Tag Archives: Ezkontza

Lady Gaga ezkondu egingo da

ladyEzkon-hitza emana zutela zioten zurrumurruek, eta oraingo honetan bete egin dira.

Hala da bai, Lady Gaga abeslariak aldarea zapalduko du, eta San Valentin eguna aukeratu zuen Taylor Kinneyk (kantariaren bikotea) albistea zabaltzeko.

Instagram bidez iragarri dute ezkondu egingo direla. Gainera, abeslariaz guztiz maiteminduta dagoela adierazi du aipatu sare sozialean Chica Fire telesaileko aktoreak.

You & I bideokliparen grabazioan ezagutu zuten elkar, duela lau urte inguru.

Cameron Diazen ustekabeko ezkontza

cameron

Cameron Diaz eta Benji Madden. Argazkia: People.com

Cameron Diaz ez da jada Hollywoodeko urrezko ezkongaien artean ageri. Izan ere, Good Charlotte taldeko Benji Maddenekin ezkondu zen astelehenean 42 urteko aktorea. Hala jakinarazi dio, behintzat, Diazen ordezkariak People aldizkariari, agiri baten bidez.

“Zoriontsu gaude abentura hau elkarrekin, lagunekin eta gure senitartekoekin hasi dugulako”, adierazi du bikoteak argitalpenean.

Zeremonia Los Angelesen duten etxeko lorategian egin zuten, asteburu osoa lagunekin igaro ostean. Besteak beste, Drew Barrymore eta Nicole Richierekin egon zen astebukaeran Cameron Diaz aipatu hiriko zenbait lokaletan.

Bestalde, ezkontzako ospakizunean Gwyneth Paltrow eta Reese Whitherspoon ere egon ziren, 90 gonbidatuen artean.

“Cameronek benetako zoriontasuna aurkitu du”, ziurtatu du People aldizkariak kontsultatutako iturri batek.

Bien bitartean, Diazen eta Madden arteko maitasuna berehalakoa izan zela hitzeman dute bikotearen lagunek. Dirudienez, ezkontzeari zion beldurra kendu dio aktoreari rock musikariak.

Brad Pittek garesti ordain lezake desleiala izatea

bradEztei-bidaia Maltan ari dira pasatzen Angelina Jolie eta Brad Pitt. Une gozoak bizi ditu bikoteak, seme-alabekin batera. Bistara, behintzat, familia eredugarria ematen du, eta Angelinak bederen, ez dauka kexatzeko arrazoirik. Alta, Tom Raider filmeko protagonistaren abokatuek ezkon-aurreko akordio ezinhobea sinatu dute aktorearentzat.

AEBko komunikabideek bikoteak adostutakoaren berri eman dute azken orduetan, eta Brad Pittek garesti ordain lezake deslaiala izatea. Izan ere, hitzarmenak dio “ezkonduta dauden bitartean Pitt beste emakumeren batekin baldin badoa, Jolierentzat izango da umeen zaintza”. In Touch aldizkariaren arabera, “haurrak babesteko erarik onena” delako sinatu zuten akordioa.

Baina umeen zaintzarena ez da ustezko desleialtasun baten ondorioz jazoko litzatekeen kontu bakarra izango. Bikotearen ondasunen inguruan ere hitz egiten du akordioak. Kasu horretan, ezkondu aurretik zeukaten diruarekin geldituko litzateke biak, eta ezkontzaren ostean lortutako diru-sarrerak haien seme-alabentzat izango lirateke (gutxi gorabehera 185 milioi dolarreko ondasuna).

Gainera, bikoteak prest utzi du testamentua. Ondasunak, seme-alaben, Vietnamgo, Kanbodiako eta Etipiako umezurtz-etxeen eta minbiziaren aurkako ikerketaren artean banatu nahi dituzte.

Angelina Jolie eta Brad Pitt ezkondu egin dira

bradBederatzi urteko harremana sendotu nahian, ezkontzeko erabakia hartu dute Angelina Joliek eta Brad Pittek. AP albiste agentziako iturriek jakitera eman dutenez, bikotea pasadan asteburuan ezkondu zen Frantzian (Chateay Miraval).

Duela bi urte ezkon-hitza eman zutenetik, etengabe zabaldu dira ustezko ezkontza baten gaineko zurrumurruak, eta badirudi azkenik berba bete dutela.

