Tag Archives: hausturak

Beyonce, Jay-Z eta ezkontza-eraztuna etxean utzita

beyonce3Beyonce abeslaria Met galara bikoterik gabe joateak hautsak harrotu ditu. Vogue aldizkariaren editoreak antolatutako modako ekitaldia arlo ezberdinetan nabarmentzen diren pertsonaia ezagunez bete ohi da urtero. Horien artean, Lemonade diskoa argitaratu berri duen kantaria zegoen, baina Jay-Zren arrastorik ez zen izan atzokoan. Hori gutxi ez eta, ezkontza-eraztunik gabe agertu zen Beyonce.

Horrek guztiak kazetarien arreta piztu du, batez ere, azken asteetako gertaerengatik. Jay-Z rap musikaria Rachel Roy estilistarekin lotu dute azkenaldian. Gainera, Beyonceren lan berrian azaltzen diren kantuetako batzuek hedabideetan zabaldutako aipatu zurrumurrua indartu dute.

Izan ere, aurrerapen-kantuak, adibidez, bikotearekin arazoak dituen emakume bati buruz hitz egiten du, adarrak jarri dizkioten neska baten inguruan, hain zuzen. “Ez nagoenean soilik nahi nau. Nahiago du Beckyry, ile polita duenari, deitu” dio kantuak.

 

Leonardo DiCaprio, bikoterik gabe

leonardo2016a banatuta hasi dute Leonardo DiCapriok eta Kelly Rohrbach aktore eta modeloak. Duela gutxi zenbait komunikabidek zabaldu zuten ezkontzekoak zirela, baina egun batzuk geroago US Weekly aldizkariak informazio hori ezeztatu eta harremana hautsi dutela iragarri du. “Konpromiso asko dituztelako utzi dute harremana”, adierazi du aipatu iturriak.

Aurreko urteko udan hasi ziren elkarrekin. Denbora gutxi iraun duen harremana izan da, beraz, baina dirudienez lagun moduan bukatu dute, eta hausturak ez omen dauka zerikusirik hirugarren pertsona batekin. “Oso lanpetuta daude. DiCapriok pelikula bat estreinatu behar du aurki, eta Rohrbach munduko modelo handienetakoa da”.

Azken aldiz Esker Emate Egunean ikusi zituzten elkarrekin, besteak beste, Justin Bieber, James Middleton eta beste hainbat izar gonbidatu zituzten jai erraldoian.

Hausturaren harira, AEBko hainbat komunikabidek zehaztu dute Joan den igandean Nikki Beachen egon zela DiCaprio, emakumez inguratuta.

Irina Shayken eta Cristiano Ronaldoren harreman desleiala

ronaldoCristiano Ronaldo futbolariak Irina Shayk modeloari adarrak jarri dizkiola ez da zurrumurru hutsa. Hori da, gutxienez, The Sun egunkariak ziurtatu duena.

Modeloaren gertuko iturri batek ahobizarrik gabe hitz egin du futbol-jokalariaren desleialtasunei buruz. Itxuraz, ez da emakume bakarrarekin egon, alegia, Irinarekin zegoenean beste hainbat neskarekin ere oheratzen omen zen. “Orain egia dakit, eta traizionatuta sentitzen naiz. Ustezko desleialtasun baten gaineko lehen zurrumurruak zabaldu zirenean, konfidantza guztia nuen Ronaldorengan. Inozoa naiz”, aitortu zion aipatu iturriari Shaykek.

Dirudienez, eta mintzagai dugun egunkariaren arabera, Ronaldoren urtebetze-festa prestatzen ari zenean jakin zuen futbolaria adarrak jartzen ari zitzaiola. Hain zuzen, futbolariaren sakelako telefonoan ikusitako zenbait mezurengatik konturatu zen beste emakume batzurekin zegoela; Kolonbiako, Australiako eta Frantziako emakumeekin, zehazki.

Hasiera batean ukatu egin zuen beste neska batzurekin egon izana, Irinak mezuak ikusi zituela esan zionera arte. Cristianok ez zuen aitzakiarik bilatu, eta orduantxe eman zuen harremana amaitutzat Irinak.

Dena dela, harremanaren amaiera iragarri zutenean, bikoteak ez zuen arrazoirik eman. Hori bai, mutil fidel bat bilatzen ari zela esan zuen orduan modeloak.

Justin Bieber eta Selena Gomez banandu egin dira!

