Kategoriaren artxiboa: Gaixotasunak

Sexu-erruleta, hedatuz doan jolas arriskutsua

Utzi erantzuna

sex-symbols-coupleOrain arte, batik bat, Hego Amerikan praktikatzen zen sexu-erruletaren jolasa, baina azkenaldian Espainiako Estatura iritsi da.

Barruko arroparik gabe, biribilean esertzen da mutil talde bat. Parte-hartzaile guztiek zakila tente dute, eta bitartean neskak haien gainean jartzen dira 30 segundoko “sarketa” praktikatzeko. Txandaka, mutil batetik bestera aldatzen doaz jolasean parte hartzen ari diren neskak. Isurketa gertatzen denean, jolasetik kanpo geratzen da mutil hori.

Helburua da jolas horretan mutil bakarra geratzea, eta berorrek irabaztea.
Oraindik “modatzat” hartzen ez bada ere, geroz eta hedatuago dago sexu-erruleta, eta, arriskuak arrisku, Espainiako Estatuan izan da talderen bat edo beste jolas hori praktikatu izan duena.

Argi dago oso arriskutsua dela, sexu bidezko gaixotasunak kutsatzeko bide izan daitekeelako, eta nahigabeko haurdunaldiak gerta daitezkeelako.

Askotan, kondoirik gabe egiten dute jolasa, are arriskutsuagoa eginez. Nolanahi dela, kondoia erabili arren, gaixotasunak kutsatzeko arriskua ez da salbuesten; batez ere, nesken kasuan. Izan ere, kondoi bera erabilita, mutil batetik bestera aldatzen doaz neskak.

Horretaz jabetuta eta azkenaldian sexu bidezko gaixotasunak areagotu egin direla ikusita, alarma piztu da sexu adituen artean.

Aipatzekoa da halaber, praktika honekin “baginismoa” ere eman daitekeela, eta horrek sexu-harremanak oso mingarri bihurtzen dituela.

Kontuan izanda sexu-erruletan emakumeak ez duela “sarketa” aurretik estimulurik izaten, gerta liteke baginan lesioak eragitea.

Ze antisorgailu aukeratuko dut?

Utzi erantzuna

Antisorgailuei buruz izan daitezkeen zalantzak argitzeko asmoz etorri zaigu aste honetako ‘SexSua’ saioa. Zenbat daude? Zertarako da bakoitza? Niri zein etorriko zait ondoena? Mila galdera sortzen dira antisorgailuak aukeratzeko garaian eta horiek denak argitu dizkigu Jon Gomez Garaik, Olatz Berastegi Desira etxeko sexologoarekin batera.

Olatz Berastegi sexologoa

Olatz Berastegi sexologoa

Hasteko, merkatuan dauden antisorgailuak erakusten hasi dira. Horietan ezagunena gizonentzako preserbatiboa da. Baina badaude gehiago, emakumeentzako preserbatiboa, baginako eraztuna, pilulak eta partxeak, DIUa…

Bakoitzaren ezaugarriak galdetzen hasita, hormona bidezkoak eta hesi bidezkoak banatu daitezke. Hormona bidezkoek haurdunaldiak ekiditeko soilik balio dute; emakumeen hormonetan izaten baitute eragina. Hesi bidezkoek, aldiz, izenak dioen bezala, hesi baten funtzioa betetzen dute; isurketa bertan gelditzen denez, bai espermatozoideak bai gaixotasunak kutsatu ditzaketen agenteak bertan gelditzen dira.

Baginako eraztuna, partxeak eta pilulak hormonazkoak dira; eta bi preserbatibo motek, bai gizonezkoenak bai emakumeenak, hesi funtzioa betetzen dute.

Beraz, norberak pentsatu beharra dauka nolako antisorgailua komeni zaion momentu bakoitzean. Eta horretarako, kontutan hartu behar dira nolako sexu-harremanak izaten ari garen garai horretan: bikote finkoa eta konfiantzazkoa daukagun, harreman ugari pertsona ugarirekin…

Dena dela, eta egoerak egoera, ETB1eko saioan argi utzi dute merkatuan eskuragarrien dagoena, merkeena eta erabiliena gizonezkoen preserbatiboa dela. Baina ba al dakigu preserbatibo bat nola jarri behar dugun? Segidan daukazuen bideo honetan Olatz Berastegi sexologoak ematen dizkigu azalpen guztiak.


