Tag Archives: famatuak

Frankie Muniz, bihotzekoak jota

Frankie Muniz

‘Malcom in the middle ‘ telesail ospetsuko protagonistak susto ederra izan du duela gutxi; izan ere, bihotzeko txiki bat jasan du. Eta nahiz eta azkenean larria izan ez den… heriotza ez zuen urrun eduki aktoreak!

Aurreko ostiralean gertatu zen ezbeharra. Frankieren ingurukoek adierazi dutenez, aktoreak jokabide arraroa izan zuen egun osoan. “Ez zitzaion ondo ulertzen hitz egiten zuenean, eta mugimendu arraroak egiten zituen”, esan dute. Medikuek oraindik ez dakite zein izan zen bihotzekoaren kausa, eta, kontua aztertzen ari diren arren, ez dute ondorio zehatzik atera oraindik.

26 urteko gizona etxean osatzen ari da dagoeneko, eta, gai hauek serioak diren arren, txantxaren bat egiten ere ausartu da. “Bihotzeko txiki bat izan nuen, eta ez zen batere dibertigarria izan… Zahartxo nagoela dirudi, eta gorputza zaintzen hasi beharko naiz!” Zorionez, aktoreak ez du ondorio larririk izan.

Kristen Stewart, haurdun?

Robert Pattison eta Kristen Stewart

Albisteak ezustekoan harrapatu gaitu, baina, txutxu-mutxu guztien arabera, Kristen Stewart haurdun egon liteke! Aita, noski, Robert Pattinson bikotekidea omen da.

Azkenaldian zeresan asko eman du bikoteak. 4 urteko harremana hautsi egin zuten duela urtebete. Garai hartan Kristen ‘Blancanieves’ filma grabatzen ari zen, eta filmeko zuzendariarekin abentura bat izan zuen. Baina badirudi Robertek denborarekin barkatu egin ziola, eta, ordutik, etengabe aritu dira harremana hausten eta berreskuratzen.

Oraingoan oso serio hasi omen dira berriro; izan ere, OK Magazine aldizkariak baieztatu duenez, Kristen haurdun dago. Aktoreak berak duela gutxi egindako adierazpenen arabera, bere seme-alabek Roberten begiak izatea nahi du. Baliteke amets hori laster betetzea.

Gaur egun, bikotea Crepusculo sagako azken filma promozionatzen ari da, biran. Film horretan ere alaba bat dute elkarrekin. Guraso lanetan entrenatzen ibili ote dira?

133.075 dolarreko soineko bat erosi du Lady Gagak

Askotan hitz egin dizuegu Lady Gagaren janzkera bitxiaren inguruan; duela gutxi, abeslariak labezomorroz egindako txapel bat erosi nahi zuela jakinarazi genizuen.

Ohitura horri jarraituz, historiako soinekorik garestienetako bat erosi du Lady Gagak, Alexander McQueen diseinatzaile zenak 2008ko udazkenean aurkeztutakoa.

WWD webgune estatubatuarraren arabera, Londoneko Christie’s enkante-etxeak jarri zuen salgai soinekoa, eta abeslariak telefonoz hartu zuen parte enkantean. 133.075 euro ordaindu zituen jantzia eskuratzeko.

Soinekoa zetazkoa da, marfil kolorekoa, eta Daphne Guinnes artista britainiarrarena zen, 2010ean bere buruaz beste egin zuen Alexander McQueenek diseinatu zuen, eta ‘’The Girl Who Lived in the Three’’ izeneko bildumaren parte zen.

Lady Gaga McQueenen lagun izan zen denbora luzean, eta hura hil denetik abesti eta sari ugari dedikatu dizkio.

Shakira haurdun?

TVNotas aldizkariak prentsa arrosaren mundua astindu du, albiste harrigarri batekin. Argitalpenaren arabera, Shakira haurdun dago, eta bera eta Pique guraso izango dira datorren urteko urtarriletik aurrera. Oraindik ez da egon bikotearen egiaztapenik, baina, aldizkariak dioenez, abeslaria bi hilabeteko dago.

Aste honetan bertan, bikoteak erosi duen etxe erraldoiaren irudiak agertu dira, eta erosketa hori haurdunaldiarekin erlazionatu dute askok. “Shakira asko poztu zen haurdunaldiaren berri izan zuenean, eta horregatik erosi dute berak eta Piquek etxe bat Bartzelonan”, adierazi du bikotearen inguruko batek.

