Etiketaren artxiboa: orgasmoa

Drogen eta sexualitatearen arteko harremana

Aste honetako ‘SexSua’ saioak drogen eta sexuaren arteko konbinazioa aztertu du. Zer motatako drogak kontsumitzen ditugu harreman sexualak izateko? Nolako efektuak dituzte drogek gure sexu-harremanetan? Sortutako galdera guztiei erantzuna aurkitzen saiatu da Jon Gomez aurkezlea, drogetan adituak diren profesionalak elkarrizketatuz.

Unai Lizarralde, droga-menpekotasun teknikaria

Unai Lizarralde, droga-menpekotasun teknikaria

Droga ezberdinek sexua praktikatzen duen horrengan duten eragina aztertu aurretik, ezinbestekoa da drogak zer diren eta nola erabiltzen ditugun ezagutzea. Horregatik, drogamenpekotasun teknikari Unai Lizarralderekin bildu da Jon Gomez, eta, elkarrizketaren hasieran, honakoa nabarmendu du teknikariak: “Drogak betidanik egon dira, gure inguruan daude eta beti egongo dira”. Honenbestez, drogekin ditugun hartu-emanak modu egokian kudeatu eta hezkuntzan egin beharreko lana azpimarratu du Unai Lizarraldek.

'SexSua' saioa, EHUko ikasleekin izan da

‘SexSua’ saioa, EHUko ikasleekin izan da

Jon Lizarralderen ustez, gizartean onartuta daudenak edota legalak direnak dira drogarik arriskutsuenak (tabakoa, alkohola…). Droga mota hauek besteak baino hobeto ikusita daudenez, askoz ere eskuragarriagoak dira. Izan ere, euskal gazteak 13-14 urterekin hasten dira alkohola kontsumitzen.

Alkolismoan urteak eman dituen ama baten testigantza entzun dugu 'SexSuan'n

Alkolismoan urteak eman dituen ama baten testigantza entzun dugu ‘SexSuan’n

Alkoholarekin jarraituz, droga honek harreman sexualetan duen eragina ezagutu nahi izan du Jon Gomezek. Askok limurtzen laguntzen duela uste badute ere, alkoholak sexu-harremanean duen eragina oso bestelakoa da. Emakumezkoen kasuan, orgasmora heltzeko gaitasuna murrizten du eta gizonen kasuan, erekzioa mantentzeko ezintasuna eragin dezake.

Droga sintetikoak hobeto ezagutzeko, Jon Gomez Gasteizen izan da, AiLaket! droga-kontsumitzaileen elkartean. Honen helburu nagusia drogen kontsumitzaileei eta kontsumitzaile ohiei aholkularitza zerbitzua ematea da. Gainera, droga-laginen azterketak egiten dituzte, arriskuak murrizteko asmoz.

Leire Altuna, AiLaket! elkarteko kidea

Leire Altuna, AiLaket! elkarteko kidea

Leire Altuna AiLaket! elkarteko kideak droga-lagin bat aztertzeko ematen dituzten urratsak azaldu dizkio aurkezleari. Honez gain, diseinuzko drogak loditzeko erabiltzen diren materialez mintzatu da Leire. Droga sintetikoak gorpuzteko erabiltzen diren substantzien artean, kafeina eta azukrea dira ohikoenak. Kokainaren kasuan, askotan, dentistek erabiltzen duten anestesiko bat erabiltzen dela aipatu du AiLaket!-eko kideak.

Drogek sexu-harremanetan duten efektuaz aritu dira saioan

Drogek sexu-harremanetan duten efektuaz aritu dira saioan

Drogen efektu desinhibitzailearen inguruan ere mintzatu dira saioan. MDMA edo estasia da helburu honekin erabiltzen den droga. AiLaket!-eko kideak adierazi duenez, 80. hamarkadan, estasiaren efektuari “maitemintze faltsua” deitzen zitzaion. Droga mota hau kontsumitzen duten bi pertsonek bizi dezaketen haluzinazioen erakusle da maitemintze faltsua. Garai horietan estasiaren efektuak guztiz ezagutzen ez baziren ere, gaur egun egiten den kontsumoa masiboa dela esan daiteke. Eusko Jaurlaritzaren datuen arabera, EAEn, urtero 60.000 gaztek onartzen du sintesi drogak probatu izana.

Estasi edo MDMAren kasuan ere, dauden mitoak gezurrezkoak direla froga daiteke. Desinhibizioa eta euforia eragiten dutela egia bada ere, harreman sexual arruntak izateko orduan, nahiko desegokiak dira. Izan ere, desira piztu ordez, kitzikapena eten eta sexuaz gozatzeko oztopoak eragin ditzake MDMA edo estasiaren kontsumoak.

