Etiketaren artxiboa: sarketa

‘King out’: sexua ikusteko modu berri bat

escalerasKing out sexu-praktika ardatz hartuta ekin zioten saioari astearteko ‘Akabo Bakea’n.

Baina zertan oinarritzen da azkenaldian modan dagoen tendentzia hau? Bada, 70eko hamarkadara itzuliz, sarketarik gabeko sexu-harremanak edukitzean datza.

Beste edozein praktika mota onartzen du: muxuak, laztanak, masturbazioa, masajeak edota sentsualtasuna indartzen duten mugimenduak zein keinuak.

Adituek diote abantaila asko dituen praktika bat dela, pasioa berreskuratzen laguntzen duelako, baita errutinatik alde egiten ere.

Askok sexu tantrikoarekin alderatzen dute, baina badu desberdintasunik, orgasmoari dagokionean, batik bat.

Horren gaineko informazio guztia, hemen.

Sexua, ur azpian

sexoEmakumeek zein gizonek izan ohi duten fantasia ohikoenetako bat sexua uretan izatea da. Dela hondartzan, dela igerilekuan edota jacuzzian, urak erraztasun eta morbo handia ematen du. Postura berri eta akrobatikoak probatzeko aukera ematen du, eta inguru erromantikoak ere laguntzen du askotan. Halere, badaude kontuan hartu beharreko gako batzuk ur azpiko sexuaz gozatzeko.

Lubrikazioa: Askok urak lubrikazio gehigarri lana egiten duela uste duten arren, egia esan, kontrakoa gertatzen da. Urak emakumeen lubrikazio naturala oztopa dezake. Horregatik, gomendagarria da labaingarriren bat erabiltzea. Gainera, garrantzitsua da sarketaren aurretik laztanekin jolasten aritzea, biak naturalki lubrikatuta ere egoteko.

Igerileku batean sexu harremanak izateko asmoa izanez gero, kontuz ibili behar da gai kimikoekin, kloroarekin esaterako. Honek narritadurak sor ditzake, eta horregatik aditu askok igerilekuetan aho bidezko sexua izatea gomendatzen dute. Estimulu gehiago jasotzen dira, batez ere gizonezkoek, eta seguruagoa da.

Dutxak sexua zutik izateko aukera bikaina eskaintzen du, busti bitartean harremanak izateko, urak traba egin gabe. Halere, gogoratu ez irristatzeko zerbait jartzea lurrean eta heldu ahal izateko euskarriren bat izatea inguruan.

Askoren fantasia gogokoena den arren, itsasoan sexua izatea ez da horren erraza. Hondarrak narritadura eragin dezake emakumeen baginan, eta baita ur gaziak ere. Horregatik sexua ur ertzean edota gerriraino sartuta izatea gomendatzen da.

Eta azken gomendioa, eta garrantzitsuena: beti erabili behar da babesa sexu harremanak izateko. Egia da gizonezkoa uretan isurtzen bada, emakumearen baginatik kanpo, espermatozoideak hil egiten direla. Halere, uretan ere beharrezkoa da preserbatiboa erabiltzea, eta onena hau uretatik kanpo eta zakila tente dagoenean jartzea da.

Masturbazioa, sexu-harremanetan

masturbaMutil asko aho zabalik geratzen dira sexu-harremanak izaten ari diren bitartean beraien bikotea (kasu honetan neska) masturbatzen bada, horregatik, garrantzitsua litzateke jakitea koitoa praktikatzerakoan emakumeen masturbazioa ohikoa dela.

Neska gehienak klitoria igurtzita iristen dira orgasmora eta askotan mutilarentzat, sarketa praktikatzean, sexu jarreraren arabera, ez da lan erraza izaten klitoria ukitzea. Kasu horietan emakumeak, inoren laguntzarik gabe, laztandu behar du bere gorputza.

