Kategoriaren artxiboa: proposamenak

Euskal abesti sexualenak

Utzi erantzuna

sexoUrteko lehendabiziko “Luzia eta sexua” tartea izan zuten atzokoan ‘Akabo Bakea’n.

Indartsu eta Euskal Herritik mugitu gabe eman zuten saioa ‘akaberoek’, musika eta sexua hizpide hartuta. Hain zuzen, euskal musikak eman dituen abestirik sexualenak, sutsuenak edota beroenak jarri zituzten mahai gainean. Horretarako, 2003an kaleratutako Sex’n roll diskoan oinarritu ziren.

Guztira hamazortzi kantu jasotzen ditu horrek; Doctor Deseoren, Latzenen, Ido Bihotzen, Urtzen eta Barricadaren kantuak, kasu.

Hori gutxi ez, eta entzuten dugun musikaren araberako sexua dugula ere aipatu zuen atzokoan Luziak. Horrekin lotuta, estilo bakoitzak zer nolako harremana dakarren azaldu zuen.

Musika elektronikoa, rocka eta metala dira sexu-saio arin eta bizietarako aproposenak. Dibertitzea bilatzen dutenek, berriz, hobe dute pop edo disko musika hautatzea, eta sexu tantrikoa, slow sexa edota, orohar, saio lasaiagoen aldeko apustu egiten dutenentzat musika klasikoa, jazza edo bluesa gomendatu zituzten.

Entzun hemen saio osoa.

Ohean, larrugorrian hobeto

Utzi erantzuna

dormirdesnudoNegua iristear bada ere, arropak kentzera animatuko ditugu ‘Eingo al deu’ sexu-blogeko irakurleak. Izan ere, azkenaldian egindako ikerketek erakusten dute biluzik lo egitea guztiz gomendagarria dela.

Baina zergatik?

Hamaika arrazoi daude pijama armairuan utzi eta ohera larrugorrian sartzeko.

-Hobeto deskantsatzen laguntzen du

-Pisua galtzeko aukera ematen du

-Diabetes pairatzeko arriskua gutxitzen du

-Bizitza sexuala hobetu dezake

-Nesken kasuan infekzioak saihesten ditu

-Mutiletan, berriz, ugalkortasuna hobetu dezake

-Autoestimurako ona da

Abantailak, beraz, asko dira. Gainera, ez omen du desabantailarik,. Dena den, arrazoi kulturalak tarteko, herrialde askotan ez dago biluzik lo egiteko ohiturarik, eta Espainiako Estatuan, adibidez, horixe berori gertatzen da.

Euskal Herrian, aldiz, badirudi baten batzuek ez dutela pijamarik behar, eta horren adibide dugu Nakor “konkistatzailea”. Hemendik kanpo ere badira maindire artean arroparik gabe hobeto moldatzen direnak: Victoria Beckham, Ingalaterrako Carlos printzea eta Sofia Vergara, kasu.

Eta zuk nola egiten duzu lo?

Entzun atzoko saioa.

Galdakaoko Geminis lokala, sexu askearen paradisua

Utzi erantzuna

Sexu askea helburu duen, eta errespetua eta hezibidea ezaugarritzat dituen Galdakaoko Geminis lokalak ateak ireki dizkigu.

Astero hamar mutil inguruk bisitatzen dute lokal hau, eta nesketan ere geroz eta ohikoagoa da Geminisen bestaldean dagoena ezagutzeko grina edukitzea.

Bikoteen arteko trukaketa da arrakasta edo eskaera gehien duen zerbitzua, baina emakumeen arteko sexuak ere indarra hartu du azkenaldian. Geminiseko arduradunetako batek esan digunez, eguneroko ohikerian erori diren edota aspertuta dauden bikoteentzako irtenbide aproposa izan daiteke halako lokal batera gerturatzea. Morboa piztu eta bikoteen sexu-nahia indartzeko bide izan ahal direlako.

Ostegunetik igandera zabaltzen dute Geminis, eta 40 euro baino gutxiago xahututa, denbora tarte atsegina igarotzeko parada eskaintzen dute han.

Bikoteen arteko elkartrukea ez ezik, beste pertsona batzuen sexu-harremanak zuzenean ikusteko aukera ere eskaintzen dute.

Besteak beste, dantzalekua, atseden-lekua, logela beroa eta aldagelak dituzte, eta ohiko zerbitzuez harago, nabarmentzekoa da aldiro jai tematikoak antolatzen dituztela.

Hil aurretik nahitaez praktikatu beharreko 5 sexu fantasia

Utzi erantzuna

sexoSexuarekin lotutako bost proposamen egin zituzten atzokoan, “Akabo Bakea” saioko Luzia eta Sexua atalean. Hain zuzen ere, hil aurretik praktikatu beharreko bost sexu fantasia aipatu zituzten.