Justin Bieber eta Selena Gomez

Lehengo astean Justin Bieberrek kamiseta kendu zuela iragarri genuen arren, notizia hori ezerezean geratu da orain. Antza denez, abeslariak eta Selena Gomezek hautsi egin dute! Oso gazte zirela bilakatu ziren biak izar mediatiko, eta bien arteko maitasunak munduko txoko guztietako jarraitzaileak ere maitemindu ditu. Baina badirudi Selenak harremana bertan behera uztea erabaki duela.

E! Online-n eskutik iritsi da berria. Antza denez, duela gutxi Justin musikal bat ikustera Joan zen Broadwayera Victoria Secret markako modelo batekin, eta horrek haustura gertu zegoela iragarri zuen. Azkenean, bi urte elkarrekin egon ondoren, nork bere bidea hartzea erabaki du. Denbora asko ematen zuten elkar ikusi gabe, eta badirudi Selenak bere mutilarengan zuen konfiantza galdu duela.

Hautsak harrotu ditu albisteak Interneten. Bikoteak jarraitzaile asko ditu, eta gaia ‘trending topic’ izan da Twitterren egun askotan. Badirudi orain bataren edo bestearen alde egin beharko dutela zale horiek guztiek; erabaki zaila ‘belieber’ askorentzat ziurrenik.

Conor Kennedyk eta Taylor Swiftek bertan behera utzi dute bien artekoa

Conor Kennedy eta Taylor Swift

Taylor momentuko izar ezagunenetako bat da. Conor Estatu Batuetako familia boteretsuenetako baten parte. Askoren ustez, adinean bien artean dagoen aldea handiegia zen arren, bikotekideek ez zuten jada euren arteko harremana ezkutatzen.

Hiru hilabete elkarrekin eman ondoren, ordea, Conor Kennedyk abeslariarekin zuen harremana haustea erabaki du. ‘RadarOnline’k adierazi duenez, Kennedy nekatu egin da bera baino lau urte gazteagoa den Taylorrekin zuen harremanarekin, eta bertan behera utzi du. Antza denez, Swiftek konpromiso handiegia eskatzen zion mutil-lagunari, eta hori ez zegoen horren harreman sendoa izateko gogoz.

AEBetako hedabideek, berriz, beste arrazoi batzuk ere kaleratu dituzte. Askoren esanetan, bikotearen krisiaren arrazoia Taylorrek Kennedy familiagatik zuen obsesioa da. Dena dela, gero eta argiago dago Taylor harreman motzak izatera ohitu dela.

Adam Levinek eta Anne Vyalitsynak harremana amaitu dute

Adam Levine, Maroon 5eko abeslaria eta Anne Vyalitsyna, Victoria’s Secreteko modeloak bikote harremanari amaiera ipini diote bi urteko erlazioaren ondoren.

Honela adierazi du modelo errusiarrak, bere ordezkariaren bitartez, ‘People’ aldizkariari bidalitako komunikatu batean: “Adam eta biok harremana modu adiskidetsu batean amaitzea erabaki dugu. Oraindik maitatzen eta errespetatzen gara, onena opa diot”.

Bikotea 2010 urtearen hasieran ezagutu zen ‘Sports Illustrated’ aldizkariko festa batean. Modeloa aldizkariaren portada zen eta Maroon 5-ek bertan jotzen zuen. Momentu horretatik aldizkari askotako portada izan dira. Nabarmenena errusiako ‘Vogue’ aldizkarian bilusik egin zuren posatua. Victoria’s Secret-eko ibiltokia partekatzen, eta azkeneko Grammy sarietan ere bikotea ikusteko aukera izan dugu.

‘The Voice’ musika programako epailearen ordezkariak ere konfirmatu du albistea.

Musikaren munduko bikoteen hausturak

Musikaren munduan beti egon dira bikote arrakastatsuak, eta harreman horiek iritsi diren bezala joan dira. Batzuentzat, dena dela, arrakasta ez da nahikoa izan elkarrekin jarraitzeko. Zerrenda luzea da, baina hemen dituzu bikote ezagunenetako batzuk:

1.Jennifer Lopez eta Marc Anthony. Ez zirela inoiz bananduko ematen bazuen ere, zazpi urte elkarrekin eman ondoren, bakoitzak bere bideari ekin dio. Bitxia da, baina hausturaren berri eman eta egun gutxitara, Marc bere jarraitzaileekin ligatzen ibili zen kontzertu batean, Kolonbian.

