Etiketaren artxiboa: harremanak

Orgasmorik onenak, 36 urterekin

Espainiako Estatuko emakumeek gogobeteko sexu harremanak dituzte munduko gainerako herrialdeekin alderatuta. Izan ere, hainbat adituk zoriontasunari buruz egindako txosten batek erakusten duenez, sexua praktikatzen duten bi alditik behin orgasmora iristen dira; beste herrialde askotan, berriz, hiru alditik behin soilik lortzen dute klimaxera heltzea.

Gizonezkoei dagokienez, 50 urterekin sexu harrean hobeak dituzte 30ekin baino. Hain zuzen ere, adituen arabera, gezurra da urteek aurrera egin ahala sexu-harreman gutxiago edukitzen direla.

Horrekin lotuta, Texaseko Unibertsitateak egindako ikerketa batek ondorioztatu du 36 urterekin izaten direla harreman gogobetegarrienak. Oraindik zahar sentitzetik urruti gaude adin horrekin, baina, aldi berean, lotsa galduta dugu. Hori horrela, sexuaz gozatzeko aukera zabalagoa dugu.

Unibertsitateko zein ikasketatan ligatzen da gehien?

índiceIkasleen ezagutzak gehitzeko ez ezik, ligatzeko aukera ere ematen du unibertsitateak kasu askotan. Jende berria ezagutzen dute gazteek, eta, zalantzarik gabe, harremanak garatzeko toki ezin hobea da.

Baina unibertsitateko zein ikasketatan ligatzen da gehien? Meetic aplikazio ezagunak egindako ikerketak erakusten du mutilen eta nesken kasuan fakultate arrakastatsuena ez dela berbera.

Hala, emakumeek Zuzenbide ikasketetan ligatzen dute gehien, eta ondotik jarraitzen diete Irakasle-ikasketek. Hirugarren tokian Medikuntza dago, eta laugarren eta bosgarren lekuetan kokatu dira, hurrenez hurren, Arkitektura eta Erizaintza.

Mutiletan, berriz, Enpresa Zientziak edo Ekonomikak aukeratzen dituztenek errazago ligatzen omen dute. Ingeniariek jarraitzen diete aipatu bi karrerei, eta zerrendan ondoren datozen ikasketak errepikatu egiten dira: Medikuntza, Arkitektura eta Irakasle-ikasketak.

Sexu-harremanak, telefono mugikorrari begira

3759375253_2de9c1992e_bNomofobia izenarekin da ezaguna pertsona askok telefono mugikorrarekiko duten mendetasuna. Arazo larria da aipatutakoa, batez ere, beste eginkizun batzuk burutzeko orduan mugak jartzen dituenean; adibidez, sexu-harremanak izaterakoan.

Haatik,kontu hori hartu dute aztergai Virginiako Unibertsitatean, eta emaitzek erakutsi dute hamar lagunetik batek telefonoa begiratzen duela sexua praktikatzen ari den bitartean; batik bat, gazteek.

Horretarako, 221 ikasleren jokabidea aztertu dute. Horietatik % 10ak onartu du sexua-harremanak dituenean mugikorra kontsultatzeko ohitura duela. Horixe bera gertatzen da lanean gaudenean, baina kasu horretan portzentajea nabarmen hazten da. Izan ere, %70ak begiratzen du telefonoa beharrean, eta %95ak bileraren batean dagoenean.

Zergatik?

Sexua praktikatzerakoan sakelako telefonoa kontsultatzea antsietarekin du zerikusia. Hau da, mugikorra gehiegi erabiltzen dutenengan antsietatea sortzen da une batez telefonoari jaramonik egiten ez badiote.

Non du muga sexu askeak?

sexuHarreman aske bat izateko orduan badira zenbait faktore nahitaez kontuan hartu beharrekoak; besteak beste, zure asmo bera duen pertsona batekin elkartzea. Baldintza hori bete ezean, alegia, biek bikote askearen ideia argi ez badute, ezinezkoa izango da mota horretako harreman bat bideratzea.

Hala eta guztiz ere, ez da erraza harreman liberal baten alde egitea, nahiz eta geroz eta bikote gehiagok hautatzen duten sexu kontuetan askatasuna edukitzea.

