Etiketaren artxiboa: plazerra

Pornografiaren sekretuak, agerian

Utzi erantzuna

Aste honetako ‘SexSua’ saioan, pornoaren industriaren eragina izan du hizpide Jon Gomezek. Segundoko 28.528 kontsumitzaile duen industria hau hobeto ezagutzeko, osasuna, sexu-heziketa eta komunikazioaren alorreko profesionalekin izan da Jon Gomez aurkezlea.

Gaizka Tovar, sexu-hezitzailea

Gaizka Tovar, sexu-hezitzailea

Zeintzuk dira pornoak sortzen dituen espektatibak? Egia al da pantailan ikusten dugun guztia? Nolako eragina du pornoaren kontsumo masiboak gaur egungo gazteengan? Galdera hauei erantzuna aurkitu nahian, Gaizka Tovar sexu-hezitzailearekin izan da Jon Gomez. Gaizkak argitutako lehen kontzeptua honakoa da: pornoa gezurra da. Sexologoak argitu duenez, kutsu erreala emateko, fikziozko zineman erabiltzen diren trikimailu eta efektu antzekoak erabiltzen dira zine erotikoan. Honela, gaur egungo gazteriarentzat frustragarriak diren eredu irrealak sustatzen ditu.

Sexu-jostailuak

Sexu-jostailuak

Gaizka Tovarren baieztapena argudiatzeko, pornoaren industrian eta errealitatean ikusten diren ereduen arteko konparaketa aurkeztu dute saioan. Pelikula pornoetan ikusten diren zakilen tamaina 15-21 zentimetro bitartekoa izaten da, errealitateko batezbesteko tamaina 13-18 zentimetro bitartekoa denean. Emakumezkoen kasuan ere, pornoan ikusten diren alu gehienak oso antzekoak dira, errealitatean, forma, itxura, kolore eta tamaina ezberdinekoak diren bitartean. Harreman sexualetan, emakume guztiak orgasmora heltzen ikusten ditugu film hauetan; egunerokotasunean, ostera, emakumeen %71k ez du lortzen orgasmora heltzea.

Zine mota honek sortzen dituen itxaropen faltsuak irauli eta mitoak deseraikitzeko, Gaizka Tovarrek hezkuntza sexuala indartzea proposatzen du. Bere ustez, gizarteko sektorerik gazteenean dago gakoa; izan ere, inkesten arabera, 11 urterekin hasten dira gaur egungo gazteak pornoa kontsumitzen.

Anton Arruza, urologoa

Anton Arruza, urologoa

Fisikoki pornoak eraikitzen dituen ereduek ez dute gazteen harremanetan soilik eragiten. Anton Arruza urologoak adierazi duenez, “pornoaren industrian ikusten diren zakilen tamaina eta itxura irrealek gazteei konplexuak sortzen dizkiete”. Honela, gazte askok urologoaren kontsultara joatea ekiditen dute, tamainaren konplexua gainditu ezinik. Emakumeek ginekologoaren figura barneratuta duten bitartean, gizonezkoei urologoa arrotza egiten zaiela azpimarratu du Anton Arruza urologoak.

Allen King, 2014ko Europako aktore porno gay onena

Allen King, 2014ko Europako aktore porno gay onena

Baina pornoaren eragina ez da soilik publikoan antzematen. Allen King aktore pornoak Jon Gomezekin izandako elkarrizketan argi utzi duen moduan, aktore pornoek viagra antzeko botika eta estimulatzaileak hartu behar izaten dituzte sarritan. Pantailan ikusten duguna ikusteko, aktoreek lanordu luzeak ematen dituzte, azkenean, osasunerako kaltegarriak diren produktuak hartuz.

Beraz, pornoaren inguruko saio honetan ondorioztatu daitekeena honakoa da: pornoa kontsumitzea gozagarria izan daitekeen arren, ezinbestekoa da ikusten dugun horren inguruko kontzientzia kritikoa garatzea, aurrerantzean izan ditzakegun harremanak kaltetu ez ditzan.

Ikus ezazu saio osoa:

Esku bakarrez irekitzen den kondoia

2 erantzun

kondoiaInoiz izan duzu arazorik kondoi bat irekitzeko garaian? Une sutsua izaten da, bor-bor egoten zara… eta, bat-batean, bi eskuak libre utzi behar izaten dituzu preserbatiboa jartzeko. Horrek bat-bateko pasioa galtzea edo kontua hoztea eragin dezake. Baina ez larritu, laster kalean egongo baita esku bakarrarekin ireki daitekeen kondoia!

