Etiketaren artxiboa: zakila

Nola landu behar da sexuaren gaia hezkuntzaren alorrean?

Aste honetako ‘Sexsua’ saioan, Sexperientzia Ikastetxean izeneko erreportajea ikusteko aukera izan dugu. Aurreko saioetan hezkuntza sexualak duen garrantzia askotan aipatu bada, oraingo honetan, Euskal Herriko ikastetxe eta unibertsitateetan hezkuntza hau nola lantzen den ikustera hurbildu da ‘SexSua’.

Mireia Cifuentes sexologoa

Mireia Cifuentes sexologoa

Hasteko, aurreko saioetan ezagutu dugun Mireia Cifuentes sexologoarekin bildu gara, Lehen Hezkuntzako ikasleekin sexu-heziketa nola lantzen den ezagutzeko. Mireiak adierazi digunez, adin honetako umeekin lantzen diren gai nagusiak gorputzaren aldaketekin zerikusia dutenak dira. Lehen Hezkuntzako 6.mailako ikasleekin, hilekoaren agerpenarena da gai garrantzitsuetako bat. Gai honetan, beldurrak usatzea du helburu sexu-heziketak. Horretarako, hilekoaren inguruan dauden mitoak deseraiki eta tanpoia, konpresa eta kopa menstrualaren inguruko informazioa ematen saiatzen dira sexu-hezitzaileak.

Lehen Hezkuntzako ikasleak

Lehen Hezkuntzako ikasleak

11-12 urterekin lantzen den beste gai garrantzitsu bat bikotearekin edo sexu-harremana mantentzen den pertsona horrekin izan beharreko harremana da. Mireiak argi uzten duen moduan, arlo honetan ezinbestekoa da errespetua eta komunikazioaren garrantzia azpimarratzea. Etorkizunean ume hauek izango dituzten praktiken kalitatea bermatuko du bakoitzak gustuko duena eta egin nahi ez duena argi uzteak.

Mireia Cifuentes sexologoaren ustez, sexualitatearekiko harreman arrotza garatzen dute Lehen Hezkuntzan sexu-heziketa egokia ez duten umeek. Izan ere, mota honetako heziketa jaso ez duten nerabeek sexualitatea genitaletara lotzeko joera dute. Identitatea, generoa eta harremanen ulerkuntza guztiz zailtzen du, gerora, sinplifikazio honek.

Bigarren Hezkuntzako ikasleak

Bigarren Hezkuntzako ikasleak

Haurren hezkuntzak dituen eragin zuzenak ikusteko, Derrigorrezko Bigarren Hezkuntzako gela batean izan da Jon Gomez Garai. Bertan, Gaizka Tovarrek eta Mireia Cifuentesek emandako ikastaroan murgiltzeko aukera izan dugu. Nerabeen kasuan, norbanakoaren nortasunaren eraikuntzarekin zerikusia duten gaiak lantzen dira. Honela, gizarteak eta komunikabideek eraikitzen dituzten estereotipo negatiboak desegiten saiatzen dira sexu-hezitzaileak. Sexu-identitate anitzak azaldu eta epaiak saihesten saiatzea ezinbestekoa da. Cifuentesek azaltzen duenez, esanahiak argitu beharrean, nerabeak hausnarketara bideratzea da garrantzitsuena.

EHUko ikasleak

EHUko ikasleak

Azkenik, Euskal Herriko Unibertsitateko Lehen Hezkuntza graduko ikasgela batean egoteko aukera izan du ‘SexSua’ saioak. Bertan, Lutxi Larrazabal irakaslea agurtu eta bere klase batean sartu gara, etorkizunean irakasle izango direnei sexualitatearekin zerikusia dituzten egoerak planteatzeko. Lutxi Larrazabalen ustez, gaur egun ikastetxe eta institutuetan ematen den sexu-hezkuntza asko hobetu behar da. Bere aburuz, sexu-heziketa ez litzateke aparteko irakasgaia izan behar; irakasle guztiek gaia zehar-lerro gisa ulertzearen beharra nabarmendu du irakasleak. Etorkizuneko irakasleek, kanpoko laguntzarik gabe, egunerokotasunean naturaltasunez landu beharreko gaia dela adierazi du Larrazabalek.

Saioa ikusi nahi izanez gero, hemen duzue oso-osorik:

Pornografiaren sekretuak, agerian

Aste honetako ‘SexSua’ saioan, pornoaren industriaren eragina izan du hizpide Jon Gomezek. Segundoko 28.528 kontsumitzaile duen industria hau hobeto ezagutzeko, osasuna, sexu-heziketa eta komunikazioaren alorreko profesionalekin izan da Jon Gomez aurkezlea.

