.

Hain zuzen ere, Londreseko Isaac Newton akademian ikasten duten hiru gazte estatubatuarrek egin dute asmakuntza, eta Teen Tech Awards saria jaso dute horregatik. Baina nola da posible kondoi batek sexu bidezko gaitz bat duzun ohartaraztea?

Ideia sinplea bezain eraginkorra da. Kondoiak molekulaz osatuta daude, eta horiek gai dira gaitzak hautemateko, baita horietako bakoitza kolore jakin batekin erakusteko ere. Hala, berde, hori, urdin edo more jarri daiteke, erabiltzen duenak duen gaixotasunaren arabera.

Dena den, oraindik finantziazio zain dago asmakuntza.

Sexurako aplikazio berritzaileenak

Pure

Beste erabiltzaile batek gonbidatuta soilik erabil daiteke. Noizbehinkako sexurako da aproposa, eta solasaldirik egon gabe ere lor daiteke sexua. Hau da, gonbidapen bat lortuz gero, nahikoa da sexu-harramanak edukitzeko hitzordu bat índicezehaztearekin.

3der

Hirukoteak egiteko laguntza ematen du aplikazio honek. Bikote gisa zein bakarka parte hartu daiteke, 3der berak hartzen baitu hirukotea osatzeko lana.

LocalSin

10 kilometroko distantzia hartzen du kontuan, eta inguru horretan sexurako prest dauden pertsonen izenak agertzen zaizkio erabiltzaileari. Tinderren ez bezala, LocalSinen guztiek bilatzen dute sexua.

Down

Facebookeko lagunen batekin sexu-harremanak edukitzea ahalbidetzen du app honek.

Wingman

Bidaia luzeetako geldialdietan, aireportuko egonaldiak atseginagoak izatea bilatzen du. Oraindik beta fasean dago.

Sexu-harremanak, telefono mugikorrari begira

3759375253_2de9c1992e_bNomofobia izenarekin da ezaguna pertsona askok telefono mugikorrarekiko duten mendetasuna. Arazo larria da aipatutakoa, batez ere, beste eginkizun batzuk burutzeko orduan mugak jartzen dituenean; adibidez, sexu-harremanak izaterakoan.

Haatik,kontu hori hartu dute aztergai Virginiako Unibertsitatean, eta emaitzek erakutsi dute hamar lagunetik batek telefonoa begiratzen duela sexua praktikatzen ari den bitartean; batik bat, gazteek.

Horretarako, 221 ikasleren jokabidea aztertu dute. Horietatik % 10ak onartu du sexua-harremanak dituenean mugikorra kontsultatzeko ohitura duela. Horixe bera gertatzen da lanean gaudenean, baina kasu horretan portzentajea nabarmen hazten da. Izan ere, %70ak begiratzen du telefonoa beharrean, eta %95ak bileraren batean dagoenean.

Zergatik?

Sexua praktikatzerakoan sakelako telefonoa kontsultatzea antsietarekin du zerikusia. Hau da, mugikorra gehiegi erabiltzen dutenengan antsietatea sortzen da une batez telefonoari jaramonik egiten ez badiote.

Non du muga sexu askeak?

sexuHarreman aske bat izateko orduan badira zenbait faktore nahitaez kontuan hartu beharrekoak; besteak beste, zure asmo bera duen pertsona batekin elkartzea. Baldintza hori bete ezean, alegia, biek bikote askearen ideia argi ez badute, ezinezkoa izango da mota horretako harreman bat bideratzea.

Hala eta guztiz ere, ez da erraza harreman liberal baten alde egitea, nahiz eta geroz eta bikote gehiagok hautatzen duten sexu kontuetan askatasuna edukitzea.

Horixe da, hain zuzen ere, harreman aske batek bilatzen duena: bikotetik kanpo sexua praktikatzea, askatasun osoz, eta azalpen gehiegirik eman gabe.

Baina non jarri muga?

Garrantzitsua da aldez aurretik zenbait puntu zehaztea: adibidez, bikotez kanpoko harremanak ezkutuan eramatea ala ez. Hau da, beste norbaitekin sexua izateko askatasuna eduki arren, bikote aske batzuek nahiago dute neska- edo mutil-lagunak harremanetik kanpo egiten duenaren berri ez izan. Aitzitik, badira “etxetik at” dituzten harremanei buruz lasai asko hitz egiten duten pertsonak.

Bikote askea izateak ez du esan nahi aldamenean dugunari kasu gutxiago egin behar diogunik. Hobe da benetan maite dugun pertsona hori zaintzea, eta lehentasun moduan edukitzea; ostera, askoz zailagoa izango da harremana haserrealdirik gabe eramatea.