Gai honen inguruan informazio gehiago nahi izanez gero, hemen duzue saio osoa:

Pornografiaren sekretuak, agerian

Aste honetako ‘SexSua’ saioan, pornoaren industriaren eragina izan du hizpide Jon Gomezek. Segundoko 28.528 kontsumitzaile duen industria hau hobeto ezagutzeko, osasuna, sexu-heziketa eta komunikazioaren alorreko profesionalekin izan da Jon Gomez aurkezlea.

Gaizka Tovar, sexu-hezitzailea

Gaizka Tovar, sexu-hezitzailea

Zeintzuk dira pornoak sortzen dituen espektatibak? Egia al da pantailan ikusten dugun guztia? Nolako eragina du pornoaren kontsumo masiboak gaur egungo gazteengan? Galdera hauei erantzuna aurkitu nahian, Gaizka Tovar sexu-hezitzailearekin izan da Jon Gomez. Gaizkak argitutako lehen kontzeptua honakoa da: pornoa gezurra da. Sexologoak argitu duenez, kutsu erreala emateko, fikziozko zineman erabiltzen diren trikimailu eta efektu antzekoak erabiltzen dira zine erotikoan. Honela, gaur egungo gazteriarentzat frustragarriak diren eredu irrealak sustatzen ditu.

Sexu-jostailuak

Sexu-jostailuak

Gaizka Tovarren baieztapena argudiatzeko, pornoaren industrian eta errealitatean ikusten diren ereduen arteko konparaketa aurkeztu dute saioan. Pelikula pornoetan ikusten diren zakilen tamaina 15-21 zentimetro bitartekoa izaten da, errealitateko batezbesteko tamaina 13-18 zentimetro bitartekoa denean. Emakumezkoen kasuan ere, pornoan ikusten diren alu gehienak oso antzekoak dira, errealitatean, forma, itxura, kolore eta tamaina ezberdinekoak diren bitartean. Harreman sexualetan, emakume guztiak orgasmora heltzen ikusten ditugu film hauetan; egunerokotasunean, ostera, emakumeen %71k ez du lortzen orgasmora heltzea.

Zine mota honek sortzen dituen itxaropen faltsuak irauli eta mitoak deseraikitzeko, Gaizka Tovarrek hezkuntza sexuala indartzea proposatzen du. Bere ustez, gizarteko sektorerik gazteenean dago gakoa; izan ere, inkesten arabera, 11 urterekin hasten dira gaur egungo gazteak pornoa kontsumitzen.

Anton Arruza, urologoa

Anton Arruza, urologoa

Fisikoki pornoak eraikitzen dituen ereduek ez dute gazteen harremanetan soilik eragiten. Anton Arruza urologoak adierazi duenez, “pornoaren industrian ikusten diren zakilen tamaina eta itxura irrealek gazteei konplexuak sortzen dizkiete”. Honela, gazte askok urologoaren kontsultara joatea ekiditen dute, tamainaren konplexua gainditu ezinik. Emakumeek ginekologoaren figura barneratuta duten bitartean, gizonezkoei urologoa arrotza egiten zaiela azpimarratu du Anton Arruza urologoak.

Allen King, 2014ko Europako aktore porno gay onena

Allen King, 2014ko Europako aktore porno gay onena

Baina pornoaren eragina ez da soilik publikoan antzematen. Allen King aktore pornoak Jon Gomezekin izandako elkarrizketan argi utzi duen moduan, aktore pornoek viagra antzeko botika eta estimulatzaileak hartu behar izaten dituzte sarritan. Pantailan ikusten duguna ikusteko, aktoreek lanordu luzeak ematen dituzte, azkenean, osasunerako kaltegarriak diren produktuak hartuz.

Beraz, pornoaren inguruko saio honetan ondorioztatu daitekeena honakoa da: pornoa kontsumitzea gozagarria izan daitekeen arren, ezinbestekoa da ikusten dugun horren inguruko kontzientzia kritikoa garatzea, aurrerantzean izan ditzakegun harremanak kaltetu ez ditzan.

Ikus ezazu saio osoa:

Orgasmora iristeko modu basatiak

sito1Sexua erotikoa, sentsuala, erromantikoa, eta, nola ez, basatia izan daiteke. Jarraian aipatuko ditugun praktikak ez dira oso ohikoak, baina existitu egiten dira, eta badira horien alde egiten dutenak ere.