Bi pertsona baino gehiagorekin sexua praktikatzea zen horietako bat. Fantasia nahiko arrunta da hau, nesken zein mutilen artean, baina askotan lotsagatik edota aldamenekoek esango dutenaren beldur garelako, ez gara ausartzen aurrera eramaten.

Dena den, swinger fenomenoak adibidez, monogamiatik aldendu eta sexua taldean, modu askean eta mugarik gabe praktikatzera animatzen du.

Bigarren fantasia bat ere aipatu zuten: sexu bereko norbaitekin harremanak izatea. Homosexualitatetik edota bisexualitatetik haratago, sexu bereko pertsona batekin abentura bat izatea esperientzi polita eta aberasgarria izan daiteke. Esan ohi da, nesken kasuan, %80k izan duela inoiz beste emakume batekin fantasiaren bat edo beste.

Hil aurretik probatu beharreko esperientziekin jarraituz, gure hizkuntza ezagutzen ez duen batekin oheratzea gomendatu zuten asteleheneko saioan. Komunikazioak sexuan berebiziko garrantzia badu ere, gau bateko sexu saio baterako, tutik ulertzen ez diogun batekin egoteak morboa izan dezakeela diote adituek. Batez ere, emozioak, hitzez barik, keinuz adierazteko bide izan daitekeelako.

Tantrismoa ere izan zuten hizpide. Isurketa atzeratzeko eta orgasmoa indartzeko ariketek, arnasketa erritmoa neurtzeko gaitasunak eta pelbis aldeko muskuluak kontrolatzeko ahalmenak, plazer maila altuagoa lortzen lagun dezaketela diote sexu tantrikoa praktikatzen dutenek.

Halaber, abenturak edota sexua praktikatzeko helburuarekin izaten ez ditugun topaketak, bizitza honetan probatu beharreko beste fantasietako bat direla argitu zuten; alegia, momentu jakin batean sexu-lagun bat edukitzeak, bizitza sexual aberasgarriago bat ekar dezakeela azpimarratu zuten, maitasunik gabeko sexuak ere ba omen dituelako alde positiboak.

Entzun asteleheneko Luzia eta Sexua saioa eta utzi hemen zuen iruzkinak.

Sexua ala kirola: zein da kaloriak erretzeko modurik onena?

Utzi erantzuna

sexo

Zer irudituko litzaizuke sendagileak kirolaren ordez sexua praktikatzea aholkatuko balizu?

Quebeceko Unibertsitateak ikerketa bat egin du korrika eginda eta sexua praktikatuta erretzen ditugun kaloriak alderatzeko, eta datu benetan bitxiak eman dituzte ikertzaileek. Hain zuzen ere, 18 eta 35 urte bitarteko gazteekin egin dute ikerketa, eta emaitza argia izan da: oinez eginda baino kaloria gehiago erretzen ditugu sexuarekin, baina korrika eginda baino gutxiago.

Ikerketan parte hartu duten bikoteek etxean izan dituzte sexu-harremanak, lasaiago egoteko eta modu “naturalagoan” aritzeko, eta besoko batzuk jarrita neurtu dizkiete kaloriak.

Bataz beste 25 minutuko “beroketak” izan dituzte, horregatik, 30 minutuko korrikaldiekin konparatu dituzte bikote guztien sexu saioak.

Eta ondorioa harrigarria izan da…

Izan ere, mutilek neskek baino askoz kaloria gehiago erretzen dituztela ondorioztatu dute: ordu erdiko saioan mutilek 101 kalori inguru erretzen dituzte, neskek, berriz, 69.

Litekeena da mutilek esfortzu gehiago egitea, dena den, entzun “Akabo Bakea” saioko “Luzia eta sexua” tartean kontatu digutena.

Nola hobetu sexu harremanen kalitatea?

Badira hainbat jaki sexuaren kalitatea hobetzen laguntzen dutenak:

AGUAKATEAK: Bihotzarentzat eta arterientzat onak dira, eta horrek odola gorputzeko atal guztietara iristea errazten du.

ALMENDRAK: Estimulatzaileak dira eta ugalkortasunerako gomendagarriak.

MARRUBIAK: Erditzean arazoak saihesteko balio dute, eta espermatozoideentzat oso onak dira.

TXOKOLATEA: Libidoa indartzen duen sustantzi estimulatzaile bat du txokolateak.

MARISKOA: Ostrak adibidez afrodisíako ezagunenetakoak dira. Arrainen artean, izokinak ere sexu harreman aberasgarriagoak izaten lagun dezake.

RUKULA, PIKUAK, ZITRIKOAK…

Entzun asteleheneko “Luzia eta sexua” saioa!