Gogoratu beharra dugu bikotea osatzen duten bi partaideentzat dela zilegi beste sexu-lagun bat edukitzea, hortaz, onartu beharra dugu gure bikoteak ere eskubide bera duela nahi duenarekin oheratzeko.

Entzun saio osoa, hemen.

Negua ala uda, zein aukeratu sexurako?

eguraldiUrtaroaren arabera, aldatu egiten da bikoteen arteko sexu-harreman kopurua. Baina zein da sexu kontuetarako garairik aproposena?

Neguak, adibidez, badauka bere xarma, nahiz eta arrakasta gutxien duen urtaroa izan. Bikote-harreman iraunkorra sortzeko egokia bada ere, eguneroko sexu-harremanak murriztu egiten dira abendutik martxora arte.

Udaberrian, berriz, mutiletan D bitamina kopurua handitzen da eta testosterona maila ere asko hazten da.

Hala eta guztiz ere, uda da urtarorik sutsuena. Libidoa piztuago izaten dugu guztiok, beroak eta argitasunak asko laguntzen baitute horretan.

Gainera, jendea arropa gutxiagorekin janzten da, eta estresak zein ardurak alde batera uzteko garaia ere bada; batez ere, oporretan gauden denbora tartean.

Bukatzeko, udazkenean errutinara itzultzen gara. Eguraldiarekin kontrakoa gertatzen da, alegia, tenperaturak hozten dira eta arinago iluntzeak ere badu eragina sexuan.

Sexuaz gozatzeko hamaika trikimailu

sexu– Eman aukera bat “bondage” praktikari, alegia, immobilizatu zure bikotearen gorputza eta egiozu bururatzen zaizuna.

-Laztandu barrabilak: Askotan ahaztu egiten ditugu, nahiz eta jakin barrabiletan masaje on bat ematea oso kitzikagarria izan daitekeela; betiere, goxotasunez eginda, noski.

-Aldatu paperak: Behingoagatik jarri zaitez zu zure bikotearen azalean, eta aldatu ohiko paperak.

-Probatu sexua taldean: Hirukote bat osatzea fantasia normalenetakoa da; halere, gutxi batzuek soilik praktikatzen dute.

-“Peggina”: Arnes bat jarrita, kasu honetan emakumea da gizonaren “barruan” sartzen dena. Homosexualen artean sarritan ematen bada ere, heterosexualetan ez du arrakasta handirik, baina probatzeko moduko kontu bat izan liteke.

-Ausartu zaitez “cowgirl” jarrera probatzen: Modu honetan, emakumea gizonezkoaren gainean jartzen da, baina aurpegia eman beharrean, bizkarra ematen dio.

-Ikusi pornoa zure bikotearekin.

-Dastatu zaporedun lubrifikatzaileak.

-Laztandu prostata: Mutilentzako praktika atsegina bada ere, gutxitan ematen den laztan mota da aipatutakoa.

-Erabili izotza: hotz sentsazioak plazera areagotu dezake, batik bat, aho bidezko sexua egiterakoan

-Laztandu pezoiak.

-Erabili zakila klitoria laztantzeko.

-Ez izan beldurrik sexu-jostailuei.

Zinemak sexua desitxuratzen du

sexuZineman ikusten dugunak askotan ez du errealitatearekin zerikusirik, eta sexu kontuetan ere horixe berori gertatzen da.

Adibidez, sexu-harremanak zutik izatea ohikotzat jotzen dute. Are gehiago, jarrera erosoa, askea eta pasiozkoa izango balitz bezala saltzen dute.

Emakumezkoen orgasmoek ere badute errealitatearekin ezberdintasunen bat edo beste. Kasu askotan pelikuletako orgasmoak amaigabeak dira, garrasiz beteak, eta berehala lortutakoak. Aurretiko laztanek leku gutxi izaten dute zineman, normalean harreman nahiko zakarrak izaten dira; azkarrak eta muturrekoak, alegia, oso onak ala penagarriak.

Antisorgailuei dagokienean ere badugu zerbait esateko. Izan ere, oso gutxitan ikusten dira kondoiak filmetan, eta gutxi ikusten dira, baita, pertsonaia bisexualak.

Amaitzeko, aipatzekoa da lubrifikatzailerik gabeko harremanek hartzen dutela, batik bat, indarra, nahiz eta bizitza errealean bikote askok erabiltzen dituzten mota horretako produktuak.

