Tag Archives: txutxu-mutxuak

Scarlett Johanson biluzik erakusten duten argazki batzuk hedatu dira

Ikusi al dituzue? Astearte honetatik asko hedatu dira irudiak, eta guk ere txutxumutxuen blog honetara ekarri nahi izan ditugu, zuekin komentatzeko: Scarlett Johanson aktorearen azken pelikularen argazki batzuk zabaldu dira (edo zabaldu ditu norbaitek, baliteke nahita izatea pelikulari publizitatea egitearren), eta biluzik agertzen da irudi horietan Scarlett. “Under the skin” du izenburua pelikulak, bide batez.

Ez da lehen aldia, egia esan. Gogoratuko duzuenez, orain dela urtebete ere hedatu zen sare sozialetan horrelako beste argazki bat; eta Ryan Reynoldsekin ezkonduta zegoenean ere, bere senarrari bidali nahi izan zizkion argazki batzuk ikusi ahal izan genituen.

Ile beltzarana eta laburra du Scarlett Johansonek irudi hauetan. Hemen daude bi adibide:

vanitatis.elconfidencial.com/ webguneko argazkia.

vanitatis.elconfidencial.com/ webguneko argazkia.

Argazkia vanitatis.elconfidencial.com/ webgunean dago.

Argazkia vanitatis.elconfidencial.com/ webgunean dago.

Baten batek sare sozialetan “neska honek sekulako gorputza duela esaten duzunean, ez dut ulertzen” bota du, irudiak ikusita, eta beste batek honakoa esan du: “Ezin da ezer txarto joan, Scarlett baino politagoa naizela baieztatu ostean”. Zer uste duzue zuek? :-).

 

Robin Thicke eta Paula Patton banandu egin dira

Hollywoodeko bikote egonkorrenetako bat hautsi dela dirudi. Dailymailek eta beste zenbait hedabidek baieztatu dutenaren arabera, Robin Thicke abeslaria eta Paula Patton banandu egingo dira, 9 urte ezkonduta egon eta gero.

Antza denez, ”Blurred Lines” abestiarekin lortutako arrakastaren ostean, emaztea ez den emakume batekin baino gehiagorekin harrapatu dute azkenaldian Robin Thicke, diskoteka eta festa askotan. Zurrumurru horiek isilarazten ahalegindu den arren, badirudi Paula Patton nekatu egin dela, eta senarrari agur esatea erabaki duela.

Hori bai, People aldizkarian honako hau baieztatu du: ”lagun onak izaten jarraituko dugu, baina banantzeko garaia iritsi dela erabaki dugu”. Bikoteak Julian izeneko hiru urteko haurra du.

Robin Thicke eta Paula Patton. Argazkia: Getty

Robin Thicke eta Paula Patton. Argazkia: Getty

Rihanna eta Drake, berriz elkarrekin?

Itxura guztien arabera, elkarrekin daude beste behin ere Rihanna eta Drake. Izan ere, zenbait hedabide estatubatuarrek aditzera eman dutenez, sarri ikusi dituzte batera azkenaldian, eta oso jarrera maitekorrean, gainera.

Hollywoodlife.com atariak honako hau baieztatu du: “Drake oso gizon prestua da, eta Rihanna ez dago halakoetara ohituta, beti egokitu izan zaizkiolako mutil gaiztoak“. Joan den asteburuan, Los Angelesko lokal batean geratu eta elkarrekin igaro zuten gaua. Ondoren, handik ateratzen ikusi zituzten.

2012an “Take Care” bideoklipa grabatu zuten, eta orduan ere argi utzi zuten bien artean kimika berezia sentitzen zutela.

Chris Brownekin izandako harreman gorabeheratsuaren ostean, ikusi egin beharko da zer-nolako etorkizuna datorkion Barbadoseko erreginari Drake rap abeslariarekin. Zer iruditzen zaizue bikote berria?

Rihanna eta Drake ''Take Care'' bideoklipean. Argazkia: youtube

Rihanna eta Drake ”Take Care” bideoklipean. Argazkia: youtube

Justin Bieberren gehiegikeriak

Justin Bieberren izena sarri entzuten ari gara azkenaldian, baina ez musika arloan lortutako arrakastengatik, poliziarekin izandako liskarrengatik baizik. Badirudi zoro samar dabilela abeslari kanadarra.

