Etiketaren artxiboa: posturak

Zakila nolakoa, mutila halakoa

penesZakilari “helduta” eman zuten asteazkeneko saioa Amaiak eta Luziak. Hiru ataletan banatu zuten gaia. Hasiera batean bost zakil mota ezberdin aztertu zituzten. Ondoren, galtzontzilo barruan zakilak hartzen duen posizioak mutilaren izaerarekin zerikusia duela ondorioztatu zuten, eta, azkenik, gizonezkoen genitalen gaineko hainbat bitxikeria eraman zituzten hizpidera.

Guztira 5 zakil mota daude, eta bakoitzak bere abantailak eta desabantailak ditu.

-Arkatz itxurakoa

pene_lápiz_2

-Kono formakoa

pene_cono_3

-Perretxiko-zakila

pene_seta_4

-Platano itxurakoa

pene_plátano_5

-Zakil kurbatua

pene_curvo_1

Esan bezala, galtzontzilo barruan hartzen duen posizioari buruz ere hitz egin zuten, eta zakila gora, behera, ezkerrera edo eskuinera begira jartzeak duen esanahia argitu zuten.

Bukatzeko, besteak beste, bitxikeria hauek ezagutarazi zituzten:

-Tabakoa erretzeak zakilaren tamaina txikitu dezake.

-400 mutiletik bakar bat da gai bere zakila ahoan sartzeko.

-Zakila apurtu egin daiteke.

-Bi zakil mota daude: tentetzean asko hazten direnak eta zutitzean tamainaz aldatzen ez direnak.

Horri guztiari buruz gehiago jakiteko, entzun atzoko saioa.

Zein postura gustatzen zaizkie gizonezkoei?

Mutilek atsegin dituzten posturak

Mutilek atsegin dituzten posturak

Kama Sutra, sexu arloko Biblia. Denok eman diogu begiradatxo bat noizbait, baina gutxi ausartzen dira bertako postura eroenak egiten saiatzen. Ameriketako Estatu Batuetan egindako ikerketa batean, sexu harremanak izateko nahiago zituzten posturen inguruan galdetu zieten gizonezkoei, eta hona hemen galdeketa haren emaitza. Zure bikotekidea gizonezkoa bada, adi beraz, hemen dituzu eta bera asetzeko gakoak.

Mutilei gehien gustatzen zaien posturetako bat larrua atzetik jotzea da. Askoren esanetan, honek gizon askok duten dominazio fantasia asetzen du, inor kaltetua sentitu gabe. Posizio tradizionalenetako bat den arren, erabilienetako bat ere bada. Gainera, emakumeak ere plazer handia lortzen du horrela.

Errota hegalen postura da atseginen duten beste postura bat. Hau egiteko, emakumea buruz gora etzaten da, eta gizona bere hanken parean kokatzen da buruz behera. Postura honen morbo handiena batak bestearen aurpegia ez ikusteak ematen du. Gainera, eskuak aske geratzen dira nahi bezala jolasteko.

Ustekabearen postura ere dute gustuko gizonek, ikerketa horren arabera. Hau ez da batere erraza, ordea: biak zutik jarrita, gizonezkoak gerritik heltzen dio emakumezkoari, eta azken hau aurrerantz makurtzen da gutxika.

Sentsazio berriak probatzeko, trapezioaren postura dute gustuko mutil askok. Gizona hankak irekita eseri behar da, eta emakumea, haren gainean eseri ondoren, atzeraka etzaten doa, guztiz etzanda geratu arte.

Eserita jarraituz, gizonezko askok burukoaren postura aipatu dute. Mutila ohean eseri, eta emakumea gainean jarri behar da, hankak mutilaren sorbaldan jarriz.

Azkenik, munduan beharbada ezagunena den postura dute gustuko mutil askok: misiolariarena. Emakumea azpian, eta gizona gainean; ez du inongo konplikaziorik. Gainera, musuak emateko eta elkar laztantzeko zailtasunek morboa gehitzen diote postura horri.

Hortik abiatuta, irudimen hutseko kontua da biek ahalik eta gehien disfrutatzea!

