Etiketaren artxiboa: felazioak

Sexu robotek ahozko sexua eskainiko dute Londreseko kafetegi batean

Utzi erantzuna

The Mirron egunkariak zabaldu duen informazioaren arabera, Londreseko biztanleek felazio batekin lagundutako kafea hartu ahal izango dute aurki. Izan ere, Bradley Chavet enpresariak Fellatio Cafe kafetegia zabaltzeko asmoa du Erresuma Batuko hiriburuan, urte bukaerarako. Horretarako, gizaki baten itxurako robotak erabiliko dituzte.

Björk_AIFOL_MoMAEz da mota horretako zerbitzuak eskaintzen dituen lehendabiziko lekua. Ginebran (Suitza), adibidez, horixe bera egiten zuten, baina benetako pertsonekin.

15 minutuko saio baten eta kafe baten truke 60 libra ordaindu beharko dute bezeroek Fellatio Café kafetegian. Gainera kruasanak, gailetak edo madalenak eskatzeko aukera izango dute.

Charveten arabera, “sexu-robotek plazera ematea dute helburu, eta teknikak hobetzeko gaitasuna edukiko dute, bezero bakoitzari egokitzeko gai direlako, haien beharrak ase eta betetze aldera”.

Guztira, zortzi robot egongo dira; horietako bi polizia jantziekin, beste bi erizain jantzita, bi ikasle itxurarekin eta gainerakoak idazkari tankera hartuta.

Bikotekideari felazioak egiten dizkioten emakumeak zoriontsuagoak dira

Utzi erantzuna

sexuNew Yorkeko Estatuko Unibertsitateak berretsi du bikotekideei felazioak egiten dizkieten emakumeak askoz zoriontsuago bizi direla. Gutxi gorabehera 300 neskek hartu zuten parte ikerketan, eta, aho bidezko sexua praktikatu ostean, horien aldartea zeharo aldatu zela ondorioztatu dute ikertzaileek. Hain zuzen ere, bizitzaren aurrean jarrera positiboagoa omen dute felazioa praktikatzen duten neskek.

Dena den, hainbat adituk diote ahozko sexuak ez ezik, beste zenbait praktikek ere energia ematen dutela, eta, ondorioz, zoriontasunean eragin positiboa dutela, dela cunnilingusak, dela sarketak edota dela masturbazioak berak.

Burmuinak bidaltzen dituen seinaleak eta hormonak kanporatzeak eragina dauka emakumeetan zein gizonetan. Izan ere, orgasmoa da gizakiak izan dezaken plazerik handienetakoa. Hala, sexua munduko antidepresibo eraginkorrenen artean dago, tentsioa edota estresa baztertzeko bide aproposa baita.

Ikerketara itzuliz, aipatzekoa da felazioak emakumeen jarrera mentala hobetzen duela. Gainera, loak hartzeko orduan lagundu egiten du.

Orduan zer onura dakar aho bidezko sexuak gainerako praktikekin alderatuz? Gakoa hazia ei da. Ikerketak horrelaxe erakusten du, behintzat.

Haziak antidepresibo naturalak ditu, serotonina esaterako. Horiexek dira emakumeari lasaitasuna eta ongizatea ematen diotenak. Horretaz gainera, cortisol hormonak energia barreiatzen du.

Dena den, gure ikuspuntutik, bederen, oso mugatua da ikerketa, batez ere, ez dituelako bikote homosexualak kontuan hartzen.

Nola egin felazioak?

5 erantzun

felacic3b3n-artc3adsticaAho bidezko sexua oso gozagarria izan daiteke neskentzat zein mutilentzat. Muxuak ematea, laztanak egitea edota zona erogenoak miazkatzea plazerra emateko eta lortzeko bide ezin hobea dira.

Dena dela, askotan zalantzak sortzen zaizkigu aho bidezko sexua praktikatzerakoan. Zaila da jakitea gure bikoteak gustuko izango duen ala ez, baina, behin hori jakinda argi dago asko goza daitekeela.

Hasteko, felazioak egiterakoan garrantzitsua da astiro joatea. Zakila leunki miazkatu behar da, goitik behera, alde batetik bestera, mihiarekin jolastuz. Geldika-geldika egin behar dugu eta mutilak nola erantzuten duen ikusten dugunean erritmoa areagotu dezakegu, zakila ahoan sartu arte.

Behin zakila ahoan sartuta, mingainarekin jolastu behar dugu; hozkadatxoak eginez eta ezpainak eta eskuak erabiliz. Zakilaren beheko aldea eskuarekin gogor eutsi behar da eta bitartean dena mihazkatu. Modu honetan, erekzioa sendotu egingo da eta kitzikapena areagotzen den heinean, zakila ere gogor-gogor jarriko da.