Gaizka Tovar, sexu-hezitzailea

Gaizka Tovar, sexu-hezitzailea

Zeintzuk dira pornoak sortzen dituen espektatibak? Egia al da pantailan ikusten dugun guztia? Nolako eragina du pornoaren kontsumo masiboak gaur egungo gazteengan? Galdera hauei erantzuna aurkitu nahian, Gaizka Tovar sexu-hezitzailearekin izan da Jon Gomez. Gaizkak argitutako lehen kontzeptua honakoa da: pornoa gezurra da. Sexologoak argitu duenez, kutsu erreala emateko, fikziozko zineman erabiltzen diren trikimailu eta efektu antzekoak erabiltzen dira zine erotikoan. Honela, gaur egungo gazteriarentzat frustragarriak diren eredu irrealak sustatzen ditu.

Sexu-jostailuak

Sexu-jostailuak

Gaizka Tovarren baieztapena argudiatzeko, pornoaren industrian eta errealitatean ikusten diren ereduen arteko konparaketa aurkeztu dute saioan. Pelikula pornoetan ikusten diren zakilen tamaina 15-21 zentimetro bitartekoa izaten da, errealitateko batezbesteko tamaina 13-18 zentimetro bitartekoa denean. Emakumezkoen kasuan ere, pornoan ikusten diren alu gehienak oso antzekoak dira, errealitatean, forma, itxura, kolore eta tamaina ezberdinekoak diren bitartean. Harreman sexualetan, emakume guztiak orgasmora heltzen ikusten ditugu film hauetan; egunerokotasunean, ostera, emakumeen %71k ez du lortzen orgasmora heltzea.

Zine mota honek sortzen dituen itxaropen faltsuak irauli eta mitoak deseraikitzeko, Gaizka Tovarrek hezkuntza sexuala indartzea proposatzen du. Bere ustez, gizarteko sektorerik gazteenean dago gakoa; izan ere, inkesten arabera, 11 urterekin hasten dira gaur egungo gazteak pornoa kontsumitzen.

Anton Arruza, urologoa

Anton Arruza, urologoa

Fisikoki pornoak eraikitzen dituen ereduek ez dute gazteen harremanetan soilik eragiten. Anton Arruza urologoak adierazi duenez, “pornoaren industrian ikusten diren zakilen tamaina eta itxura irrealek gazteei konplexuak sortzen dizkiete”. Honela, gazte askok urologoaren kontsultara joatea ekiditen dute, tamainaren konplexua gainditu ezinik. Emakumeek ginekologoaren figura barneratuta duten bitartean, gizonezkoei urologoa arrotza egiten zaiela azpimarratu du Anton Arruza urologoak.

Allen King, 2014ko Europako aktore porno gay onena

Allen King, 2014ko Europako aktore porno gay onena

Baina pornoaren eragina ez da soilik publikoan antzematen. Allen King aktore pornoak Jon Gomezekin izandako elkarrizketan argi utzi duen moduan, aktore pornoek viagra antzeko botika eta estimulatzaileak hartu behar izaten dituzte sarritan. Pantailan ikusten duguna ikusteko, aktoreek lanordu luzeak ematen dituzte, azkenean, osasunerako kaltegarriak diren produktuak hartuz.

Beraz, pornoaren inguruko saio honetan ondorioztatu daitekeena honakoa da: pornoa kontsumitzea gozagarria izan daitekeen arren, ezinbestekoa da ikusten dugun horren inguruko kontzientzia kritikoa garatzea, aurrerantzean izan ditzakegun harremanak kaltetu ez ditzan.

Ikus ezazu saio osoa:

Gorputza nolakoa, zakila halakoa

peneBatzuetan, oinek, atzamarrek edota sudurrak duten tamaina hartzen dugu kontuan mutil batek zakila handia duen ala ez ondorioztatzeko.

Horren inguruan teoria asko sortu dira urteen joan-etorrian, baina zein dira horien artean fidagarrienak?

Astearteko Akabo Bakea saioan hamar mito aipatu zituen Luziak, zein baino zein deigarriagoa.

1-Oinen tamaina tentetuta dagoen zakilaren parekoa da.

2-Sudur handia dutenek zakil handia daukate

3-Mutil garaien zakila luzeagoa izan ohi da.

4-Eskua L forman zabalduta, atzamar lodiaren eta aldamenekoaren arteko distantziak zakilaren tamaina irudikatzen du.

5-Arrazaren arabera asko aldatzen da tamaina: afrikarrek handiagoa dute; asiarrek, aitzitik, txikiagoa.

6-Mutil muskulutsuek zakil handiagoa dute.