Ben Pawlek preserbatiboa gordetzeko zorro berritzaile batekin harritu gaitu. Bere asmoa elbarrientzat irekitzeko erraza den kondoia egitea bazen ere, ia konturatu gabe, askoren egunerokotasuneko arazoetako bat konpondu du. Orain nahikoa da preserbatiboaren gainean presioa egitea hau zorrotik ateratzeko, eta segundo eskas batzuk nahiko dira.

Pawlek patentatu egin du jada, baina oraindik ez dago merkatuan; izan ere, badirudi preserbatiboak ekoizten dituzten marka nagusiekin negoziatzen ari dela produktua kaleratzea. Espero dugu laster gure artean egotea.

Nola areagotu plazera?

Utzi erantzuna

Sexuaren bidez lortzen dugun plazera areagotzen lagunduko diguten hainbat aholku aztertuko ditugu jarraian.

Sexua. Argazkia: Getty

Sexua. Argazkia: Getty

Lehenik eta behin, gomendagarria da zerk berotzen gaituen jakitea eta horren inguruan pentsatzea. Geure burua ezagutzea ezinbestekoa da, bikotekidearekin konpartitu eta gozatzen ikasteko.

Ondoren, kezka eragiten diguten aurreiritziak eta sentipenak alde batera utzi behar dira, baita estresa zein antsietatea ere. Hala, gure gorputza prest egongo da estimuluei harrera egokia egiteko. Bestela, gure pentsamendu ezkorrek plazerak eragindako ongizatea oztopatu ohi dute.

Bestalde, osasuntsu egoteak jarduera sexual hobea berma dezake. Hortaz, alkohola, tabakoa eta droga gehiegi kontsumitzea ez da batere lagungarria orgasmoa erdiesteko.

Azkenik, profesionalen iritziak eta gomendioak oso baliagarriak izan daitezke atsekabe sexuala gainditzeko. Desoreka non dagoen atzeman eta konponbidea garaiz aurkitzen lagunduko digute.

Emakumezkoen orgasmoaren oztopoak

Utzi erantzuna

mujer-placer-300x168Emakumeari orgasmora iristea eragozten dioten arrazoi ugari existitzen dira, eta horien inguruan arituko gara gaurkoan, Gazteako sexu-blogean.

Kasu gehienetan, emakumeek orgasmora iristeko duten oztopo nagusia kognitiboa izaten da; hau da, sexu-harremanetan arreta jarri beharrean, beste gauza batzuetan pentsatzen jartzen direla.

Orgasmoa izateko zorian pentsamendu batek euren burua gurutzatzen duenean, eta, batez ere, negatiboa denean, plazera sentitzeko aukerak izugarri murrizten dira.

Une horretan emakumezkoek izaten dituzten pentsamendu ohikoenak egiteke dituzten gauzak izaten dira; hurrengo egunean egin beharrekoak edota laneko zereginak, adibidez.

Sexu-harremanen iraupena orgasmora iristea oztopatzen duen beste faktore bat da. Batzuetan, emakumezkoa isurtzeko prest dago, baina bikotekideak unea luzatzen du. Horrelakoetan, sakonki arnastea komenigarria da, orgasmoa apur bat eteteko.

Azkenik, sexu-jarrerak ere garrantzia izaten du emakumezkoen isurketari dagokionean. Gizonezkoaren gainean kokatzean, emakumezkoak mugimenduen kontrol handiagoa dauka, eta horri esker, orgasmora iristen den unea bere menpe geratzen da.

Zure etxea, sexu jostailuz beteta!