Dena den, komeni da bikotearekin mota honetako egoerei buruz hitz egitea. Neskak argi utzi behar du masturbazioak ez duela zerikusirik mutilak ohean erakusten duen jarrerarekin. Hau da, mutilak garbi jakin behar du bere bikotea orgasmora iristeko bide errazago bat bilatzen ari dela, besterik ez. Gainera, kontutan izan behar dugu larrua jotzerakoan neskak masturbazioa praktikatzea ez dela mutilarentzat arazo bat izan behar, azken honek asko gozatuko baitu neska disfrutatzen ari dela ikustean.

Beste aukera bat mutilak neska masturbatzea da. Neskak mutilaren eskua heldu eta berak nahi duen tokira eraman dezake. Eta azken aukera bat bibragailu batekin jolastea litzateke.

Haurdunaldia eta sexua

sexoNeska eta mutil askok ez dute gustuko haurdunaldian sexua praktikatzea. Batez ere, gizonezkoak dira sexuari uko egiten diotenak, fetua mintzeko edota haurdunaldia konplikatzeko beldur izaten direlako.

Gainera, haurdunaldia aurrera doan heinean, beldur hori areagotu egiten da. Halere, argi izan behar dugu sexua ez dela kaltegarria haurdun dauden emakumeentzat, beti ere, ginekologoak kontrakoa esaten ez badu behintzat. Hori dela eta, komeni da haurdunaldi arriskutsua duten emakumeek sendagilearekin zalantza guztiak argitzea

Desio falta

Kasu askotan gerta daiteke mutilak bere bikotearen desio falta sumatzea. Normalean mutilek oso erakargarri ikusten dituzte neskak haurdun daudenean, baina, emakumeek, hormonen nahasmena eta nekea direla eta, desioa galtzen dute maiz. Egoera honen aurrean garrantzitsua da bikotean komunikazioa egotea, hau da, mutilak neskari bere egoera azaltzea eta hutsik ez egitea. Gehienetan, erditzea gertatu eta hilabete batzuetara sexu harremanak normaltasunera itzultzen dira, nahiz eta, haurdunaldian egoera asko konplikatzen den.

Nola mugitu behar gara sexua praktikatzen dugunean?

coitoArgi dago bakoitzak bere sekretuak eta mugitzeko erak ditugula sexua praktikatzen gauden bitartean, dena den, badira plazerra areagotzen laguntzen duten hainbat gomendio.

Ohean gaudenean, normalean, ez gara ohartzen egiten ari garen mugimenduez, baina, erotismoa eta gozamena indartzeko, badira sarketa praktikatzen denean ezagutu beharreko hiru oinarrizko mugimendu.

Mugimendu suabeak: Emakumea kitzikatzeko aproposak dira, baginako puntu garrantzitsuenak estimulatzeko balio dutelako. Neska askok, mugimendu hauekin G puntua estimulatzea lortzen dute.

Mugimendu sakonak: Zakila baginan sartu eta ateratzen denean gertatzen dira. Hain zuzen ere, zakila bagina barruraino sartzen denean. Mutilentzako zein neskentzako dira atseginak eta mutilen kasuan isurketa arintzen dute.

Mugimendu laburrak: Hauek ere aurrekoak bezain sakonak izan daitezke. Kasu honetan zakila bagina barruan geratzen da eta mutilak neskaren klitoria estimulatzen du.

Disfrutatu nahi? Ez galdu denborarik eta probatu mugimendu guzti hauek!

“Sarketa praktikatzen dudan bakoitzean zorabiatu egiten naiz”

Sexo_4Irakurlearen zalantza:

“Kaixo

Sarketa praktikatzen dudan bakoitzean mareatu egiten naiz. Normala al da? Ni ez naiz asko mareatzekoa baina ez dakit zergatik gertatzen zaidan. Emozioa? Urduritasuna? Tentsioa normala izaten dut eta beste edozein sexu praktikarekin ez zait gertatzen, soilik nire mutilak sarketa praktikatzen didanean. Zergatik izan al da? Eskerrik asko”.

Olatzen erantzuna:

“Kaixo,

Zure egoeraren arrazoi zehatza jakiteko datu gehiago beharko nituzke, zure biografia sexuala, zure osasun egoera… Honetaz gain, eta gertaera aztertzeko, eta zuregan duen eragina ikusteko faktore ezberdinak aztertu beharko genituzke.

