Monthly Archives: July 2011

Jennifer Anistonek aurten ezkondu nahi du

Orain dela gutxi arte, Jennifer Aniston ‘urrezko ezkongaia’ izan da, baina orain presaka dabilela dirudi. Nahi duen gizonezkoa aurkitu du eta azeleragailua zapaldu du. “Friends” telesaileko protagonistak jada argi dauka nola ospatu nahi duen bere ezkontza, baita garrantzitsuena,  noiz ezkondu nahi duen, ere.

Edo Aniston erabat maiteminduta dago edo ezkontzeko beranduegi egingo zaiola pentsatzen dabil.  Nork daki, agian ez dute arrazoi hauek bultzatu 2012 urtea baino lehen ezkontzera.

Beharbada, Brad Pitt eta Angelina Jolie baino lehen ezkondu nahi du. Dena dela, gauzak oso argi ditu: Mexikoko hondartza batean ezkondu nahi du, inguruan gertukoenak soilik dituela.

Duela egun batzuk hasi ziren Anistonen eta Justin Therouxen arteko ezkontzaren zurrumurruak, baina, orain, Star aldizkariaren arabera, zertan itxaron ez dagoela sentitzen du aktoreak. Aldizkariak hau gaineratu du:  “Inoiz ez da hain gustura egon eta inoiz ez du beste gizonezko batekin Justinekin duen kidetasuna izan”.

Dirudienez, Anistonek Cabo San Lucasen, Mexikon, ospatu nahi du ezkontza, hurbileko gonbidatuekin: Courteney Cox, Chelsea Handler, Sheryl Crowe eta Tobey eta Jennifer Maguire, besteak beste.

Soineko zuri tradizionala barik  “hezur koloreko soineko motz bat” edo “pastel koloreko bat” janztea ere aztertzen ari da. Jennifer azkarregi joaten ari da edo hori da merezi duena, behingoz zoriontsu izatea?

Musikaren munduko bikoteen hausturak

Musikaren munduan beti egon dira bikote arrakastatsuak, eta harreman horiek iritsi diren bezala joan dira. Batzuentzat, dena dela, arrakasta ez da nahikoa izan elkarrekin jarraitzeko. Zerrenda luzea da, baina hemen dituzu bikote ezagunenetako batzuk:

1.Jennifer Lopez eta Marc Anthony. Ez zirela inoiz bananduko ematen bazuen ere, zazpi urte elkarrekin eman ondoren, bakoitzak bere bideari ekin dio. Bitxia da, baina hausturaren berri eman eta egun gutxitara, Marc bere jarraitzaileekin ligatzen ibili zen kontzertu batean, Kolonbian.

2.Courtney Love eta Kurt Cobain. Inoiz ez dugu jakingo zer zegoen Courtneyren eta Kurten arteko harremanaren artean. Biak elkartu zituenak aldendu omen zituen. Cobain erabat maitemindu zen Loverekin, baina horrek bere buruaz beste egin ondoren, alargunak ez zuen asko itxaron beste pertsona batzuekin harremanetan hasteko; Billy Corgan, Evan Dando edo Trent Reznor artistekin, besteak beste.

3.ABBA. Taldearen ibilbidea 1972an hasi zen, Benny-k eta Bjorn-ek Anni-Frid (Frida) eta Agnetha kontratatu zituztenean lehen diskoa egiten laguntzeko. Bi musikariak haiekin ezkondu ziren, eta mundu mailan arrakasta handia lortu zuen pop taldea osatu zuten. 1979an, Bjorn eta Agnetha banandu egin ziren, eta, bi urte geroago, Fridak eta Bennyk gauza bera egin zuten.“Taldeak dibortzio bat izan ondoren aurrera egin ahal izan badu, gure dibortzioak ez du taldea desegingo”, adierazi zuten. Oker zeuden, ordea; izan ere, urte bete geroago ABBA taldea desegin egin zen.

4.Whitney Houston eta Bobby Brown. 1992an ezkondu ziren Bobby eta Whitney, eta gutxik egin zuten horren alde. Houstonen ibilbide musikalak behera egin zuen nabarmen, eta betiko urrundu zen aurretik lortu zuen arrakastaz. Horien arteko borrokak, atxiloketak eta desintoxikatzeko zentroetan hainbat aldiz sartu izanak zeresan ugari eman dituzte, 2007an banandu ziren arte.