Utzi erantzuna

MarrubiaEz da beharrezkoa diru asko gastatzea jostailu sexualekin gozatu ahal izateko gure inguruan dauden elementu asko sexu-harremanak pizteko erabilgarriak baitira. Hona hemen zure etxean bertan aurkituko dituzun gauzak sexu harremanetan erabiltzeko zenbait proposamen:

  • Janaria primerako sexu jostailua izan daiteke behar bezala erabiltzen denean. Txokolatea, chantillya, marrubiak… denetarik erabili dezakezu zure bikotekidearen gorputzaz gozatzeko.
  • Bainu erromantiko bat hartzeko leku aproposa izateaz gain, sexu-harremanetan erabilgarri izan daitezkeen gauzaz betetako lekua da komuna. Dutxaren txorroa oso atsegina izan daiteke emakumezkoen zein gizonezkoen gune erogenoak estimulatzeko. Gainera, xaboiak, gorputzerako olioak eta kremak oso erabilgarriak dira masaje atsegina emateko.
  • Edozein zapi edo gerriko jostailu bikaina bilaka daiteke irudimen apur batekin.
  • Segur aski ispiluren bat izango duzu logelan. Ez dago horren aurrean sexu-harremanak izatea baino gauza beroagorik.

Emaiozu buelta bat zure bizitza sexualari!

Utzi erantzuna

26f68e75b98f27e0fb955e45474152aaBeti berdina egitearekin aspertuta zaude? Errutinan erori zara sexu-harremanei dagokienean? Gaur, Gazteako sexu blogean, horri aurre egiteko bidea eskaintzen dizugu. Hona hemen zure bizitza sexualari buelta bat emateko probatu ditzakezun zenbait jarduera:

· Begiak estali: zure bikotekidearen begiak zapi batekin estaltzen badituzu bere zentzumenak indartuko dira, eta irudimenak garrantzi handia izango du. Gogoratu burmuina gizakion sexu organo garrantzitsuena dela.

· Masajeak egiten ikasi: masaje baten ondororen zure bikotekidea askoz erlaxatuago egongo da eta horri esker, bere orgasmoa biziagoa izango da.

· Mozorrotu: zure bizitza sexuala dibertigarriago egin pertsonaia ezberdinak antzezten. Harreman sexualak bereziagoak izatea lortuko duzu.

· Kartetan jolastu: galtzen duenak jantzi bat kendu beharko du. Seguruen, horrek, zure irabazteko gogoak piztuko ditu.

· Jarrera berriak probatu: interneten, aldizkarietan, liburuetan… jarrera sexual berriak edonon aurkitu daitezke. Animatu jarrera berriak probatzera!

· Zakilean ipintzen diren eraztunak erabili: odolaren fluxua geldiarazten dute eta ondorioz, zakila tente mantentzen da denbora luzeagoan.

· Sexu harremanak izan ezohiko leku batean: ez da leku publiko bat izan behar, etxeko ezohiko lekuetan ere sexu-harremanak izatea pizgarria izan daiteke.

Benetan existitzen al da aldibereko orgasmoa?

Utzi erantzuna

orgasmoSexu-hezitzaile gehienek mitoa dela uste duten arren, bikote askok egiten dituzte orgasmora aldi berean iristeko ahaleginak. Elkarri maitasuna adierazteko modu bat izan daiteke hori, baina bikote barruko komunikazioa primerakoa izan behar da eta oso ondo ulertu beharko dute elkar bikotekideek, helburua lortzeko.

Aldibereko orgasmoa izaten saiatzeko orduan erabilgarriak izan daitezkeen zenbait aholku edo gomendio emango dizkizuegu gaurkoan Gazteako sexu-blogean:

Helburuarekin arduratu beharrean prozesua disfrutatzea izaten da garrantzitsuena. Oso konplikatua da emakume batek eta gizon batek orgasmoa aldi berean izatea, eta horrekin zenbat eta gehiago obsesionatu horrekin, hainbat eta zailagoa izango da lortzea.

Gizonen kasuan, adibidez, estresak, urduritasunak eta presioak kalte handia egiten diote erekzioari. Beraz, ezinbestekoa da erlaxatuta egotea sexu-harremanek denbora luzeagoan irauteko eta atseginagoak izateko.

Gainera, aurretik aipatu bezala, oso garrantzitsua da bikotekideek euren artean komunikatzeko ahalmena izatea eta oso ondo elkar ezagutzea. Izan ere, besteak gehien atsegin duena jakinda bere goxamena lortzea errazagoa izango da.

Horrez gain, musuak, laztanak, jostailu sexualak, hizkera erotikoa eta masturbazioa lagungarriak izan daitezke, baita, oro har, sexu-harreman atseginagoak izaten laguntzen duen edozein jarduera.