Kilimak gustuko al dituzu?

Utzi erantzuna

Askok ez ditu atsegin, deseroso sentitzen direlako; badirudi, ordea, beste askok oso gustuko dituztela, kilimek orgasmoa eragiten dietelako. Beraz, jarduera erotiko interesgarria da kilimak eragin eta jasotzea: knismolagnia.

Kilimak

Kilimak

Hainbat adituren arabera, oso joko dibertigarria izan daiteke sexu-harremanetan. Bikotekidearen gorputzeko atal sentikorrenak ikertuz eta miatuz ekingo diezaiokegu lanari. Jolas dibertigarria jarriko dugu martxan, apurka-apurka ferekatzen eta kilimak eragiten.

Plazera oso gai subjektiboa den arren, honako atal hauek omen dira kitzikagarrienak: besapeak, saihets-hezurrak, izterrak, belaunen atzeko aldea, esku-azpiak eta oinak. Gainera, eskuak erabiltzeaz gain, lumak eta antzeko osagaiak ere lagungarriak izan daitezke, gure helburua lortzeko.

Abantaila sexualak alde batera utzita, elkarren arteko afektibitate-maila sakontzeko bidelagun paregabeak dira kilimak. Emaitzak frogatuta daude; beraz, hautua zuena da: kilimak, bai ala ez?

Bost gizonetik batek eiakulazio goiztiarra du

Utzi erantzuna

eyaculacion precozEiakulazio goiztiarra pairatzen duten gizonei bideratuta, kontzientziazio kanpaina bat prestatu dute. “Not just a moment” kanpainaren bidez, bikotekidearekin hitz egitera eta laguntza eskatzera bultzatzen ditu eiakulazio goiztiarra pairatzen duten gizonak. Izan ere, Espainian, bost gizonetik bati eragiten dio, eta gizonen % 43k noiz edo noiz jasan du, baina horien % 15 bakarrik joan dira medikuarenera horretaz hitz egiteko.

Sexu Medikuntzarako Europako Elkarteak (ESSM) antolatutako kanpaina aurkezten parte hartu duten adituen arabera, gaitz honek gizonezkoei bakarrik eragiten dien arren, “eiakulazio goiztiarra ez da bakarrik gizonen arazoa, bikote arazoa baizik”.

Elkarte horretako presidentea den Hartmunt Porst doktorearen arabera, hori pairatzen duten gizonentzat “tragedia bat da”, eta, gainerako sexu-arazoetan ez bezala (zutitzearen disfuntzioa, kasu), eiakulazio goiztiarra pairatzen dutenak gizonezko gazteak izan ohi dira. Kasu batzuetan, gainera, sexu-harremanak izaten hasi baino ez hasten dira hori pairatzen. Horri irtenbiderik eman ezean, egoerak “bikotekideen arteko arazoak” ekar ditzakeela eta” banantzeko eta dibortziatzeko bidea” eman ohi dutela gaineratu du.

Lotsaren lotsaz, eiakulazio goiztiarra sufritzen dutenek ez dute honi buruz hitz egiten eta ez dira medikuarengana joaten. Gainera, batzuetan, arazoa ez da tratamendua duen “benetako” arazo medikotzat jotzen.

Gizonek gaitz hau gainditzeko, emakumeen jarrera funtsezkoa da. Baina emakumeen ilusio eta sentimenduak zapuztuta egon ohi dira eta ase gabeko emakumeak oldarkorrago izaten dira, Alessandra Graziottin doktorearen hitzetan.

Horregatik, jarrera ona hartu eta medikura joatea proposatzen die horrelakorik sufritzen duten bikoteei, “lotsarik gabe, gaitzak irtenbiderik badu eta”. Izan ere, bizi guztirako tratamendua den arren, gaitz honen kontrako medikamentu bat dago.

Jacques Villeneuve 1 Formulako munduko txapeldun ohi kanadarra da hori dutenak tratamenduan jartzera bultzatzen duen kanpaina honen irudia. Horren hitzetan, sexu kontutan, lasterketetan bezala, “kontrola abiadura baino garrantzitsuagoa da askotan”.

Edonola ere, eiakulazio goiztiarra duten gizon gehien-gehienek ezkutatu egiten dute, datuen arabera, bost gizonetik batek pairatzen baitu. Villeneuveren esanetan, “bost lagun baditut eta, dirudienez, inork ez du horrelako arazorik”. Txapeldun ohiak behin eta berriz azaldu du badela arazoa konpontzeko modurik, baina “laguntza eskatu behar da”, gaineratu du.

Sexu gehiago izaten dugu Gabonetan?