Gaurko proposamena: aulkiaren sexu-jarrera

gal_1256127215Sexu jarrera ezberdinak probatzea sexu-harremanetan berritzailea izateko modu bikaina da. Gaurkoan, sexu-jarrera erraz eta erromantiko batekin gatoz Gazteako sexu-blogean: aulkiaren jarrera.

Izenak dioen bezala, sexu-jarrera hau probatzeko, aulki bat baino ez da behar. Lehenengo, gizonezkoa eseri behar da, eta, ondoren, emakumezkoa jarri behar da gainean.

Jarrera honekin, bikotekideak aurrez aurre daude, eta giro erromantikoagoa lortu ahal dute, euren begiradak etengabe gurutzatuz. Gainera, bikotekideen kokapena dela eta, elkar musukatzeko eta besarkatzeko aukera paregabea eskaintzen du jarrera honek.

Halaber, emakumeentzat oso jarrera atsegina da aulkiarena, klitoria gizonezkoaren gorputzarekin eta genitalekin kontaktuan baitago etengabe.

Cameron Diazen sexu-aholkuak

cameron_diaz-Cameron Diazek askotan hitz egin du sexu-harremanen inguruan, bere ustez, “osasunerako bikainak direlako eta auto-estimua hobetzen dutelako”. Duela gutxi Max aldizkari italiarrari eskainitako elkarrizketa batean, sexu-harremanen inguruko adierazpen interesgarriak egin zituen aktoreak:

1. Sexu-harremanak izatea sendagilearengana joatea baino hobea da.

Aktoreak dioenez, nahiago du egunean zehar behin baino gehiagotan sexu-harremanak izateko beharra sentitzea, alkohola edo drogak behar dituela nabaritzea baino.

2. Zenbat eta gehiago, hobeto.

Cameronen ustez, gorputzaren beharrei kasu egin behar zaie: “Ez ditugu sexu-harremanak alde batera utzi behar, horietan baitago norberaren poztasunaren jatorria”.

3. Maitasunak indar ikaragarria dauka.
Aktore ezaguna izanda, askotan izan du Cameronek bikotekidea lantokitik urruti, baina horrek ez dio bere bizitza sexualari kalte egin: “Askotan hartu dut hegazkin bat lanordu luzearen ostean, nire bikotekidearekin egoteko, eta sexu-harremanak izateko”.

4. Edertasuna bai, baina inteligentzia ere bai.

“Ez naiz homosexuala, baina ez nago horren kontra. Niretzako emakume erakargarri batek ederra izan behar du, baina inteligentea ere bai. Heidi Klum, Katie Holmes eta Julianne Moore bezalako emakumeek erakartzen naute” adierazi zuen Los Angeles de Charlie pelikulako aktoreak elkarrizketan.

Lotsatientzako jarrera sexualak

1101128sexo-16_409x611

Pertsona lotsatiek urduritasuna eta estutasuna senti ditzakete sexu harremanak izaterako orduan. Arazo horri aurre egiteko, badaude egokiagoak izan daitezkeen zenbait postura eta horiei buruz arituko gara oraingoan.

Hasteko, misiolariaren jarrera aipatu beharra dago. Sexu jarreren artean ezagunena da eta horrek segurtasuna ematen du harremanak izaterako orduan. Gainera, bikotekideak aurrez aurre daudenez, ez dute zertan hitz egin. Begirada eta laztanak izan daitezke protagonista.

Pertsona batzuentzat sexu harremanak izan bitartean ahoz komunikatzea konplikatua izan daitekeen bitartean, beste batzuentzat are zailagoa da bikotekidearen begiradarekin aurrez aurre egitea. Ondorengo jarrera hauetan, bigarren hori ekiditen da:

  • Balantza: emakumezkoa gizonezkoari bizkarra ematen jartzen denez, bikotekideek ez diote elkarri begiratzen, eta, ostera, laztanak eta sentsualtasuna areagotzen dira.
  • Koilara: bikotekideak alderatuta etzanda daude. Oso jarrera erosoa denez, segurtasun sentsazioa handitzen da.
  • Eskorga: jarrera hau bereziki egokia da neska lotsatientzat, gizona baita aurrea hartzen duena.
  • Txakurtxoa: gizona emakumearen atzean kokatzen denez, bikotekideek ez dute begiradarik gurutzatzen. Gainera, jarrera hau oso atsegina da emakumeentzat orgasmora heltzen laguntzen dielako.