Beraz, hau kontutan hartuta hemen erantzun orokor bat eskainiko dizut, ea lagungarria egiten zaizun:

-Zure gorputzeko tentsioa aipatzen duzunean normala dela esaten duzu eta agian zure egunerokotasunean kokatuta, zure gorputza sentitzerakoan nabaritzen duzuna hala da.

-Baina horrek ez du esan nahi askotan gure gorputzak tentsio ugari metatzen ez duenik. Hau da, ohiko bizimoduak (ikasketak direla, lana, lagunekin pasatu beharreko denbora, mutil edo neska laguna, familiari eskaini beharreko denbora…) tentsio dezente metatzera eramaten gaitu, eta gainera ingurukoak berdin daudenez ba normaltzat hartzen dugu.Gorputza mugitzeak, ariketa fisikoarekin, harreman sexualekin, tentsioa askatzen laguntzen digu, eta gerta daiteke, gorputzak tentsioa bat-batean deskargatu ondoren mareatua sentitzea.

Beste harreman sexualekin agian ez zaizu gertatzen, koitoarekin adrenalina edo tentsio gehiago deskargatzen duzulako.

-Honetaz gain,orgasmoa, gure gorputzaren deskontrolatzearekin erlazio zuzena dauka. Hau da, garrantzitsua da harremanetan disfrutatzeko deskontrolatzea, eta honetan ondo sentitzea. Baina, askotan horrekin beldurrak izaten ditugu, eta ondorioz orgasmoa eustera jotzen dugu,gure buruan plazerra ona dela, eta harremanak horretarako ditugula, baina gorputza ez da bakarrik fisikoa eta emozioak hortxe daude gure gorputzean. Honela, gorputzari erabat deskontrolatzen ez diogu uzten, eta orgasmoari eutsi egiten diogu.

Nik ez kezkatzeko esango nizuke, zure gorputzaz disfrutatzeko, deskontrolatzeko. Hau ez da bat-batean lortzen den zerbait, honetarako gure gorputza ondo ezagutu behar dugu, laztantzen, eta berarekin disfrutatzen ikasi behar dugu, harremanak beste pertsona batekin ditugunean bestearekiko konfiantza ere izan behar dugu, lasai sentitu behar dugu bere alboan, bere laztanekin, bere kontaktuarekin…

Beraz, badakizu. Lasai-lasai, asko maitatu zure burua eta disfrutatu merezi dugu eta…

Ondo-ondo pasa”

“Birjintasuna galdu nuen egunean asko kostatu zitzaigun zakila nire aluan sartzea”

NIRE LEHENENGO ALDIA:

virginidad1

“Mutil bat ezagutu nuen festa batean eta dirudienez, interes handia zuen nigan. Galderak egin eta egin ari zitzaidan eta behin baino gehiagotan esan zidan neska berezia nintzela. Niri, aldiz, fisikoki ez zitzaidan gehiegi gustatu, baina oso jatorra zen eta oso ondo portatu zen nirekin gau osoan zehar.

Gau osoa nire lagunekin eta nirekin egon zen, eta azkenean, denek espero zutena gertatu zen… Mutilak gehiago nahi zuela zirudien, baina ni ez nengoen inolaz ere prest, ez zen eguna ezta tokia ere. Beraz, beste egun batean geratzeko gonbidapena egin zidan. Hain jatorra zenez, nik ez nion ezekorik esan…

Beraz, egun batzuk beranduago geratu egin ginen, eta kotxean etorri zenez, zuzenean toki lasai eta ilun batera eraman zidan. Ez zen tontakeriekin ibili, zuzenean horretara joan zen, eta egia esan, nik ere gogoa nuen horretarako.

Oso gustora ginen, baina nire birjinitatea galtzeko momentua iritsi zenean oso urduri jarri nintzen… Eta hortara gindoazela… askoz gehiago lotsatu nintzen! Ez zen sartzen! Bera harrituta zegoen, eta ni gorri-gorri jarri nintzen… Izan ere, ez zidan sinisten nire lehenengo aldia zela.