Utzi erantzuna

Sexua Gabonetan

Sexua Gabonetan

Argi dago Gabonetako giroa ez dela urteko beste sasoietako berdina. Askorentzat, magiaz betetako garaia da, familiarekin elkartzekoa beste  hainbatentzat… eta sexu arloan gorputzari omenaldi bat egiteko unea beste batzuentzat. Baina, zerk eragiten du Gabonetan sexu harremanak izateko gogo hori?

Guk igartzen ez dugun arren, honek arrazoi fisiologiko bat dauka. Kristauak ez direnek ere Gabonak zoriontzeko ohitura dute: musuak, besarkadak… Konturatu gabe, egunerokoan baino kontaktu fisiko gehiago izaten dugu garai honetan, eta horrek sexu grina pizten du.

Gainera, gehienek opor egunak izaten dituzte Gabonetan: denbora libre gehiago, erlaxatzeko astia… Horri guztiari Gabonetan jendez inguratuta egoteko dugun gogoa gehituz gero… Tak! Sexu grina pizten zaigu.

Eta zein irtenbide aurkitzen diogu grina honi? Askok gauza berri edo ezberdinak probatzen dituzte Gabonetan: barruko arropa fina erosi, jokotxoren bat asmatu, bikotekideari jostailu sexualak oparitu… Eta badago gurasoen etxera itzultzean gaztetako ohean pasatakoak berriro bizitzen dituenik ere.

Adi beraz, Gabonak oraindik ez dira eta bukatu…

Sexu zibernetikoaren onurak

Utzi erantzuna
Sexu zibernetikoaren onurak

Sexu zibernetikoaren onurak

Teknologia berriak iristearekin batera sexuari ate berriak ireki zitzaizkiola ez dago ukatzerik. Asko izan dira tramankulu hauetaz baliatu direnak euren harremanei ukitu berezi bat emateko. Sexu zibernetikoa internet bidezko sexua da, eta, oro har, oso ondo ikusita ez badago ere, asko dira ekar ditzakeen onurak.

Segurtasuna eta ikasketa dira bi onura nagusiak. Facund Fora psikologoak XXI. mendeko sexualitatearen inguruko azterketa bat egin du, eta horiek dira bi ardatzak, horren esanetan.

Adituaren hitzetan, sexu zibernetikoak sexuaren munduari buruzko ikasketa teorikoa erraztu dezake, eta, bestalde, segurtasuna eskaintzen duen bikotekide bat ziurtatzen du, haurdunaldi edota sexu bidezko gaixotasunak saihesten baititu.

Kalkulu batzuen arabera, horrelako harremanak dituzten lagunen % 15ek horren erabilera okerra egiten dute. Horrelakoak pedofiliarekin lotzen dira maiz, baina ez adarrak jartzearekin edota sexu-mendekotasunarekin. Dena den, gero eta sexu-harreman ohikoagoa da, eta, ondo eginez gero, plazer handia sor dezake.

Orgasmora errazago iritsi nahi?

Erantzun 1
Orgasmora iristeko gakoak ezagutarazi ditu egunkari digitalak. Argazkia: Huffington Post.

Orgasmora iristeko gakoak ezagutarazi ditu egunkari digitalak. Argazkia: Huffington Post.

Lehenik eta behin, berotzen gaituzten gauzetan pentsatu behar dugu; hau da, eroso sentiarazten gaituzten egoeretan eta orgasmoa erraz lortzea ahalbidetzen dutenetan. Gure burua eta gustatzen zaiguna ondo ezagutzea ezinbestekoa da eta hau bikotekidearekin konpartitzea, honek ere lagun dezan.

Kezkatzen gaituzten gauzak alde batera utzi behar ditugu. Estresak, antsietateak edota orgasmora iritsi beharrarekin itsutzeak ez gaitu kontzentratzen uzten. Horrelako egoerek kontrako efektua sorraraz dezakete, gure burua helburuan pentsatzen ari baita eta ez prozesuan.

Hirugarrenik, orgasmora iristeko ”bide zuzena” ahaztea komeni da. Ez dago modu hoberik ez okerrik, esperimentatzea eta norberari gustatzen zaiona aurkitzea da gakoa. Sexu harremanetan orgasmora ez iristea ez da zertan txarra izan behar; oso ohikoa da, eta horregatik komeni da kanpoko laguntzak erabiltzea, hala nola, bibragailuak edo pelikula erotikoak.

Orgasmora hobeto iristeko beste gako bat osasuntsu egotea da: ez erretzea, alkoholik ez edatea, drogarik ez kontsumitzea eta kirola egitea aholkatzen du egunkariak, hauek beroaldian eragiten dutelako eta ez beti positiboki.

Azkenik, gomendagarria da sexuan adituak diren medikuengana jotzea arazoren bat badugu. Askotan gure arazoen azalpena uste duguna baina askoz ere sinpleagoa da, eta haiek lagundu dezakete.