Horixe da, hain zuzen ere, harreman aske batek bilatzen duena: bikotetik kanpo sexua praktikatzea, askatasun osoz, eta azalpen gehiegirik eman gabe.

Baina non jarri muga?

Garrantzitsua da aldez aurretik zenbait puntu zehaztea: adibidez, bikotez kanpoko harremanak ezkutuan eramatea ala ez. Hau da, beste norbaitekin sexua izateko askatasuna eduki arren, bikote aske batzuek nahiago dute neska- edo mutil-lagunak harremanetik kanpo egiten duenaren berri ez izan. Aitzitik, badira “etxetik at” dituzten harremanei buruz lasai asko hitz egiten duten pertsonak.

Bikote askea izateak ez du esan nahi aldamenean dugunari kasu gutxiago egin behar diogunik. Hobe da benetan maite dugun pertsona hori zaintzea, eta lehentasun moduan edukitzea; ostera, askoz zailagoa izango da harremana haserrealdirik gabe eramatea.

Gogoratu beharra dugu bikotea osatzen duten bi partaideentzat dela zilegi beste sexu-lagun bat edukitzea, hortaz, onartu beharra dugu gure bikoteak ere eskubide bera duela nahi duenarekin oheratzeko.

Entzun saio osoa, hemen.

Euskal abesti sexualenak

sexoUrteko lehendabiziko “Luzia eta sexua” tartea izan zuten atzokoan ‘Akabo Bakea’n.

Indartsu eta Euskal Herritik mugitu gabe eman zuten saioa ‘akaberoek’, musika eta sexua hizpide hartuta. Hain zuzen, euskal musikak eman dituen abestirik sexualenak, sutsuenak edota beroenak jarri zituzten mahai gainean. Horretarako, 2003an kaleratutako Sex’n roll diskoan oinarritu ziren.

Guztira hamazortzi kantu jasotzen ditu horrek; Doctor Deseoren, Latzenen, Ido Bihotzen, Urtzen eta Barricadaren kantuak, kasu.

Hori gutxi ez, eta entzuten dugun musikaren araberako sexua dugula ere aipatu zuen atzokoan Luziak. Horrekin lotuta, estilo bakoitzak zer nolako harremana dakarren azaldu zuen.

Musika elektronikoa, rocka eta metala dira sexu-saio arin eta bizietarako aproposenak. Dibertitzea bilatzen dutenek, berriz, hobe dute pop edo disko musika hautatzea, eta sexu tantrikoa, slow sexa edota, orohar, saio lasaiagoen aldeko apustu egiten dutenentzat musika klasikoa, jazza edo bluesa gomendatu zituzten.

Entzun hemen saio osoa.

Presondegi barruko sexu-harremanak

sexuGai sakona eta askorentzat ezezaguna, bart “Akabo Bakea” saioko ‘Luzia eta sexua’ atalean landu dutena. Izan ere, kartzeletan sexua nola bizi duten hizpide hartuta ekin zioten asteazkeneko saioari. Horretarako, zortzi urtez mutil-laguna preso izan duen neska gazte baten testigantzak jaso zituzten.

Gogorrak dira oso espetxeetako baldintzak, eta are gogorragoak presoen intimitate momentuak. Astero bisitak jasotzeko aukera duten arren, aurrez aurreko intimoak hilabetean behin baino ez dituzte izaten.

Horretarako, sexurako propio prestatutako gela batean elkartzen dira bikoteak; ohe bat, mahaitxo txiki bat eta bi aulki baino ez dituen gela zikin eta txiki batean, hain zuzen.

Hori gutxi ez, eta bidaia osteko tentsioa, urduritasuna eta nekea gehitu behar zaizkie topaketa horiei. Guzti horrengatik ez da erreza emozioari, “txispari” eta sexurako grinari gogotsu eustea.

Imaginazioari eta esperientzia berriei atea guztiak itxiz, egoera ezeroso hauek, sexuaren xarma arriskuan jartzen dute maíz.

Egia da, kartzela batetik bestera neurriak aldatu egiten direla, baita Frantziar Estatutik Espainiar Estatura ere. Dena den, bisiten maiztasuna, bikotearekin egoteko denbora-tartea eta presozainen presioa antzekoa izan ohi da denetan.

