Himena ez da beharrezkoa giza organismoaren funtzionamendurako, eta gainera, ez du funtzio berezirik betetzen emakumeen gorputzean. Hala ere, oso ezaguna da sexu-harremanekin daukan loturagatik.

Emakumeen birjintasunarekin erlazionatu ohi da himena. Baginaren hasieran dagoen ehun bat da, horren hasiera partzialki estaltzen duena. Emakumeen lehenengo sexu-harremanean apurtu ohi da, eta odol apur bat askatzen du. Kasu batzuetan, kirola egitean edo masturbatzean ere apurtzen da.

Arrazoi erlijiosoak edo pertsonalak direla eta, emakume askorentzat himena bere horretan mantentzea ezinbestekoa da. Horregatik, kirurgia estetikoko zenbait klinika hori berreraikitzeko zerbitzua eskaintzen hasi dira.