Etiketaren artxiboa: Bitxikeriak

Sexu profesionalei lanean gertatutako hamaika pasadizo

sexuProstituzioa lan zaila denik ez du inork ukatzen, baina are zailagoa egiten duten egoerak gertatzen zaizkie, maiz, horretan beharrean dihardutenei. Hori da, bederen, Reddit plataforman hainbat emakumek kontatu dutena. Tartean, prostituzioan aritzen den gizon baten pasadizoa ere badago.

Hark kontatzen du behinola, emakume batek eskatu ziola elkarrekin kulunkaulki batean eseri eta, bitartean pezoiak miazkatzea, haur baten plantak eginez. Hala, amatasuna bizitzeko aukera izan zitekeen berriro ere emakumeak.

Beste batek dio, kasu honetan emakume batek, bikote askok masturbazio bila jotzen dutela prostituzio-etxeetara. Hau, da bikotean zein bakarka, prostituta batek genitalak laztantzea izaten dutela gogoko, behin edo beste, bikotea bera larrua jotzen ari den bitartean ere.

Bestalde, ohikoa omen da prostitutei gorputz gainean jakiak jartzea, eta bezeroak menu gozo horretaz gozatzeko aukera edukitzea. Dena den, askok muturrera eramaten omen dute jakien kontua, eta bada baten bat emakumeari baginan arrautza apurtzeko eskatu eta ezpainetatik nola zabaltzen zaion ikusita kitzikatu izan dena.

Hamaika ikusteko jaioak gara!

Kondoiei buruzko zenbait datu interesgarri

condones1. Gizonezkoen % 5ak soilik erabiltzen dute kondoia. Datu honek herrialde garatuak zein azpigaratuak hartzen ditu kontuan.

2. Lau motako kondoiak daude:

Gehienak latexkoak dira, baina poliuretanozkoak ere badaude; pertsona alergikoei zuzenduta daude horiek.

Halaber, arkumeen larruarekin egindakoak daude, baita emakumeentzako kondoiak ere.

3. Ez dute aldaketarik izan

1920an asmatu zituztenetik, ez dute aparteko aldaketarik edo berrikuntzarik izan.

4. Kondoiaren erabilerak ez du sexu-kalitatean eraginik

Inkestek, behintzat, horixe diote.

5. % 98ko eraginkortasuna dute

Eraginkortasun handienetakoa duen antisorgailua da. Gainera, sexu bidezko gaixotasunetatik babesten gaitu.

6. Emakumezkoak dira kondoiak erosten dituztenen erdiak

Kondoi erosleen artean ia erdia emakumezkoak dira.

7. Institutuko ikasleen herenak soilik daki nola erabili

8. Bill Gatesek kondoi “hobeak” ekoitzi nahi ditu

Bill and Melinda Gates Foundation elkarteak 100.000 dolar eskaini ditu kondoi berrien ikerketarako. Etorkizuneko kondoien artean egon litezke zakilaren tamainara eta formara egokitzen direnak.

Zakila nolakoa, mutila halakoa

penesZakilari “helduta” eman zuten asteazkeneko saioa Amaiak eta Luziak. Hiru ataletan banatu zuten gaia. Hasiera batean bost zakil mota ezberdin aztertu zituzten. Ondoren, galtzontzilo barruan zakilak hartzen duen posizioak mutilaren izaerarekin zerikusia duela ondorioztatu zuten, eta, azkenik, gizonezkoen genitalen gaineko hainbat bitxikeria eraman zituzten hizpidera.

Guztira 5 zakil mota daude, eta bakoitzak bere abantailak eta desabantailak ditu.

-Arkatz itxurakoa

pene_lápiz_2

-Kono formakoa

pene_cono_3

-Perretxiko-zakila

pene_seta_4

-Platano itxurakoa

pene_plátano_5

-Zakil kurbatua

pene_curvo_1

Esan bezala, galtzontzilo barruan hartzen duen posizioari buruz ere hitz egin zuten, eta zakila gora, behera, ezkerrera edo eskuinera begira jartzeak duen esanahia argitu zuten.