GIBa, HIESa eta gaixotasunak

Arantza Arrillaga, sexu transmisioko gaixotasunen prebentziorako arduraduna

Arantza Arrillaga, sexu transmisioko gaixotasunen prebentziorako arduraduna

Izan ere, lehen esan dugun bezala, preserbatiboek hesi funtzioa betetzen dute eta hauek dira sexu bidezko gaixotasunak kutsatzea ekiditen duten bakarrak. GIBa eta HIESa, gonorrea, sifilia, genitaletako herpea… asko dira sexu organoen bidez kutsatzen diren gaixotasunak Arantza Arrillagak azaldu duenez.

Duela gutxi arte, adibidez, GIBa eta HIESa drogen kontsumoarekin lotzen ziren. Baina azken aldian, Euskal Herrian kutsatu diren gaixoen %80 sexu harremanen ondorioz kutsatu dira. Oso kontutan hartzeko datua da.

Gaur egun, gainera, GIBa daukagun ala ez jakiteko test azkarrak ere badaude. Beraz, aitzakiarik ez dago norberaren egoeraren berri jakin eta behar diren neurriak hartzeko.

Axi Muniain surflaria

Axi Muniain surflaria

‘SexSua’ saioa amaitzeko, Axi Muniain surflariari egin dio elkarrizketa Jon Gomezek. Surfean, bizitzan orokorrean eta sexuan hartzen ditugun arriskuak izan dituzte hizpide.

 

 

 

Saio osoa ikusi nahi izatera, hementxe daukazue:

Sexua, sendagai naturala

Utzi erantzuna

sexuBadira hainbat gaixotasun sexu-harremanen bidez senda edo arindu daitezkeenak. Inork baino hobeto azaldu zuen Luziak zein diren gaitz horiek astearteko “Akabo Bakea” saioan.

Depresioaren aurkako sendagai naturala da sexua. Gainera, zahartzea atzeratzen du, eta inkontinentzia gelditzeko ere balio omen du.

Hori gutxi ez eta, larruazalerako, giharretarako eta bihotza indartsu edukitzeko ere gomendagarria da astean gutxienez birritan sexua praktikatzea.

Aipatu gaitzak sendatzeaz edota arintzeaz gain, zoriontsuago izaten laguntzen digu.

Beraz, ez duzue aitzakiarik! Gozatu eta osatu!

Entzun saio osoa hemen.

Sexu anorexia, hedatuz doan gaitza

Utzi erantzuna

imagesSexuarekiko interes gutxi izatearekin lotuta dagoen gaitz edo arazo bat da anafrodisia. Sexu anorexia pairatzen duten pertsonek, desira falta daukate, baita orgasmora iristeko zailtasunak ere, eta askotan sexu-harreman mingarriak izaten dituzte.

Libido faltaren arrazoiak fisikoak zein psikologikoak izan daitezke, eta batez ere, bikotearen aldetik arbuiatuta sentizearen beldur direnei, autoestimu baxua dutenei edota norbere buruarekin fisikoki pozik ez daudenei gertatzen zaie. Halaber, sexu desirak adierazteko zailtasunak dituztenen artean gertatzen den arazo bat da.

Gaitz horrek jota bizi diren pertsonek, ahal duten guztietan baztertzen dituzte sexu-harremanak, eta halabeharrez sexua praktikatzen badute, ez dira gozatzeko gai.

Sexu-grina blokeatzerakoan, sexu-harremanen maiztasuna murriztu egiten da, eta kasu askotan desagertu ere egiten da.

Sexua, bihotzarentzat onuragarria

Utzi erantzuna

SEXUjpgAldiro sexua praktikatzeak eta orgasmoak edukitzeak, bihotzaren funtzionamendua hobetzen laguntzen dute.

Azken ikerketek erakusten dutenez, bihotzean arazoak dituzten gaixoen artean, bihotzekoak izateko aukera gutxiago dute astean bi aldiz sexua praktikatzen dutenek. Hain zuzen ere, The American Journal of Cardiologyk emandako datuen arabera, bihotzekoak edukitzeko aukera % 50 jaisten da aldiro sexua praktikatzen dutenen artean.

Gainera, orgasmoek bihotzaren funtzionamendua hobetzen lagun dezakete. Izan ere, klimaxera iristean, emakumeen kasuan, besteak beste, adrenalina, endorfina eta oxitona hormonak kanporatzen dira, eta horrek zirkulazioa hobetu eta odolbatuak sortzea saihesten du. Aitzitik, orgasmo faltak arazo kardiobaskularren arriskua areagotzen duela ondorioztatu dute.