‘Cunnilingus’ perfektua lortzeko aholkuak

Utzi erantzuna
Argazkia: sexologia.net

Argazkia: sexologia.net

Era egokian egiten denean, aho-sexua jarduera erotiko atseginena izan daiteke neskentzat zein mutilentzat. Gaurkoan, neska bati “cunnilingus” perfektua egiteko zenbait aholku emango dizkizuegu Gazteako sexu-blogean.

Emakumeentzat ezinbestekoa da oso berotuta egotea, aho-sexua atsegina izateko. Beti azpimarratzen dugu sexu-harremanak izan aurretik musuek eta laztanek garrantzi handia dutela eta aho-sexua ez da salbuespena. Ezpainak, lepoa eta bular-puntak leunki laztantzea eta musukatzea bide ezin hobea da emakumeak behar bezala berotzeko.

Horrez gain, aho-sexua izaterakoan badaude aproposagoak izan daitezkeen zenbait jarrera. Erosoena emakumea ohearen ertzean etzanda egotea izaten da, horrela bikotekideak hobeto miazkatu ditzakeelako genitalak.

“Cunnilingusa” egiteko orduan oso garrantzitsua da astiro joatea. Hasteko, ezpain handiak eta txikiak miazkatzea komeni da eta ondoren, klitoria laztandu eta xurrupatzen hastea. Erritmo egokia lortu denean, atzamarrak ere erabili daitezke emakumeari atsegin handiagoa emateko.

Gorputz hizkuntza sexu-harremanetan

Utzi erantzuna

plazerraAskotan, zaila da beste pertsona batek pentsatzen edo sentitzen duena jakitea. Zenbatetan galdetu diozu zeure buruari, sexu-harremanak izan bitartean, bikotekideak zuk bezainbeste plazer sentitzen duen? Gaurkoan, giza gorputzak gozamena sentitzen duela erakusteko dituen erak aztertuko ditugu, batez ere emakumezkoenak.

  • Hasteko, jakin beharra dago orgasmora heltzeko zorian gaudenean geure arnasketa aldatu eta irregular bihurtzen dela. Era berean, bihotz frekuentzia bizkortu egiten zaigu eta gorputz osoa normalean baino azkarrago mugitzen da.
  • Horrez gain, emakumeen kasuan, behatzetan tentsioa nabaritzea eta aldakak sarketaren bultzadekin batera mugitzea ere, gozamenaren adierazgarri dira. Gainera, besoen kokapenak ere esanahi handia dauka. Luzatuta izatea sexu-harremana atsegin duenaren erakusgarri da; bere gorputzetik hurbil izatea, aldiz, seinale txarra.

Gorputz hizkuntza ezagutzea oso lagungarria da sexu-harreman hobeak izateko; izan ere, bikotekidearen gorputzak bidaltzen dituen seinaleak interpretatuz gero, horren nahiak asetzea errazago egingo zaigu.

Zer da ‘sexu zikina’?

Erantzun 1

szSexu-harremanak izateko orduan, emakumeak erromantikoagoak direlako ustea oso hedatuta dago. ‘Sexu zikina’, aldiz, gizonezkoekin erlazionatzen da gehienbat.

Hala ere, errealitatea topiko honetatik oso urruti dago emakume askorentzat ere, ‘sexu zikina’ oso erakargarria delako.

Baina, zeintzuk dira ‘sexu zikina’ izateko erabiltzen diren praktikak? Sex shop delakoetan saltzen dituzten joko ugari abiapuntu aproposak izan daitezke. Esaterako, karta-joko sexualak. Horrekin batera, oso arrunta izaten da argot sexuala erabiltzea eta bikotekideari gauza gordinak esatea. Geroago ohean egingo dioguna zehazki deskribatzea gure bikotekidea berotzeko modu bat izan daiteke, beti ere, era iradokitzaile batean egiten dugunean.

Horrelako praktika sexualak izan aurretik, beharrezkoa da bikotekideen arteko komunikazioa. Azken finean, biek egon behar dute eroso egoerarekin. Gainera, gerta daiteke bikotekideek ‘sexu zikintzat’ ulertzen dutena ezberdina izatea eta komeni da edozer probatu aurretik bestearen iritzia jakitea. Halaber, oso mesedegarria izan daiteke bion fantasiak partekatzea harreman sexual atsegingarriagoak izateko.