7-Oinak elkartuta esertzean, belaunen artean dagoen distantziaren erdiak zakilaren tamaina erakusten du.

8-Halaber, lau zenbakiaren itxura hartzen duen jarreran esertzen direnek; hots, orkatila belaunaren gainean jarrita, zakil lodia omen dute.

9-Neurri batean, eskuetako erdiko bi atzamarrek zakilaren tamainarekin zerikusia izan ahal dute.

10-Burusoil daudenek zakil handiagoa dute.

Zergatik okertzen da zakila?

curva-peneZakilaren okertzea edo makurtzea (recurvatum penis izenaz ezagutzen da) jaiotzetiko akats bat da, eta zakila tentetzen eta gogortzen hasten den adinetik ikus daiteke, orduan ikusten baita horren kurbadura (beheranzkoa, normalean).

Peyronie gaixotasunak ere eragin dezake okertze hori,  normalean 40 urtetik gorako gizonei erasaten diena. Larrua jotzean zein zakila sartzean mina sor dezake; beraz, horren tratamenduak mina kentzea eta kurbadura handitzea saihestea du helburu. E bitamina eta inflamazioa ekiditeko produktuak gomendatzen dituzte medikuek arazo honi aurre egiteko, eta erradioterapia eta kortikosteroideak ere oso erabilgarriak dira.

Horrez gain, arin jardun behar da, gaixotasun horrek okerrera egiteak ondorio larriagoak sor baititzake.
Adituen aburuz, ebakuntza egitea azken aukera izan beharko litzateke. Soilik sartzeko arazo larriak izanez gero egin beharko litzateke; gaitz hori ez tratatzeak inpotentzia ekar baitezake. Ondorioz, okertze hori nabarituz gero, andrologo batengana joatea da onena.

Munduko zakilik txikiena

tamañoMutil askoren kezka izan ohi da zakilaren tamaina. Nahiz eta entzun izan dugun zakil handiek ez dituztela sexu-harreman atsegingarriagoak ziurtatzen, mutil gehienek neurtu izan dute inoiz beraien zakila, baita, ingurukoekin konparazioak egin ere.

Gainera, ikerketa asko egin izan dira urteetan zehar zakilen batezbesteko tamaina zein den jakiteko eta, egia esan, herrialde batetik bestera, datuak nahiko ezberdinak dira.

Eingo al deu sexu blogean behin baino gehiagotan hitz egin dugu tamainari buruz, baina, gaurkoan nobedade batekin gatoz. Hain zuzen ere, munduko zakil txikienak zenbat neurtzen duen deskubrituko duzue post honetan.

Alfred Kindsey ikertzaileak egindako galdeketek erakusten dutenez, 2,5 zentimetro zituen aipatutako ikerketetan parte hartutako mutilen artean neurtutako zakil txikienak. Dena den, zentimetroa gainditzen ez duten zakilak neurtu izan direla erakusten du medikuntzak. Bada “hipoplasia congenita” izenez ezaguna den gaixotasun bat. Hau pairatzen duten gizonen barrabilek tamaina normala dute baina zakila ezkutatuta izaten dute.

Zergatik gertatzen dira goizetako erekzioak?

ereccionesGaldera sinplea bada ere, askok eta askok ez dute ezagutzen erantzun zuzena. Goizetako erekzioak ez dira kitzikapen egoera baten ondorio izaten.

Mutil asko dira goizetan zakila tentetuta esnatzen direnak eta horrek badu azalpena. Puxika beteta dagoenean gertatu ohi da. Honek presioa egiten du sabeLaren azpiko odol-hodietan eta ondorioz, zirkulazioa bihotzera itzultzea oztopatzen du. Odol erretentzio honek zakilaren tentetasuna eragiten du. Gauza bera gertatzen da gizona kitzikatuta dagoenean.

Ustez inpotenteak diren mutilek ere izan ahal dituzte goizetako erekzioak. Horrek argi erakusten du fisiologikoki mutil hori ez dela inpotentea. Kontua da, egoeraren arabera, eta lotsa eta konplexuak tarteko direla, zailtasunak izan ditzakeela zakila tente mantentzeko.

Semenaren eta zakilaren zaporea

sexoArgi dago zakilak ez duela arrosa usainik, ezta semenak ezti zaporerik ere. Hortaz, normala da jende askori nazka ematea aho bidezko sexua praktikatzeak. Horregatik, felazioak egiteko orduan, higieneak eta osasunak berebiziko garrantzia dute.

Garbi dagoen zakilak ez du zertan usain txarrik izan behar. Halere, isurketek zapore gazia eman ohi diote sarritan. Barruko arropak maiz aldatzeak eta pixa egin ostean zakila garbitzeak lagundu egiten du zaporea “gozotzen”.

