Etiketaren artxiboa: arazoak

Nola gainditu dispaureunia?

Erantzun 1
Dispareunia. Argazkia: enfemenino

Dispareunia. Argazkia: enfemenino

Dispareuniari nola aurre egin jakin aurretik, zer den azalduko dugu jarraian. Koitoak eragindako baginako mina da dispareunia. Plazera beharrean, sumindura eta azkura sentitzen dute emakumeek bikoteak zakila sartzean.

Bi eratako dispareunia jasan daiteke. Emakume batzuek zakila baginan sartu bezain pronto sentitzen dute mina; beste batzuek, ordea, koitoa uteroaren leporaino heltzen denean sufritzen dute.

Arazo horri aurre egiteko aukera ugari daude. Lehenik eta behin, sendagilearengana joan eta sumindura eragiten duten arrazoiak identifikatzea da gomendagarriena. Jatorri fisikoak sendagaien bidez konpondu daitezke. Zailagoa izan ohi da, ordea, kausa psikologikoei aurre hartzea. Horretarako, terapia kognitiboak dira egokienak, konfiantza berreskuratu eta sexuaz gozatzen ikasteko.

Zergatik okertzen da zakila?

Utzi erantzuna

curva-peneZakilaren okertzea edo makurtzea (recurvatum penis izenaz ezagutzen da) jaiotzetiko akats bat da, eta zakila tentetzen eta gogortzen hasten den adinetik ikus daiteke, orduan ikusten baita horren kurbadura (beheranzkoa, normalean).

Peyronie gaixotasunak ere eragin dezake okertze hori,  normalean 40 urtetik gorako gizonei erasaten diena. Larrua jotzean zein zakila sartzean mina sor dezake; beraz, horren tratamenduak mina kentzea eta kurbadura handitzea saihestea du helburu. E bitamina eta inflamazioa ekiditeko produktuak gomendatzen dituzte medikuek arazo honi aurre egiteko, eta erradioterapia eta kortikosteroideak ere oso erabilgarriak dira.

Horrez gain, arin jardun behar da, gaixotasun horrek okerrera egiteak ondorio larriagoak sor baititzake.
Adituen aburuz, ebakuntza egitea azken aukera izan beharko litzateke. Soilik sartzeko arazo larriak izanez gero egin beharko litzateke; gaitz hori ez tratatzeak inpotentzia ekar baitezake. Ondorioz, okertze hori nabarituz gero, andrologo batengana joatea da onena.

Zer da hipersexualitatea?

Utzi erantzuna
Hipersexualitatea. Argazkia: enfemenino

Hipersexualitatea. Argazkia: enfemenino

Desira sexual gehiegi sentitzeak frustazioa eta ondoeza eragin dezake zenbaitetan, batez ere, gure nahiak ez badira asetzen. Horri deitzen zaio, hain zuzen ere, hipersexualitatea. Egoera horretan, harreman sexualek ez dute onurarik eragiten, ez emozionalak, ezta sexualak ere. Desira sexualaren desoreka gisa definitzen dute askok.

Muga non dagoen identifikatzea da gakoa. Izan ere, batzuentzat jarduera sexual normala dena beste batzuentzat gehiegi edo gutxiegi izan daiteke. Onena, bikotearekin adostasuna lortzea da, arazoak ekiditeko.

Hipersexualitate arazo larriak dituzten pertsonentzat sexua obsesio bihurtzen da, eta sendatzeko, gomendagarria izan ohi da sexologoaren tratamendua jasotzea. Asko edozer egiteko gauza dira nahi sexualak asebetetzeko. Frustazio eta ezinegon horren ondorioz, droga eta alkoholarekiko menpekotasuna ere agertzen da, sarri.

Zer dira fobia sexualak?

Erantzun 1
Argazkia: sexologia.net

Argazkia: sexologia.net

Fobiak beldur irrazionalak dira, kasu larrietan pertsona bati bizitza normal bat eramatea eragozten diotenak. Beldur mota hauen ondorio fisiko arruntenak goragaleak eta palpitazioak izaten dira.

