Hileko artxiboak: martxoa 2014

Sexua, bikotea duzunean ala harreman egonkorrik gabe?

Noiz da hobea sexua? Bikotea dugunean ala bikoterik gabe gaudenean? Ziur gaude orotariko iritziak eragingo dituen galdera bota dugula, aste honetan. New Yorkeko unibertsitateak egindako ikerketa baten arabera, bikotea duten pertsonek sexu hobea izaten dute. Esaterako, bikote egonkorra duten pertsonen %48,5ek astean bizpahiru aldiz izaten dituzte harremanak; bakarrik daudenen artean, aldiz, %8k baino ez ditu astean bi edo hiru harreman izaten. Gainera, kopuruaz gain, hartu-emanen kalitatea ere hobea izaten omen da, elkarrenganako komunikazioa eta konfiantzak lagunduta.

Dena den, argi dago bai neskek zein mutilek fase desberdinak izaten ditugula sexu kontuetan, adinaren arabera. 25 urte baino gutxiago dituzten mutilek, adibidez, potentzia sexuala mailarik gorenean sentitzen dute. Hala ere, gehiegizko indar horrek hain baikorrak ez diren ondorioak ere eragin ditzake: nahi gabeko erekzioak eta eiakulazio goiztiarra, besteak beste.

Ondoren 40 urte bete arte, gutxi gorabehera, potentzia handia sentitu arren, egonkortu egiten da indarra. Ez dira gazteagoak bezain maiz masturbatzen, eta esperientzia gehiago dutenez, harremanen kalitatea hobea bihurtzen da.

Hurrengo fasea 55 urte artekoa izan ohi da. Garai horretan, desira psikologikoak behera egiten ez duen arren, baldintza fisikoak gainbehera goaz, normalean. Erekzioak gutxitzen joaten dira, adibidez. Azkenik, 55 urte bete ostean, sexua oso modu desberdinean bizitzen dute gizonek. Izan ere, desira gutxitzeaz gain, ikuspuntu lasaiagoa izaten dute.

Emakumeei dagokienez, adin tarteak ez dira hain garbi zehazten, baina badira zenbait datu interesgarri. 27 urte betetzean, sexu harremanak hobetu egiten omen dira nabarmen, 37tik gora, gerta daiteke desira sexuala mutilena baino handiagoa izatea. Oro har, lotsa gutxiago sentitzen dute, eta fantasiak ugaritu egiten dira.

Luziak kontatutako guztia entzuteko aukera duzu hemen. Eta, ez ahaztu, edozein zalantza edo iruzkin egin dezakezula. Zuen iritzien zain gaude!

Sexua bikotearekin

Klitoriaren sekretuak

‘Erruletaren jolasa’: sexuaren alde arriskutsua

sexoGazteen artean modan jartzen diren sexu jolasek uste baino arrisku gehiago izan ditzakete. Horren adibide dugu azkenaldian nerabeen artean zabaldu den “Erruletaren jolasa’.

Mutilekin eta neskekin osatutako talde batek parte hartu ohi du jolas horretan. Mutilak elkarren aldamenean etzan, eta neskak haien gainean jartzen dira. Hortik abiatuta, sexua praktikatzea da jolasaren helburua, beti ere, arau batzuk errespetatuz. Hain zuzen ere, denbora tarte mugatu batean praktikatzen du penetrazioa bikote bakoitzak, eta behin denbora hori bukatuta, neskek bigarren bikote bat aukeratzen dute. Modu horretan, mutil batetik bestera aldatuz, erruletan bueltaka aritu behar dira neskak.

Isurketa duen lehen mutila jolasetik kanporatzen dute, eta beraz, azken kanporatua da jokoaren irabazlea.

“Erruletaren jolasak” uste baino arrisku gehiago izan ditzake. Sexu bidezko gaixotasunak kutsatzeko bide izan daiteke. Halaber, nerabe asko haurdun geratu dira; herrialde askotan kondoi barik jolasten dute eta.

