Tag Archives: Madonna

Madonnak felazio bat eskaini die Clintonen hautesleei

607312_madonna_givemeall_foto610x342Madonna abeslariak zur eta lur utzi ditu jarraitzaileak asteartean New Yorkeko Madison Square Gardenen egindako adierazpenekin.

58 urteko abeslaria Amy Schumerren ikuskizuneko gonbidatua izan zen, eta Hillary Clintonen aldeko aldarria egin zuen aipatu emanaldian. Hain zuzen ere, ahozko sexua eskaini zien AEBko presidente izateko hauteskundeetan Clintonen aldeko botoa ematen duten guztiei, hainbat komunikabidek zabaldu dutenez.

“Beno, ni baino dibertigarriagoa den norbaiten txanda da orain agertokian; beraz, ni banoa. Alabaina, taula utzi aurretik, zerbait esan nahi dizuet: Hillary Clintonen alde bozkatuz gero, felazio bat egingo dizuet. Zin egiten dizuet oso ona naizela. Ez naiz inondik inora baldar moldatzen den horietakoa, eta oso serio hartzen dut kontu hori. Felazioa egiten dudan bitartean begietara begiratzea gustatzen zait, eta irentsi egiten dut”, adierazi zuen milaka jarraitzaileren aurrean.

Photoshoparen mirariak

Bisturia ez da pertsonaia ospetsuen etengabeko gaztetasunaren sekretu bakarra, programa informatikoek ere badute horretan zerikusirik. Hala erakusten du, besteak beste, Interneten azken egunotan filtratu den argazki honek.

madonna1 madonna2

Bi argazkiok irudi bera erakusten dute, baina bietako bat Photoshoparekin ukitua izan da eta bestea ez. Horregatik, aipatutako programa informatikoa erabili gabe aireratutako argazkian 56 urteko edozein pertsonak izan ditzaken zimurrak ditu Madonnak.

“Irudiaren kolorea aldatzeaz gain, azala guztiz garbitu diotela nabari da. Alegia, zimurrak, zainak eta poroak estali dizkiotela”, adierazi du Perez Hilton blogariak.

Ukituak jasotako argazkia 2010eko maiatzean argitaratu zuten, baina ukiturik gabekoa ez dute orain arte erakutsi.

Mert Alas eta Marcus Piggot dira argazki horien egileak.

Non daude Madonnaren kuleroak

Gauza jakina da krisialdiak kalte handia eragin digula, baina guztiz etsita egon behar da azpiko arropa lapurtzeko… Bada, horixe gertatu zaio Madonna pop musikaren erreginari. Non jazo ote zaio halako ‘ezbeharra’? Vogue aldizkarian argitaratzeko erreportaje baterako argazkiak ateratzen ari zela, norbaitek lentzeria lapurtu dio.

Kuleroez gain, beste hainbat jantzi ere falta zitzaizkiola salatu du abeslariak. Guztira, 2.000 euroko balioa zuten. Deborah Marquit diseinatzaileak sinatutako azpiko arropa zen, eta argazkietan erabiltzeko prest zituen Madonnak.

Gertakaria argitzeko salaketa ipini du, eta ikusteko dago orain erruduna nor den jakingo ote dugun…

Madonna

Madonna

Madonna, mutil-lagunarekin ezkontzekotan

Daily Mail egunkari britainiarraren arabera Brahim Zaibatek, Madonnaren mutil-lagunak, berarekin ezkontzeko eskatu dio. 24 urteko dantzari gaztea eta abeslari estatubatuarra urte batez egon dira elkarrekin.

Zaibatek duela hiru aste egin omen zion Madonnari eskakizuna, Kabalaren zentro batean, New Yorken. Biek praktikatzen dute erlijio hau eta unea aprobetxatu zuen mutilak galdera egiteko. Hala ere, abeslariak pentsatzeko denbora behar zuela erantzun zion. Izan ere, 2008an Guy Richierekin dibortziatu zenean, abeslariak oso ziur adierazi zuen ez zela berriz ezkonduko.

Artista ezagunaren lagunek adierazi dutenaren arabera, Madonna oso pozik dago Zaibatekin. Hala ere, haiek ez dute uste ezkontzeko prest dagoenik: “Asko gustatzen zaio mutil gazteekin egotea, berari ere gazte sentitzen laguntzen diotelako eta bakarrik egoteak asko beldurtzen du, baina benetan maiteminduta dagoelako ezkondu beharko zuen”.

Baietza ematekotan abeslariaren hirugarren ezkontza izango zen hau eta estatubatuarrak oso ziur egon nahi du erabakia hartu aurretik. Aipatu beharra dago bikotekideen arteko adin ezberdintasuna 29 urtekoa dela.

Munduko emakume ederrenetako batzuen dietak ezagutu ditugu!

Udaberri bete-betean gaude eta hasi da jada hankak erakusten hasteko unea. Uda ere gaienan daukagu eta bikinia armairutik atera beharko dugu. Baina, jada prestatuta al gaude horretarako? Edo, agian, dietaren bat egin beharko dugu soberan dauzkagun kilotxoak kentzeko!

Guk munduko emakume ederrenetako batzuen dietak kontsultatu ditugu. Hementxe dauzkazue guztiak laburbilduta:

Penelope Cruz: Azken aldian modan dagoen Dukan dieta egin du Oscarretarako haurdunaldian hartutako kiloak galtzeko. Emakume ugarik jo du mediku frantziar ezagunaren dieta horretara hainbat kilo galtzeko, besteak beste, Kate Middletonek. Dietak 4 fase ditu. Lehenegoan proteina askoko elikagaiak besterik ez dira jan behar eta, ondorengoetan, pixkanaka, bestelako elikagaiak sartzen joan behar da.

