Etiketaren artxiboa: BIRJINTASUNA

Birjintasuna galtzeko hiru era

sexuLaura Carpenter soziologoak Perdida de la virginidad, un retrato intimo de las experiencias sexuales liburuan kontatzen duenez, lehenengo sexu harremana ahaztezina izaten da guztiontzat. Honen hitzetan badira sexuaren munduan debuta egiteko hiru modu ezberdin:

1. Askorentzat ustekabea izaten da lehenengo aldia. Bada jendea desilusioa hartzen duena. Horrek aurrerantzean sexua gogo gutxirekin hartzea eragiten du maiz eta 45 urte inguru betetzean beste harreman mota batzuk edota beste sexu praktika batzuk bizitzeko gogoa izaten dute perfil honetan sartzen diren pertsonek.

2. Beste batzuentzat lehenengo aldia ikastaldi luze baten hasiera baino ez da izaten. Positibotzat jo ohi dute lehenengo aldia, nahiz eta lehen harreman hori oso “atsegina” ez izan. Modu horretan, sexualitate natural bat abiatzen dute, aurreiritzirik gabekoa.

3. Amaitzeko bada hirugarren talde bat. Pertsona askok berandura arte itxaroten dute birjintasuna galtzeko eta horrek lotsa eta beldurra eragiten die momentua heltzen denean. Horregatik, nahiago izaten dute gustuko ez duten pertsona batekin oheratzea eta askok putetxeetara jotzeko ohitura dute. Lehenengo esperientzia bizi ostean, beraien sexualitateak zalantzazko norabidean jarraitu ohi du.

Posible da tanpoi batekin birjintasuna galtzea?

VIRGINIDAD1Geroz eta gehiago dira sexuari buruz zabaltzen diren mitoak eta gaur horietako baten gainean hitz egingo dugu. Askotan esan izan da emakume batek tanpoi batekin birjintasuna gal dezakeela, nahiz eta mito hori faltsua den. Hilerokoa etortzen den momentutik edozein neskak tanpoiak erabil ditzake eta honek ez du himenean eraginik izan behar. Himena mintz malgu bat da eta hau zabaldu egiten da menstruazioari bidea uzteko eta honen diametroa zabalagoa da tanpoi batena baino.

Hilerokoaren lehen egunetan oso erosoak dira tanpoiak, baina, azken egunetarako komenigarria da konpresak erabiltzea.

Hortaz, esan dezakegu neska batek sexu harremanak dituenean galtzen duela birjintasuna. Himena ez da mintz itxi bat, tiratu eta zabaldu egiten da, bestela hilerokoa ezin izango litzake atera.

Egia da neska askok arazoak izaten dituztela tanpoi bat jartzeko orduan, baina, horrek ez du esan nahi himenean gaitzen bat dagoenik. Edozein arazo dagoen momentuan pediatrak edota ginekologoak aurretiaz antzeman dezake.

Lehen sexu harremanetan gazteek izaten dituzten zalantzak

sexo-en-la-escuelaGazteen artean ohikoa da lehen sexu harremanak izan orduko zalantzak edukitzea. Askok ez dituzte haurdun geratzeko arriskuak ezagutzen eta beste askok ez dakite antisorgailu egokiena aukeratzen.

Zein da lehen sexu harremanak izateko adin egokia?

Ezinezkoa da adin egokiena zein den esatea. Batzuk oso gaztetatik hasten dira sexua praktikatzen, beste askok, aldiz, gehiago itxaroten dute. Halere, sexu adituen ustez 18 urterekin gazteak fisikoki zein mentalki prestatuta daude lehen sexu esperientzietan murgiltzeko.

Zer izan behar dugu kontutan?

Hainbat gaixotasun kutsatu daitezke sexu harremanen bidez eta gainera haurdun geratzeko arriskua ere badago. Horregatik, beharrezkoa da kondoia erabiltzea. Gainera, komenigarria da ginekologoarengana joatea, zalantzak argitzeko eta beste antisorgailu mota batzuei buruzko informazioa jasotzeko.