Akabo Bakea saioko “Luzia eta sexua” atalean, azken urteetan modan egon diren beste hainbat jolas ere aipatu zituzten. Gehiago jakin nahi baduzue, entzun hemen atzoko saioa.

Famatuen zaletasun sexualak ezagutu nahi?

Gaurkoan sexua eta txutxu-mutxuak uztartu ditugu ‘Ingo al deu’ sexu blogean. Izan ere, aktore eta abeslari ospetsuen aitorpen sexualak bildu ditu Luziak ‘Akabo bakea‘ saioan, aste honetan. Bat baino gehiago harrituta geratuko da Hollywood aldean entzundakoekin… Adi!

Geroz eta xelebriti gehiagok kontatzen dituzte ohean bizi izandako intimitateak eta sekretuak. Esate baterako, Will Smith aktore eta ekoizle ezagunak elkarrizketa batean adierazi zuenaren arabera, harreman irekia du emaztearekin; hau da, beste emakumeren bat gustatzen bazaio, naturaltasun osoz bikoteari esan eta sexu-harremanak izaten ditu. Antzeko harremana omen dute Megax Fox eta Brian Austin aktoreek.

Aktore beteranoek ere halako txutxu-mutxuak kontatu izan dituzte. Jane Fondak, adibidez, orgiak gustatzen zaizkiola onartu du. Bestalde, Elvis Presley abeslariari harreman sexualak ikustea atsegin zitzaiola esan zuen, ondoren masturbatzeko. Antza denez, gaztetxoak zituen gustuko.

Errepasoarekin jarraituz, Rihannaren lehentasunak ere ezagutu ditugu. Egunero nahikoa erabaki hartu behar izaten dituela argudiatuz, sexu kontuetan besteak agintzea nahiago duela aitortu du. Eva Longoriak, berriz, ikaragarri maite du zetazko zapiekin jolastea.

Eva Mendes, Cameron Diaz, Scarlett Johansson eta beste hainbat ospetsuren zaletasunak ezagutu nahi izanez gero, entzun hemen Luziak kontatutako guztia. Eta, gogoratu! Zuen zalantzak erantzuteko prest gaude!

Rihanna. Argazkia: EFE

Rihanna. Argazkia: EFE

 

Sexurik onena, goizekoa

sexoSexua goizez praktikatzeak uste baino onura eta abantaila gehiago ditu. Hala adierazi du behintzat Luziak ‘Akabo Bakea‘ saioko “Luzia eta sexua” atalean.

Harremanak izateko ordu onenak zehaztu zituen atzokoan, eta sexuaz gozatzeko asteko egunik onena zein den ere azaldu zuen.

Mutilen testosterona bizi-bizirik egoten da goizetan, eta horrek zakila errez tentetzea, eta desioa piztea ekar dezake. Gainera, goizetan gorputza deskantsatuta dago, eta buruhauste gutxiago ditugu; hots, estres gutxiago dugu eta lasaiago gaude.

Halaber, goizeko sexuak animua indartzen lagun dezake, eta guzti hori gutxi balitz, zahartzaroa atzeratzeko gai ere omen da.

Asteko egun aproposena zein den ere jakin dugu Luziari esker. Londresen duela pare bat urte egindako ikerketa batek erakusten duenez, osteguna da sexurako egunik aproposena. Izan ere, neskek zein mutilek hormonak dantzan izaten dituzte ostegunetan.

Oraingoan Euskal Herriko datuak ematera ere ausartu ziren ‘Akabo Bakea’n. Ingurukoen artean egindako inkesta bateko datuen arabera, euskaldunontzat sexurako unerik onena goiza dela ondorioztatu zuten.

Aitzitik, Estatu espainiarrean gaueko sexua aukeratzen dute emakumeek. Gizonek, aldiz, nahiago dute sexua goizez praktikatu.

Zein da zuen iritzia? Goizetako, siesta orduko ala gaueko “txortaldiekin” geratzen
zarete?

Zuen iritziak nahi ditugu! Gure entzuleen eta irakurleen gustuak ezagutu nahi ditugu! Busti zaitezte!

Entzun atzoko saioa!