Etiketaren artxiboa: kondoiak

Sexu gaitzak antzematean kolorez aldatzen diren kondoiak

condonesSexu-harremanetarako neurri eraginkorrenetakoa da kondoia; batik bat, sexu bidezko gaixotasunak saihesteko. Alabaina, gazteen artean gaitz horiek zabaldu direla ikusita, gazte talde batek kolorez aldatzen diren kondoiak asmatu dituzte, gaixotasun benereoak antzemateko.

Hain zuzen ere, Londreseko Isaac Newton akademian ikasten duten hiru gazte estatubatuarrek egin dute asmakuntza, eta Teen Tech Awards saria jaso dute horregatik. Baina nola da posible kondoi batek sexu bidezko gaitz bat duzun ohartaraztea?

Ideia sinplea bezain eraginkorra da. Kondoiak molekulaz osatuta daude, eta horiek gai dira gaitzak hautemateko, baita horietako bakoitza kolore jakin batekin erakusteko ere. Hala, berde, hori, urdin edo more jarri daiteke, erabiltzen duenak duen gaixotasunaren arabera.

Dena den, oraindik finantziazio zain dago asmakuntza.

Kondoiei buruzko zenbait datu interesgarri

condones1. Gizonezkoen % 5ak soilik erabiltzen dute kondoia. Datu honek herrialde garatuak zein azpigaratuak hartzen ditu kontuan.

2. Lau motako kondoiak daude:

Gehienak latexkoak dira, baina poliuretanozkoak ere badaude; pertsona alergikoei zuzenduta daude horiek.

Halaber, arkumeen larruarekin egindakoak daude, baita emakumeentzako kondoiak ere.

3. Ez dute aldaketarik izan

1920an asmatu zituztenetik, ez dute aparteko aldaketarik edo berrikuntzarik izan.

4. Kondoiaren erabilerak ez du sexu-kalitatean eraginik

Inkestek, behintzat, horixe diote.

5. % 98ko eraginkortasuna dute

Eraginkortasun handienetakoa duen antisorgailua da. Gainera, sexu bidezko gaixotasunetatik babesten gaitu.

6. Emakumezkoak dira kondoiak erosten dituztenen erdiak

Kondoi erosleen artean ia erdia emakumezkoak dira.

7. Institutuko ikasleen herenak soilik daki nola erabili

8. Bill Gatesek kondoi “hobeak” ekoitzi nahi ditu

Bill and Melinda Gates Foundation elkarteak 100.000 dolar eskaini ditu kondoi berrien ikerketarako. Etorkizuneko kondoien artean egon litezke zakilaren tamainara eta formara egokitzen direnak.

Gizonak eta orgasmo plantak

Hamar emakumetik zazpik orgasmo plantak egin dituzte inoiz.

Hamar emakumetik zazpik orgasmo plantak egin dituzte inoiz.

Kansaseko Unibertsitateko ikerketa baten emaitzen arabera, hamar emakumetik zazpik orgasmoa izatearen plantak egin dituzte inoiz. Gizonezkoen artean, % 28k onartu zuen holakorik egin izana. Ikerketa hau Daily Mail egunkariak kaleratu du.

Hori egiteko arrazoi berberak eman zituzten emakumeek zein gizonek: bikotekideak klimaxa eurek baino lehen lortu izana etsigarria dela iritzita, orgasmoaren itxurak egin behar zituztela pentsatu zuten. Horren plantak egiteko beste arrazoi batzuk ere eman zituzten: kidearen sentimenduak ez mintzea eta orgasmoa izatera helduko ez zirela konturatuta gogaitzea, besteak beste.

Journal of Sex Research aldizkarian argitaratutako ikerketa honetan, 281 gizon-emakumeri egin zaie beraien sexu ohituren gaineko galdeketa. Honen bidez jakin denez, presiopean izateagatik egiten dituzte orgasmoaren plantak pertsona gehienek, batez ere gizonek.

Galdeketaren emaitzen arabera, gizonek orgasmoa sentiarazteko gaitasunari ematen dioten garrantzia dela eta, bikotekidea horren plantak egitera behartuta sentitzen da, esperantza hori bete dadin. Tracey Cox sexu kontuetan adituak esan duenaren arabera, “emakume batzuek ongi pasatzen ari direla erakusteko beharra sentitzen dute”. Emakumeek koitoaren bidez klimaxera heltzeko zailtasunak dituztela eta horrek ere orgasmoaren plantak egitera eramaten dituztela ere adierazi du adituak.

‘Tetris’ bideo jokoa, kondoien iragarle berria

tetrisTetris bideo joko ospetsuak pantailatik salto egin du joko sexual ere bihurtzeko One Condoms markari esker. Horren azken kanpainan, beti bezala, originaltasun handia erakutsi dute, oraingo honetan kondoien zorroari diseinu bitxi hori emanda.

Tetris jokoa, baina, ez da horretarako erabili duten bideo joko bakarra. Super Mario jokoan agertzen den txanpinoi ezagunaren irudia ere erabili zuten lehenago.

