Etiketaren artxiboa: bagina

Zer da zoru pelbikoa?

ETB1ko ‘SexSua’ saioak emakumeen sexu-organu garrantzitsuena hizpide hartuta hasi du bere ibilbidea telebistan: alua. Organu hau, sexuari dagokionean, ezezagunenetakoa dela iritzita, bere inguruko tabu guztiak apurtzera etorri da Jon Gomez Garaik gidatzen duen programa.

Nahia Rojo, sexu-hezitzailea

Nahia Rojo, sexu-hezitzailea

Hasteko, aluaren atalak zeintzuk diren jakitea ezinbestekoa dela esan digu Nahia Rojo, Desira sexologia zerbitzuko adituak. Honako hauek aurkituko dituzte emakume guztiek euren aluan: klitoriaren estalkia, klitoria, ezpain txikiak, baginarako sarrera eta ezpain handiak.

Honetaz ari garela, klitoria badela jakitea garrantzitsua da Nahia Rojoren hitzetan. Gezurra badirudi ere, gaur egun oraindik emakume asko dago zer den eta zertarako balio duen ez dakiena. Klitoriaren funtzio bakarra gozamena da. Horretarakoxe soilik daukate emakumeek organu txiki hori aluaren goiko partean. Bera kitzikatuz edo berarekin jolastuz gozamena lortzen dute.

Aluak marrazten

Alu bat marrazten ba al dakigu?

Bestalde, gorputzeko gainerako atalak pertsona batzuetik besteera aldatzen diren bezala, aluak ere ezberdinak dira emakume batzuetan eta besteetan. Normalean ez dira erabat simetrikoak izaten; batzuek ezpain txikiak handiagoak izaten dituzte eta besteek txikiagoak; usaina eta fluxu kopurua ere ezberdina izaten da emakume batzuetatik besteetara…

Baina ezberdintasunak ezberdintasun, emakume guztiek gauza bat izan behar dute argi: zoru pelbikoa landu egin behar dela. Azken aldian, asko entzuten den kontzeptua da hau. Baina zer da zoru pelbikoa?

Arantza Meabe, ginekologoa

Arantza Meabe, ginekologoa

Arantza Meabe ginekologoak Jon Gomezi azaldu dion bezala, pelbiaren inguruko organuak eusten dituen gihar eta tendoi multzoa da zoru pelbikoa. Urteek aurrera egin ahala eta haurrak erditu ondoren, gihar eta tendoi horiek indarra galtzen dute, lasaitu egiten dira eta osasun arazo izatera ere iritsi daiteke.

Emakume askori, erditu ondoren edo menopausiako hormona aldaketen ondoren, pixak ihes egiten die egoera askotan: doministiku egiterakoan, salto edo korri egiterakoan… Horiek dira zoru pelbikoa ahultzearen sintometako batzuk. Arazoa oso larria denean, konponbidea kirurgia izan ohi da.

Txinatar bolak

Txinatar bolak

Gaur egun, ordea, horretaraino iritsi gabe ere, badaude zoru pelbikoa indartzeko ariketa eta teknika ugari. Txinatar bolak erabiltzea da horietako bat. Askok jostailu erotiko soiltzat dituzte eta, horiek erabiltzean emakume batzuek gozamena sentitu badezakete ere, bola txinatarren funtzio nagusiena pelbiaren inguruko muskuluak indartzea da. Noski, muskuluak indartuta daudenean, gozamena handiagoa izaten da sexu harremanetan, bai emakumearentzat bai gizonarentzat.

Eta nola funtzionatzen dute? Mugimenduarekin. Hau da, txinatar bola bakoitzaren barruan beste bolatxo txiki bat dago. Mugitzen garenean, barruko bolatxoak talka egiten du kanpoko bolaren kontra eta horrek sortzen duen bibrazioak bagina inguruko muskuluak mugitzen ditu. Beraz, txinatar bolak oinez ari garenean erabili behar ditugu, bestela alferrik izango da.

Olga Polo, emagina

Olga Polo, emagina

Jon Gomez Laudioko Olga Polo emaginarekin hizketan ere aritu da ‘SexSua’ saioan. Olgak txinatar bolen antzerako produktu bat merkaturatu du eta, kontatu duenez, antzinako emakumeek ere erabiltzen omen zituzten horrelakoak.

Txinatar bolez aparte, badaude bestelako ariketa edo teknikak ere. Errazena edozein momentutan pelbiaren inguruko muskuluak itxi eta irekitzea da; hau da, pixari eutsiko bagenio bezala. Egunean hainbat alditan eginda, muskuluak lantzen arituko gara.

Azken urteetan, gure inguruan ezagun egin den beste ariketa bat gimnasia hipopresiboa da. Emagin askok erditze ondorengo klaseetan erakusten dute nola egin, eta gimnasio eta kiroldegi batzuetan ere egiten dute eskaintza hau.

Zoru pelbikoari buruzko ‘SexSua’ saioa osorik ikusi dezakezue hemen:

Baginako kirurgia, uste baina hedatuagoa

cirugia vaginal 1Tabuak desagertzeak aldaketak ekarri ditu sexuaren mundura. Gero eta garrantzi handiagoa ematen diogu estetikari. Baina ez kanpo estetikari soilik: gero eta jende gehiago arduratzen da barneko organoak ere txukun izateaz. Gaurkoan, baginako kirurgiari buruz arituko gara gure blogean.

