Banaka, bikoteka nahiz hirunaka, eskuekin zein mingainarekin organo sentikorrenak laztanduz, jostailuekin, begiak itxita… Sexuak ez du mugarik eta gozatzeko orduan ere bakoitzak bere lehentasunak ditu.

Bikotearekin sexua praktikatzea baino hoberik ez dagoela dioten horietakoak daude, baina, asko dira baita ere, gaueko abentura batean egindako jokoak ezerengatik aldatuko ez luketenak. Lotsatienek edo beharbada euren burua inork baino hobe ezagutzen dutenek, ordea, banakako masturbazioa baino sexu gozagarriagorik ez dagoela diote.

Sexu kontuetan hasiberriak direnentzat sarketa praktikatzea da erronka nagusia, dena den, urteekin beste esperientzia batzuk probatzeko gogoa eta gauza berriak ikasteko grina nagusitzen dira.

Jostailuak ere denetarikoak; bakarkako lanetarako, sexu berekoen artean harremanak izateko, taldean ongi pasatzeko… Eta sexu-harremanak izateko lekua hautatzerakoan ere aukeraketa zabala; ‘morbosoenek’, toki ausartetan galtzea dute gustuko, tradizionalenek, aldiz, nahiago dute maindire artean goxo-goxo mugitu eta oheak eskaintzen duen erosotasunaz gozatu.

Baina euskaldunontzat zein da sexurik gozagarriena? Eta zuretzat?