Karramarro errusiarra

Karramarro errusiarra, adibidez, Errusian erabili izan den, baina jatorria Txinan daukan praktika basati bat da. Uzki bidezko sexua praktikatzen den bitartean, barearen parean kolpe bat jotzean oinarritzen da. Ustez, uzkia estimulatzen du horrek, uzkurtu egiten baita. “Joko” honetan hiru pertsonak parte hartzen dute.

Sexu-asfixia

Sexu-praktika arriskutsuenetakoa da aipatutakoa, ondo egin ezean heriotza ekar dezakeelako.
Arnasketa murriztuz sexu-betetasun oparoagoa bilatzen da horrekin. Poltsak edota sokak erabili daitezke.

Uretako bondagea

Hainbat soka hartuta pertsona baten gorputza ur-azpian lotzean datza, piztina baten barruan adibidez. Bitartean, pertsona horren “nagusiak” sexua praktikatzen dio.

Fistinga

Ukabila baginatik sartzeari deitzen zaio fisting. Arriskutsua ez bada ere, nahiko basatia da.
Baginatik ez ezik, uzkitik ere sartzen dute baten batzuek.

Sitofilia

Baginatik edota uzkitik elikagaiak sartzen dituzte hau praktikatzen dutenek. Horren basatiak ez direnek, pepinoak, azenarioak edo kalabazinak hautatzen dituzte horretarako. Basatiagoak direnek, aldiz, ananak eta arto-buruak erabiltzen dituzte.

Orgasmoetan sakontzen

orgasmoIndartsu hasi zuten opor osteko “Luzia eta sexua” estreinako atala. Orgasmoa hizpide hartuta, barre algaraka eman zuten asteleheneko “Akabo Bakea” saioa.

Nesken kasuan, kilimak eta kontrakzioak omen dira klimaxera iritsitakoan gorputzak izan ohi dituen erantzun nagusiak. Orgasmo motei dagokienez, klitoritik lortzen den plazerrak hartzen du indarra nesken kasuan, baina bularrak laztanduta, muxuak emanez zein adimena erabilita emakumea orgasmora heltzeko gai dela azaldu zuen Luziak.

Mutiletan, berriz, eiakulazioa izan ohi da orgasmoaren erantzun argiena, nahiz eta gorputzak beti berdín jokatzen ez duen. Izan ere, isurketarik gabeko orgasmoak eta orgasmorik gabeko isurketak existitzen dira.

Orgasmoren intentsitateaz ere mintzatu ziren, eta kitzikapen maila gorenera iritsi aurreko bideak duen garrantzia azpimarratu zuten.

Iraupena

Badirudi orgasmo kontuetan emakumeak eta gizonak ez direla hain parekoak. Datuek erakusten dutenez, mutilen orgasmoek 3 eta 8 segundu artean irauten dute; aitzitik, emakumeenak, 13 segundotik gorakoak izaten dira.

Emakumeek 7 orgasmo mota izan ditzakete

Emakumeen orgasmoa 7 motatakoa izan daiteke. Argazkia: Getty Images.

Bai, ez duzu gaizki irakurri, 7 orgasmo mota izatera hel daiteke emakume bat! Gaur gure blogean banan-banan aztertuko ditugu:

G puntua

Orgasmo motarik bortitzena eta ezagunena G puntuaren estimulazioaren bitartez lortzen da. Eremu hau hezur pubikoaren gainean dago kokatuta, eta ohikoena sarketaren bitartez estimulatzea da. Halere, behatzen bidez edota jostailu erotikoak erabiliz ere hel daiteke mota honetako orgasmora.

Bularrak

Emakumeen bularrak plazera lortzeko era agortezin eta mugagabeak dira. Modu asko daude hauek estimulatzeko: behatzen bidez, eskuen bidez, ahoarekin, mingaina erabiliz… Eta, askok sinesten ez duten arren, orgasmora hel daiteke bularrak estimulatze hutsarekin.

Adimenaren bidezkoak

Plazeraren ehuneko handiena buruan dago. Sinesgaitza dirudien arren, adimena soilik erabiliz ere lor daiteke orgasmoa lortzea. Horretarako, beharrezkoa da fantasia on izatea gogoan.

U puntua

Oso gutxi hitz egiten da eremu honetaz. Uretran dago, klitoriaren ondoan, eta behatzez zein aho bidezko sexuaz estimula daiteke. G puntuaren bidez lortzen den orgasmoaren antzekoa lortzen da honen bidez.

