Hileko artxiboak: urria 2014

Homosexualitatearen gaineko aferak, lehenengo pertsonan kontatuta

Utzi erantzuna

homsoexualidadHomosexualitatea abiapuntutzat hartuta, Iker deitutako 37 urteko gazte homosexual bat elkarrizketatu dute aste honetan ‘Akabo Bakea’ saioko “Luzia eta sexua” atalean.

Solasaldi interesgarria izan zuten estudioan, homosexualitatearen gainean sortzen diren zalantza nagusiei helduta.

Homosexualitatea jaiotzez datorren kontu bat den ala ez eztabaidatu zuten lehendabizi, eta armairutik ateratzeko unea nola bizi izan zuen azaldu zuen Ikerrek geroago. Haren hitzetan, egoera ezerosoa da sexu bereko norbait gustuko duzula onartu behar izatea.

“Lehendabizi eman beharreko urratsa norberak onartzea da, eta ez da inolaz ere lan erreza. Nik nesken argazkien masturbatzera behartzen nuen nire burua. Dena den, geroago datorrena ere nekeza da oso. Nire kasuan, ingurukoek oso ondo hartu zuten albistea, etxekoek salbu. Halere, homosexual asko ezagutzen ditut benetan gaizki pasatu eta babesik izan ez dutenak”, azaldu zuen.

Horregatik, gizarteak erabateko aldaketa bizi behar duela azpimarratu zuen; oraindik ere, badirelako zuzendu beharreko zenbait afera: hezkuntzan eta komunikabideetan batik bat.

Entzun asteazkeneko saio osoa.

Presondegi barruko sexu-harremanak

Utzi erantzuna

sexuGai sakona eta askorentzat ezezaguna, bart “Akabo Bakea” saioko ‘Luzia eta sexua’ atalean landu dutena. Izan ere, kartzeletan sexua nola bizi duten hizpide hartuta ekin zioten asteazkeneko saioari. Horretarako, zortzi urtez mutil-laguna preso izan duen neska gazte baten testigantzak jaso zituzten.

Gogorrak dira oso espetxeetako baldintzak, eta are gogorragoak presoen intimitate momentuak. Astero bisitak jasotzeko aukera duten arren, aurrez aurreko intimoak hilabetean behin baino ez dituzte izaten.

Horretarako, sexurako propio prestatutako gela batean elkartzen dira bikoteak; ohe bat, mahaitxo txiki bat eta bi aulki baino ez dituen gela zikin eta txiki batean, hain zuzen.

Hori gutxi ez, eta bidaia osteko tentsioa, urduritasuna eta nekea gehitu behar zaizkie topaketa horiei. Guzti horrengatik ez da erreza emozioari, “txispari” eta sexurako grinari gogotsu eustea.

Imaginazioari eta esperientzia berriei atea guztiak itxiz, egoera ezeroso hauek, sexuaren xarma arriskuan jartzen dute maíz.

Egia da, kartzela batetik bestera neurriak aldatu egiten direla, baita Frantziar Estatutik Espainiar Estatura ere. Dena den, bisiten maiztasuna, bikotearekin egoteko denbora-tartea eta presozainen presioa antzekoa izan ohi da denetan.

Entzun saio osoa!

Galdakaoko Geminis lokala, sexu askearen paradisua

Utzi erantzuna

Sexu askea helburu duen, eta errespetua eta hezibidea ezaugarritzat dituen Galdakaoko Geminis lokalak ateak ireki dizkigu.

Astero hamar mutil inguruk bisitatzen dute lokal hau, eta nesketan ere geroz eta ohikoagoa da Geminisen bestaldean dagoena ezagutzeko grina edukitzea.

Bikoteen arteko trukaketa da arrakasta edo eskaera gehien duen zerbitzua, baina emakumeen arteko sexuak ere indarra hartu du azkenaldian. Geminiseko arduradunetako batek esan digunez, eguneroko ohikerian erori diren edota aspertuta dauden bikoteentzako irtenbide aproposa izan daiteke halako lokal batera gerturatzea. Morboa piztu eta bikoteen sexu-nahia indartzeko bide izan ahal direlako.

Ostegunetik igandera zabaltzen dute Geminis, eta 40 euro baino gutxiago xahututa, denbora tarte atsegina igarotzeko parada eskaintzen dute han.

Bikoteen arteko elkartrukea ez ezik, beste pertsona batzuen sexu-harremanak zuzenean ikusteko aukera ere eskaintzen dute.

