Hileko artxiboak: urtarrila 2011

“Egia da mutil homosexualak promiskuoagoak direla?”

Hau da aste honetan irakurle batek Olatz Berastegi sexologoari egin dion galdera. Eta hemen duzue erantzuna:

gays1

“Horrelako galderak, errazak dira erantzuten, hau da laburbilduz esan genezake, homosexual guztiak ez direla berdinak, eta beraz ezin dela orokortu. Hau da, sexologoek horrelako esaldi edo jarrerak orokortzen direnean, denek dakizue erantzuna: pertsona bakoitza ezberdina da eta ezin dira jokaerak orokortu.Baina gaurkoan daukagun zalantzak badu, oinarrian askotan izaten den nahasketa bat. Hau da, identitatea ( izaera, gustuak, ezaugarri fisiko eta psikologikoak, jokabideak..) eta orientazio sexuala nahastea. Horregatik, askotan, homosexual guztiak era batera janzten direla, edo erabatekoak direla pentsatzen da. Pertsona ezberdinei entzun diet pertsona bati bere izaeragatik homosexuala den edo ez antzematen zaiola. Eta honek, arestian aipatutako agerian uzten du, hau da identitatea, eta orientazioa nahasten ditugula.

Ondorioz, homosexual guztiak izaeraz, eta jokabidez, antzekoak direla pentsatzen da, eta honetaz gain beraien jarrera sexuala antzekoa dela uste dugu.Eta hau guztia okerra da. Pertsona bat homosexuala edo heterosexuala dela esaten dugunean ez gaude bere identitateaz hitz egiten ( jokaera, izaera, ….) bere orientazioaz baizik, hau da, bere gogo sexuala nola bizitzen duen, eta nola sentitzen duen. Gero noski bere gogo sexuala, homosexuala izan da ere, harreman sexualak izaterakoan, norberak bere gustuak ditu.

Batzuk harremana sexualak irekiagoak nahi ditu, beste batzuk harreman formalagoak nahiago dituzte. Hau da, homosexual ez diren pertsonen antzera. Eta noski, kasu honetan bizitzan beste hainbat arlotan bezala, orokortzen dugunean, berezitasunak, eta ezberdintasunak galtzen ditugu.

Ondo izan

Eskerrik asko”

“Bizikletan ibiltzeak eragin negatiboa izan dezake erekzioetan?”

calzoncillosIrakurlearen zalantza:

“Kaixo

Nire mutila asko ibiltzen da bizikletan eta jakin nahiko nuke ea horrek eraginik izan dezaken erekzioetan. Bizikletan ibiltzen den egunetan gehiago kostatzen zaio erekzioak lortzea. Ez dakit kasualitate hutsa den edota bizikletak eragin negatiboa daukan horretan. Badu loturarik? Eskerrik asko”

Olatzen erantzuna:

“Kaixo, zure galderan, kirola eta zakilaren tentetzearen arteko erlazioaz galdetzen didazu.
Zakila tentetzearena prozesua fisikoa da, baina, odola zakilera bidaltzeko hormonak zerk aktibatzen duen jakitea fenomeno bitxia da. Hau da, ez da hain erraza azaltzen zein kanpo estimuluk duten eragina mutil baten organo eta hormonetan zakila tentetzeko orduan.

Hori bai, aspalditik badakigu pertsona baten bizimoduak, bere gorputzaren erreakzioetan eragina daukala. Hau da, oso estresatuta gaudenean, adibidez, zailtasunak topatu ditzakegu kitzikapen garaian..

Beste batzuetan aldiz, kirola egin ondoren harremanetan gehiago disfrutatzen dutenak ere badaude. Horrela, kirolaren ondorioz gorputzaren erlaxazioak harremanetan laguntzen dutela aipatzen dute.

Hau da, daramagun biziak noski eragina duela gure gorputzean, eta norbera joan behar da ikusten eguneko aktibitateak sortzen dizkion ondorioak eta horiek nolako eragina duten bere harremanetan, bere bizitzan.