5.Ike eta Tina Turner. Atzealde iluna duen bikote arrakastatsu baten adibide garbia zen. Tina 1958an sartu zen Ikeren taldean, eta bikote bezala arrakasta handia lortu zuten ondoren musika munduan. Arrakasta horren atzean, ordea, tratu txarrak zeuden, eta Tinak ez zuen horren berri eman banandu ziren arte. Bere bizitzan hartutako erabakirik onena izan zen, bere bakarkako ibilbideari helduta lortu baitzuen mundu mailan arrakasta handia.

6.Jennifer Lopez eta Puff Daddy. Jennifer pertsona arrakastatsu askorekin egon da, eta bere mutil-lagunak komeni izan zaionaren arabera erabiltzea leporatu diote askotan. Daddyrekin izan zuen harremanaren horietako bat izan liteke. Pistolarekin tiro egiteagatik auzitara eraman zutenean, baina, Lopezek alde batera utzi zuen rap abeslaria, bien arteko harremana bertan behera utzita.

7. Sonny eta Cher. Sonny pertsona ospetsua zela ezagutu zuen Cher, honek 16 urte soilik zituela. Bikotearen musika-harremana maitasun-harremana bihurtu zen, eta  Sonny & Cher bezala arrakasta handia lortu zuten. Urte batzuk geroago, banandu egin zirela iragarri zuten telebista programa batean; bietako bat ez zela fidela izan zabaldu zen ondoren.

8.Joan Baez eta Bob Dylan: 60ko hamarkadan folk estiloaren erregina izan zenak eman zion lehenengo aukera handia Dylan gazteari ospea lortzeko; 1963an izan zen, Newporteko Folk Jaialdian. Horrez gain, Baezek Dylanen lehen abestiak zabaldu zituen, eta ospetsu egiten lagundu zion. Dylan maila gorenera iritsi zenean, egoera aldatu egin zen: rocka aukeratu zuen folkaren ordez, eta handitasunez eta mespretxuz hitz egiten zuen bere maitale, lagun eta babesle izan zenaren gainean.

10. Marianne Faithfull eta Mick Jagger. Faithfullek eta Jaggerrek harreman entzutetsu bat izan zuten 60ko hamarkadaren amaieran, eta sormena, festaj eta drogak  izan zituzten nagusi sasoi horretan. Baina gehiegikeriek ondorioak izan zzituzten: 1969ko amaieran, Mariannek gaindosi bat izan zuen Australian, lo egiteko pastilla gehiegi hartuta, eta Erresuma Batura eraman behar izan zuten. Jagger horretaz baliatu zen Anita Pallenbergekin, sasoi hartan Keith Richards taldekidearen neskalaguna zenarekin, harremanetan hasteko.

Marc Anthonyk zerbitzari batekin 'affaire' bat izan zuen

jennifer-lopez-marc-anthonyMarc Anthonyk eta Jennifer Lopezek aurreko ostiralean eman zuten euren banaketa adiskidetsuaren berri elkarrekin aurkeztu zuten jakinarazpen batean, eta pribatutasuna errespetatzeko eskatu zuten. Aurreko astelehenean, Lopez abeslaria William Levy aktore kubatarrarekin zebilela zabaldu zuten komunikabideek. Oraingoan, berriz, Anthonyren txanda da: US Weekly aldizkariaren arabera, artistak hegazkineko zerbitzari batekin amodio-historio bat eduki zuen. Aldizkari ezagunaren esanetan, Puerto Ricoko musikariak zerbitzaria 2009an ezagutu zuen hegaldi pribatu batean.

Dirudienez, Lopez harreman honetaz ohartu zen, eta bere senarrarekin zuen erlazioa moztea erabaki zuen. Hala ere, bikote ohiaren hurbileko iturrien arabera, banaketa ez zen orduan gertatu. Anthonyk abeslariari ez uzteko erregutu zion eta senar-emazteen arteko terapia batera jo zuen bikoteak.

Orduz geroztik, senar-emazteen artean arazoak pilatzen hasi ziren, eta arazo horiek guztiak gertatu berri den banaketaren eragile izan dira. Argitalpen iparamerikarraren arabera, Anthony jeloskor zegoen bere emaztearen arrakasta zela eta, eta beste gizon batengatik utziko zuelaren beldur zen. Arrazoi honegatik bere emaztearen aldagelak kontrolatzen saiatzen zen.