Bukatzeko, besteak beste, bitxikeria hauek ezagutarazi zituzten:

-Tabakoa erretzeak zakilaren tamaina txikitu dezake.

-400 mutiletik bakar bat da gai bere zakila ahoan sartzeko.

-Zakila apurtu egin daiteke.

-Bi zakil mota daude: tentetzean asko hazten direnak eta zutitzean tamainaz aldatzen ez direnak.

Horri guztiari buruz gehiago jakiteko, entzun atzoko saioa.

Gizon batek emaztea utzi du, sexu gehiegi zutelako

sexoBikotearekin sexu gehiegi edukitzeagatik ezkontza-haustea eskatu zion gizon bati dibortzioa eman dio Bombayko (India) auzitegi batek.

Gizon horrek argudiatu zuenez, emazteak uneoro nahi zituen sexu harremanak, senarra nekatuta zegoen ala ez kontutan hartu gabe.

Laxmi Rao epailearen epaiaren arabera, inork ez du gizonak salatutakoaren aurka egin. Horrenbestez, “ebidentzia ikusita, auztitegiak dibortzioa ematea erabaki du”, PTI agentzia lokalak dionez.

Auzitegian xehetasun guztiak eman zituen senarrak, txandaka lan egin eta etxera nekatuta heldu arren, emakumeak sexu harremanak izatera behartzen zuela argi utziz. Adibideak ematera ere ausartu zen, eta 2013an apendizitis pairatu ostean, eriondo zenean, emazteak sexua eskatzen ziola azpimarratu zuen.

Haren esanetan, emaztearen jarrera “erasokorrak eta burugogorrak” behartuta hartu zuen banatzeko erabakia.

Indian hinduismoa da indar gehien duen erlijioa (biztanlegoaren % 80,5), eta jarraitzaileen artean hitzartutako ezkontzak dira ohikoenak. Hori dela eta, dibortzioa familiaren aurkako irain gisa ikusten dute, eta oso kasu gutxitan hartzen dute ezkontza hausteko erabakia.

Sexua eta legearen mugak

Bi kontzeptuak parean jarriz gero, edonork esango luke kontraesankorrak direla: legeak eta sexuak ez dutela zerikusirik, edo luketela izan behar, behintzat. Dena den, Interneten ikertu ostean, munduan barrena sexua arautzen duten lege eta irizpide asko dagoela baieztatu dugu. Beraz, gai hori sakondu dugu ‘Luzia eta sexua’ atalean.

Libanon, esaterako, gizonek animaliekin sexua izan dezakete, baina soilik emeak direnekin; hots, arra izanez gero, hori egin duenari heriotza-zigorra ezartzeko aukera onartzen du legediak. Horrez gain, Hawaiin ere adibide bitxia topatu dugu: adin txikiko batek pertsona nagusi batekin harreman sexuala izanez gero, adin txikikoaren gurasoak atxilotu eta zigortuko dituzte, seme edo alabari heziketa liberalegia emateagatik.

Ondoren, Indonesiako arauetako bat ere aipatuko dugu; izan ere, masturbazioa debekatuta dago. Hortaz, norbait horretan harrapatuz gero, atxilotu eta burua mozteko zigorra ere ezarri diezaiokete.

AEBetan

Errepaso legal honetan, Ameriketako Estatu Batuetako mugek tarte berezia merezi dutela uste dugu. Virginian, ezin da sexurik izan argia piztuta. Halaber, ahozko sexua 18 estatutan debekatuta dago.

Washington aldean ere arau ugari ikusi ditugu. Ez da legala birjina den norbaitekin oheratzea, eta misioneroaren postura soilik onartzen dute.

Jarraian, Minnesotako lege bitxi bat aipatuko dugu. Mutilek ezin dute berakatz, tipula edo sardina usaineko hatsa botatzen duen neska batekin oheratu. Gainera, hala eskatuz gero, neskek hortzak garbitu beharko dituzte.