Entzun saio osoa!

Egunean zenbat aldiz pentsatzen dugu sexuan?

SEXOGizonezkoek, egunean, sexuan 7.200 aldiz pentsatzen dutela zioen albiste faltsua zabaldu zen Internet bidez duela urte batzuk. Horrekin lotuta, hainbat zientzialarik ikerketak egin dituzte, benetako maiztasuna zein den argitzeko.

2011n adibidez, Ohioko Unibertsitateko ikertzaile talde batek aztertu eta Journal of Sex Researchek argitaratu zuenez, gizonezkoek egunean 19 aldiz pentsatzen dute sexuan; emakumeek, aldiz, 10 bider.

Guztira, 18 eta 25 urte bitarteko 283 pertsonek parte hartu zuten ikerketan. Horretarako, hiru botoi (sexua, jatekoa eta lo egitea) zituen zenbatzaile bat erabili zuten, eta emaitza garbia izan zen: gizonezkoek gehiagotan pentsatzen duten sexuan emakumezkoen baino, baina baita jatean edota lo egitean ere.

Dena den, adituek diote zaila dela neurketa egitea, batez ere, sexuan zenbatero pentsatzen dugun neurtzen duen aparailu bat aurrean dugula jakinda, kopurua nabarmen alda daitekeelako.

Beste ikerketa bat

Ohiko ikertzaileak ez dira afera honetan interesa jarri duten bakarrak. 2012an Wilhelm Hoffman psikologoak eta Booth School of Businesseko haren lankideek, teléfono mugikorretarako aplikazio bat erabilita aztertu zuten zenbatero pentsatzen duten mutilek sexuan. Aplikazio honek, eguneko edozein unetan, burutik pasatutako azken pentsamenduei buruz galdetzen zien erabiltzaileei. Kasu honetan, lo egitea, lagunekin ateratzea, aisialdia edota kafe bat hartzea pentsamendu askoz ohikoagoak direla ondorioztatu zuten ikertzaileek. Izan ere, sexua egun amaierarako gordetzen zuten gogoeta baino ez zen, eta hala ere, parte hartzaile askoren artean, gauetan normalagoa zen lo egitean pentsatzea.

Hortaz, zein ikerketa hartu beharko genuke kontutan? Egia esan, oso zaila da ikerketa hau egitea, kontu batean ala bestean pentsatzera baldintzatuta gauden bitartean. Horrenbestez, ezinezkoa da sexuan gehien pentsatzen dutenak nortzuk diren ezagutzea.

Sexua, bikotea duzunean ala harreman egonkorrik gabe?

Noiz da hobea sexua? Bikotea dugunean ala bikoterik gabe gaudenean? Ziur gaude orotariko iritziak eragingo dituen galdera bota dugula, aste honetan. New Yorkeko unibertsitateak egindako ikerketa baten arabera, bikotea duten pertsonek sexu hobea izaten dute. Esaterako, bikote egonkorra duten pertsonen %48,5ek astean bizpahiru aldiz izaten dituzte harremanak; bakarrik daudenen artean, aldiz, %8k baino ez ditu astean bi edo hiru harreman izaten. Gainera, kopuruaz gain, hartu-emanen kalitatea ere hobea izaten omen da, elkarrenganako komunikazioa eta konfiantzak lagunduta.

Dena den, argi dago bai neskek zein mutilek fase desberdinak izaten ditugula sexu kontuetan, adinaren arabera. 25 urte baino gutxiago dituzten mutilek, adibidez, potentzia sexuala mailarik gorenean sentitzen dute. Hala ere, gehiegizko indar horrek hain baikorrak ez diren ondorioak ere eragin ditzake: nahi gabeko erekzioak eta eiakulazio goiztiarra, besteak beste.

Ondoren 40 urte bete arte, gutxi gorabehera, potentzia handia sentitu arren, egonkortu egiten da indarra. Ez dira gazteagoak bezain maiz masturbatzen, eta esperientzia gehiago dutenez, harremanen kalitatea hobea bihurtzen da.