Barne organoetan ebakuntza egitea erabakitzen duten emakumeak 20 eta 40 urte bitartekoak izatean dira batik bat, eta operazio hauek era guztietakoak izaten dira: episiotonia, orban edota garatxoren bat kendu, himena berriro josi, kanpoko ezpainak handitu, erditu ondoren bagina berrindartu… aukerak ia mugagabeak dira, eta nork bere egoerara moldatzen du operazioa.

Ebakuntza-gelatik pasatzeko erabakia arrazoi askorengatik har daiteke. Badaude osasun arazoengatik egiten dutenak, beste batzuek harreman sexualetan arazoak dituztelako egiten dute, baina gehienen arrazoia estetika hutsa da. Pubisetik gero eta ile gehiago kentzeak azpian dagoena utzi du agerian, eta askori ez zaie guztiz gustatu ikusi dutena. Medikuek diotenez, emakume askok konplexuak dituztelako erabakitzen dute euren barne organoa aldatzea.

Baginako piercingak

piercingBaginako piercinga emakumeen genitaletan jartzen den belarritakoari deitzen diogu. Dirudienez, erromatarren arotik dator ohitura hau. Garai hartan neska esklaboei baginan belarritako antzeko bitxiak jartzen zizkieten sexu harremanik izan ez zitzaten. Dena den, denborarekin baginako piercingen esanahia aldatu egin da eta orain praktika sadomasokistekin lotzen da.

Piercing motak

Nesken genitaletarako lau piercing mota daude: bik klitoriarekin dute zerikusia eta beste biek ezpainekin.

Klitoriaren estalduran jartzen diren belarritakoak: Klitoriaren azala edo estaldura horizontalki zein bertikalki zeharkatzen du. Honek sekulako plazerra eragiten dio emakumeari piercingak klitoria ukitzen duenean.

Klitorian bertan jartzen den piercinga ez da oso ohikoa izaten, azken honek sentsazioak murrizten baititu (aurrekoaren kontrakoa). Zonalde hau zeharkatzen duen barratxo edota aro bat litzateke klitoriko belarritakoa.

Ezpainetako piercinga: Ezpain txikietan edota handietan jar daiteke. Honek ere sentsazioak areagotzen ditu eta oso errez orbaintzen den piercing mota bat da.

Amaitzeko, urkila izenez ezaguna den piercinga duten pertsonek ezpain txikien eta bulba edo aluaren arteko lekua zulotzen dute.

“Aluan sekulako azkura daukat eta ezin dut sexu-harremanik izan”

Osteguna denez, irakurle baten zalantzari erantzungo dio Olatz Berastegi sexologoak. Hemen duzue gaurko zalantza:

Irakurlearen galdera:

“Kaixo

Duela gutxi izan dut umea eta haurdun nengoenetik sekulako azkura daukat aluan. Ezin dut sexu-harremanik izan sekulako mina egiten didalako. Haurdunaldiak eragingo ote zidan etengabeko azkura hau? Ala beste arrazoiren bat egon daiteke, onddoak…?
Zer egin dezaket hau saihesteko? sexo

Eskerrik asko”

Olatzen erantzuna:

“Aluan azkura sentitzeko arrazoi ezberdinak egin daitezke: bulba errea edukitzea, onddoak,…

Zergatik gertatu zaizun? Haurdunaldiaren ondorioa izan daiteke, etapa horretan hormonalki emakumeen egoera aldatu egiten delako, honetaz gain ez dakit ze nolako erditzea izan duzun, hau da episetomia egin dizuten, erditze gogorra izan zenuen… erditzearen arabera ondorioak ere izan ditzakezu. Dena den kontatzen duzuna ez da hain arraroa, emakume askok bere bizitzan bulban infekzioak, onddoak izaten dituzte. Nik ginekologora joatea aholkatuko nizuke, berak ondo behatuko dizu eta tratamendu egokia bidaliko dizu.

ondo izan.”

Sexu organoak indartuz, plazerra areagotu

Aste honetan ere aholkuekin jarraituko dugu, eta gure genitalak ezagutzea garrantzitsua bada, ezin ahaztu zaintzea ere ezinbestekoa dela. Hau da, askotan gorputza zaintzeko kirola egiten saiatzen gara, eta badakigu gure gorputza mugituz, ondorio onak lortzen ditugula. Organo genitalekin berdin gertatzen da. Beraz, hauek indartuz ondorio positiboak lortu ditzakegu, horietako bat harreman sexualetan plazerra areagotzea da. Beraz, hemen doaz etxeko lanak:

Lehendabizi, neskek egin beharreko ariketekin hasiko gara. Leku eta une lasai bat aukeratu, postura erosoa hartu, eta baginako muskuluak ixten saiatu. Arnasa sakon hartu, hiru edo lau segundo eutsi eta muskuluak lasaitu. Ondorioak nabaritzeko, ariketa hau egunero hamabost aldiz egitea komeni da.

Mutilen kasuan, zakilarekin kontrakzio mugimenduak egin behar dira. Hau da, pentsa pixa egiten ari zaretela eta zakilaren muskuluak eutsiz pixa eteten duzuela. Arnasa sakon hartu eta eutsi hiru edo lau segundoz. Ondoren, muskuluak lasaitu. Mutiletan ere, ariketa hauek egunero egitea komeni da.