Ezagutzen al duzue zuek halako lege edo araurik? Luziak ‘Akabo bakea‘n errepasatutako guztiak entzun ditzakezu hemen. Eta, gogoratu edozein galdera edo zalantza argitzeko prest gaudela.

Argazkia: Cosmopolitan.

Argazkia: Cosmopolitan.

7 minutu eta kitto!

3, 2, 1… Ekin! Ipini kronometroa martxan baina, adi, 7 minutu baino ez dituzue harremen sexual perfektua izateko.

Sexu kontuez ari garenean, garrantzitsua al da iraupena? Pensilvaniako Unibertsitateko zenbait ikertzailek baietz ondorioztatu dute txosten batean: harreman sexual perfektu batek zazpi minutu iraun behar du. Beraz, denbora ezinbestekoa dela pensatzen dutenak lasai egon daitezke, ez baita esanguratsuena.

Antza denez, pasio gau luzeak izateak ez du esan nahi gehiago gozatzen denik, nekagarriegiak eta aspergarriak ere izan baitaitezke, sarri.

Ikerketan aztertutakoaren arabera, minutu bat edo bi irauten duen harremana laburregia da, eta hiru eta zazpi minutu artekoak aproposenak dira plazera erabatekoa izan dadin; hamar minutu baino gehiagokoak, ordea, luzeegitzat jo dituzte. Izan ere, harreman sexualek iraupen jakin bat izan behar dutela uste dutenak ”marka” horiek berdintzen edo gainditzen saiatu ohi dira, eta ez da batere onuragarria.

Hala ere, ez erotu marka eta kronometroekin. Erlojua gorde eta gozatzea izango da onena, ezta?

Harreman sexual perfektua

Harreman sexual perfektua

Zeren truke egingo zenioke uko sexu-harremanak izateari?

Argazkia: Cosmopolitan.

Argazkia: Cosmopolitan.

Uko egingo zenioke sexu-harremanak izateari? Hala izatekotan, zeren truke? Huffington Post webguneak hainbat ikerketaren emaitzak bildu, eta oso datu interesgarriak lortu ditu galdera horri erantzun nahian:

Iphone baten truke?

Ekainaren 18an, Appleren iPhone telefono ezagunaren bosgarren urteurrenean, enpresak ikerketa harrigarri baten emaitza argitaratu zuen: 100 pertsonatik 15ek nahiago dute asteburu bat sexu-harremanak praktikatu gabe pasatu, euren mugikorra eduki gabe pasatu baino.

Gorputz perfektua izatearen truke?

Shape eta FitSugar aldizkariek emakume talde bat aukeratu zuten, eta hurrengo galdera luzatu zieten: hilabete batean sexu-harremanak izateari uko egingo zenioke, udan gorputz perfektua izatearen truke? Elkarrizketari erantzun zietenen % 68k baietz erantzun zieten.

Primeran lo egitearen truke?

Estatubatuarren % 12k aukeratuko lukete gau oso batez lo egitea, pasioz beteriko gau baten aurretik; hori da The Better Sleep Council erakundeak egindako inkesta baten emaitza.

Interneten ibiltzearen truke?

Boston Consulting Group enpresak egindako galdeketa batean, erantzuna eman zutenen % 21ek adierazi zuten internet zerbitzua doan jasotzearen truke urtebete egongo liratekeela sexu-harremanak izan gabe.

Gainera, Cosmopolitan aldizkariak egindako inkesta baten arabera, 10 emakumetatik 2k aitortzen dute jasangarriagoa dela haientzat astebete sexu-harremanak izan barik pasatzea, astebetez Facebook begiratu gabe egotea baino.

Janariaren truke?
Bon Appetit aldizkariak dionez, elkarrizketatuen % 75ek aldatuko lukete sexu-harremanekin gozatzeko aukera euren janari gustukoenaren truke.