Hala ere, oso ondo portatu zen, lasaitzeko esaten zidan, eta milaka eratara saiatu zen… Azkenean lortu genuen arte! Dena den, nire lotsa ez zen uxatu joan nintzen arte… Lortu genuen, eta hasieran min pixkat eman zidan… Baina, azkenean hasi nintzen egoeraz disfrutatzen…

Baina, gauzak ez zuen inolaz ere ondo jarraitu! Mina alde batera utzi eta disfrutatzen hasi eta handik gutxira… bukatu zuen… Niretzat lotsagarria izan zen egoera, baina berarentzat ere horrela izango zela pentsatzen dut, denbora oso gutxi iraun zuen eta…”

“Zergatik dago gaizki ikusita uzki bidezko sexua? Nik asko gozatzen dut!”

Hemen duzue aste honetan irakurle batek Olatz Berastegi sexologoari galdetutakoa.

Sexo_anal

Irakurlearen zalantza:

“Beste egunean koadrilako lagunekin sexuari buruz hitz egiten aritu nintzen eta momentu batean uzki bidezko sarketari buruz hitz egiten hasi ginen. Nik esan nien inoiz praktikatu izan dudala eta denek barre egin zidaten. Zergatik dio jendeak hainbesteko gorrotoa praktika horri? Arraroa naiz hori egiten dudalako? Ni 25 urteko neska bat naiz eta nire bikotearekin oso ondo pasatzen dut praktika horrekin. Zergatik dago hain gaizki ikusia? Arriskutsua da? Neska gutxiesten du? Ez dut ulertzen! Sexologian ere gaizki ikusia ahal dago?” Badakit esango didazula bakoitzak nahi duena egiten duela eta helburua bikotearekin ongi pasatzea dela, baina, benetan kuriositatea daukat ‘tabu” hori nondik datorren jakiteko. Eskerrik asko”

Olatzen erantzuna:

Kaixo, azkarra zara oso, eta esaten duzun moduan, ez dago praktika okerrik eta noski gauza da bi pertsonek egiten dutenarekin gustura sentitzea. Gainera, sexologian ez da praktika hau gutxiesten. Baina egia da uzkiko sarketaren inguruan iritzi kontrajarriak topatzen ditugula.Zuk zergatik izan daiteken galdetzen duzu, eta hona hemen,nira lanarekin ( kontsultan eta hezkuntzan ) jasotako informazioa:

-Uzkitik sarketa praktikatzea ez da baginakoa bezain erraza. Uzkiak orokorrean ez dauka baginaren malgutasuna, eta ondorioz lubrifikatzaile eta denbora gehiago behar da uzkiko sarketan disfrutatzeko.Hau dela eta, neska eta mutil batzuk mina handia sentitzen dute uzkiko sarketa praktikatzerakoan. Hori bai, neska eta mutil batzuen uzkiak nahiko malgutasun izaten du, eta praktika hau atsegina egiten zaie.

-Uzkia kakarekin erlazionatzen dugu. Eta erlazio hori ez da batere atsegina batzuentzat. Beraientzat uzkia kaka ateratzen den zuloa da, eta ezin dute zerbait atseginarekin lotu.

-Urteetan neskaren sexualitatea ukatua egon da. Gaur egun, neskak sexualitatea dugula eta gure gorputzarekin disfrutatzen dugula argi dago, baina oraindik badirudi zenbait harremanetan neskak ezin duela disfrutatu eta berak harreman hauek dituela mutilak disfruta dezan, eta batzuentzat hori ez da bidezkoa. Nik esango nuke, zure bikotekideari plazerra ematea oso atsegina dela, eta horrekin ere norberak disfrutatzen duela.

Honetaz gain, harreman sexualak edukitzeak ez du bestea gutxiesten, edozein ekintzari balorea kentzen dion gauza bakarra gogoz kontra egiteak da.