Informazio hori ez dator bat inola ere Pique eta Bar Rafaeli modeloa erlazionatzen zituzten zurrumurruekin. Egiazkoa izango ote da albistea? Eta, hala izatekotan, nola bateratuko dituzte bikotekideek euren ibilbide profesionala eta ume bat hazteko lana?

Angelina Joliek helikoptero bat oparitu dio Brad Pitti

Ez dute ezer berezirik ospatu, baina Angelina Joliek bere primerako oparia egin dio Brad Pitt senargaiari: helikoptero bat.

Bikoteak Frantzian daukan luxuzko etxean, heliportu bat dago eta helikoptero bat erostea erabaki du Angelinak, , hori aprobetxatuta. Dirudienez, Brad Pittek pilotu lizentzia dauka baina praktikatzea falta zaio eta horregatik erosi dio bere bikotekideak opari hori.

Bikotekideen inguruko pertsona baten arabera, milioi bat euro baino gehiago ordaindu du aktore ezagunak helikopteroaren truke, baina probetxua ateratzea espero du. Dirudienez, Frantziatik bidaiatzea atsegin du bikoteak, batez ere Cannesera, eta horretarako erabiliko dute.

Selena Gomez, neska batekin musuka

Selena Gomezek Disney pelikuletan zeukan itxura otzana alde batera utzi nahi du eta horren adibide da bere azken pelikula: Spring Breaker.

Bertan, abeslari eta aktorearen alde bihurriena ikusiko dugu unibertsitateko ikasle problematiko batena egiten. Hori dela eta, parrandan ikusiko dugu; alkohola edaten, zigarroak erretzen eta, argazkian ikusten den moduan, neska bat musukatzen.

Aktore gazteak adierazi duenaren arabera, jarraitzaileak harrituta utziko ditu film horrekin. Izan ere, berarekin alderatuta izaera oso ezberdina daukan neska baten papera egiten du. Horregatik, elkarrizketa batean aitortu duenez, bere lankideek erretzen irakatsi behar izan zioten filmeko eszena bat grabatu ahal izateko. Erretzen zuen lehenengo aldia omen zelako.

Badirudi Selena oso pozik egon dela filmaren grabazioan, etengabe igo baititu Twitterren daukan orrialdera bere lankideekin ateratako argazkiak. Parte hartu duten aktore ezagunen artean, Vanessa Hudgens, Ashley Benson eta James Franco daude.

Lady Gaga: "Kokaina nire laguna zen"

Lady Gaga. Argazkia: Twitter.

Lady Gaga. Argazkia: Twitter.

Bere bizitzaren garai ilunei buruz aritu da Lady Gaga “The conversation” telebista-saio estatubatuarrean. Amanda de Cadenet aurkezleari eskainitako elkarrizketa batean, bere bizitza pribatuaren inguruko hainbat azalpen eman ditu abeslariak, eta, besteak beste, gazteagoa zenean kokaina hartzen zuela aitortu du.

Musikariaren esanetan, 19 urte zituela ikasketak utzi eta bere gurasoen etxetik alde egin zuen. Orduan, lan egiten jarri eta musika munduan sartzeko lehen ahaleginak egin zituen. Garai hartan bakarrik sentitzen zenez, depresioa sufritu zuen eta une horretan hasi zen drogarekin arazoak izaten.
Dirudienez, kokainak bere barnean sentitzen zuen hutsunea betetzen laguntzen ziola uste zuen abeslariak: “Droga nire laguna zela uste nuen, hobeto sentitzen laguntzen ninduela”.

Hala ere, elkarrizketan egindako adierazpenen arabera, egun batean ohetik altxatu zen eta bere bizitzaren norabidea aldatzea erabaki zuen. “Zu ez zara artista. Artistak musikan kontzentratu egiten dira eta ez hauts zuri madarikatu horretan”, esan zion bere buruari, eta, ahalegin handiak eginez, drogak uztea lortu zuen.

Lady Gaga: “Kokaina nire laguna zen”

Lady Gaga. Argazkia: Twitter.

Bere bizitzaren garai ilunei buruz aritu da Lady Gaga “The conversation” telebista-saio estatubatuarrean. Amanda de Cadenet aurkezleari eskainitako elkarrizketa batean, bere bizitza pribatuaren inguruko hainbat azalpen eman ditu abeslariak, eta, besteak beste, gazteagoa zenean kokaina hartzen zuela aitortu du.

