Hileko artxiboak: apirila 2014

Orgasmoetan sakontzen

orgasmoIndartsu hasi zuten opor osteko “Luzia eta sexua” estreinako atala. Orgasmoa hizpide hartuta, barre algaraka eman zuten asteleheneko “Akabo Bakea” saioa.

Nesken kasuan, kilimak eta kontrakzioak omen dira klimaxera iritsitakoan gorputzak izan ohi dituen erantzun nagusiak. Orgasmo motei dagokienez, klitoritik lortzen den plazerrak hartzen du indarra nesken kasuan, baina bularrak laztanduta, muxuak emanez zein adimena erabilita emakumea orgasmora heltzeko gai dela azaldu zuen Luziak.

Mutiletan, berriz, eiakulazioa izan ohi da orgasmoaren erantzun argiena, nahiz eta gorputzak beti berdín jokatzen ez duen. Izan ere, isurketarik gabeko orgasmoak eta orgasmorik gabeko isurketak existitzen dira.

Orgasmoren intentsitateaz ere mintzatu ziren, eta kitzikapen maila gorenera iritsi aurreko bideak duen garrantzia azpimarratu zuten.

Iraupena

Badirudi orgasmo kontuetan emakumeak eta gizonak ez direla hain parekoak. Datuek erakusten dutenez, mutilen orgasmoek 3 eta 8 segundu artean irauten dute; aitzitik, emakumeenak, 13 segundotik gorakoak izaten dira.

Zer da desleialtasuna?

Oso galdera irekia proposatu dugu aste honetan, eta erantzuna ere ez da batere erraza, ezta? Izan ere, zenbait galdera egin daitezke iritzia eman aurretik. Zer da desleial izatea? Non dago muga? Hor dago gaurko gaiaren gakoa, eta hori aztertzen saiatu gara ‘Akabo bakea‘ saioan, Luziaren laguntzarekin.

Esate baterako, batzuk pentsa dezakete bikotekidea ez den norbaiti musu emanez gero, desleialak garela; beste batzuk, ordea, sexu-harremana izan arte fidelak garela esango dute. Zer uste duzue zuek?

Gaur egun, geroz eta gehiago hitz egiten da bikote irekien ereduari buruz. Hau da, gerta liteke bikotekide egonkorra izatea, baina elkarrekin adostuta izatea beste norbaitekin ere harremanak esperimentatzea.

Sarean ikertuta, Ashley Madison deritzon webgunea aurkitu dugu. Bikotetik kanpo harremanak izateko aukera eskaintzen dute arduradunek. Facebook sare sozialaren ostean, erabiltzaile gehien dituen plataforma da. Bitxia da, “desleial ona” izateko aholkuak ere ematen dituztelako. Azkenik, ‘Travelling’ zerbitzua ere martxan jarri dute. Horri esker, norabait bidaia egiten badugu, kontakturen bat kontratatzeko zerbitzua dute eskuragarri.

Modan dagoen gaia da, inolako zalantzarik gabe. Entzule askok eman digute iritzia. Zuek ere eman dezakezue zuena; beraz, animatu eta utzi iruzkinak! Hemen entzun ditzakezue, halaber, Luziak esandako guztiak.

Desleialtasuna

Desleialtasuna

Sexu jostailurik modernoenak

sexuaTamainu, kolore eta itxura guztietako sexu jostailuak daude gaur egun merkatuan. ‘Akabo Bakea’ saioko “Luzia eta sexua” tartean produkturik berritzaileenak aurkeztu dituzte. Gainera, oraingo honetan, audio bidez ez ezik, asteleheneko saioa bideoan jarraitzeko aukera ere eskaini diete jarraitzaileei.

Besteak beste, masajeak emateko kandela, uretan erabili daitekeen bibragailua, mingainaren funtzioak betetzen dituen aparatu bitxia eta hamar erritmo ezberdin dituen jostailuzko zakila aurkeztu dituzte.

Bilboko La Zarzamora sex shoparen laguntzarekin, estudiora eraman dituzte produktu guztiak, eta duela urte batzuk El Conquistador del Fin del Mundo saioan garaile atera zen Nakorrekin, jostailuak probatzen ibili dira.

Bibragailu kontuetan denetarik dago gaur egun merkatuan; mutilentzako zein neskentzako bibragailuak, eta uzkia, barrabilak eta klitoria edota G puntua estimulatzeko gai diren jostailuak, adibidez.

Kondoien inguruan ere aritu dira, eta botikan erosten ditugun preserbatiboetatik haratago, kondoi fluoreszenteak ere badirela erakutsi digute. Neurriei dagokienez, tamaina guztietakoak daude; 7 zentimetrotik 15 zentimetrora arteko zakiletan jartzeko modukoak.

Dena den, azalpenak azalpen, zer hobeto bideoa ikustea baino?