Monthly Archives: July 2015

Ezkondu arte birjinak izan diren pertsonaia ezagunak

hilaryDatu bitxiak ditugu gaurkoan esku artean. Zaila da pertsonaia ezagun hauek diotena egia ala gezurra den jakitea, baina, bitxikeri moduan edo, ustez ezkondu arte birjinak izan diren hainbat xelebritiren izenak ditugu hemen.

Adriana Lima:

Munduko modelo ezagunenetako bat da Adriana Lima. 2006an Limak esan zuen ez zuela inoiz sexu-harremanik izan, ezkondu arte birjina izan nahi zuelako. 2009an ezkondu zen modeloa Marko Jarirekin.

Kevin Jonas:

Jonas Brothers anaietako Kevinek ez zuen sexurik probatu Danielle Deleasarekin ezkondu zenera arte.

Jessica Simpson: Familia oso erlijiosoa dauka honek, eta, dirudienez, 12 urte zituela aitak kastitate-eraztuna eman zion.

Britney Spears: Nerabea zenean birjina zela hitzeman zuen poparen printzesak, baina haren abokatua zenak ziurtatu zuen 14 urterekin galdu zuela birjintasuna. Gezurretan ibili zen Spears andereñoa, beraz.

Aipatutako artistak ez ezik, besteak beste, Hilary Duffek eta Kaká futbolariak ere ez omen zuten sexu-harremanik izan ezkondu arte. Egia ote da?

Jon Kortajarena eta Luke Evans, bananduta

Luke Evans joins Jon Kortajarena for a lunch date **USA ONLY**

Argazkia: www.lipstickalley.com

Badirudi Jon Kortajarenak eta Luke Evansek harremana haustea erabaki dutela. Bilboko modeloa Bartzelonako 080 pasarelan ibili da egunotan, baina aktore britainiarra ez da haren ondoan egon.

Kortajarenarekin batera ez egoteko arrazoiak, ordea, ez du lan kontuekin zerikusirik. Izan ere, hainbat iturrik zabaldu dutenez (, aste batzuk igaro dira jada Kortajarena eta Evans bikote ez direnetik.

Gutxi gorabehera urte eta erdi iraun du harremanak. Egia esan, inork ez zuen ofizialki baieztatu harreman hori, baina behin baino gehiagotan ikusi dituzte elkarrekin. Dena dela, aipatu iturriek ez dute hausturaren gaineko xehetasunik eman. Zer gertatuko ote zen?

Gaztean hurbiletik jarraituko dugu berria, eta, nola ez, informazio gehiago dugunean zuekin partekatuko dugu.