Hileko artxiboak: otsaila 2014

Sexua eta legearen mugak

Bi kontzeptuak parean jarriz gero, edonork esango luke kontraesankorrak direla: legeak eta sexuak ez dutela zerikusirik, edo luketela izan behar, behintzat. Dena den, Interneten ikertu ostean, munduan barrena sexua arautzen duten lege eta irizpide asko dagoela baieztatu dugu. Beraz, gai hori sakondu dugu ‘Luzia eta sexua’ atalean.

Libanon, esaterako, gizonek animaliekin sexua izan dezakete, baina soilik emeak direnekin; hots, arra izanez gero, hori egin duenari heriotza-zigorra ezartzeko aukera onartzen du legediak. Horrez gain, Hawaiin ere adibide bitxia topatu dugu: adin txikiko batek pertsona nagusi batekin harreman sexuala izanez gero, adin txikikoaren gurasoak atxilotu eta zigortuko dituzte, seme edo alabari heziketa liberalegia emateagatik.

Ondoren, Indonesiako arauetako bat ere aipatuko dugu; izan ere, masturbazioa debekatuta dago. Hortaz, norbait horretan harrapatuz gero, atxilotu eta burua mozteko zigorra ere ezarri diezaiokete.

AEBetan

Errepaso legal honetan, Ameriketako Estatu Batuetako mugek tarte berezia merezi dutela uste dugu. Virginian, ezin da sexurik izan argia piztuta. Halaber, ahozko sexua 18 estatutan debekatuta dago.

Washington aldean ere arau ugari ikusi ditugu. Ez da legala birjina den norbaitekin oheratzea, eta misioneroaren postura soilik onartzen dute.

Jarraian, Minnesotako lege bitxi bat aipatuko dugu. Mutilek ezin dute berakatz, tipula edo sardina usaineko hatsa botatzen duen neska batekin oheratu. Gainera, hala eskatuz gero, neskek hortzak garbitu beharko dituzte.

Ezagutzen al duzue zuek halako lege edo araurik? Luziak ‘Akabo bakea‘n errepasatutako guztiak entzun ditzakezu hemen. Eta, gogoratu edozein galdera edo zalantza argitzeko prest gaudela.

Argazkia: Cosmopolitan.

Argazkia: Cosmopolitan.

Ardo beltza, sexurako sekretua

sexuColin Farrellek elkarrizketa batean egindako adierazpenekin abiatu zuten asteleheneko “Luzia eta sexua” tartea. Aktore irlandarrak duela gutxi aitortu duenez, alkoholarekin arazo larriak izan zituen, eta errehabilitazioa hasi zuenean, bere buruarengan segurtasun osoa galdu omen zuen. Horregatik, bi urte eta erdi behar izan zituen, berriro emakume batekin oheratzeko. “Ikaragarria” iruditu zitzaion sexu esperientzia hura, ordura arte, mozkortuta soilik izaten baitzituen sexu harremanak.

Horren harian, sexua praktikatzeko alkohola behar izatea arazo gogorra dela komentatu zuten atzokoan, halere, ardo kopatxo batek sexu harremanak aberastu ditzakeela nabarmendu zuten. Batez ere, ardo beltzak sexuan izan dezakeen eraginari buruz mintzatu ziren.

Ardoa neurrian kontsumitzeak, aparatu kardiobaskularrari mesede egin ahal dio. Gainera, odola gorputzeko atal guztietara bideratzen laguntzen du, eta beraz erekzioetan paper garrantzitsua betetzeko gai da. Hori gutxi balitz, emakumeetan estrogeno kopurua gehitu egiten du, eta horrek sexu nahia piztu dezake.

Halere, lehenengo zitarako ardo zuria edo cava gomendatu zituzten. Baina zergatik? Zein dira ardorik egokienak?

Entzun hemen atzoko saioa! Bero-bero bukatu zuten gaua eta!

Sexua lankideekin

Sexua lanean

Sexua lanean

Askok mitoa dela uste duten arren, geroz eta gehiago ikertzen dira lankideekin izandako harremanen inguruko xehetasunak. Zergatik? Gaur egun, oso ohikoak direlako. Etxean baina denbora gehiago igarotzen dugu lanean; beraz, ez da zaila halako kasuren bat ezagutu nahiz bizitzea.

Frantziako datuak islatzen dituen ikerketa baten arabera, galdetutakoen % 31k izan du lankideren batekin afera noizbait. Horietatik % 17ri ez zaio axola naturaltasunez jokatzea, baina gainontzekoek nahiago izan dute ezkutuan mantendu.

Ameriketako Estatu Batuetan, adibidez, laneko harremanak ez daude batere ondo ikusita. Hortaz, langile askok klausula bereziak sinatu behar izaten dituzte kontratuetan, tentazioak ekiditeko. Antza denez, produktibitatea kaltetzen dutela uste du enpresa askok.

Espainiar estatuko ikerketa baten arabera, galdetutakoen % 50ak onartzen du lankideren batekin sexua eduki izana. Era berean, bikotekide ofizialari adarrak jarri dizkiotenen artean, mutilen erdiak dio lankide batekin egin duela; nesken kasuan, ordea, % 42ak aitortu du lanean izan dela.

Datuak datu, garrantzitsua da zenbait neurri kontuan izatea, lanean eragin negatiborik ez izateko. Lehenik eta behin, hasieratik gauzak argi uztea komeni da; hau da, bakoitzak zer nahi duen azaltzea elkarri. Izan ere, harremana ez bada ondo bukatzen, egunerokotasunean ondorio kaltegarriak eragin ditzake. Horrez gain, beste lankideekin dugun harremana ez aldatzen saiatu beharko genuke, naturaltasunez jokatuz. Azkenik, hobe da intimitate uneak etxerako uztea.

Masturbazioa, gozamenaren bidea

ABC egunkariak masturbazioari buruz argitaratutako artikulu polemiko baten harira, ‘Akabo Bakea’ saioko “Luzia eta sexua” atalean gai honen inguruko xehetasunak azaldu zituzten bart.

Aspertuta, bakarrik eta beldurtuta egotearekin lotzen zuen masturbazioa aipatutako artikuluak, eta osasunarentzat kaltegarria zela azpimarratzen zuen. Horregatik, “bizio” honi aurre egiteko hainbat aholku ematen zituzten: erotismoaren eraso komertzialetik babestea, higiene eta elikadura ona edukitzea eta denbora librean aisialdirako jarduera aberasgarriak hautatzea, adibidez.

Luziak, ordea, ABCren gomendioak eta baieztapenak alde batera utzi, eta masturbazioaren alde onak azaleratu zizkigun.

Ikerketa ezberdinek erakusten dutenez, gutxi gorabehera gazteen %80-90 masturbatzen da, eta EAE masturbazio tasa altuena duten erkidegoen artean dago.

Dena den, masturbazioa ez da gazteen artean zabalduta dagoen kontua bakarrik. Luziaren esanetan, pertsona helduek zein umeek ere praktikatzen dute masturbazioa.

Izan ere, masturbazioak hobeto sentitzen lagundu ahal digu, estresa gutxitzeko bide bat izan daiteke eta autoestima indartzeko ere balio du. Oro har, osasun mentalari zein fisikoari egiten dio mesede, eta ez du zeharkako efekturik.

Azalpen hauek emateaz gain, masturbazioaren inguruan dauden mito faltsuei buruz eta masturbatzeko erabiltzen diren tekniken inguruan ere hitz egin zuten atzo.

Entzun atzoko saioa, oso-osorik.