Sexu-harremanek bizi-itxaropena handitzen dute

sexo-salud-300x227Seguruenik, sexu-harremanek bizitza luzatzen dutelako zurrumurrua entzun duzue noizbait. Oraingoan, Harvard unibertsitateko ikerlari talde batek zurrumurru hori egiaztatu du. Ikerketaren arduradunak medikuntzaren eta bizimoduaren arteko harremana aztertzen duen graduondoko ikastaro bateko ikasleak dira, eta euren lanaren emaitza argia da: aldizkako sexu-harremanek bizi-itxaropena handitu dezakete.

Dirudienez, sexu-harremanak praktikatzean giza gorputzak kanporatzen dituen substantzia biokimikoek zenbait zelula indartzeko ahalmena dute, eta horren ondorioz, astean gutxienez hiru alditan sexu-harremanak izaten dituztenen bizi-itxaropena hamar urte luza daiteke.

Gainera, beste hainbat onura omen dituzte sexu-harremanek osasunari dagokionez: sistema kardiobaskularra hobetzen dute, arnas aparatua indartzen dute, eta depresioari eta antsietateari aurre egiten lagundu dezakete.

Ikerketaren arabera, onura horiek guztiak areagotu egiten dira sexu-harremanak astean behin baino gehiagotan izaten direnean. Halaber, ikerketaren emaitzek frogatu dute kontu hau ez dela adinaren araberakoa: sexu-harremanak onuragarriak dira adina edozein dela ere.

Sexu errekor harrigarriak

records-sexo-300x195Gaurkoan, sexu-harremanen inguruko errekor harrigarri batzuen berri emango dizuegu Gazteako sexu-blogean. Batzuei fantasia kutsu bat nabaritzen zaien arren, horietako gehienak baieztatuta daude.

Errekorren Guinness Liburua-n munduko zakilik handiena daukan gizona aurkitu dezakegu. John Holmesen zakilak 33 zentimetro neurtzen ditu tente dagoenean, eta, hori dela eta, horren erreplika bat dago errekorren Guinness galerian.

Lisa Sparx aktore pornoak ere beste errekor harrigarri bat dauka. Dirudienez, Lisak 919 gizonezkorekin izan zituen sexu-harremanak 24 orduko epean. Askoz txikiagoa da Jon Doughen errekorra. Horrek 55 emakumezkoekin izan zituen sexu-harremanak egunbetean. Halaber, beste gizon batek 52.000 sexu-harreman izan zituen 30 urteko tartean. Dirudienez, egunean, batez beste, 4,56 sexu-harreman izan zituen.

Haziaren inguruko bi errekorrekin bukatuko dugu errepaso harrigarri hau: Horst Schuktzek 5,71 metroko distantziaraino bota zuen hazia, eta Michelle Morgak litro bat hazi irentsi zuen 1991n.

Japoniarrak, alferrak ohean?

japanesemovUrtero 20.000 milioi euroko irabaziak lortzen ditu japoniar sexu industriak, baina horrek ez du esan nahi Japonian sexu-harremanak ohikoak direnik. TVEk duela aste batzuk emititu zuen dokumental baten arabera, japoniar biztanleen % 70 sexu-harremanak izateari uko egiten diote.

Pentsa genezake erabaki hori euren kulturaren ondorio dela, baina Santiago Alba gidoilari eta idazlearen artikulu baten arabera, alferkeria kontua da. Dirudienez japoniar gizonen aburuz masturbazioa bikotekidearekin sexu-harremanak izatea baino atseginagoa da. Izan ere, ere horretan, bikotekideari plazera ematean pentsatu beharrean, norberaren atseginean kontzentra daitezke.

Horregatik, Japoniako sexu industriak sortzen dituen produktu gehienak norberaren plazera lortzera zuzenduta daude: pornografia, jostailu sexualak, sexu harremanetarako panpinak… Era berean, azpimarratzekoa da, produktu horien gehiengoa gizonei zuzenduta dagoela. Emakumeentzako jostailuak, aldiz, gutxiengoa dira.

Zer iruditzen zaizue japoniarren ohitura hau? Harrigarria ala ulergarria?