Bestalde, sexuak kaloriak erretzen, estresa gutxitzen, animoa indartzen eta hainbat gaixotasun prebenitzen laguntzen duela ekarri dute gogora ikerketa horretan. Horregatik, sexua eguneroko ohitura osasungarrien artean sexua egon behar dela azpimarratzen dute sendagileek.

Badakizue, gozatu!

‘Erruletaren jolasa’: sexuaren alde arriskutsua

Utzi erantzuna

sexoGazteen artean modan jartzen diren sexu jolasek uste baino arrisku gehiago izan ditzakete. Horren adibide dugu azkenaldian nerabeen artean zabaldu den “Erruletaren jolasa’.

Mutilekin eta neskekin osatutako talde batek parte hartu ohi du jolas horretan. Mutilak elkarren aldamenean etzan, eta neskak haien gainean jartzen dira. Hortik abiatuta, sexua praktikatzea da jolasaren helburua, beti ere, arau batzuk errespetatuz. Hain zuzen ere, denbora tarte mugatu batean praktikatzen du penetrazioa bikote bakoitzak, eta behin denbora hori bukatuta, neskek bigarren bikote bat aukeratzen dute. Modu horretan, mutil batetik bestera aldatuz, erruletan bueltaka aritu behar dira neskak.

Isurketa duen lehen mutila jolasetik kanporatzen dute, eta beraz, azken kanporatua da jokoaren irabazlea.

“Erruletaren jolasak” uste baino arrisku gehiago izan ditzake. Sexu bidezko gaixotasunak kutsatzeko bide izan daiteke. Halaber, nerabe asko haurdun geratu dira; herrialde askotan kondoi barik jolasten dute eta.

Akabo Bakea saioko “Luzia eta sexua” atalean, azken urteetan modan egon diren beste hainbat jolas ere aipatu zituzten. Gehiago jakin nahi baduzue, entzun hemen atzoko saioa.

Bost gizonetik batek eiakulazio goiztiarra du

Utzi erantzuna

eyaculacion precozEiakulazio goiztiarra pairatzen duten gizonei bideratuta, kontzientziazio kanpaina bat prestatu dute. “Not just a moment” kanpainaren bidez, bikotekidearekin hitz egitera eta laguntza eskatzera bultzatzen ditu eiakulazio goiztiarra pairatzen duten gizonak. Izan ere, Espainian, bost gizonetik bati eragiten dio, eta gizonen % 43k noiz edo noiz jasan du, baina horien % 15 bakarrik joan dira medikuarenera horretaz hitz egiteko.

Sexu Medikuntzarako Europako Elkarteak (ESSM) antolatutako kanpaina aurkezten parte hartu duten adituen arabera, gaitz honek gizonezkoei bakarrik eragiten dien arren, “eiakulazio goiztiarra ez da bakarrik gizonen arazoa, bikote arazoa baizik”.

Elkarte horretako presidentea den Hartmunt Porst doktorearen arabera, hori pairatzen duten gizonentzat “tragedia bat da”, eta, gainerako sexu-arazoetan ez bezala (zutitzearen disfuntzioa, kasu), eiakulazio goiztiarra pairatzen dutenak gizonezko gazteak izan ohi dira. Kasu batzuetan, gainera, sexu-harremanak izaten hasi baino ez hasten dira hori pairatzen. Horri irtenbiderik eman ezean, egoerak “bikotekideen arteko arazoak” ekar ditzakeela eta” banantzeko eta dibortziatzeko bidea” eman ohi dutela gaineratu du.

Lotsaren lotsaz, eiakulazio goiztiarra sufritzen dutenek ez dute honi buruz hitz egiten eta ez dira medikuarengana joaten. Gainera, batzuetan, arazoa ez da tratamendua duen “benetako” arazo medikotzat jotzen.

Gizonek gaitz hau gainditzeko, emakumeen jarrera funtsezkoa da. Baina emakumeen ilusio eta sentimenduak zapuztuta egon ohi dira eta ase gabeko emakumeak oldarkorrago izaten dira, Alessandra Graziottin doktorearen hitzetan.

Horregatik, jarrera ona hartu eta medikura joatea proposatzen die horrelakorik sufritzen duten bikoteei, “lotsarik gabe, gaitzak irtenbiderik badu eta”. Izan ere, bizi guztirako tratamendua den arren, gaitz honen kontrako medikamentu bat dago.