Zuen kasuan, zure mutilak bizikleta egiten duenean gehiago kostatzen zaiola zakila tentetzea aipatu duzu. Eta noski hori gerta daiteke. Hori gertatzen dela ikusita, aztertu beharrekoa ondorengoa da:

-Horrek ze eragina izan dezakeen zuen harremanean. Hau da, txirrindula egunero hartzen badu eta ondorioz zailtasunak sortzen bazaizkizue harreman sexual koitalak edukitzeko garaian, agian horri buruz hitz egin dezakezue.Bestela, eta gertaerak ez baditu zuen harremanak baldintzatzen ba hori gertatzeak ez ditu inolako ondorio kaltegarririk.

Hau da, gertaera zuen harremanean kokatu eta horren aurrean zuen bizipenak aztertu ditzakezue, komentatu, eta behar izanez gero irtenbide bat eman.

Ondo izan eta asko disfrutatu.”

Ezagutzen al duzue POV pornoa?

Beharbada uste zenuten hiru dimentsiotako pornoa zela zinema munduko asmakizun ikusgarrienetako bat, baina, “Eingo al deu” sexu blogak tendentzia berri baten berri eman nahi dizue.

stripper-heelsPOV pornoa edo Point of View pornoak iraultza ekarriko du zinemara. Tendentzia berri honekin, aktoreen ikuspegitik grabatzen dira eszenak. Aktorearen aurpegia ez da azaltzen eta horrek efektu oso erreala eragiten du.

POV pornoan kamera daraman pertsonak praktikatzen du sexua. Hau da, kamerak bikotearen ikuspegia hartzen du eta horri esker ikusleari errazagoa egiten zaio protagonistaren lekuan jartzea.

90. hamarkadan ere modan egon zen porno nota hau, baina, orain, modu profesionalagoan iritsi da.

Euskal “pikaderoen” webgunea

sexo-en-el-coche Google Earth bilatzaileari esker sortu zuen bilbotar batek webgunea, eta hauek dira Euskal Herriko “pikadero” horietako batzuk: Zierbenako portua, Aizkorriko hondartza, Illunbe aparkalekuko igoera, Bermeoko portua…

Euskal Herrian ligatzea zaila dela topiko oso zabaldua da. Agian, topiko horri aurre egin nahian sortu zuen Josean Gutierrez bilbotarrak mispicaderos.net webgunea. Bertan, mapa bat ikus daiteke eta “pikadero” bezala balio dezaketen tokiak markatuta agertzen dira.

35 urte ditu webgunearen sortzaileak, eta duela bi urte hartu zuen proiektu berri hori sortzeko erabakia. Google Earth bilatzaileak eskaintzen zituen baliabideak aprobetxatu nahi izan zituen. Euren desioak askatzeko tokirik ez duten bikoteentzat webgunea lagungarri izatea da bere helburua. Izan ere, orain dela urte batzuk horrelako webgune bat berarentzat oso egokia izango litzatekeela pentsatu zuen. “Oraindik horrelako zerbait ez zegoela ikustean, horretan lanean hastea erabaki nuen”, azaldu du webguneen diseinatzaile honek.

Hasieran webguneak ez zuen arrakasta handirik izan. Jendeak euskaldunez duen irudia baieztatu behar al genuen horrekin? Baina ez, dirudienez ez da horrela. Izan ere, gauzak aldatzen hasi ziren blogetan eta sare sozialetan bilbotarren ideia zabaltzen hasi zenean. “Bisiten kopurua asko handitu zen, eta horren ondorioz, “pikaderoen” kopurua ere nabarmen hasi zen”, dio Gutierrezek oso harro.

Ekainean webgunean 20.000 bisita baino gehiago izan zituen, eta espero den moduan bisitari gehienak ikasleak izan ohi dira. Orrialdea bisitatzeaz gain, haiek dira “pikaderoak” proposatzen dituztenak ere. Horretaz gain, toki horien xehetasunak ematen dituzte, hala nola, toki horretan kotxeentzako dagoen ahalmena, tokiak duen intimitate maila… Hauek izaten dira gazteek proposatzen dituzten “pikadero” nagusiak: argirik gabeko txokoak, urruneko aparkalekuak, tabernetako komunak, probalekuak…