19 urte baino ez dituen arren, oso gazte zela iritsi zitzaion ospea, eta badirudi ez duela behar bezala kudeatu. Orain dela pare bat aste jakin genuenez, atxilotu egin zuten Miamin, legez kanpo auto-lasterketa batean parte hartzen harrapatu zutelako, edanda eta drogaren eraginpean, gainera.

Fidantza ordaindu eta kartzelatik irten ostean, Panama aldera joatea erabaki zuen, “atseden hartu” eta indarberritzeko. Ondoren, Torontoko komisaria batean aurkeztu zuen bere burua, abenduaren 30ean gizon bati eraso egin ostean, poliziaren aurrean erantzuteko.

Hori guztia nahikoa ez balitz, artista polemikoaren diru-kontuen berri eman dute zenbait hedabidek. Antza denez, milioi bat dolar gastatzen ditu astero, festak eta gainerako gutiziak ordaintzeko. Beraz, badirudi orain arte lortutako irabaziak galtzen ari dela, apurka-apurka.

Ez dakigu zer-nolako etorkizuna izango duen gazte kanadarrak baina, oraina, behintzat, nahiko beltza du, oraingoz.

Justin Bieber. Argazkia: Getty

Justin Bieber. Argazkia: Getty

Elsa Pataky haurdun dago

Chris Hemsworth eta Elsa Pataky aktoreek bigarren umea izango dute 2014ean. 2012ko maiatzean jaio zen Londresen bikotearen lehen haurra, India Rose. Beraz, familia ugaritzea erabaki dute, eta albistea baieztatu dute ¡Hola! aldizkarian.

Antza denez, haurdunaldiaren lehen hiruhilekoan dago aktorea, eta ez dakite neska ala mutila den, oraindik. Orain dela gutxi aitatasunaren inguruan galdetu eta gero, Hemsworthek ez zuen argi utzi beste haur bat izango ote zuten ala ez. Zurrumurrua baieztatu egin dute orain.

La Gomera uhartean daude une honetan hirurak. Izan ere, Chris Hemsworth In The Hearth of the sea pelikula filmatzen ari da. Proiektua Moby Dick eleberrian oinarrituta dago, eta Ron Howardek zuzenduko du.

Elsa Pataky eta Chris Hemsworth. Argazkia: Vanitatis

Elsa Pataky eta Chris Hemsworth. Argazkia: Vanitatis

Jaio da Halle Berry eta Olivier Martinezen haurra

Halle Berry eta Olivier Martinez

Halle Berry eta Olivier Martinez

Halle Berry aktorea ama izan da bigarren aldiz. Joan den larunbatean jaio zen umea Los Angelesen. Jaioberria mutila da, eta Maceo izena jarri diote. Aktore eta modelo ospetsuaren bigarren haurra da. Lehena Gabriel Aubry kanadiarrarekin izan zuen orain dela bost urte: Nahla.

2010ean hasi zuten harremana bi aktoreek, eta udan ezkondu ziren Frantzian, Dark Tide pelikulan elkarrekin lan egin ostean. Azken unera artea bizimodu normala egin dute Los Angelesen. Zenbait iturrik adierazi dutenez, Halle Berry Los Angelesko jatetxe batean bazkaltzen ikusi zuten lagun batekin, haurra jaio baino 24 ordu lehenago.

Beyonce, ”garçon” erara

Beyonce, ilea moztuta. Argazkia: Instagram

Beyonce, ilea moztuta. Argazkia: Instagram

Joera berrienen arabera, oso modan dago ilea garçon erara moztu eta adatsa motz-motz uztea. Aktore, abeslari eta artista askok erabaki dute ile luzeari agur esatea: Rihanna, Miley Cyrus, Charlize Theron eta Alicia Keys, besteak beste. Horietako gehienek, gainera, sare sozialen bidez erakutsi digute itxura berria.