Semenari dagokionean beste faktore batzuek ere garrantzia dute. Koipe zein pikante asko duten jakiak jateko edota alkoholdun edariak kontsumitu eta erretzeko ohitura duten mutilen kasuan semenak zapore txarragoa izan ohi du. Dena den, gizon batetik bestera asko aldatzen da semenaren zaporea. Arroza, patatak, hidratoak, pastelak, izozkiak eta azukredun edariak jaten eta edaten dituzten mutilen hazia gozoagoa izaten da. Barazkiak, entsaladak eta apioa hartzen dutenen semenak, aldiz, oso zapore gutxi izaten du.

Amaitzeko, haragi gorria, zainzuriak, espinakak, brokolia etab aukeratzen duten mutilen semena garratza izaten da.

Zer da zakil luzatzailea?

extensor_peneSexu-harremanak izaterako garaian, askotan gizonezkoek kezka bakarra izan ohi dute, eta urteetan zehar, trauma ugari eragiten ditu zakilaren tamainak. Honen ondorioz, zakila luzatzeko hainbat teknika sortu dira merkatuan.

Produktu hauek tamaina izugarri handitzearen promesa egiten dute, baina, gizonezkoen konplexu horretaz aprobetxatu egiten dira gehienak.

Zakil luzatzaileak gizonezkoaren zakila zentimetro batzuk luzatzeko balio du. Hori esatea oso erraza da, baina ez da hain erraz lortzen. Mediku batekin hitz eginez gero, zakilaren luzapena ez dela ia antzeman egiten esango du, bere erabilpenak eragiten dituen minekin eta sufrimenduekin konparatuz.

Adituen arabera, zakilaren luzatzailea erabili nahi duten gizonezkoek oso arduratsuak izan behar dute honen erabileraren jarraibideekin, denbora luzean erabili ondoren zakilean kalterik jasan nahi ez badute.

Zakil luzatzaileak eztabaida handiak sortu ditu medikuen artean. Batzuentzat, zakilaren tamainak sortzen duen arazoa autoestimu arazo bat besterik ez da.

Nola luzatu eta loditu zakila?

ssexoNorainoko garrantzia dauka zakilaren tamainak? Askok uste dute tamainak ez duela inporta, beste batzuk, aldiz, sekulako garrantzia ematen diote zakil handi bat edukitzeari. Horren aurrean, kirurgiak aurrerapauso handia eman du azken urteetan eta, badirudi, zimurrak kentzeko erabiltzen ziren azido hialuronikoz osatutako injekzioak zakila handitzeko ere balio dutela orain.

Injekzio honek larruazalaren eta gorputz leizetsuen artean gel antzeko bat sartzen du. Ordu erdi inguruko ebakuntza da eta zakilaren zirkunferentzia 3,5 zentimetro handitzen du.

Ebakuntza anestesia lokalarekin egiten dute eta gai honetan adituak direnek esaten dutenez, emaitza oso naturala lortzen da. Gainera, kasu askotan posible da luzera eta lodiera aldi berean handitzea. Zakil txikia duten gizon askok teknika bikoitz hau aukeratzen dute. Gutxi gorabehera 6000 euro inguru balio du ebakuntzak.

Nola mantendu zakila tente denbora luzez?

ereccionesAskotan ez da lan erraza izaten zakila denbora luzez tente mantentzea, hori dela eta, Eingo al deu sexu blogean hainbat aholku eman nahi dizkizuegu:

Ez hartu presarik. Neskek nahiago dute oso azkar ez joatea. Utzi zakilari gutxika erritmoa hartzen, bikotearekin jolasean gabiltzan bitartean, eta guztiz gogortuta dagoenean orduantxe praktikatu sarketa.

Erabili zakilerako eraztunak. Aparatu hauei esker zakilean sartzen den odolak ez du ihes egiten eta zakila denbora luzez mantentzen da zutituta.

Tantra frogatu. Tantran erabiltzen diren sexu teknikek nesken eta mutilen orgasmoak atzeratzen laguntzen dute. Modu horretan, isurketa beranduago gertatzen da eta plazerra areagotzen da.

Ikusi pelikula pornoak. Sexua praktikatzen dugun bitartean pornoa ikusteak sexu gosea indartu dezake.

Sexua umoretsu gaudenean praktikatu. Urduri, tentsioan eta umore txarrarekin gaudenean ez da komeni sexua praktikatzea. Umoretsu eta lasai gauden momentutan aldiz, sexua ere hobea izaten da eta zakilak askoz hobeto erantzuten du.