Kondoia da sexu bidezko gaixotasunak ez kutsatzeko metodo bakarra?

Argi dago sexu bidezko gaixotasunak ez kutsatzeko modurik seguruena harremanik ez izatea dela. Halere, kondoiak ere eraginkortasun maila oso altua dauka (%95). Haurdunaldiaren kasuan, %97ko eraginkortasuna du kondoiak.

“Ez dut kondorik erabili, haurdun egoteko arriskua daukat?”

Nerabe askok ez dute lehen sexu harremanean kondoirik erabiltzen, batez ere, lehenengo aldian haurdun geratzeko arriskurik ez dagoela dioten mito faltsuez fidatzen direlako.

Haurdun egon daitezkeela uste duten neskek lasaitasunez hartu behar dute egoera, urduritasunak eta estutasunak hilerokoa atzeratu dezakete eta. Aste beteko edo pare bat asteko atzerapena izan ezkero, haurdunaldi-proba egin edota ginekologoarengana jo beharko dute.

“Birjintasuna galdu nuen egunean asko kostatu zitzaigun zakila nire aluan sartzea”

NIRE LEHENENGO ALDIA:

virginidad1

“Mutil bat ezagutu nuen festa batean eta dirudienez, interes handia zuen nigan. Galderak egin eta egin ari zitzaidan eta behin baino gehiagotan esan zidan neska berezia nintzela. Niri, aldiz, fisikoki ez zitzaidan gehiegi gustatu, baina oso jatorra zen eta oso ondo portatu zen nirekin gau osoan zehar.

Gau osoa nire lagunekin eta nirekin egon zen, eta azkenean, denek espero zutena gertatu zen… Mutilak gehiago nahi zuela zirudien, baina ni ez nengoen inolaz ere prest, ez zen eguna ezta tokia ere. Beraz, beste egun batean geratzeko gonbidapena egin zidan. Hain jatorra zenez, nik ez nion ezekorik esan…

Beraz, egun batzuk beranduago geratu egin ginen, eta kotxean etorri zenez, zuzenean toki lasai eta ilun batera eraman zidan. Ez zen tontakeriekin ibili, zuzenean horretara joan zen, eta egia esan, nik ere gogoa nuen horretarako.

Oso gustora ginen, baina nire birjinitatea galtzeko momentua iritsi zenean oso urduri jarri nintzen… Eta hortara gindoazela… askoz gehiago lotsatu nintzen! Ez zen sartzen! Bera harrituta zegoen, eta ni gorri-gorri jarri nintzen… Izan ere, ez zidan sinisten nire lehenengo aldia zela.

Hala ere, oso ondo portatu zen, lasaitzeko esaten zidan, eta milaka eratara saiatu zen… Azkenean lortu genuen arte! Dena den, nire lotsa ez zen uxatu joan nintzen arte… Lortu genuen, eta hasieran min pixkat eman zidan… Baina, azkenean hasi nintzen egoeraz disfrutatzen…

Baina, gauzak ez zuen inolaz ere ondo jarraitu! Mina alde batera utzi eta disfrutatzen hasi eta handik gutxira… bukatu zuen… Niretzat lotsagarria izan zen egoera, baina berarentzat ere horrela izango zela pentsatzen dut, denbora oso gutxi iraun zuen eta…”

Kontatu zure lehenengo sexu esperientzia

‘Eingo al deu’ sexu blogean proposamen berri batekin gatoz. Irakurle batek bere lehen sexu esperientzia nolakoa izan zen kontatu digu eta zuei guztioi ere gauza bera egitera animatu nahi zaituztegu. Nolakoa izan zen zure lehenengo aldia?

Ganas_de_mi_primera_vez_01

Hona hemen irakurle honek kontatu diguna:

Denok nahi dugu gure lehenengo aldia baldintza ezin hobeetan izatea: pertsona egokiarekin, toki paregabean eta esperientzia ikaragarria izatea. Baina, zoritxarrez, ez da beti horrela izaten. Nire lehenengo aldia behintzat, guztiz kontrakoa izan zen; ez baitzen ez eguna, ez pertsona, ez tokia.