2.Courtney Love eta Kurt Cobain. Inoiz ez dugu jakingo zer zegoen Courtneyren eta Kurten arteko harremanaren artean. Biak elkartu zituenak aldendu omen zituen. Cobain erabat maitemindu zen Loverekin, baina horrek bere buruaz beste egin ondoren, alargunak ez zuen asko itxaron beste pertsona batzuekin harremanetan hasteko; Billy Corgan, Evan Dando edo Trent Reznor artistekin, besteak beste.

3.ABBA. Taldearen ibilbidea 1972an hasi zen, Benny-k eta Bjorn-ek Anni-Frid (Frida) eta Agnetha kontratatu zituztenean lehen diskoa egiten laguntzeko. Bi musikariak haiekin ezkondu ziren, eta mundu mailan arrakasta handia lortu zuen pop taldea osatu zuten. 1979an, Bjorn eta Agnetha banandu egin ziren, eta, bi urte geroago, Fridak eta Bennyk gauza bera egin zuten.“Taldeak dibortzio bat izan ondoren aurrera egin ahal izan badu, gure dibortzioak ez du taldea desegingo”, adierazi zuten. Oker zeuden, ordea; izan ere, urte bete geroago ABBA taldea desegin egin zen.

4.Whitney Houston eta Bobby Brown. 1992an ezkondu ziren Bobby eta Whitney, eta gutxik egin zuten horren alde. Houstonen ibilbide musikalak behera egin zuen nabarmen, eta betiko urrundu zen aurretik lortu zuen arrakastaz. Horien arteko borrokak, atxiloketak eta desintoxikatzeko zentroetan hainbat aldiz sartu izanak zeresan ugari eman dituzte, 2007an banandu ziren arte.

5.Ike eta Tina Turner. Atzealde iluna duen bikote arrakastatsu baten adibide garbia zen. Tina 1958an sartu zen Ikeren taldean, eta bikote bezala arrakasta handia lortu zuten ondoren musika munduan. Arrakasta horren atzean, ordea, tratu txarrak zeuden, eta Tinak ez zuen horren berri eman banandu ziren arte. Bere bizitzan hartutako erabakirik onena izan zen, bere bakarkako ibilbideari helduta lortu baitzuen mundu mailan arrakasta handia.

6.Jennifer Lopez eta Puff Daddy. Jennifer pertsona arrakastatsu askorekin egon da, eta bere mutil-lagunak komeni izan zaionaren arabera erabiltzea leporatu diote askotan. Daddyrekin izan zuen harremanaren horietako bat izan liteke. Pistolarekin tiro egiteagatik auzitara eraman zutenean, baina, Lopezek alde batera utzi zuen rap abeslaria, bien arteko harremana bertan behera utzita.

7. Sonny eta Cher. Sonny pertsona ospetsua zela ezagutu zuen Cher, honek 16 urte soilik zituela. Bikotearen musika-harremana maitasun-harremana bihurtu zen, eta  Sonny & Cher bezala arrakasta handia lortu zuten. Urte batzuk geroago, banandu egin zirela iragarri zuten telebista programa batean; bietako bat ez zela fidela izan zabaldu zen ondoren.

8.Joan Baez eta Bob Dylan: 60ko hamarkadan folk estiloaren erregina izan zenak eman zion lehenengo aukera handia Dylan gazteari ospea lortzeko; 1963an izan zen, Newporteko Folk Jaialdian. Horrez gain, Baezek Dylanen lehen abestiak zabaldu zituen, eta ospetsu egiten lagundu zion. Dylan maila gorenera iritsi zenean, egoera aldatu egin zen: rocka aukeratu zuen folkaren ordez, eta handitasunez eta mespretxuz hitz egiten zuen bere maitale, lagun eta babesle izan zenaren gainean.

10. Marianne Faithfull eta Mick Jagger. Faithfullek eta Jaggerrek harreman entzutetsu bat izan zuten 60ko hamarkadaren amaieran, eta sormena, festaj eta drogak  izan zituzten nagusi sasoi horretan. Baina gehiegikeriek ondorioak izan zzituzten: 1969ko amaieran, Mariannek gaindosi bat izan zuen Australian, lo egiteko pastilla gehiegi hartuta, eta Erresuma Batura eraman behar izan zuten. Jagger horretaz baliatu zen Anita Pallenbergekin, sasoi hartan Keith Richards taldekidearen neskalaguna zenarekin, harremanetan hasteko.