Halle Berry: 1,70 neurtzen du eta 51 kiloko pisua du 44 urteko aktoreak. Azukrerik eta gantzik gabeko dieta egiten du berak. Egunean proteina,  zuntz eta maila ertaineko edo txikiko gluzido ugariko bost plater jaten ditu egunero. Azukredun freskagarriak eta gantz txarrak, debekatuta.

Kylie Minogue: 43 urteko kantari australiarrak 1,53 neurtzen du eta 48 kiloko pisua dauka. Montignac dietara jo izan du askotan. Hidratoak bitan banatzea dago dieta horren oinarrian: batetik, onuragarriak, fruta, barazkiak, ogi integrala…, beti gantzetatik bereizita kontsumitu beharrekoak; bestetetik, hidrato kaltegarriak, esaterako, ogi zuria, artoa edo patatak, ahalik eta gehien murriztu beharrekoak.

Julia Roberts: 43 urteko aktoreak 1,78 neurtzen du eta 60 kiloko pisua dauka. Dieta makrobiotikoa egiten du: barazki ugari, zereal integralak, soja eta algak kontsumitzean dago oinarrituta. Esnea, haragia eta azukrea, debekatuta.

Gwyneth Paltrow: 1,75 neurtzen du eta 50 kiloko pisua dauka. 38 urte ditu aktore estatubatuarrak eta, Julia Roberts bezala, dieta makrobiotikoaren zalea da. Hori bai, berriki egindako adierazpen batzuetan esan du Guinness garagardoa asko gustatzen zaiola eta pintak hartu ohi dituela.

Madonna: Dieta makrobiotikoaren jarraitzaile sutsua da hau ere. 1,61 neurtzen du eta 50 kiloko pisua dauka 52 urteko kantari estatubatuarrak. Gainera, liho haziak kontsumitzen ditu 3 orduro, Omega 3 maila handia baitaukate eta argaltzen laguntzen omen dute. Dieta makrobiotikoaz gain, Zone Diet izenekoa ere egiten du. Karbohidratoak, gantzak eta proteinak 40/30/30eko proportzioan kontsumitzean datza, egunero kontsumitu beharreko 3 otorduetan eta 2 aperitiboetan. Gainera, jakina den bezala, gimnasioan jo eta su aritzen da egunero. Askotan izan da bigorexia deritzon gaitza daukala Poparen Erreginak.

Jennifer Aniston: 1,57 neurtzen du eta 42 kiloko pisua dauka 42 urteko aktoreak. Zone Diet delakoa egiten du honek ere, eta kirola ere egunero egiten omen du bere gorputza osasuntsu mantentzeko.

Reneé Zellweger: 1,65 neurtzen du eta 50 kiloko pisua dauka 42 urteko aktoreak. “Bridget Jones”en rola izan da bere ibilbideko ezagunena eta, haren azalean jartzeko, 15 kilo hartu behar izan zituen. Hori bai, filmaren promozioa amaitu eta berehala, mini-plateren dietari ekin zion. Egun bakoitzean egin beharreko otorduetako janari kopurua hainbeste murriztu zuen, hezurretan gelditu zen artista.

Madonnaren etxea eros dezakezu 49.000 euroren truke

Madonnaren zalea bazara eta 49.000 dolar (33.000 euro) badauzkazu, kantariak 18 urte izan arte bizileku izan zuen etxea eros dezakezu. Michiganen dago, bi solairuko adreiluzko etxea da eta lau logela, liburutegia, tximinia eta bi auto sartzeko moduko garajea dauzka. Baina, hori bai, erabat suntsituta uzti zuen sute batek 2008an. Horregatik da hain merkea (kontuan hartuta auzo horretako gainerako etxeek 173.000 dolar inguruko salneurria dutela).

Madonna etxe horretan bizi izan zen bere familiarekin Michiganeko Unibertsitatera ikastera joan zen arte. Eta ez dirudi artistak berak interesik izango duenik etxe hori erosi, zaharberritu eta bizileku edo oporleku gisa erabiltzeko. Artista 2008an izan zen azken aldiz Michiganen (etxea erre zen urte berean…), Traverse Cityko Zinema Jaialdira joan zenean.  Beraz, kantari ezagunaren zaleentzat goxokia izan daiteke, dena berritu behar bada ere, oso merkea delako.

Madonna: ken iezaiozu bibotea alabari!!

Nola da posible Poparen Erreginak bere itxura hainbeste zaintzea eta 52 urterekin 30eko baten itxura eman nahi izatea (tira, eta aitor dezagun, ematea) eta Lourdes alabak horrelako bibotea izatea? Bibotea eta bekozkoa! Agian izango du depilatzen hasteko garaia, ezta? 15 urte dauzka eta iletsua dela argi dago, beraz, zeren zain ote dago! Madonna, mesedez, ken iezaiozu bibotea alabari!

Edo moda kontuagatik ote da guztia? Izan ere, Kate Winslet aktoreak bibotea aldarrikatu berri du Hollywooden. Aktore ezaguna hainbat ekitalditan ikusi ahal izan dugu sudurpekoa eta bekozkoa depilatu gabe. Moda naturalista berri baten aurrean gauden jakiteko itxaron egin beharko dugu, ea mundu arroxeko ikono gehiagok joera horrekin bat egiten ote duten.

Baina kontua da Madonna ez dugula joera horretan ikusi.

Eta Lourdes gaixoak ez al ditu bere estetizistaren  zainketak merezi??