Etiketaren artxiboa: klitoria

Zer da zoru pelbikoa?

ETB1ko ‘SexSua’ saioak emakumeen sexu-organu garrantzitsuena hizpide hartuta hasi du bere ibilbidea telebistan: alua. Organu hau, sexuari dagokionean, ezezagunenetakoa dela iritzita, bere inguruko tabu guztiak apurtzera etorri da Jon Gomez Garaik gidatzen duen programa.

Nahia Rojo, sexu-hezitzailea

Nahia Rojo, sexu-hezitzailea

Hasteko, aluaren atalak zeintzuk diren jakitea ezinbestekoa dela esan digu Nahia Rojo, Desira sexologia zerbitzuko adituak. Honako hauek aurkituko dituzte emakume guztiek euren aluan: klitoriaren estalkia, klitoria, ezpain txikiak, baginarako sarrera eta ezpain handiak.

Honetaz ari garela, klitoria badela jakitea garrantzitsua da Nahia Rojoren hitzetan. Gezurra badirudi ere, gaur egun oraindik emakume asko dago zer den eta zertarako balio duen ez dakiena. Klitoriaren funtzio bakarra gozamena da. Horretarakoxe soilik daukate emakumeek organu txiki hori aluaren goiko partean. Bera kitzikatuz edo berarekin jolastuz gozamena lortzen dute.

Aluak marrazten

Alu bat marrazten ba al dakigu?

Bestalde, gorputzeko gainerako atalak pertsona batzuetik besteera aldatzen diren bezala, aluak ere ezberdinak dira emakume batzuetan eta besteetan. Normalean ez dira erabat simetrikoak izaten; batzuek ezpain txikiak handiagoak izaten dituzte eta besteek txikiagoak; usaina eta fluxu kopurua ere ezberdina izaten da emakume batzuetatik besteetara…

Baina ezberdintasunak ezberdintasun, emakume guztiek gauza bat izan behar dute argi: zoru pelbikoa landu egin behar dela. Azken aldian, asko entzuten den kontzeptua da hau. Baina zer da zoru pelbikoa?

Arantza Meabe, ginekologoa

Arantza Meabe, ginekologoa

Arantza Meabe ginekologoak Jon Gomezi azaldu dion bezala, pelbiaren inguruko organuak eusten dituen gihar eta tendoi multzoa da zoru pelbikoa. Urteek aurrera egin ahala eta haurrak erditu ondoren, gihar eta tendoi horiek indarra galtzen dute, lasaitu egiten dira eta osasun arazo izatera ere iritsi daiteke.

Emakume askori, erditu ondoren edo menopausiako hormona aldaketen ondoren, pixak ihes egiten die egoera askotan: doministiku egiterakoan, salto edo korri egiterakoan… Horiek dira zoru pelbikoa ahultzearen sintometako batzuk. Arazoa oso larria denean, konponbidea kirurgia izan ohi da.

Txinatar bolak

Txinatar bolak

Gaur egun, ordea, horretaraino iritsi gabe ere, badaude zoru pelbikoa indartzeko ariketa eta teknika ugari. Txinatar bolak erabiltzea da horietako bat. Askok jostailu erotiko soiltzat dituzte eta, horiek erabiltzean emakume batzuek gozamena sentitu badezakete ere, bola txinatarren funtzio nagusiena pelbiaren inguruko muskuluak indartzea da. Noski, muskuluak indartuta daudenean, gozamena handiagoa izaten da sexu harremanetan, bai emakumearentzat bai gizonarentzat.

Eta nola funtzionatzen dute? Mugimenduarekin. Hau da, txinatar bola bakoitzaren barruan beste bolatxo txiki bat dago. Mugitzen garenean, barruko bolatxoak talka egiten du kanpoko bolaren kontra eta horrek sortzen duen bibrazioak bagina inguruko muskuluak mugitzen ditu. Beraz, txinatar bolak oinez ari garenean erabili behar ditugu, bestela alferrik izango da.

Olga Polo, emagina

Olga Polo, emagina

Jon Gomez Laudioko Olga Polo emaginarekin hizketan ere aritu da ‘SexSua’ saioan. Olgak txinatar bolen antzerako produktu bat merkaturatu du eta, kontatu duenez, antzinako emakumeek ere erabiltzen omen zituzten horrelakoak.