Hurrengo fasea 55 urte artekoa izan ohi da. Garai horretan, desira psikologikoak behera egiten ez duen arren, baldintza fisikoak gainbehera goaz, normalean. Erekzioak gutxitzen joaten dira, adibidez. Azkenik, 55 urte bete ostean, sexua oso modu desberdinean bizitzen dute gizonek. Izan ere, desira gutxitzeaz gain, ikuspuntu lasaiagoa izaten dute.

Emakumeei dagokienez, adin tarteak ez dira hain garbi zehazten, baina badira zenbait datu interesgarri. 27 urte betetzean, sexu harremanak hobetu egiten omen dira nabarmen, 37tik gora, gerta daiteke desira sexuala mutilena baino handiagoa izatea. Oro har, lotsa gutxiago sentitzen dute, eta fantasiak ugaritu egiten dira.

Luziak kontatutako guztia entzuteko aukera duzu hemen. Eta, ez ahaztu, edozein zalantza edo iruzkin egin dezakezula. Zuen iritzien zain gaude!

Sexua bikotearekin

Klitoriaren sekretuak

Sexua lankideekin

Sexua lanean

Sexua lanean

Askok mitoa dela uste duten arren, geroz eta gehiago ikertzen dira lankideekin izandako harremanen inguruko xehetasunak. Zergatik? Gaur egun, oso ohikoak direlako. Etxean baina denbora gehiago igarotzen dugu lanean; beraz, ez da zaila halako kasuren bat ezagutu nahiz bizitzea.

Frantziako datuak islatzen dituen ikerketa baten arabera, galdetutakoen % 31k izan du lankideren batekin afera noizbait. Horietatik % 17ri ez zaio axola naturaltasunez jokatzea, baina gainontzekoek nahiago izan dute ezkutuan mantendu.

Ameriketako Estatu Batuetan, adibidez, laneko harremanak ez daude batere ondo ikusita. Hortaz, langile askok klausula bereziak sinatu behar izaten dituzte kontratuetan, tentazioak ekiditeko. Antza denez, produktibitatea kaltetzen dutela uste du enpresa askok.

Espainiar estatuko ikerketa baten arabera, galdetutakoen % 50ak onartzen du lankideren batekin sexua eduki izana. Era berean, bikotekide ofizialari adarrak jarri dizkiotenen artean, mutilen erdiak dio lankide batekin egin duela; nesken kasuan, ordea, % 42ak aitortu du lanean izan dela.

Datuak datu, garrantzitsua da zenbait neurri kontuan izatea, lanean eragin negatiborik ez izateko. Lehenik eta behin, hasieratik gauzak argi uztea komeni da; hau da, bakoitzak zer nahi duen azaltzea elkarri. Izan ere, harremana ez bada ondo bukatzen, egunerokotasunean ondorio kaltegarriak eragin ditzake. Horrez gain, beste lankideekin dugun harremana ez aldatzen saiatu beharko genuke, naturaltasunez jokatuz. Azkenik, hobe da intimitate uneak etxerako uztea.

Nesken % 60k eta mutilen % 30 inguruk antzezten dituzte orgasmoak

Emakumeen A puntua

Mitoa dirudi, eta, batik bat, neskei egotzi izan zaie, baina, mutil zein neska, asko dira sexu harremanetan, orgasmora iritsi diren plantak egiten dituztenak. Hainbat ikerketaren arabera, nesken % 60k egten dituzte edo egin dituzte inoiz plantak, eta mutilen artean, berriz, %20-30 artekoa da kopurua. Bitxikeria moduan, aipagarria da aspaldiko ikerketak eta egungoak alderatzen baditugu, gora egin duela mutilen artean orgasmoa antzezten dutenen kopuruak, baina ez dakigu zenbatekoak berak egin ote duen gora, ala aitortzen dutenen kopuruak egin ote duen.

Eta, zer dela eta egiten ditu jendeak plantak orgasmoan? Arrazoi nagusia bat da, bai nesketan, bai mutiletan: bikotekidea pozik edukitzea. Badirudi euren bikotekidea ezleial izateko beldur dela asko, eta orgasmoan plantak eginda bikotekidea gusturago utziko dutela uste dutela. Baina, jakina, presio horrekin, ez dugu sexuaz hainbeste gozatuko.

Entzun ‘Akabo Bakea‘ irratsaioko ‘Luzia eta sexua‘ atalean gai honi buruz emandako xehetasun guztiak.