Arlo sexualean ere existitu egiten dira fobiak. Horrelako bat izatekotan, sexu-grina murrizten da eta ezinezko bihurtzen da sexu harremanekin plazera lortzea.

Lau dira beldur sexual ezagunenak:

– Agrafobia: abusu sexuala jasotzearen beldur izatea.

– Erotofobia: gai erotikoei buruz hitz egitearen beldur izatea.

– Itifalofobia: gizonezkoak erekzioa izatearen beldur izatea.

– Eurotofobia: emakumezkoen organo sexualen beldur izatea.

Mota honetako beldurrak izatea ez da barre egiteko kontua. Fobiek oso arazo larriak suertatu ditzakete eta baten bat pairatzekotan ezinbestekoa da mediku batengana jotzea. Izan ere, kasu gehienetan tratamendu psikologikoarekin konpontzen diren arren, beste batzuetan medikamentuak beharrezkoak dira.

Osasun arazoak sortzeaz gain, bikote baten arteko banatze kausa izan daitezke beldur hauek. Azken batean harreman sexualak bikote baten arteko harremanaren parte oso garrantzitsua dira.

Bikotekideari inpotentzia arazoak gainditzen lagundu

Utzi erantzuna

Inpotentzia ezintasun bat da,impotencia gizonezkoen artean, edozeinek imajina ditzakeen sexu-arazoez gain, parekorik ez duen ezinegon psikologikoa eragiten duena. Gizonezko inpotente batek maskulinitatea galdu duela sentitzen du, eta, sexuaz edo sexu-ahalmenaz txantxak egiten direnean, oldarkor jartzen da.

Arazo fisiko zein psikologikoek eragin, inpotentzia senda daiteke, noski, eta sendatzeko prozesuan bikotekideak zeregin garrantzitsua du.  Inpotentziaren kausa organikoa bada, beharrezko azterketak egitera lagundu beharko diozu, eta garrantzitsua da espezialistaren kontsultetara ere laguntzea, uzten badizu;  horrela, zuk ere jasoko duzu horrek eragiten dituen pairamen eta ezaugarrien berri.

Sendagaiak agintzen badizkiote, zeuk gogoratu beharko diozu hartu egin behar dituela eta zeuk saihestu beharko duzu tratamendua behar baino lehen uztea; izan ere, aste batzuk pasatuta berehalako ondoriorik nabaritu ezean, asko dira sendabidea bertan behera uzten dutenak.

Bidean laguntzeaz gain, zeu zara horren babes nagusia, horren sentimenduen sostengua. Jakinarazi iezaiozu sexurik gabe bizi zaitezkeela eta biok elkarrekin horri aurre egin eta gaindituko duzuela; aldi baterako arazoa dela azaldu behar diozu eta, beste ezer baino lehen, zurekin ez konplitzeagatik kezkatzeari utzi behar diola azpimarratu.

Indartu ezazu bikotekidearen konfiantza, maitatu eta ulertu, biok elkarrekin une txarrak igaro eta sexu-bizitza betea berreskuratuko baituzue.

“Ez dut inoiz orgasmorik izan”

Utzi erantzuna

Aste honetan irakurle baten zalantza argitu du Olatz Berastegik:

olores-sexo

Irakurlearen zalantza:

“Hasiberria naiz sexuaren munduan eta inoiz ez dut orgasmorik izan. Baina nola jakin dezaket orgasmoa izan dudan ala ez? Askotan, ukituta, gustua sentitzen dut baina ez dakit hori orgasmoa den ala ez. Zer sentitzen da?”