Moda horrekin bat egitea erabaki duen azkena Beyonce abeslaria izan da. Antza denez, arazo txiki bat izan zuen azken kontzertuan, ilea haizagailu batekin trabatu zitzaiolako. Halako ezustekoak saihesteko, arazoa errotik konpontzea erabaki du, eta Instagram bidez erakutsi digu emaitza.

Ez da orrazkera aldatzen duen lehen aldia; izan ere, kolore eta moldaketa ugari ikusi dizkiogu orain arte egindako ibilbidean. Oraingoan, ordea, zur eta lur utzi ditu jarraitzaile asko. Beraz, badirudi Beyonceren itxura berriak aldeko eta kontrako iritziak jaso dituela. Egingo al zenukete halako itxura aldaketa?

Leire Martinezek agur esan dio Antonio Velazquezi

Badirudi udaren etorrerak ez dakartzala albiste onak Leire Martinez La Oreja de Van Gogh taldeko abeslariarentzat. Izan ere, itxura guztien arabera, Antonio Velazquez aktorearekin zuen harremana bertan behera uztea erabaki du. Gainera, abeslari donostiarrak hartu omen du erabakia, eta bikoteak Madrilen zuen etxetik joan da, maletak hartuta.

Hiru urte baino gehiago zeramatzaten elkarrekin, baina ez ziren oso garai zoriontsua igarotzen ari, azken hilabeteotan. Krisialdia ez da ongi bukatu, eta bakoitzak bere bideari ekitea erabaki du.

Leire Martinezek eman omen du behin betiko urratsa. Hori dela eta, Antonio Velazquez oso triste dagoela jakinarazi dute zenbait hedabidek. Beraz, Granadara bidaia egitea erabaki du aktoreak, familia eta lagunekin atsekabeari aurre egiteko.

La Oreja de Van Gogh-eko kantaria, bestalde, etxe bila hasi da Madrilen, garai berri hau martxan jartzeko. Argi dago, hortaz, ez duela atzera egingo.

leiremartinez-antoniovelazquez

Robert Pattinson eta Katy Perry, lagun minak baino gehiago?

Badirudi Kristen Stewart eta Robert Pattinson sagako aktoreek bertan behera utzi dutela elkarrekin zuten maitasun harremana. Ez da lehen aldia, baina, oraingoan, behin betiko erabakia omen da.

Hedabide askok eman dute albistearen berri. Antza denez, Pattinsonek etxetik alde egin du, bikotekidearekin zuen konfiantza erabat galdu eta gero. Izan ere, maitale ohiari mezuak bidaltzen harrapatu du Kristen Stewart. Ez dago, hortaz, atzera bueltarik!

Erabakiak eragindako saminari eta tristurari aurre egiteko, Katy Perry lagun minarengana jo du aktoreak, laguntza eske. Elkarrekin ikusi dituzte zenbait kazetarik, eta oso maitekor, gainera, Santa Barbara inguruan. Hori dela eta, lagun minak baino zerbait gehiago ez ote diren diote askok, azkenaldian. Bikote berria ote dago martxan? Adi egongo gara, Gaztean, azken ordukoen berri emateko!

Twilight

Katy Perry eta Robert Pattinson

Katy Perry eta Robert Pattinson

Rita Ora eta Calvin Harris, bikote berria

Rita Ora eta Calvin Harris

Rita Ora eta Calvin Harris

Badirudi musikak bi artista batu dituela! Rita Ora eta Calvin Harris istorio erromantiko berri baten protagonistak dira. Albisteak ustekabean harrapatu ditu hedabideak eta bi artisten jarraitzaileak.

Izan ere, Calvin Harris Ellie Gouldingekin zegoela uste zuten askok, “I need your love” elkarrekin egindako bideoklipa ikusita. Oraingoan, behintzat, usteak erdia ustel!

Antza denez, nahiago du Rita Oraren xarma berezia. Bikote berriaren harremana Hollywooden hasi da. Abeslari britainiarraren lagunek baieztatu dutenaren arabera, Chateau Marmont hotelean zenbait hitzordu izan dituzte, Los Angelesen.

Kimika nabaria izan omen da bien artean! Zer iruditzen zaizue bikote berria?