Egun horretan nire herriko festak ziren, eta gau ero horietako bat izan zen. Lagunekin edan eta edan ibili ginen, eta harrapatu nuen mozkorra inoiz baino handiagoa izan zen. Nik, aspaldidanik, mutil bat ‘fitxatuta’ nuen eta gau horretan, niri ez zidan begia gainetik kendu ere egin. Hori aprobetxatuta, egun hori nire birjintasuna galtzeko aukera zela pentsatu nuen.

Gau horretan nuen mozkorrarekin, ez dut gauza handirik gogoratzen… Baina, hitz egiten ari ginen, eta bera nirekin ligatzen ari zela argi eta garbi nabaritu nuen. Konturatzerako, musukatzen ari ginen eta pixkanaka gauza berotzen joan zen… Izugarrizkoa zen sentitu nuen zirrara horrelako mutil bat hain hurbil nuelako!

Jendez inguratuta ginen, eta berak hartu zuen toki lasai batera joateko erabakia. Beti pentsatu izan nuen lehenengo aldian urduri egongo nintzela, baina dirudienez, alkoholak nire urduritasun eta lotsa guztiak eraman zituen. Bera ez zegoen mozkorra eta dirudienez bera esperientziaduna zen, beraz, ez zen hain esperientzia txarra izaten ari. Dena okertu zen arte…

Ni ez nintzen konturatu ere egin, baina kale izkina baten geunden, eta ez zegoen bereziki ezkutatuta… Larrua jotzen ari ginen momentuan hiru neska pasatu ziren gure ondotik. Horietako bat begira geratu zitzaigun, eta negar batean garrasika hasi zen.

Mutil erakargarri horrek momentuan bertan kendu zidan gainetik, eta orduan ulertu nuen… Bere neska-laguna zen, eta nik ez nekien ezer. Beraz, nire lehenengo aldia inork nahi ez duen horietako bat izan zen: kale erdian izan zen, nire egoera ez zen batere ona, eta gainera, mutilak bikotekidea zuen. Nire lehenengo aldiak ezin zuen okerragoa izan!

Momentuan oso gaizki pasatu nuen, baina orain hori gogoratuz barre besterik ezin dut egin. Pertsona guztien lehenengo aldiak, nahi ala ez, ez baitira espero ditugun bezalakoak…”

Eta zuen lehenengo sexu esperientzia nolakoa izan zen? Animatu eta kontatu gazteaweb@eitb.com helbidera mezu bat bidalita edota hemen bertan iruzkin moduan utzita.

“Lotsak sexu-harremanetan mugak jartzen dizkit”

Jai eguna izan arren, sexu-bloga berritu dugu, irakurle batek bidalitako zalantzari erantzunez. Hona hemen gazte honek galdetu diguna eta Olatz Berastegi sexologoak erantzun diona:

“Kaixo Olatz, Eingo al deu? blogaren irakurle bihurtu naiz duela gutxi eta nire arazoak direla eta zuri idaztea pentsatu dut.

22 urte dituen Nafarroako mutil heterosexual bat naiz (hau esaten dizut ez homosexual edo bisexualen aurkako ezer dudalako, ezta inondik ere, emakumeek soilik erakartzen nautela jakiteko baizik). Ez zaizu batere normala irudituko, baina adin honetan oraindik ere birjina naiz, eta ez nik hala nahi dudalako.