“Nire lehenengo aldia ez zen uste bezain txarra izan”

Ganas_de_mi_primera_vez_01Mutil bat oso gustuko nuen, eta behin baino gehiagotan esan zidan ni bere etxera joatea gustatuko litzaiokeela…

Baina oraindik ez nuen inoiz “egin” eta banekien bere etxera joateko erabakia hartzen banuen, gauzak hortan bukatuko zuela. Mutila egia esan asko gustatzen zitzaidan eta ezagutu ginenetik oso ondo portatu zen nirekin, zerbait gehiago nahi izango balu bezala… beraz, “zergatik ez?” pentsatu nuen.

Eta horrelaxe hartu nuen erabakia. Eguna jarri genuen, eta bere etxera joan nintzen nire lehenengo aldiari aurre egiteko prest. Oso gustora egon nintzen berarekin eta oso maitakorra izan zen nirekin. Nire lehenengo aldia izango zela jakingo balu bezala…

Beti entzun izan nuen “mina emango dizu”, “lehenengo aldia okerrena da” eta horrelakoak, baina ez zidan minik eman, eta asko disfrutatu nuen berarekin. Dena okertu zen arte!

Bat-batean ate soinua entzun genuen. Bere ama etxera iritsi zen pentsatzen zuena baino lehenago! Zorionez denbora eman zigun arropa janzteko eta bere amak ez zuen ezer susmatu. Baina pena handia izan zen horrela bukatu behar izatea!

Animatu eta kontatu zuk ere zure lehen sexu esperientzia gazteaweb@eitb.com helbidera mezu bat bidalita edo “Eingo al deu” sexu blogean iruzkin bat utzita.

Sekula sexu harremanik izan ez due mutil homosexual bat aholku bila dabil

Hona hemen irakurle batek Olatz Berastegi sexologoari eskatutako aholkua:

“Homosexuala naiz baina ez dut sekula sexu harremanik izan eta pixkat beldurtuta nago. Uzki bidezko sarketa praktikatzeko aholku batzuk nahiko nituzke. Badakit lubrifikatzailea erabiltzea adibidez gomendagarria dela baina dena ondo joateko aholkuak nahi ditut. Eskerrik asko”.

Olatzen erantzuna:

“Kaixo lagun, aipatzen duzu inoiz ez dituzula sexu harremanak eduki, eta jakin nahiko nuke horrekin zer esan nahi didazun. Hau da, sexu harremanak aipatzen dituzunean, sexu hareman genitalez ari zara edo gorputz osoarekin eduki dezakegun erlazio guztiak hartzen dituzu kontutan?.

Homosexuales

Lehenengo esango nizuke, arnasa sakonean hartzeko, eta zure buruari lasaitzen laguntzeko. Beste pertsona batekin erlazioan sartzen garenean derrigorrez ez ditugu sexu harreman genitalak eduki behar. Hau da, beldurrak baldin baditugu, horiek errespetatu behar ditugu, eta nik esango nuke beldurrak ekiditeko bidea konfiantza eta denbora direla. Gainera , zure beldurrarekin topo egitea oso aberatsa da, sentitzen duguna onartu behar dugulako, gero landu eta bideratzeko.

Beraz, behar duzun denbora hartu, eta zure buruarekin konfiantza hartzen joan , gorputz osoaren plazerra bizi eta sentitu, zure burua ez derrigortu sexu harreman genitalak edukitzera. Horrela, zure buruarengan konfiantza edukitzen joan zaitezke, eta beldurrak desegiten direnean gorputza lasaitzen joaten da. Gero, behin erabakitzen duzunean sarketa praktikatu nahi duzula, ba noski lubrifikatzaileak erabili ditzakezu eta poliki-poliki joatea esango nizuke. Honetaz gain, ondo kitzikatuta sentitzea ere garrantzitsua da, eta zauden pertsonarekin komunikatzea, disfrutatzea…

Beraz, badakizu, lasai-lasai joan , behar duzun denbora hartu, eta disfrutatzeaz inoiz ez ahaztu.”

Eman zuk ere zure aholkua.