Besteak beste, dantzalekua, atseden-lekua, logela beroa eta aldagelak dituzte, eta ohiko zerbitzuez harago, nabarmentzekoa da aldiro jai tematikoak antolatzen dituztela.

Pornoa vs. errealitatea

Utzi erantzuna

pornoPornoa hizpide hartuta eman zioten hasiera ikasturte berriko “Luzia eta Sexua” atalari atzoko ‘Akabo Bakea’ saioan.

Espainiako Estatua omen da, mundu mailan, porno gehien kontsumitzen duen hamargarren herrialdea, eta eduki erotiko edota sexualak dituzten Interneteko atarietan nabigatzen dutenek batazbeste 8 minituko bisitak egiten dituzte.

Baina zein autonomía erkidegotan ikusten da porno gehien? Badirudi, Balear Irletakoak direla zaleenak, eta Extremadurakoak, aldiz, porno gutxien ikusten dutenak.

Asteko egunari dagokionez, astelehenak dira “pornozaleentzat” egunik erakargarrienak. Larunbatetan, ostera, ez dute gehiegi nabigatzeko ohiturarik, ezta futbol partidu garrantzitsuak jokatzen diren egunetan ere.

Neskek kontsumitzen al dute pornoa?

Datuek diote mutilen artean askoz ere ohitura handiagoa dagoela porno kontsumoari dagokionean. Halere, zenbait emakumek ere atsegin dute pornoa, bart telefonoaren bestaldean izan zuten gonbidatuak, kasu.

X andereñoa izenarekin aurkeztu zen gonbidatuak testigantza interesgarriak aitortu zituen, eta haren laguntzarekin Argiak zabaldutako bideo batetako datuak egiaztatu zituzten.

Aipatutako bideoak, batik bat, pornoa errealitatearekin alderatzen du. Porno aktoreen zakilak 15-23 zentimetro bitarteakoak direla dio, eta mutilek berotzeko askoz denbora gutxiago behar dutela nabarmentzen du. Halaber, pornoan eta errealitatean ikusten diren genitalak parekatzen ditu.

Oraindik pornoari buruz gehiago jakin nahi baduzue, entzun atzoko saioa!

Orgasmo baginala ez omen da existitzen

Utzi erantzuna

neskaClinical Anatomy Reviewk emakumeen sexualitateari buruzko artikulu bat argitaratu berri du, eta bertan esaten denez, adituen arabera, “orgasmo baginala” eta “G puntua” terminoak ez ditugu zuzen erabiltzen. Hau da, aipatutako iturriak dionez, “emakumeen orgasmoa” litzake erabili beharreko terminoa.

Ildo horretan, emakumeen ustezko disfuntzio sexualen inguruan ere hitz egiten du artikuluak, eta zera dio: disfuntzioen inguruko berriak hainbeste zabaldu dira, existitzen ez den “zerbait” delako. Emakume gehienak ez dira koitoarekin orgasmora iristen.

“Beharrezkoa da sexu adituek eta sexologoek emakumeen gaineko informazio zuzena ematea, eta horretarako orgasmoaren oinarri biologikoak izan behar dituzte kontutan, beti ere, hipotesiak edota iritzi pertsonalak alboratuz”, nabarmendu dute Clinical Anatomy Reviewren artikuluaren egileek, Daily Mail egunkariak jaso duenez.

Halaber, terminologia okerra erabiltzen dela erakusten duten zenbait adibide jarri dituzte: “Barneko klitoria ez da existitzen, kanpoan dagoen organo bat baita. Klitoria ez dago bi arkurekin osatuta; aitzitik, glandea, gorputza eta erroak ditu”.

Ikertzaileen aburuz, ikuspuntu enbriologikotik begiratuta, “klitoria-uretra-bagina” kontzeptuak ez du inolako zentzurik, baginak ez baitauka klitoriarekin lotura anatomikorik. Azken hau, perineoko organo bat da, eta ustezko “G puntua”, berriz, uretran dago kokatuta.

Gainera, artikuluaren arabera, “orgasmo baginala” ez da existitzen. “Emakumeen orgasmoa bagina inguratzen duten organo zutikorrek eragiten dute beti, eta koitoa praktikatzen den bitartean zakilak klitoria ukitzea oso zaila da”.

Horregatik, emakumeen orgasmoa lortzeko giltza “nesken zakila”, hots, klitoria, eta ezpain txikiak igurtzean datza. “Klitoria behar bezala estimulatuz gero (bai masturbazioarekin zein cunnilingusarekin), emakume guztiak dira gai orgasmoak edukitzeko.