Maiatzean Joliek adierazi zuenez, une egokiaren zain zeuden. Iaz, hainbat ebakuntza egin zizkioten aktore ezagun honi, eta denbora batez ez zen ezkontzari buruz hitz egin. Dena den, duela gutxi, ezkontza gertu egon litekeela adierazi zuen Angelina Joliek: “Bai, ezkondu egingo gara. Aurreikusita dugu”, esan zuen elkarrizketa batean.

Dirudienez, bikotearen seme-alabak irrikaz zeuzen gurasoak ezkontzeko, eta haiek omen zebiltzaten zeremonia prestatzen.

Azkenik, 2008tik aldiro bizitoki duten Chateau Miravalen ezkondu dira. 35 logela ditu etxeak eta kapera ere badauka.

Ezkondu ostean, Maltara abiatu zen bikotea, By teh Sea pelikula grabatzera, Times of Malta egunkariak argitu duenez. Bi aktoreak hegazkin pribatu batean iritsi ziren Maltara.

Pep Guardiolaren ezusteko ezkontza

elpais

Pep Guardiola. Argazkia: ‘El Pais’

Pep Guardiola entrenatzailea eta Cristina Serra ezkondu egin dira. 20 urte elkarrekin eman ostean, Matadepera (Bartzelona) herriko udaletxetik pasatu dira, harremana sendotzeko helburuarekin.

Egun, Alemanian bizi den bikotea 09:30 aldera heldu da zeremonia egin dute lekura, bien gurasoekin eta seme-alabekin, eta Francesc Duch bake-epaileak ezkondu ditu.

Duela egun batzuk, partiduen ondoren egiten dituen deiak Cristinarentzat izaten direla aitortu zien Alemaniako komunikabideei Guardiolak, eta hari buruz mintzatu zenean “bikoteaz” hitz egin zuen, “emazteari buruz” mintzatu beharrean. Horrek zeresana eman zuen ingurukoen artean, baina egun batzuk berba egiteko modu horrek azalpena duela jakin dugu. 20 urte zeramatzaten elkarrekin, baina ezkondu gabe zeuden.

Orain, bai. Pep Guardiola gizon ezkondua da. Zorionak bikote!

Athletic vs. Reala

amorebieta

Twitter, Fernando Amorebieta

Euskal derbia dugu protagonista gaurkoan txumutxuen blogean, baina futbolaz hitz egin beharrean, moda kontuez arituko gara.

Duela astebete Amorebieta futbolariaren ezkontzaren berri eman genizuen. Larunbatean Lekeition ezkondu zen Athleticeko jokalari ohia. Egun berean, Realeko eskuin hegalean jokatzen duen Carlos Martinez gaztearen ezkontza izan zen Zumarragan.

Zeremonia galantak izan ziren biak, gorbatak, trajeak, soineko dotoreak eta harribitxiak nonahi ikusi genituen, eta futbolaren munduko aurpegi ezagunenek ere ez zuten hutsik egin aipatutako bi hitzorduetara.

Lekeitiok, Llorente, Aduriz, Toquero, Etxeberria, Iraola, Munian eta beste hainbat futbolariren bisita jaso zuen. Txuri-urdinen artean, berriz, besteak beste, Agirretxek, De la Bellak, Ansotegik, Prietok eta Jagoba Arrasate taldeko entrenatzaileak hartu zuten protagonismoa, Zumarraga inguruan.

Horretaz aparte, informazio gutxi dugu bi ezkontzen inguruan, baina, “irudi batek mila hitz baino gehiago” balio du esamoldeari eutsiz, argazkietan oinarrituko gara zein ongi pasatu zuten jakiteko.

Athleticekoek sare sozialak hautatu zituzten, Zubieta Jauregian jazotzen ari zenari jarraipena egiteko, eta batek baino gehiagok Instagram eta antzeko atarietara igo zituzten argazkiak. Realekoek, ostera, komunikabideen arreta eurenganatu zuten, eta ordu batzutara, ezkontzaren bideoa aireratu zuen Goierriko Hitzak.

Hasieran esan bezala, euskal debiari egingo diogu, beraz, gaurkoan tokia, eta galdera erreza eta sinplea luzatu nahi diegu irakurle guztiei. Nortzuk zeuden dotoreago? Hau da, bietatik zein ezkontzak erakutsi zuen glamour gehiago?

Utzi zuen iruzkinak!

