Euskarabilak, Basauriko euskara elkarteak, ipuin erotikoen 14. edizioa jarri du martxan.
Bertan parte hartzeko baldintza nagusia lanak euskaraz eta argitaragabeak izatea da.
Horrela, 1993an edo lehenago jaiotako edonork izango du ipuin erotikoa sortu eta lehiaketan parte hartzeko aukera. Lanak posta arruntaz edo posta elektronikoz bidali ahal izango dira, baina apirilaren 23a baino lehen. Esan bezala, basauriarrez gain, edozein euskaldunek du lehiaketa honetan parte hartzeko aukera.

Lanetan ez da egilearen izenik jarri behar; datu horiek sekretupean gordeko dira, eta soilik lehiaketaren antolatzaileek izango dituzte eskura.

Idazleek hiru sari izango dituzte jokoan: garaileak 500 euro irabaziko ditu eta bigarrenak 300. Hirugarren saria, aldiz, Basaurin geratuko da, lan onena egin duen basauritarrak 200 euroko saria erdietsiko baitu.

Sariak maiatzaren 26an emango dituzte ezagutzera. Lan sarituak Euskarabila eta Txalaparta argitaletxearen esku geratuko dira, eta horiek argitaratzeko eskubidea izango dute.

Beraz, ez galdu denbora eta hasi zure istorio erotikoa idazten, oraindik garaiz zabiltza eta!

Informazio gehiago: www.euskarabila.org webgunean.

Eta ‘Eingo al deu’ blogerako ipuin edo kontakizunen bat baduzue ere, ez galdu denborarik eta bidali email bat gazteaweb@eitb.com-era.