Drogen eta sexualitatearen arteko harremana

Aste honetako ‘SexSua’ saioak drogen eta sexuaren arteko konbinazioa aztertu du. Zer motatako drogak kontsumitzen ditugu harreman sexualak izateko? Nolako efektuak dituzte drogek gure sexu-harremanetan? Sortutako galdera guztiei erantzuna aurkitzen saiatu da Jon Gomez aurkezlea, drogetan adituak diren profesionalak elkarrizketatuz.

Unai Lizarralde, droga-menpekotasun teknikaria

Unai Lizarralde, droga-menpekotasun teknikaria

Droga ezberdinek sexua praktikatzen duen horrengan duten eragina aztertu aurretik, ezinbestekoa da drogak zer diren eta nola erabiltzen ditugun ezagutzea. Horregatik, drogamenpekotasun teknikari Unai Lizarralderekin bildu da Jon Gomez, eta, elkarrizketaren hasieran, honakoa nabarmendu du teknikariak: “Drogak betidanik egon dira, gure inguruan daude eta beti egongo dira”. Honenbestez, drogekin ditugun hartu-emanak modu egokian kudeatu eta hezkuntzan egin beharreko lana azpimarratu du Unai Lizarraldek.

'SexSua' saioa, EHUko ikasleekin izan da

‘SexSua’ saioa, EHUko ikasleekin izan da

Jon Lizarralderen ustez, gizartean onartuta daudenak edota legalak direnak dira drogarik arriskutsuenak (tabakoa, alkohola…). Droga mota hauek besteak baino hobeto ikusita daudenez, askoz ere eskuragarriagoak dira. Izan ere, euskal gazteak 13-14 urterekin hasten dira alkohola kontsumitzen.

Alkolismoan urteak eman dituen ama baten testigantza entzun dugu 'SexSuan'n

Alkolismoan urteak eman dituen ama baten testigantza entzun dugu ‘SexSuan’n

Alkoholarekin jarraituz, droga honek harreman sexualetan duen eragina ezagutu nahi izan du Jon Gomezek. Askok limurtzen laguntzen duela uste badute ere, alkoholak sexu-harremanean duen eragina oso bestelakoa da. Emakumezkoen kasuan, orgasmora heltzeko gaitasuna murrizten du eta gizonen kasuan, erekzioa mantentzeko ezintasuna eragin dezake.

Droga sintetikoak hobeto ezagutzeko, Jon Gomez Gasteizen izan da, AiLaket! droga-kontsumitzaileen elkartean. Honen helburu nagusia drogen kontsumitzaileei eta kontsumitzaile ohiei aholkularitza zerbitzua ematea da. Gainera, droga-laginen azterketak egiten dituzte, arriskuak murrizteko asmoz.

Leire Altuna, AiLaket! elkarteko kidea

Leire Altuna, AiLaket! elkarteko kidea

Leire Altuna AiLaket! elkarteko kideak droga-lagin bat aztertzeko ematen dituzten urratsak azaldu dizkio aurkezleari. Honez gain, diseinuzko drogak loditzeko erabiltzen diren materialez mintzatu da Leire. Droga sintetikoak gorpuzteko erabiltzen diren substantzien artean, kafeina eta azukrea dira ohikoenak. Kokainaren kasuan, askotan, dentistek erabiltzen duten anestesiko bat erabiltzen dela aipatu du AiLaket!-eko kideak.

Drogek sexu-harremanetan duten efektuaz aritu dira saioan

Drogek sexu-harremanetan duten efektuaz aritu dira saioan

Drogen efektu desinhibitzailearen inguruan ere mintzatu dira saioan. MDMA edo estasia da helburu honekin erabiltzen den droga. AiLaket!-eko kideak adierazi duenez, 80. hamarkadan, estasiaren efektuari “maitemintze faltsua” deitzen zitzaion. Droga mota hau kontsumitzen duten bi pertsonek bizi dezaketen haluzinazioen erakusle da maitemintze faltsua. Garai horietan estasiaren efektuak guztiz ezagutzen ez baziren ere, gaur egun egiten den kontsumoa masiboa dela esan daiteke. Eusko Jaurlaritzaren datuen arabera, EAEn, urtero 60.000 gaztek onartzen du sintesi drogak probatu izana.

Estasi edo MDMAren kasuan ere, dauden mitoak gezurrezkoak direla froga daiteke. Desinhibizioa eta euforia eragiten dutela egia bada ere, harreman sexual arruntak izateko orduan, nahiko desegokiak dira. Izan ere, desira piztu ordez, kitzikapena eten eta sexuaz gozatzeko oztopoak eragin ditzake MDMA edo estasiaren kontsumoak.

Gai honen inguruan informazio gehiago nahi izanez gero, hemen duzue saio osoa: