Hileko artxiboak: apirila 2010

Irakurle honek zure laguntza behar du, erantzun bere zalantzari!

Gure sexu blogaren irakurle batek kezka batzuk dauzka eta jendearen aholkua eskatzen du. Erantzun iezaiozu!Eyaculacion

“Nire mutilarekin sexu harremanak ditugunean, bera oso azkar “korritzen” da, 5 minutu ondoren edo, nik iristeko denbora gutxiegi dudalarik… urteko harremana dugu, eta arazo hau beti hor dago, atrakzio asko dago, baina berak ezin dio eutsi niri itxoiteari. Aholkuak, etab. eskertuko nituzke. Milesker”

Laguntzerik bai?

“Nire ezpain txikiak, moreak oso handiak eta elastikoak dira. Normala ote?”

Osteguna denez, Olatz Berastegik Gazteako irakurle gazte bati sexu-zalantza baten inguruan emandako erantzuna argitaratuko dugu. Hona hemen aste honetako zalantza:

Irakurlearen galdera:

“Kaixo

Begira, aspaldi, orain dela urte bete ia, nire baginaren ezpan txikiak handitzen hasi ziren. Orain normala baino askoz handiago daude, kolore more antzeko bat dute eta elastikoak dira. Prakak jartzen ditudanean molestatu egiten dit, nire ezpan handietatik kanpo egiten dutelako. Ni oso larrituta nago zer edo zer garrantzitsua izan ahal delako.

Gaztea nahiz oraindik, baina oraindik ez zait hilerokoa bajatu, zer izan leike gertatzen zaidana? Ginekologo batengana jotzea pentsatu dut baina lotsa ematen dit eta ez diot inori esan zer gertatzen zaidan lotsa handia dudalako ere. Larria izan ahal den jakin nahi dut edota zer egin ahal dudan.”

foto_28054_CAS

Sexologoaren erantzuna:

“Kaixo, ziur askotan entzun duzula pubertaroan zaudela eta zure gorputza aldatzen ari dela, baina askotan gure galderak hauek izaten dira:

Baina nire gorputzeko atal guztiak aldatzen dira? Eta nola aldatzen dira? Zein tamaina hartu behar dute? Nirea normala izango da?

Lehenengo normala zer den adieraziko dizut, normala bakoitzari gertatzen zaiona izaten da, ezin baikara besteekin konparatu, hau da zure gorputza aldatuko da, eta hori funtsezkoa da, eta inondik inora ezin zara inorekin konparatu, besteen erritmoa eta zurea ezberdina izan daitekeelako, eta bakoitzaren ezaugarriak errepika ezinak direlako.

Ondoren, bulbaren ezpainen aldaketari buruz galdetzen didazu, eta nik lasaitzeko esango nizuke, pubertaroan gure bulbaren tamaina eta kolorea ere aldatzen delako. Hau da, gure gorputzako atala dira genitalak, eta noski hauek ere aldatu beharko.

Zuk aipatzen duzu ezpain txikiak handitu zaizkizula eta hori neska askori gertatzen zaio, hau da neska batzuk ezpain txikiak, ezpain handiak baino handiagoak dituzte eta hori ez da ezer txarra, neska guztien bulba ezberdina baita. Honetaz gain, gure ezpainen kolorea ere ezberdina da, eta zuk aipatzen duzun kolorea izan dezaketen kolore bat da.

Beraz, ez kezkatu eta asko maitatu zure burua, zu bezalakorik munduan ez dagoelako.”

Kamasutra ezagutzen: “Junkoaren jarrera”

Deskribapena:

Lehendabizi mutila belaunikatu egin behar da eta bitartean neska etzanda jarri behar da, burua eta hankak lurraren edota ohearen kontra bermatuz. Era berean, bizkarra eta gerria okertu behar ditu, bagina angelu egokian jartzeko. Mutilak mokorretik heldu behar du neska eta bera izango da sarketa kontrolatuko duena.

kamasutra

Alde onak:

Jarrera kitzikagarria da eta sarketa sakona eskaintzen du. Gainera, bai neskak eta baita mutilak ere beraien bikotearen erreakzioa ikusteko aukera dute.

Alde txarrak:

Neska arina eta malgua izan behar da, batez ere, bizkarra eta gerria altxatzeko abilezia izan behar duelako.

Azalpen gehiago webgune honetan aurkituko duzue:

“Aluan sekulako azkura daukat eta ezin dut sexu-harremanik izan”

Osteguna denez, irakurle baten zalantzari erantzungo dio Olatz Berastegi sexologoak. Hemen duzue gaurko zalantza:

Irakurlearen galdera:

“Kaixo

Duela gutxi izan dut umea eta haurdun nengoenetik sekulako azkura daukat aluan. Ezin dut sexu-harremanik izan sekulako mina egiten didalako. Haurdunaldiak eragingo ote zidan etengabeko azkura hau? Ala beste arrazoiren bat egon daiteke, onddoak…?
Zer egin dezaket hau saihesteko? sexo

Eskerrik asko”

Olatzen erantzuna:

“Aluan azkura sentitzeko arrazoi ezberdinak egin daitezke: bulba errea edukitzea, onddoak,…

Zergatik gertatu zaizun? Haurdunaldiaren ondorioa izan daiteke, etapa horretan hormonalki emakumeen egoera aldatu egiten delako, honetaz gain ez dakit ze nolako erditzea izan duzun, hau da episetomia egin dizuten, erditze gogorra izan zenuen… erditzearen arabera ondorioak ere izan ditzakezu. Dena den kontatzen duzuna ez da hain arraroa, emakume askok bere bizitzan bulban infekzioak, onddoak izaten dituzte. Nik ginekologora joatea aholkatuko nizuke, berak ondo behatuko dizu eta tratamendu egokia bidaliko dizu.

ondo izan.”

Kamasutra ezagutzen: “Kulunkaren jarrera”

Deskribapena:

Neskak bere bikoteari lepoa eman behar dio eta nahi izanez gero bere gainean eseri daiteke, hankak euskarri bezala hartuta, edo bestela belauniko jarri, modu horretan estimulazioa areagotuz.

sexo

Alde onak:

– Mutilak panorama oso kitzikagarria izango du.

– Erraz mugitzeko aukera ematen du (batez ere, neska belauniko jartzen bada).

– Neskari fantasiak izateko aukera ematen dio.

Alde txarrak:

– Mutil askorentzat sarketa angelua ezerosoa izan daiteke.

“Bost minututan korritzen naiz”

hombre_desnudoHemen duzue aste honetan gazte batek bidalitako zalantza eta Olatz Berastegi sexologoaren erantzuna:

Irakurlearen zalantza:

“Aupa! Josu naiz, bilbotarra. Zalantza bat dot. Gauza da ni oraindik ez dodala sexurik izan, baina bai beste gauza batzuk praktikatu dodazela. Adibidez ahozko sexua eta elkarren arteko masturbazioa. Hau egin dudanean nahiko azkar korritu naiz eta informazio bila internetera abiatu naiz. Ikusi dot “eyaculacion precoz”en inguruko informazioa eta duda dut nik horrelakorik izango ete dodan. Esaten dau eiakulazioa kontrolatzeko arazoa dela, eta nik ezin dot nahi lez kontrolau.

Web batean hau ikusi dot: “meseta fasea“. Adibidez, eduki dodanean ahozko sexua, ezin izan dot nire eiakulazioa nahi lez luzatu, heltzen da heltzen denean eta kitxo.

Gainera 5 edo 7 minututan amaitzen dot. Beste leku batean topatu dot 30 minutu aguantatu daitekeela eta 10 minutu baino lehen korritzen bazara eyaculacion precoz izan dezakezula. Larritu beharko nuke?

Baitxa ere irakurri dot fimosisagatik izan daitekeela. Nik beti pentsatu dot fimosis nuela, baina medikuak esan dostan frenilloa zela eta hori operatu nuen. Beharbada hori izango da?

Eskerrikasko eta beste bat arte!”

Olatzen erantzuna:

“Kaixo Josu, inondik inora ez zara kezkatu behar. Ez fidatu hortik jasotzen dituzun datuekin, eta besteak esaten dutenarekin, hau oso bizipen pertsonala delako. Hau da denbora kontutan hartu gabe, garrantzitsua da zu nola geratzen zaren.

Dena den, zuk ematen dituzun denborakin ez nuke esango arazorik duzunik. Baina garrantzitsua da zu lasai geratzea.

Honengatik, lehenengo esango nizuke, ezin dugula konparatu koitoa eta masturbazioa, egoera ezberdinak direlako. Beraz, ez hasi pentsatzen zer gertatuko zaizun sarketa praktikatzen duzunean.

Harreman sexual koitalak praktikatu nahi dituzun garaian ez kezkatu denboraz, eta joan ondo pasatzera, zure buruarekin eta bestearekin gozatzera, elkarri maitatzera, ukitzera, laztantzera…

Gainera, esango dizut, hasieran, lehenengo sarketetan ohikoa dela mutilak azkar korritzea. Hau da, momentu horretan dauden urduritasunak, beldurrak, eta lotsa azkar korritzera eramaten zaituzte. Gero, denborarekin eta antsietatea jaisten denean gauzak aldatzen dira.

Sexu orala praktikatzerakoan ohikoa da isurketa ez kontrolatzea, mutil askok egoera horretan azkar korritzen dira. Beraz, ez kezkatu ez kontrolatzeagatik. Berriro diot, ondo pasa eta disfrutatu.”

Zuek ere bidali zuen zalantzak gazteaweb@eitb.com helbidera.

Kamasutra ezagutzen: “Banbuaren jarrera”

Deskribapena: sexua

Misiolariaren jarrera oinarritzat hartuta, neskak hanka bat mutilaren sorbaldara eraman behar du eta azken honek belauna aurrerantz bota behar du. Jarrera honetan segundo batzuk egon ostean, neskak hanka kendu eta beste hankarekin mugimendu berdina errepikatu behar du, behin eta berriz txandakatuz.

Alde onak:

Jarrera barregarria eta nahiko akrobatikoa. Bikote ausartentzat da egokia.

Alde txarrak:

Estimulazioa oso mugatua da. Neska oso arina eta malgua izan behar da.

“Aspaldion txortan egiten dudan bakoitzean kondoia apurtzen zait”

Irakurle batek zuen laguntza eskatzen idatzi digu. Hain zuzen ere, zuen iritziak nahi ditu neska gazte honek. Lagunduko diozue?

CONDON040310

“Kaixo!!

17 urteko neska bat naiz eta arazo bat daukat nire mutilagunarekin. Azken bi hilabeteotan lau aldiz eduki ditugu sexu harremanak eta lautik birritan kondoia apurtu egin zaigu, ez zait beste aukerarik gelditu urrengo eguneko pirula hartzea baino.

Ez dakit zer egin. Agian beste kondoi batzuk probatu gogorragoak?? Jendearen iritzi desberdinak entzutea gustatuko litzaidake. Lagunduko didazue????????

Eskerrik asko”

“Lotsak sexu-harremanetan mugak jartzen dizkit”

Jai eguna izan arren, sexu-bloga berritu dugu, irakurle batek bidalitako zalantzari erantzunez. Hona hemen gazte honek galdetu diguna eta Olatz Berastegi sexologoak erantzun diona:

“Kaixo Olatz, Eingo al deu? blogaren irakurle bihurtu naiz duela gutxi eta nire arazoak direla eta zuri idaztea pentsatu dut.

22 urte dituen Nafarroako mutil heterosexual bat naiz (hau esaten dizut ez homosexual edo bisexualen aurkako ezer dudalako, ezta inondik ere, emakumeek soilik erakartzen nautela jakiteko baizik). Ez zaizu batere normala irudituko, baina adin honetan oraindik ere birjina naiz, eta ez nik hala nahi dudalako.

Mundu guztiarekin naiz lotsatia, baina neskekin are gehiago. Eta gustatzen zaizkidanekin, askoz ere okerrago. Lotsa ikaragarria ematen dit neskekin ligatzeak eta, hasitakoan ere, ez dut arrakastarik izaten. Ez naiz hizlari txarra baina aparta ere ez, eta dantzan kaxkarra. Fisikoki, ez naiz beste munduko ezer. 1’72, argala baina ez gihartsua.

sexo

Gainera, gurasoen etxean bizi naiz halabeharrez eta sekula ere ez da etxea niretzat hutsik egoten eta ezinezkoa zait gurasoak bertan direla neska bat eramatea. Behin ia-ia zerbait lortu nuen neska batekin, baina etxera eramaterik ez, eta beste tokirik ere ez dago herrian (ostaturen bat edo)… Horrela nola ba? Orain kotxea badut baina txikia da eta, neska bati “goazen nire kotxera” esaten badiot baiezkorik lortuko al dut? Eta… Kotxe txiki batean ezer onik egin al daiteke sexuari dagokionez…?

Nire lagunen artean, batzuek saiatzeko esaten didate. Beste batzuek iseka egiten didate erdi txantxetan. Beste batzuek, berriz, “Hoa putetara motel!” esaten didate, baina hori ere ez dut nahi, nire printzipioen aurkakoa da sexua horrela lortzea. Orain arte behintzat eutsi diot hori egin gabe, ez dakit ergela izan naizen, baina tira.

Guzti hau dela eta, ez dakit zer egin eta etsipen ikaragarriarekin nago. Niri emakumeak gustatzen zaizkit, asko, nik nahi dut, baina ezin dut. Posible al da inortxo ere ez erakartzeko modukoa izatea? Etsi eta mutilzahar batek bezala “ordaindu” egin behar al dut horretarako? Ba al du nireak erremediorik?

Eskerrik asko eta ea erantzuten didazun.”

Olatzen erantzuna:

“Kaixo, lehenengo zu lasaitzea nahiko nuke nahiz eta badakiten lasaitu esanda hori ez dela lortzen. Beraz, ea hurrengo komentarioekin lortzen dudan.

22 urterekin birjina zarelakoz ez da ezer gertatzen, ezta gehiagorekin ere. Bakoitzak gure biografia daukagu eta ezin gara besteekin konparatu, harreman sexualak izateko ez dago adina bat finkatua, gauza da dagokion momentua bizitzea, eta noski gure beharrak eta nahiak identifikatzen joatea.

Irakurri dudanez, mutil ausarta zara, zure mugak non dauden (lotsa) ezagutzen duzu eta nolako harremanak nahi dituzun (putetxera ez duzu joan nahi) badakizu, beraz, pozik egon zaitezke pertsona askok ez baitute ezagutzen beraien burua. Alde horretatik, ez eman garrantzi gehiegi birjina izateari, gauzak etorriko dira.

Zuk esaten duzu ea erakargarria izan zaitezkeen neska batentzat, eta horrekin dudarik ez izan, erakarpena ez dago lotuta gorputz mota batzuekin bakarrik, erakarpena oso gorputz ezberdinetaz sentitu dezakegu, eta gainera pertsonak ezagutzen ditugunean erakargarriagoak iruditzeko aukera handiak ditugu, eta zure lotsa ere erakargarria suertatu daiteke neska askorentzat.

Bestalde, komentatu didazu, neska batek nola erantzungo zuen zuk kotxera joateko esaten badiozu, ez ditut neska guztiak ezagutzen baina nik esango nuke hobe duzula lasai joatea, zuregatik eta beregatik. Hau da, lotsatia bazara eman zure buruari aukera neska bat gutxika-gutxika ezagutzeko, hartu konfiantza zure buruarekin, beste pertsonarekin, eta horrela ere gauzak iristen dira. Askotan antsietateak gauzak azkar egitera eramaten gaitu eta horrek ez du laguntzen. Uste dut, oso garrantzitsua dela zure prozesua eta erritmoa errespetatzea, nahiz eta zure lagunekin konparatuta ezberdina da, zurea delako. Arestian aipatu dizudan bezala, uste dut zure alde gauza asko dituzula, badakizu zer bilatzen ari zaren eta nolakoa zaren.

Ez estutu, zure buruari denbora eman, ez konparatu besteekin eta animo!

Beste zerbait nahi izanez gero lasai idatzi.

Ondo izan.”