“Txakurtxoaren jarrera aukeratzen duten mutilek, sexu basatia bilatzen dute”

57277792Sexuan adituak diren hainbat aldizkarik egindako ikerketen arabera, gizonek aukeratzen dituzten sexu jarrerek lotura zuzena dute beraien izaerarekin.

Txakurtxoaren jarrera aukeratzen duten mutilek adibidez, neskaren alderik basatiena bilatu nahi dute. Hori da behintzat, sexologia.net webguneak dioena.

Zaldiaren jarrerak esanahi bikoitza dauka: gizona goian jartzen bada, ongi sentitzen dela esan nahi du, baina, behean jartzen bada, bere buruarekin soilik pentsatzen duela adierazten du.

Sexu-harremanak eserita edukitzeak ere badu bere esanahia. Gainean esertzea gustatzen zaien pertsonek, askatasun osoz harremanaz gozatzeko nahia erakusten dute. Behean esertzen direnek, aldiz, uste baino ahulagoak edo sentiberagoak dira.

Dutxan zutik sexua praktikatzen dutenek, dibertitzeko asmoa erakusten dute. Dutxatik kanpo, baina, zutik sexu harremanak dituzten bikoteak, berriz, gozamena bilatzeko lana edo esfortzua egiteko prest dauden pertsonak izan ohi dira.

Sexu jarrera kitzikagarrienak

Askotan hitz egin dugu sexu posturen edo jarreren inguruan. Baina zein da denetan kitzikagarriena? Argi dago bikote bakoitzak bere gustuko jarrerak dituela, halere, badira baten batzuk besteak baino plazer handiagoa eragiten dutenak:

i_el_perrito_gr

Txakurtxoa: Pasioa eta gertutasuna ditu ardatz jarrera honek. Neska zein mutila etzanda daude (azken hau belaunikatuta ere egon daiteke) eta mutila neskaren atzean jarri behar da.

doma

-Kama Sutrako jarrera intentsuenetakoa da gazteleraz “La doma” bezala ezagutzen dena. Mutila aulki batean eserita egon behar da eta neska gainean jarri behar da, mutilari aurpegira begiratuz. Eskuak libre daudenez, bikoteak elkarren gorputzak uki ditzake.

soropr

-Ezustekoa. Txakurtxoaren jarrera bezala, mutilek gustuko duten postura bat da hau.

Mutilak, egoera zein bikotea menderatzen dituenaren sentsazioa izan dezake eta horrek plazerra eragiten dio. Gainera, neskak ere asko disfrutatzen du, sarketa oso sakona baita. Mutilak zutik egon behar du eta neska bizkarra ematen jarri behar da, hankak zuzen dituela, baina, bizkarra flexionatuta.

Kamasutra ezagutzen: “Izarraren jarrera”

KAMASUTRAAsteartea izanik, Kamasutrako jarrera berri batekin gatoz bueltan. Gaurkoan “Izarraren jarrera” ezagutuko dugu, beti bezala, honek dituen alde txarrak eta alde onak nabarmenduz.

Deskribapena:

Gorantz begira etzanda, emakumeak hankak zabal-zabalik jarri behar ditu. Bitartean, gizonak hanka bat neskaren hanken artean sartu behar du eta alde baterantz praktikatu behar dute sarketa.

Mutilaren izterrak neskaren klitoria ukitzen badu, estimulazioa areagotu egingo da.

Alde onak:

– Alde baterantz egiten den sarketak sentsazio ezberdinak sortzen dizkio bikoteari. Gainera, klitoria asko estimulatzen da izterra ukituta.

– Bai neskari eta baita mutilari ere esku bat libre geratzen zaie, laztanak egin edota elkar besarkatzeko.

Alde txarrak:

Pelbisa mugitzeko aukera gutxi ematen du jarrera honek.