Hego Euskal Herrian jada bostehun baino gehiago dira proposatutako “pikaderoak”, eta probintziei dagokienez hauek dira datuak: 35 Araban, 92 Nafarroan, 108 Gipuzkoan eta 193 Bizkaian. Jendeak ere interesa izango du toki horiek zein diren jakiteko. Beraz, hemen dituzue proposamen nagusiak: Gasteizeko Buesa Arena, Mendizabala eta Olaranbe aparkalekuak, Zarautzeko hondartza, Donostiako Illunbeko aparkalekuko igoera, Zierbenako portua, Aizkorriko hondartza, Bermeoko portua, Leioako aparkaleku unibertsitarioa, Zornotzako barnetegiaren zonaldea…

Estatu espainiarren jada 6.000 dira internautek proposatutako tokiak. Baina, aukerak zabaltzen joango dira. Gutierrezek ez zuen espero hain aukera zabala egotea, eta egunetik egunera jendeak proposamen gehiago ematen ditu.

Euskaldunok agian ez dugu gehiegi ligatuko. Baina, ligatzen dugun egun horietan ez gara “pikadero” faltan ibiliko webgune honi esker.

Egia al da nesken sexu grina piztea askoz zailagoa dela mutilen gogoa suspertzea baino?”

Hauxe da gure irakurle batek Olatz Berastegi sexologoari egindako galdera eta gure sexologoak emandako erantzuna!

“Egia al da nesken sexu grina piztea askoz zailagoa dela mutilen gogoa suspertzia baino? Nire lagun bati hori esan omen dio sendagileak. Badirela pilulak sexurako gogoa pizten laguntzen dutenak, baina, beti ere, pilula horiek efektiboagoak direla mutiletan. Zer dela eta? Zein da orduan nesketan sexu grina pizteko gakoa?”

Sexo_AM

Kaixo. Askotan sexu grina testoteronarekin bakarrik lotzen dute eta egia da testosteronak sexu grinan eragina baduela. Baina, gaur egun, badakizu, sexu grinean faktore askok eragiten dutela, adinak, bizimoduak, memento pertsonalak…

Testoteronari bakarrik erraparatzen badiogu, ba orokorrean mutilak neskak baino testoterona gehiago izaten dutenez ba esan genezake mutilak sexu grina gehiago izaten dutela. Pastila horiek seguraski testorenoa izanen dute edo hori sortzean eragingo dute, eta beraz mutilak errazago sortzen dutenez testoterona ba eragin gehiego izango du mutiletan.

Hala ere, gaur egun sexologiako kontsultan lan egiten dugunok badakigu sexu grina piztea ez dela hain erraza ez mutiletan eta ez nesketan ere. Nik esango nuke orain dela urte batzuk, sexologia kontsultetan sexu grinaren ezarekin joaten ziren gehiengoak emakumeak zirela, eta hori ikertzeko faktore asko hartu beharko genituzke kontutan ( emakumeak betetzen zuten rola, jasotako heziketa…) gaur egun aldiz gero eta gizon gehiago dadue kontsultan gogo sexuala faltagatik. Eta, arestian aipatu dudan moduan , kontsultan lan egiten dugunok badakigu gogak faktore asko kontutan hartu behar ditugula eta hau ez dela pilula batekin konpontzen. Pilularekin, testosterona sartzen goga lortu daiteke, baina ez duzu berez sortu eta gero pilularen beharrean topatu zaitezke. Pilula erabili daiteke, baina nik norberaren errekurtsoak ere bultzatuko nituzke. Gainera, zergatik erabili sustantzi bat beste ondorio batzuk izan ditzakeena, gure gorputza eta burua landuz gure gogoarekion bat egin dezakegunean. Gogo sexuala ez da mutilen monopolioa, pertsonak gizaki sexutuak gara, gorputza daukagu, eta sentitzen dugu, eta gure gorputzarekin disfrutatzeko gogoa daukagu. Gertatzen da, heziketak, mitoak, beldurrak mina handia egin dutela, eta askotan gure sexualitatearekin topo egitea ez dela hain erraza izaten.

Horregatik,  gogo sexuala ez dagoenean faktore asko aztertu behar ditugu, pilulak mementoan gogoa piztu dezake, baina gure gogo sexualarekin topo egiten ez dugun bitartean, ez dugu gure sexualitatea eta aukerak ezagutuko eta noski horretarako ez dago pilulik, horretarako gure goprutza eta buruarekin lan egin behar dugu.