Txinatar bolez aparte, badaude bestelako ariketa edo teknikak ere. Errazena edozein momentutan pelbiaren inguruko muskuluak itxi eta irekitzea da; hau da, pixari eutsiko bagenio bezala. Egunean hainbat alditan eginda, muskuluak lantzen arituko gara.

Azken urteetan, gure inguruan ezagun egin den beste ariketa bat gimnasia hipopresiboa da. Emagin askok erditze ondorengo klaseetan erakusten dute nola egin, eta gimnasio eta kiroldegi batzuetan ere egiten dute eskaintza hau.

Zoru pelbikoari buruzko ‘SexSua’ saioa osorik ikusi dezakezue hemen:

Orgasmo baginala ez omen da existitzen

neskaClinical Anatomy Reviewk emakumeen sexualitateari buruzko artikulu bat argitaratu berri du, eta bertan esaten denez, adituen arabera, “orgasmo baginala” eta “G puntua” terminoak ez ditugu zuzen erabiltzen. Hau da, aipatutako iturriak dionez, “emakumeen orgasmoa” litzake erabili beharreko terminoa.

Ildo horretan, emakumeen ustezko disfuntzio sexualen inguruan ere hitz egiten du artikuluak, eta zera dio: disfuntzioen inguruko berriak hainbeste zabaldu dira, existitzen ez den “zerbait” delako. Emakume gehienak ez dira koitoarekin orgasmora iristen.

“Beharrezkoa da sexu adituek eta sexologoek emakumeen gaineko informazio zuzena ematea, eta horretarako orgasmoaren oinarri biologikoak izan behar dituzte kontutan, beti ere, hipotesiak edota iritzi pertsonalak alboratuz”, nabarmendu dute Clinical Anatomy Reviewren artikuluaren egileek, Daily Mail egunkariak jaso duenez.

Halaber, terminologia okerra erabiltzen dela erakusten duten zenbait adibide jarri dituzte: “Barneko klitoria ez da existitzen, kanpoan dagoen organo bat baita. Klitoria ez dago bi arkurekin osatuta; aitzitik, glandea, gorputza eta erroak ditu”.

Ikertzaileen aburuz, ikuspuntu enbriologikotik begiratuta, “klitoria-uretra-bagina” kontzeptuak ez du inolako zentzurik, baginak ez baitauka klitoriarekin lotura anatomikorik. Azken hau, perineoko organo bat da, eta ustezko “G puntua”, berriz, uretran dago kokatuta.

Gainera, artikuluaren arabera, “orgasmo baginala” ez da existitzen. “Emakumeen orgasmoa bagina inguratzen duten organo zutikorrek eragiten dute beti, eta koitoa praktikatzen den bitartean zakilak klitoria ukitzea oso zaila da”.

Horregatik, emakumeen orgasmoa lortzeko giltza “nesken zakila”, hots, klitoria, eta ezpain txikiak igurtzean datza. “Klitoria behar bezala estimulatuz gero (bai masturbazioarekin zein cunnilingusarekin), emakume guztiak dira gai orgasmoak edukitzeko.

Klitoriaren sekretuak

Luziaren bisita izan dute Amaiak eta Julenek Gazteako ‘Akabo Bakea‘ saioan, sexu kontuez hitz egiteko. Aste honetan, klitoria hartu dute hizpide, ezaugarri eta zalantza esanguratsuenak argitzeko asmoz.

Gorputzeko atal hori ondo estimulatzeak duen garrantzia azpimarratu du Luziak; izan ere, nesken kasuan, soilik plazera sentitzeko balio du, hau da, ez dauka bestelako funtziorik. Itxurari dagokionez, 8 eta 12 zentimetro arteko luzera izateaz gain, zati bat ikusi egiten da eta bestea, berriz, baginaren barruan geratzen da.

Ondoren, klitoria estimulatzeko gakoak aztertu dituzte. Formula sekreturik ez dago, baina interesgarria izan daiteke zenbait aholku kontuan izatea. Behatzekin masaje zirkularrak egin daitezke estimulazioa lortzeko. Horrez gain, ezinbestekoa da neskak gunea ondo lubrikatuta izatea; bestela, litekeena da laztanekin mina sentiaraztea. Era berean, ahoarekin klitoria xurgatu edo presionatu dezakegu, baita mingainarekin laztandu ere. Posturaren arabera, bikotearen pubisarekin eta zakilarekin laztandu daiteke klitoria. Azkenik, bibradoreak eta dutxako ur-zorrotadak erabiltzen dituzte neska askok.