Klitoria

Emakumeen artean plazera eragiten duen eremu ezagunena da. Behatzen bidez, jostailu sexualekin, ahoarekin edota sarketaren bidez estimula daiteke, baita beste edozein gorputz atalekin igurtziz ere.

K puntua

Klitoriaren bi aldeetan dago. Askotan emakumeek puntu hau ahaztuta dute, edota ez dute behar bezala estimulatzen.

Uzkia

Askotan gaia tabu kontsideratzen den arren, gero eta emakume gehiago dira sexu mota hau praktikatzen dutenak, eta, hauetako askoren esanetan, orgasmora hel daiteke. Oso garrantzitsua da aurretik emakumea oso bero egotea eta, behar izanez gero, lubrifikatzaileren bat erabiltzea.

Orgasmora errazago iritsi nahi?

Orgasmora iristeko gakoak ezagutarazi ditu egunkari digitalak. Argazkia: Huffington Post.

Orgasmora iristeko gakoak ezagutarazi ditu egunkari digitalak. Argazkia: Huffington Post.

Lehenik eta behin, berotzen gaituzten gauzetan pentsatu behar dugu; hau da, eroso sentiarazten gaituzten egoeretan eta orgasmoa erraz lortzea ahalbidetzen dutenetan. Gure burua eta gustatzen zaiguna ondo ezagutzea ezinbestekoa da eta hau bikotekidearekin konpartitzea, honek ere lagun dezan.

Kezkatzen gaituzten gauzak alde batera utzi behar ditugu. Estresak, antsietateak edota orgasmora iritsi beharrarekin itsutzeak ez gaitu kontzentratzen uzten. Horrelako egoerek kontrako efektua sorraraz dezakete, gure burua helburuan pentsatzen ari baita eta ez prozesuan.

Hirugarrenik, orgasmora iristeko ”bide zuzena” ahaztea komeni da. Ez dago modu hoberik ez okerrik, esperimentatzea eta norberari gustatzen zaiona aurkitzea da gakoa. Sexu harremanetan orgasmora ez iristea ez da zertan txarra izan behar; oso ohikoa da, eta horregatik komeni da kanpoko laguntzak erabiltzea, hala nola, bibragailuak edo pelikula erotikoak.

Orgasmora hobeto iristeko beste gako bat osasuntsu egotea da: ez erretzea, alkoholik ez edatea, drogarik ez kontsumitzea eta kirola egitea aholkatzen du egunkariak, hauek beroaldian eragiten dutelako eta ez beti positiboki.

Azkenik, gomendagarria da sexuan adituak diren medikuengana jotzea arazoren bat badugu. Askotan gure arazoen azalpena uste duguna baina askoz ere sinpleagoa da, eta haiek lagundu dezakete.

Eta emakumeak plazerik lortzen ez duenean?

Emakumeak plazerra lortzen ez duenea, zer?

Emakumeak plazerra lortzen ez duenean, zer?

Emakume askok dituzte arazoak harreman sexualetan plazera lortzeko. Sexua ez da pelikuletan bazalakoa, hori denek dakigu, eta batez ere emakumearen kasuan, ez da beti orgasmora iristea lortzen.

Duela hamarkada batzuk, “emakume zintzoaren” rolaren barne zegoen plazer sexualik ez lortzea, eta askok hori normala zela uste zuten. Baina sexuaren arlo gehienetan gertatu den bezala, honetan ere aurrerapausoak eman dira. Arrazoi asko egon daitezke arazo honen sorburuan. Gerta daiteke, adibidez, emakumeak bere bikotekidea beste norbaitekin (bikotekide ohi batekin, esaterako) identifikatzen egotea, eta, ondorioz, plazerik ez lortzea.

Askok gizonari leporatzen diote errua, eta hori ere akatsa da. Gozatzeko lehen baldintza nor bere buruarekin gustura egotea da, nahiz eta, noski, bikotekideak ere duen eragina. Horregatik, arazoaren iturburua gehienetan emakumea bera da, bere gorputza edo bere psikologia onartu ezin duen emakumea.

Egoera horren aurrean lehen pausoa arazoa bera dugula onartzea da. Ez da norberak erabaki duen arazoa; beraz, naturaltasunez onartu behar da. Laguntza profesionala bilatzea ere gomendatzen da. Lotsak alde batera utzi eta arazo hau duten emakumeek mundu berri bat dute ezagutzeko.