Mundu guztiarekin naiz lotsatia, baina neskekin are gehiago. Eta gustatzen zaizkidanekin, askoz ere okerrago. Lotsa ikaragarria ematen dit neskekin ligatzeak eta, hasitakoan ere, ez dut arrakastarik izaten. Ez naiz hizlari txarra baina aparta ere ez, eta dantzan kaxkarra. Fisikoki, ez naiz beste munduko ezer. 1’72, argala baina ez gihartsua.

sexo

Gainera, gurasoen etxean bizi naiz halabeharrez eta sekula ere ez da etxea niretzat hutsik egoten eta ezinezkoa zait gurasoak bertan direla neska bat eramatea. Behin ia-ia zerbait lortu nuen neska batekin, baina etxera eramaterik ez, eta beste tokirik ere ez dago herrian (ostaturen bat edo)… Horrela nola ba? Orain kotxea badut baina txikia da eta, neska bati “goazen nire kotxera” esaten badiot baiezkorik lortuko al dut? Eta… Kotxe txiki batean ezer onik egin al daiteke sexuari dagokionez…?

Nire lagunen artean, batzuek saiatzeko esaten didate. Beste batzuek iseka egiten didate erdi txantxetan. Beste batzuek, berriz, “Hoa putetara motel!” esaten didate, baina hori ere ez dut nahi, nire printzipioen aurkakoa da sexua horrela lortzea. Orain arte behintzat eutsi diot hori egin gabe, ez dakit ergela izan naizen, baina tira.

Guzti hau dela eta, ez dakit zer egin eta etsipen ikaragarriarekin nago. Niri emakumeak gustatzen zaizkit, asko, nik nahi dut, baina ezin dut. Posible al da inortxo ere ez erakartzeko modukoa izatea? Etsi eta mutilzahar batek bezala “ordaindu” egin behar al dut horretarako? Ba al du nireak erremediorik?

Eskerrik asko eta ea erantzuten didazun.”

Olatzen erantzuna:

“Kaixo, lehenengo zu lasaitzea nahiko nuke nahiz eta badakiten lasaitu esanda hori ez dela lortzen. Beraz, ea hurrengo komentarioekin lortzen dudan.

22 urterekin birjina zarelakoz ez da ezer gertatzen, ezta gehiagorekin ere. Bakoitzak gure biografia daukagu eta ezin gara besteekin konparatu, harreman sexualak izateko ez dago adina bat finkatua, gauza da dagokion momentua bizitzea, eta noski gure beharrak eta nahiak identifikatzen joatea.

Irakurri dudanez, mutil ausarta zara, zure mugak non dauden (lotsa) ezagutzen duzu eta nolako harremanak nahi dituzun (putetxera ez duzu joan nahi) badakizu, beraz, pozik egon zaitezke pertsona askok ez baitute ezagutzen beraien burua. Alde horretatik, ez eman garrantzi gehiegi birjina izateari, gauzak etorriko dira.

Zuk esaten duzu ea erakargarria izan zaitezkeen neska batentzat, eta horrekin dudarik ez izan, erakarpena ez dago lotuta gorputz mota batzuekin bakarrik, erakarpena oso gorputz ezberdinetaz sentitu dezakegu, eta gainera pertsonak ezagutzen ditugunean erakargarriagoak iruditzeko aukera handiak ditugu, eta zure lotsa ere erakargarria suertatu daiteke neska askorentzat.

Bestalde, komentatu didazu, neska batek nola erantzungo zuen zuk kotxera joateko esaten badiozu, ez ditut neska guztiak ezagutzen baina nik esango nuke hobe duzula lasai joatea, zuregatik eta beregatik. Hau da, lotsatia bazara eman zure buruari aukera neska bat gutxika-gutxika ezagutzeko, hartu konfiantza zure buruarekin, beste pertsonarekin, eta horrela ere gauzak iristen dira. Askotan antsietateak gauzak azkar egitera eramaten gaitu eta horrek ez du laguntzen. Uste dut, oso garrantzitsua dela zure prozesua eta erritmoa errespetatzea, nahiz eta zure lagunekin konparatuta ezberdina da, zurea delako. Arestian aipatu dizudan bezala, uste dut zure alde gauza asko dituzula, badakizu zer bilatzen ari zaren eta nolakoa zaren.

Ez estutu, zure buruari denbora eman, ez konparatu besteekin eta animo!

Beste zerbait nahi izanez gero lasai idatzi.

Ondo izan.”