Tag Archives: paulina rubio

Paulina Rubiok etxetik bota du mutil-laguna

MÉXICO-MÚSICABaliteke Paulina Rubio abeslari mexikarraren eta Gerardo Bazuaren arteko harremana hautsita egotea. Hiru urteko bikote-harremana izan dute, eta elkarrekin ume bat ere badute.

Latinoamerikako komunikabideek, ordea, ustezko desleialtasun baten gaineko albistea zabaldu dute. Aipatu iturrien arabera, Bazuak adarrak jarri dizkio Paulinari, eta ez emakume bakar batekin, gainera.

Antza denez, telefono mugikorraren bidez jakin du Paulina Rubiok bere bikotea desleiala izan dela. Aurretik ere, barkatu zion amodio-afera bat Bazuari, baina oraingo honetan etxetik bota omen du.

 

Paulina Rubio ama izan da, bigarrenez

paulinarubio_guggenheimPaulina Rubiok besoetan du jada bere bigarren semea. Igandean jaio zen haurra, Miamiko Mercy ospitalean. Mexikoko komunikabideek esan dutenez, ama eta umea onik daude. Horretaz aparte, ez dute informazio gehiagorik eman.

Duela bi hilabete inguru iritsi zen Paulina Rubioren haurdunaldiaren berria, Miamin eskainitako kontzertu batean. Kantariak ezin izan zuen, orduan, haurdunaldia ezkutatu, soineko zabal-zabal bat zeraman arren.

Handik bi egunera, Gerardo Bazuarekin (Paulinaren bikotea) eta Andrea Nicolasekin (Paulinaren semea) egindako argazki batek baieztatu zuen albistea.

Paparazzi blogean haurraren izena eta aurpegia ezagutzeko zain gelditzen gara.

Paulina Rubiok beste seme bat izango du

MÉXICO-MÚSICAAurki beste mutikotxo bat izango du etxean Paulina Rubiok. Abeslariaren amak jakinarazi duenez, Gerardo Bazuarekin (egungo bikotea) espero duen umetxoa mutila izango da.

Mexikoko La Voz saioan ezagutu zuten elkar Rubiok eta Bazuak. Kantaria coach lanetan aritu zen bertan, eta Gerardo lehiakide zen orduan.

“Ume berri bat etxean, zoragarria da. Paulina zoriontsu dago. Bi mutikotxo izango ditugu”, adierazi du amonak Mexikoko telebista saio batean.

Era berean, haren alabak Bazuarekin duen harremanaren inguruan mintzatu da: “Gizon on-ona da, oso jatorra eta maitekorra da nire alabarekin eta ilobarekin”.

Bigarren umea

Duela bost urte jaio zen Andrea Nicolas, Paulina Rubioren lehenengo semea. Nicolas Vallejo-Nagerarekin izango harremanaren fruitu izan zen Andrea.

Paulina Rubiok mutil-lagun berria dauka

Paulina Rubio eta bere mutil-laguna. Argazkia: Diez minutos.

Bost hilabete pasatu dira Paulina Rubio eta Nicolas Vallejo, Colate, dibortziatu zirenetik, eta badirudi abeslari mexikarra maiteminduta dagoela berriz ere.

Izan ere, aste honetan bere mutil-lagun berriarekin ibili da Paulina Rubio Miamiko jatetxe eta diskoteka ezagunenenetan. 41 urteko artistaren bikotekide berria Kaliforniako enpresari gazte bat da, eta abeslaria oso pozik omen dago berarekin.

Disko berriaren aurkezpenenean adierazi zuenez, mexikarrak bere bizitzaren etapa bat itxi zuen dibortzioarekin eta, orain, beste bat hasi du, “itxaropentsu”. Horrez gain, maitasunean sinesten jarraitzen duela azaldu zuen eta etorkizunean berriz ezkontzea eta seme-alaba gehiago izatea gustatuko litzaiokeela aitortu zuen. Abeslariak Colaterekin izandako semeak 16 hilabete ditu.

Paulina Rubio eta Colate banandu egin dira

Aspaldian zebilen zurrumurrua bueltaka eta askotan esan izan da Paulina Rubio eta Nicolas Vallejo Najera krisian zeudela, baita banantzear zeudela ere. Eta badirudi, azkenean, zurrumurru horiek bazutela funtsa. Bikotea ofizialki banandu da, euren hurbileko pertsona batek telebista saio bati baieztatu dionez. Hori bai, argi utzi nahi izan du beste pertsonarik ez dela tartean izan, eta bikotekideen artean konpondu ezinak diren arazoak zeudela nabarmendu du.

Baina orain zabalduta dauden zurrumurruek bestelako kontuak dakartzate. Zabaldu berri denaren arabera, badirudi Colate beste emakumeren batekin lardaskan ibilia dela.

Ez dakigu egia zein den. Baina sei urteko ezkon-aldiaren ostean, Paulina Rubio eta Colate ezkongabe izango dira berriz ere.

Haurdunaldiak, zentsurak, dibortzioak eta beste gorabehera batzuk

Pinkek baieztatu egin du azken egunetan bolo-bolo zebilen albistea: haurdun dago.

“Carey Hartek eta biok neskato bat izango dugu” esan du kantari estatubatuarrak Ellen Degeneres aurkezlearen saioan, aste honetan kaleratu duen bilduma-lana aurkeztera joan denean.

Horrelako zurrumurruak askotan zabaltzen dira baina ez dira beti egiazkoak izaten. Zenbat aldiz egon ote da haurdun Beyonce? Orain dela gutxi ere zabaldu zen zurrumurrua eta bere amak gezurtatu behar izan zuen albistea. Ezetz, ez dagoela haurdun, oraindik, behintzat, ez.

Hori bai, zentsuraren atzaparretan erori da kantari estatubatuarra, Heat izeneko bere lurrina promozionatzeko iragarkia “beroegitzat” jo baitute Britaina Handian eta, hori dela eta, 19:30 arte ezingo baita emititu.

Haurdunaldi kontuetara itzuliz, uste baino lehenago amaitu zaio berea Paulina Rubio mexikarrari. Espero baino lehen jaio da Nicolas, artistak Nicolas Colate Vallejo Najerarekin izan duen haurra.

Gaztelaniazko esaera batek dio haurrak besapean ogi bat dutela jaiotzen direla baina, dirudienez, kantariaren semea milioi bat dolarreko demanda batekin iritsi da. Kolonbiako herri batean eman behar zuen kontzertua iaz bertan behera uzteagatik epaitegietara eraman nahi baitute artista.

Eta haurrak izateko denborarik gabe amaitu da beste bikote baten arteko harremana: Eva Longoria aktorearen eta Tony Parker saskibaloi jokalariaren artekoa.

Dibortziatu behar zutenik ukatu zuten bikotearen ordezkariek, baina, itxura denez, Longoriak dibortzio-demanda aurkeztu du senarraren aurka Los Angelesko epaitegian. Zurrumurruek diote bikotearen lagun batekin adarrak jarri dizkiola Parkerrek. Longoriaren eta Parkerren arteko irudi melengak amaitu dira, beraz!