Amets bustiak

Amets bustiak

Amets bustiak

Azaltzeko zaila izan daitekeen arren, posible da, eta, gainera, ohikoa da lo gaudela orgasmoak izatea. Zergatik sentitzen ditugu halako sentsazioak inolako harreman sexualik izan gabe? Arrazoia burmuinean dago, hor kokatzen baita plazera. Beraz, gure burmuina da ‘organo sexual’ onena.

Amets erotikoak izaten dituen orok orgasmoez gozatzen du lo dagoen bitartean, nahiz eta sarri ez gogoratu esnatzerakoan. Halakoetan, gainera, isurtzeak izatea ere arrunta da.

Orgasmoak sentitzeko gaitasunik ez duten pertsonekin edo gaiso medularrekin egindako ikerketek indartu egin dute burmuinak kontu horietan duen garrantzia. Zenbait ondoriok adierazi dutenez, burmuina organu sexualak ordezkatzeko gai ere izan daiteke.

Plantarik egiten al dute gizonezkoek ohean?

fingen-orgasmo-300x193 Emakumeen antzera, gizonek ere gogo gutxiko eta itxurakeria askoko egunak izaten dituzte. Emakumeek egiten badute, zergatik ez gizonek? Hala ere, gizonezkoek itxurakeriak egiten dituztela jakiteaz gain, zergatia jakitea ere garrantzitsua da.

Hasteko, esan beharra dago orgasmoa eta eiakulazioa ez direla gauza bera. Jakina biak momentu berean gauzatzen direla eta biak bereiztea zaila dela. Baina gizonezko batek orgasmorik gabeko isurketa izan dezake eta baita isurketarik gabeko orgasmoa.

Argi dago fisiologikoki gizonezkoei emakumezkoei baino gehiago kostatzen zaiela plantak egitea. Baina kondoia erabiliz errazagoa egiten da antzerki pixka bat egitea, eta amaieran kondoia ken dezakete inork barruan daramana jakin gabe. Gizonezkoek euren plazera handitu ere egin dezakete oihuka eta aieneka.

Nekaturik zein sasoi txarra pasatzen egon, emakumearen ekiteak gizonezkoaren baietza ekar dezake, baina baliteke kasu hauetan itxurakeriak egitea, arinago amaitzea eta azkenik loak hartzea, bere helburu nagusia hori izanik.

Alkohola gizon gehienentzat arazo izan daiteke sexua egiteko, erekzioa zaildu baitezake eta orgasmoa atzeratu. Beraz, alkoholak ere gizonek plantak egitea eragin dezake.

Bikotekideak sasoi txarrean badago, eta emakumearena bada sexu-guraren falta, ohea toki latza bihur daiteke gizonarentzat. Emakumea asetzearen obsesioak ez dio lasai aritzen utziko eta sexu-nahia agortzea eragin dezake; honela, gustuko duen plantak egin dezake gizonak, gauzak bide onean jartzen saiatzeko.

Oihuak, sexu-harremanak hobetzeko modua

getSexu-harremanak izatean, pertsona bakoitzak duen jokabidea oso lotuta dago norberaren izaerarekin; lotsatiak isilagoak izaten dira sexu-harremanak praktikatzean, eta izaera irekiagoa dutenek, aldiz, erraztasun handiagoa izaten dute euren sentipenak konpartitzeko.

Horren harira, sexu-harremanak izan bitartean emakume zein gizonezkoek egiten dituzten oihuak aztertuko ditugu gaur Gazteako sexu-blogean; izan ere, ikerketa ugarik diotenez, plazera sentitzean oihukatzeak sexu-harremanak nabari hobetu ditzake.

Kasu gehienetan, sexu-harremanekin plazera sentitzean oihukatzea berezko erreakzioa izaten da; horregatik, emakume eta gizon askok egiten dute oihu orgasmora iristean. Beste kasu batzuetan, lotsagatik agian, plazer hori beste modu disimulatuago batzuetan adierazteko ohitura hartzen dute beste batzuek.

Plazera adierazten duen oihu batek bikotekideari sexu-harremanak izan bitartean bide egokia hartu duela adierazteko modu bat izan daiteke, harremanak izatean gustukoen duguna adieraztekoa. Gainera, giza entzumenari esker, bikotekidearen plazer oihuak afrodisiako baten antzera funtzionatzen dute. Hala ere, kontuz ibili beharra dago, zenbait pertsonarentzat oihuak arreta galtzeko modua baino ez direlako.

Amaitzeko, sexu-harremanak izatean oihukatzeko lotsa gainditu nahi izanez gero, bide egokiena masturbatzean praktikatzen hastea da.