Jacques Villeneuve 1 Formulako munduko txapeldun ohi kanadarra da hori dutenak tratamenduan jartzera bultzatzen duen kanpaina honen irudia. Horren hitzetan, sexu kontutan, lasterketetan bezala, “kontrola abiadura baino garrantzitsuagoa da askotan”.

Edonola ere, eiakulazio goiztiarra duten gizon gehien-gehienek ezkutatu egiten dute, datuen arabera, bost gizonetik batek pairatzen baitu. Villeneuveren esanetan, “bost lagun baditut eta, dirudienez, inork ez du horrelako arazorik”. Txapeldun ohiak behin eta berriz azaldu du badela arazoa konpontzeko modurik, baina “laguntza eskatu behar da”, gaineratu du.

Ninfomania, askok ezagutzen ez duten gaitza

2 erantzun

Ninfomania

Ninfomania


Ninfomania. Denok ezagutzen dugu kontzeptua, baina gutxik dakite benetako esanahia. Emakume batek sexu harremanak izateko gogoa edukitzeak edota sexu harreman ugari izateak ez du esan nahi ninfomanoa denik. Ninfomania gaixotasuna da, ez ezaugarria.

Uneoro irrika sexual bortitza eta aseezina izatea da sintoma nagusia. Honek, psikologoen arabera, dependentzia handia sortzen du. Patologia honen ertzak ez daude guztiz zehaztuta, baina sexua pentsamendua gailentzen duenean dago muga, hau da, gure ideien gainetik sexu grina dagoenean.

Gaixotasun honen iturburu nagusia denok behar dugun afektua sexu harremanen bitartez bilatzea da. Maitasunaren arloan aurkitzen ez dutena masturbazioan edo sexuan bilatzen dute ninfomanoek. Baina ez dute inoiz lortzen beren gorputza guztiz osatua sentitzea, eta aseezintasun sentsazioa gero eta handiagoa izaten da. Sexua izateko irrika geldiezina bihurtzen da, orduan.

Nola gainditu dispaureunia?

Erantzun 1
Dispareunia. Argazkia: enfemenino

Dispareunia. Argazkia: enfemenino

Dispareuniari nola aurre egin jakin aurretik, zer den azalduko dugu jarraian. Koitoak eragindako baginako mina da dispareunia. Plazera beharrean, sumindura eta azkura sentitzen dute emakumeek bikoteak zakila sartzean.

Bi eratako dispareunia jasan daiteke. Emakume batzuek zakila baginan sartu bezain pronto sentitzen dute mina; beste batzuek, ordea, koitoa uteroaren leporaino heltzen denean sufritzen dute.

Arazo horri aurre egiteko aukera ugari daude. Lehenik eta behin, sendagilearengana joan eta sumindura eragiten duten arrazoiak identifikatzea da gomendagarriena. Jatorri fisikoak sendagaien bidez konpondu daitezke. Zailagoa izan ohi da, ordea, kausa psikologikoei aurre hartzea. Horretarako, terapia kognitiboak dira egokienak, konfiantza berreskuratu eta sexuaz gozatzen ikasteko.

Zergatik okertzen da zakila?

Utzi erantzuna

curva-peneZakilaren okertzea edo makurtzea (recurvatum penis izenaz ezagutzen da) jaiotzetiko akats bat da, eta zakila tentetzen eta gogortzen hasten den adinetik ikus daiteke, orduan ikusten baita horren kurbadura (beheranzkoa, normalean).

Peyronie gaixotasunak ere eragin dezake okertze hori,  normalean 40 urtetik gorako gizonei erasaten diena. Larrua jotzean zein zakila sartzean mina sor dezake; beraz, horren tratamenduak mina kentzea eta kurbadura handitzea saihestea du helburu. E bitamina eta inflamazioa ekiditeko produktuak gomendatzen dituzte medikuek arazo honi aurre egiteko, eta erradioterapia eta kortikosteroideak ere oso erabilgarriak dira.

Horrez gain, arin jardun behar da, gaixotasun horrek okerrera egiteak ondorio larriagoak sor baititzake.
Adituen aburuz, ebakuntza egitea azken aukera izan beharko litzateke. Soilik sartzeko arazo larriak izanez gero egin beharko litzateke; gaitz hori ez tratatzeak inpotentzia ekar baitezake. Ondorioz, okertze hori nabarituz gero, andrologo batengana joatea da onena.