Leire Martinezen ezkontza, hurbil

leireAste honetan bi ezkontza iragarri ditugu. Alde batetik, Amorebieta Athleticeko jokalari ohia ezkonduko dela eman genuen jakitera ostegunean, eta gaurkoan La Oreja de Van Gogh taldeko Leire Martinez dugu protagonista.

Errenteriako gaztea eta Jacobo Bustamante malagarra Donostian ezkonduko omen dira, urriaren 18an, El Mundo egunkariak iragarri duenez.

Duela gutxi New Yorkera egindako bidaia aprobetxatuz, ezkontzeko eskatu zion andaluziarrak Leire Martinezi.

Antonio Velazquezekin zeukan harremana hautsi ostean, Jacobo ezagutu zuen Madrilen Leirek. Urrian izan zen, hain zuzen, elkar ezagutzen hasi zirenean, eta dirudienez, berehala biztu zen maite-garra. Harrezkero, banaezina bihurtu da bikotea, eta apirilean ezkontzeko eskatu zion Jacobok.

Tatuaje batekin indartutako harremana

bradpitt

Ezkondu aurretik, tatuaje bat egiteko asmoa dute Angelina Joliek eta Bad Pittek. Oraingoz ez dute urrats hori eman, baina badirudi dagoeneko diseinua hautatzen dabiltzala. Zalantzarik gabe, jarraitzaileen artean arrakasta izango duen diseinu bat izango da Joliek eta Pittek hautatutakoa.

Bikotearen hurbileko iturri baten esanetan, une honetan bizi duten momentua irudikatzen duen diseinu berezi bat aukeratu nahi du Brad Pittek, eta litekeena da biek gorputzeko leku berean egitea tatuajea. Horrekin elkarren arteko lotura indartzea dute helburu.

Betidanik izan dituzte gustuko tatuajeak, batak zein besteak. Dena den, aipatutako iturriaren arabera, nerabe plantak egiten dabil Brad Pitt. Izan ere, orain arte Angelina arduratzen zen diseinuak aukeratzeaz, baina orain bien artean dabiltza irudi aproposena bilatzen.

Gainera, ez omen dute komunikabideen aurrean tatuaje berri horri buruz hitz egiteko asmorik, bien arteko “sekretua” izango delako..

Zuen ustez gai izango dira sare sozialetan tatuajearen irudia ez zabaltzeko?

Miley Cyrusen ezkontzako xehetasun guztiak

Miley Cyrus eta Chris Hermsworth. Argazkia: hola.com

Hainbat hilabete igaro dira Miley Cyrus abeslariak Liam Hemsworth aktoreak ezkontza iragarri zutenez gero. Bikoteak ez zuen, ordea, ospakizunari buruzko xehetasunik eman.

Azken egunotan kantari estatubatuarrak berak aditzera eman duenez, 2013an ezkonduko dira. Gainera, bat nahikoa ez izanda, hiru jai antolatuko dituztela esan du, bakoitza hiri batean: Los Angeles, Tennessee eta Melbourne.

Eta, noski, soinekoak ere hiru izango dira! Hasi omen da diseinatzaileekin lanean, dagoeneko, eta 775.000 euroko aurrekontua duela esan du jantzietarako. Gonbidatuen zerrendari buruz ez dute oraindik ezer aurreratu, baina, lehen datu horiek ezagututa, argi dago ez dela nolanahikoa izango! Hasi soinekoak eta trajeak prestatzen 2013ko ezkontza nagusienerako!

Justin Timberlake eta Jessica Biel ezkondu egin dira

Justin Timberlake eta Jessica Biel. Argazkia: Reuters

Bikotea asteburu honetan ezkondu da, Italiako opor zentro batean. Bost urteko erlazioaren ostean, aurrerapauso bat ematea erabaki dute aktoreek, eta senar- emazte dira dagoeneko.

Aktore bikoteak Borgo Ernazia Resort hotela aukeratu du ezkontzarako, eta lagunarteko zeremonia bat ospatzea erabaki zuten. Opor zentroa San Dominico golkoan dago, eta leku ezin hobea da ezkontzak ospatzeko, haien esanetan.

Berriaren esklusiba People aldizkariarentzat izan da, eta bikoteak oso zoriontsu daudela iragarri du, ohar baten bitartez: ”Ezkonduta egotea zoragarria da, ospakizuna bikaina izan zen eta lagunekin eta familiarekin partekatzea, are hobea”.