Olatzen erantzuna:

Kaixo, zuk egindako galdera maiz egiten diogu geure buruari. Galdera honen zergatia arrazoi ezberdinetan aurkitu dezakegu, eta gaurkoan bi aipatuko ditugu: gaur egungo sexu harremanen ereduan garrantzia handia ematen diogu harreman sexual koitalei, horien onura askotan orgasmo kantitatean neurtzen dugu, eta bestetik, askotan plazerra orgasmoen bidez neurtzen dugu, hau da, badirudi plazerra izateko orgasmoak derrigorrezkoak direla.

Honegatik, zera esango dizut: zure gorputzaz gozatu, eta zure biografia sexuala zure desioetatik abiatuta eraiki, besteena begiratu gabe, batentzat atsegina dena ez da bestearentzat horrela izan behar. Honetaz gain,  zure galderan zuk plazerra sentitzen duzula aipatzen duzu, eta hori da garrantzitsuena, eta azpimarratzen dut ZURETZAT. Plazerra, mina, oso sentsazio subjetiboak dira, eta norberak bizitzen dituenez inoiz ezin ditugu besteekin konparatu, hau da, nik ezin dut inoiz esan beste batek baino plazer gehiago sentitzen dudala, ez baitakit besteak zer sentitzen duen. Beraz, beti kontutan hartu erreferentzia zu zarela, eta zuri sentsazio atseginak sortzen badizkizu ba aurrera!!!!!!!!!!
Orgasmoari dagokionez, hemen ere sentsazio ezberdinak topatu ditzakegu, pertsonen arabera, eta pertsona bakoitzak ere orgasmo ezberdinak eduki ditzake bere bizitzan zehar. Esan genezake orgasmoa dela harreman sexual baten bidez eduki dezakegun klimax edo plazer gorena. Horrela, orgasmoa baino lehen, tentsioa somatzen da genitaletan eta gorputz osoan batzuetan, arnasa ere bizkortu egiten da, eta sentsazio horien ondoren gorputza erlaxatuta geratzen da. Mutilen kasuan orgasmoa edukitzerakoan isurketa izaten dute.
Baina ez ahaztu, zu zara zure adierazle hoberena gustora sentitzen zaren ala ez jakiteko.

Ondo pasa
Olatz

“Ez zait zakila zutitzen, etengabe laztantzen ez badut”

Erantzun 1

Ostegunero bezala, Olatz Berastegik gure irakurle baten zalantzari erantzungo dio. Kasu honetan zakila tentetzeko arazoak dituen gazte batek idatzi digu eta gure sexologoak aholkuak eman dizkio.

ereccion
Galdera:

Zakil puntan kokaina jarrita, zakila zutik denbora luzez mantentzen dela esan didate. Hala da? Uneoro zakila laztantzen ez badut segituan “desenpalmatzen” naiz eta nazkatuta nago. 20 urte ditut eta ez dakit ze konponbide jarri honi.

Erantzuna:

Lehenengo galderari ezin dizut erantzun, ez baitakit ze eragina izan dezaketen drogak, eta kasu konkretuan kokainak zakila tentetzerakoan. Gainera, eraginaz gain, ondorioak ere neurtu beharko genituzke, eta ez dakizkidanez, ba ezin dizut erantzunik eman.

Zure kezka, zakila tente mantentzeko etengabe laztandu behar duzula da, eta hau konpontzeko zer egin dezakezun galdetzen didazu. Horrelako egoeretan erantzun zuena ematea zaila da, datu gehiago beharko nituzke:

– Hau da, hau beti gertatzen zaizu, edo bakarrik zaudenean.

– Betidanik horrela izan da, edo azken aldian gertatzen zaizu. Hala bada, zein egoera bizitzen ari zaren, eta egoera honek dituen ezaugarriak ere ikusi beharko genituzke.
Hala ere, aholku bat ematekotan, zera esango nizuke: ez kezkatu gehiegi, zakila tente mantentzeko egin behar duzunagatik, indarrak zure buruari plazerra ematen eta gustura sentitzen bideratu. Hau egitean, ze gertatu zaizun eta nola sentitu zaren esango didazu.