Musikariaren esanetan, 19 urte zituela ikasketak utzi eta bere gurasoen etxetik alde egin zuen. Orduan, lan egiten jarri eta musika munduan sartzeko lehen ahaleginak egin zituen. Garai hartan bakarrik sentitzen zenez, depresioa sufritu zuen eta une horretan hasi zen drogarekin arazoak izaten.
Dirudienez, kokainak bere barnean sentitzen zuen hutsunea betetzen laguntzen ziola uste zuen abeslariak: “Droga nire laguna zela uste nuen, hobeto sentitzen laguntzen ninduela”.

Hala ere, elkarrizketan egindako adierazpenen arabera, egun batean ohetik altxatu zen eta bere bizitzaren norabidea aldatzea erabaki zuen. “Zu ez zara artista. Artistak musikan kontzentratu egiten dira eta ez hauts zuri madarikatu horretan”, esan zion bere buruari, eta, ahalegin handiak eginez, drogak uztea lortu zuen.

Paulina Rubiok mutil-lagun berria dauka

Paulina Rubio eta bere mutil-laguna. Argazkia: Diez minutos.

Bost hilabete pasatu dira Paulina Rubio eta Nicolas Vallejo, Colate, dibortziatu zirenetik, eta badirudi abeslari mexikarra maiteminduta dagoela berriz ere.

Izan ere, aste honetan bere mutil-lagun berriarekin ibili da Paulina Rubio Miamiko jatetxe eta diskoteka ezagunenenetan. 41 urteko artistaren bikotekide berria Kaliforniako enpresari gazte bat da, eta abeslaria oso pozik omen dago berarekin.

Disko berriaren aurkezpenenean adierazi zuenez, mexikarrak bere bizitzaren etapa bat itxi zuen dibortzioarekin eta, orain, beste bat hasi du, “itxaropentsu”. Horrez gain, maitasunean sinesten jarraitzen duela azaldu zuen eta etorkizunean berriz ezkontzea eta seme-alaba gehiago izatea gustatuko litzaiokeela aitortu zuen. Abeslariak Colaterekin izandako semeak 16 hilabete ditu.

Sexu-harremanekiko menpekotasuna daukaten famatuak

Britney Spears. Argazkia: Randee St Nicholas

Hipersexualitateak edo sexu-harremanekiko menpekotasunak osasun arazo larriak sor ditzake. Sexologoek ez dute gaixotasun honen jatorria aurkitu baina Osasunaren Mundu Erakundeak buruko gaixotasunen zerrendan sartu nahi duela jakinarazi du. Gaurkoan, gaixotasun honengatik arazoak izan dituzten famatuei buruz arituko gara Gazteako txutxumutxu blogean.

Robert Downey Juniorrek, Sherlock Holmes pelikulako aktoreak, sexuarekin obsesionatuta zegoela aitortu zuen elkarrizketa batean. Aktoreak azaldu zuenez, masturbatzean pentsatzen ematen zuen egun osoa.

Sharon Stone aktorearen bizitza sexualaren inguruan ere zurrumurru ugari egon ziren 2004an. Garai hartan bere senarrak, Phil Bronsteinek, adierazi zuenaren arabera, Stonek egunero hainbat aldiz eskatzen zion berarekin sexu harremanak izateko. Lindsay Lohanen mutil-lagun ohiak ere aktore polemikoak sexu-harremanak egunean lau aldiz izan nahi zituela adierazi zuen.

David Duchovnyren kasua askoz larriagoa izan zen. 2000. urtean Arizonako klinika batean denboraldi bat eman behar izan zuen hipersexualitatea zela eta. Antzeko zerbait gertatu zitzaion Rob Lowri. Aktorearen bideo sexual bat publiko egin zenean errehabilitazio klinika batera joan behar izan zuen.

Charlie Sheenen inguruko polemika oso ezaguna egin zen komunikabideei esker. Aktorea Two and a half men telesailetik kaleratu zuten bere bizitza sexualaren inguruan ezagutu ziren gehiegikeriak zirela eta.

Sexu-harremanak alkoholarekin eta drogekin nahasten direnean arazoak egon ohi dira. Hori izan omen zen Britney Spearsen kasua. Bere senar ohiak eduki sexual altuko bideo batzuk publikatzearekin mehatxatu zuen artista.

Hugh Granti, aldiz, dibortzioa ekarri zion arazoak. 13 urtez Liz Hurley aktorearekin ezkonduta egon ostean, bigarren honek dibortzioa eskatu zion argazkilariek auto batean beste emakume batekin aho-sexua izaten harrapatu zutenean. Izugarrizko polemika sortu zen irudi horien inguruan eta, oraindik ere, prentsa britainiarraren artean irudi txarra dauka aktoreak.