Preserbatiboen zorroentzat diseinu bitxiak egiteak famatu egin du enpresa hori. 200 diseinutik gora kaleratu dituzte dagoeneko, era guztietakoak, gai askorekin eta enpresaren izenarekin jokatuz. Gainera, kontsumitzaileek diseinu propioa sor dezakete horien webean.

Preserbatiboen zorroentzat diseinu bitxiak egiteak famatu egin du enpresa hori. 200 diseinutik gora kaleratu dituzte dagoeneko, era guztietakoak, gai askorekin eta enpresaren izenarekin jokatuz. Gainera, kontsumitzaileek diseinu propioa sor dezakete horien webean.

Viagraren lana egiten duen kondoia

condoms_31Futura Medical enpresak Viagraren lana egiten duen kondoi bat asmatu du. Substantzia hodi-zabaltzaile bat askatzen du horrek, zakilaren tamaina handitu eta erekzioak luzatzen laguntzen duena.

Enpresaren bozeramaile batek adierazi duenez, kondoiak substantzia berezi baten kantitate txikia du puntan eta, horri esker, zakilak odol jario handiagoa izaten du: “Kondoiarekin egindako ikerketa zientifikoek frogatu dutenez, zakilaren tamaina handitzen du eta gizonak sexu-harreman luzeagoak izan ditzake”.

Gainera, produktua merkaturatu aurretik egindako azterketa horretan, ondorengo emaitzak lortu zituen Futura Medicalek: ohiko kondoiak erabiltzen dituzten gizon-emakumeen % 88k kondoi berri hori nahiago zutela adierazi zuten, eta sexu-harremanetan kondoia erabiltzera ohituta ez daudenen artean, % 44k hori erabiltzen hasteko interesa azaldu zuten.

Produktua Europar Batasunean zein Ameriketako Estatu Batuetan merkaturatzeko behar dituen baimenak lortu ostean, enpresak Durex markaren esku utzi du kondoi berezi horren produkzioa eta urte amaierarako dendetan eskuragai izatea espero du.

Enpresaren bozeramaileak adierazi duenez, kondoiak substantzia berezi baten kopuru txiki bat darama puntan eta horri ezker, zakilak jasotzen duen odol jarioa handitu egiten da: “Kondoiarekin egindako ikerketa zientifikoek, zakilaren neurria handitu eta gizon batek sexu-harremanak izaten irauten duen denbora tartea luzatu egiten dela frogatu dute”.

Luxuzko kondoiak merkaturatu ditu Louis Vuittonek

condonLouis Vuitton moda etxeak aho zabalik uzten gaitu beti. Normalean modaren munduan barneratzen da beti baina oraingo honetan esparru berri batean murgildu nahi izan du.

Alde batetik, emakumeei zuzendutako lurrin bat merkaturatuko du aurki eta hori gutxi balitz, Irakli Kizira txekiarrak diseinatutako kondoi bat jarri du salgai. Ekimen hau, HIESAaren aurkako kanpaina baten parte da.

Luxuzko kondoi honek 68 dolar balio ditu eta Louis Vuittonen inizialak dauzka grabatuta.

Mozkorrentzako kondoiak

Sensis-055_Stand_alone-6Beau Thompson arkitekto estatubatuarrak Sensis condoms kondoiak asmatu ditu. Dirudienez, mozkortuta zegoela, kondoia jartzeko zailtasunak izan zituen Thompsonek, parranda baten ostean eta horregatik burutatu zitzaion preserbatibo hauek merkaturatzea: “Preserbatiboa jarri nahi nuen, baina, ez nuen ezer ikusten. Orduan leihoa zabaltzea bururatu zitzaidan, kaleko argia aprobetxatzeko, dena den, ez nintzen ezer ikusteko gai. Ez dakit alkoholagatik ala argi faltagatik zen. Momentu hartan erabaki nuen mozkorrentzako kondoiak asmatzea”.

Sei hilabete buruari bueltak ematen aritu ostean, kondoi berri hau asmatu zuen Thompsonek. Honek plastikozko bi tiratxo ditu bertatik tiratu eta kondoia modu errazean jarri ahal izateko.

Malasian erositako latex berezi batekin egin du kondoi hau eta helburu garbi batekin komertzializatu du: “mozkortuta gaudenean edo argi gutxi dugunean, koitoa arazorik gabe praktikatu ahal izateko”.

Erekzioa mantentzen laguntzen duten kondoiak asmatu dituzte

KONDOIAKKondoia erabiltzen dutenean erekzio arazoak dituzten mutilak zorioneko daude. Izan ere, Futura Medical etxeak “viagra kondoiak” diseinatu ditu. Dena den, oraindik Europako osasun agintariek ez dute produktu hau onartu.

Kondoi hauek zakila zutik mantentzen laguntzen duen osagarri bat dute. Hain zuzen ere, preserbatiboaren puntan aplikatzen den gel bat daukate. Gel honek odol-fluxua areagotzen du eta ondorioz mutilak denbora luzez manten dezake erekzioa.

Kondoi hauek ez daude erekzio arazoak dituzten mutilentzat zuzenduta, preserbatiboa erabilita estimulu fisikoa gutxitzen dela uste duten pertsonentzako baizik.