Klitoriaren inguruko bitxikeriei buruz ere aritu dira solasean. Ba al zenekiten, adibidez, klitoriaren bidez emakume guztiek lortu dezaketela orgasmoa?

Amaitzeko, entzule batek egindako galdera bati erantzuteko astia ere izan dute. Entzun, hemen, Luziak kontatutako guztia.

Klitoriaren sekretuak

Klitoriaren sekretuak

Emakumeek 7 orgasmo mota izan ditzakete

Emakumeen orgasmoa 7 motatakoa izan daiteke. Argazkia: Getty Images.

Bai, ez duzu gaizki irakurri, 7 orgasmo mota izatera hel daiteke emakume bat! Gaur gure blogean banan-banan aztertuko ditugu:

G puntua

Orgasmo motarik bortitzena eta ezagunena G puntuaren estimulazioaren bitartez lortzen da. Eremu hau hezur pubikoaren gainean dago kokatuta, eta ohikoena sarketaren bitartez estimulatzea da. Halere, behatzen bidez edota jostailu erotikoak erabiliz ere hel daiteke mota honetako orgasmora.

Bularrak

Emakumeen bularrak plazera lortzeko era agortezin eta mugagabeak dira. Modu asko daude hauek estimulatzeko: behatzen bidez, eskuen bidez, ahoarekin, mingaina erabiliz… Eta, askok sinesten ez duten arren, orgasmora hel daiteke bularrak estimulatze hutsarekin.

Adimenaren bidezkoak

Plazeraren ehuneko handiena buruan dago. Sinesgaitza dirudien arren, adimena soilik erabiliz ere lor daiteke orgasmoa lortzea. Horretarako, beharrezkoa da fantasia on izatea gogoan.

U puntua

Oso gutxi hitz egiten da eremu honetaz. Uretran dago, klitoriaren ondoan, eta behatzez zein aho bidezko sexuaz estimula daiteke. G puntuaren bidez lortzen den orgasmoaren antzekoa lortzen da honen bidez.

Klitoria

Emakumeen artean plazera eragiten duen eremu ezagunena da. Behatzen bidez, jostailu sexualekin, ahoarekin edota sarketaren bidez estimula daiteke, baita beste edozein gorputz atalekin igurtziz ere.

K puntua

Klitoriaren bi aldeetan dago. Askotan emakumeek puntu hau ahaztuta dute, edota ez dute behar bezala estimulatzen.

Uzkia

Askotan gaia tabu kontsideratzen den arren, gero eta emakume gehiago dira sexu mota hau praktikatzen dutenak, eta, hauetako askoren esanetan, orgasmora hel daiteke. Oso garrantzitsua da aurretik emakumea oso bero egotea eta, behar izanez gero, lubrifikatzaileren bat erabiltzea.

Nola ezagutu nire gorputza?

Urte berriarekin batera asmo berriak datozkigu, baina askotan ezin bete igarotzen da urtea. Sexualitateari dagokionez, ere asmo berri ugari ipini ditzakegu, baina ez bagara horretan jartzen, ez dugu ezer lortuko. Hau da; galdera asko egiten ditugu ondo pasatzearen inguruan, eta askotan aholkuak ematea zaila izaten da, eta beste batzuetan aholku berari ere ez diogu jaramonik egiten.

   Baina dena den, eta plazerra helburua izanik gauza sinpleenetatik hasiko gara, gure gorputza. Azken finean, harremanetaz disfrutatzeko gure gorputza ezagutzea eta zaintzea ezinbestekoa da. Eta hau nola egin dezakegu?

Gaurkoan ezagutzeari ekingo diogu eta nesken gorputzaz arituko gara. Gorputz osoa begiratuz ezagutu dezakegu, baina gure organo genitalak ezagutzeko baliabideak behar ditugu. Horretarako, momentu eta toki lasai bat aukeratu, ispilu bat hartu, hanken artean ipini eta ekin lanari.

Hor aurkituko dituzu, ezpain nagusiak, ezpain txikiak, klitoria, meatoa, eta bagina. Aztertu, kolore ezberdinak ikusi, eta nahi izanez gero hilekoaren zikloaren barruan egun ezberdinetan begiratu dezakezu. Bueno, ba hasi zuen gorputza ezagutzen, disfrutatzen eta horrela gozamenaren bideari hasiera emango diogu.