Marc Anthonyk zerbitzari batekin ‘affaire’ bat izan zuen

Marc Anthonyk eta Jennifer Lopezek aurreko ostiralean eman zuten euren banaketa adiskidetsuaren berri elkarrekin aurkeztu zuten jakinarazpen batean, eta pribatutasuna errespetatzeko eskatu zuten. Aurreko astelehenean, Lopez abeslaria William Levy aktore kubatarrarekin zebilela zabaldu zuten komunikabideek. Oraingoan, berriz, Anthonyren txanda da: US Weekly aldizkariaren arabera, artistak hegazkineko zerbitzari batekin amodio-historio bat eduki zuen. Aldizkari ezagunaren esanetan, Puerto Ricoko musikariak zerbitzaria 2009an ezagutu zuen hegaldi pribatu batean.

Dirudienez, Lopez harreman honetaz ohartu zen, eta bere senarrarekin zuen erlazioa moztea erabaki zuen. Hala ere, bikote ohiaren hurbileko iturrien arabera, banaketa ez zen orduan gertatu. Anthonyk abeslariari ez uzteko erregutu zion eta senar-emazteen arteko terapia batera jo zuen bikoteak.

Orduz geroztik, senar-emazteen artean arazoak pilatzen hasi ziren, eta arazo horiek guztiak gertatu berri den banaketaren eragile izan dira. Argitalpen iparamerikarraren arabera, Anthony jeloskor zegoen bere emaztearen arrakasta zela eta, eta beste gizon batengatik utziko zuelaren beldur zen. Arrazoi honegatik bere emaztearen aldagelak kontrolatzen saiatzen zen.

Nor ezkutatzen da argazki honen atzean?

Harrigarria bada ere, argazkian azaltzen emakumea Paris Hilton da!!! Oraingoan “Paparatzi” blogean ez gara inor kritikatzen hasiko, ezta pertsonaia ezagunen inguruan marmarrean arituko ere.

Beste bide bat hartu eta V magazine aldizkariak kaleratu dituen argazki hauen inguruan mintzatuko gara gaurkoan. Ez al zaizue ikaragarria iruditzen aipatutako aldizkariak emakume honen itxura aldatzeko izan duen trebetasuna?

Ohi baino aurpegi ausartagoa erakutsi digu Nicole Richieren lagunak argazki saio honetan. Claudia Schiferren itxura hartuta, kopeta-ilearekin eta oso sexy azaldu da Hilton. Photoshopa erabilita, normalean baino look rockerragoarekin ikusi dugu zuri-beltzean ateratako argazki sentsual hauetan.

Nola gustatzen zaizue gehiago Paris? Aberaskume itxurarekin ala irudi berri honekin?

Harry Potter-ek arazoak izan ditu alkoholarekin

Daniel Radcliffe oso gazte hasi zen aktore lanetan, 11 urte zituenetik “Harry Potter” mago ezagunaren azalean sartu baita. Eta hain gaztetan ezagun izateak eragin nabarmena izan du bere bizitzan, besteak beste, 21 urteko aktoreak alkoholarekin arazoak izan dituela aitortu baitu.

Ikuskizunaren munduak presio handia egin omen dio Radcliffe-i. Horregatik, 18 urte zituenean whiskeyarekiko eta festekiko mendekotasuna izaten hasi omen zen.  Baina iazko abuztuan alkohola utzi omen zuen eta orain nahiago izaten du neska-lagunarekin etxean gelditu festaren batera joatea baino.  

“Alkoholarekiko mendekotasuna neukan gauzez gozatu ahal izateko. Urte batzuetan pertsona ospetsu baten bizi-estiloari jarraiki bizitzearen ideiarekin liluratuta egon naiz”, adierazi du Radcliffek. Gainera, “pozik” dagoela esan du, paparazziek ez dutelako mozkortuta sekula harrapatu.

Aktore britainiar gazteak 48 milioi liberako ondarea dauka (53 milioi euro inguru) “Harry Potter” pertsonaiari esker. Azken urteetan, antzerkigintzan aritu izan da “Equus” lanean eta kritika onak izan ditu.