Monthly Archives: June 2011

Paulina Rubio atxilotu dute Miamin

Miamitik heldu zaigu albistea: Paulina Rubio atxilotu egin dute. Artistak auto istripua izan zuen eta, ondoren, poliziei aurre egin zien, TMZ webgunean jakinarazitakoaren arabera, kolpe bat izan zuen ibilgailuarekin eta polizia batek autotik ateratzeko eta espaloi gainean jartzeko eskatu zionean, Paulinak uko egin zion eta ofizialaren kontra gaztelaniaz gaizki-esaka hasi zen, polizia-iturriek jakinarazitakoaren arabera.

Jarrera horren ondorioz, agenteak jakinarazi zion atxilotuta zegoela eta autotik atera, bilurrak jarri eta polizia-autoan sartu zuen. orduan, kantari mexikarra laguntza eske oihuka hasi zen, berak ez zuela ezer egin esanez.

Gezurtero koadrila! Abusatzaileak“, oihukatu zien poliziei. Paulina Rubio, hala ere, ez zuten kartzelara eraman une horretan, semeari bularra ematera etxera joan behar zuela esan baitzuen. Dena den, AEBetako justiziaren aurrean agertu beharko du, desordena publiko eragiteagatik, justiziari oztopo egiteagatik eta autoritate-agente bati obeditzeari uko egiteagatik.

Robbie Williamsek ez zuen zakila atera, ukitu baino ez zuen egin (ikusi bideoa)!

Atzo eman genuen albistea gezurtatu egin dute zenbait lekukok: Robbi Williamsek ez omen zuen zakila atera Take Thatek Dublinen eman zuen kontzertuan. Eskua galtzen barruan sartu eta bere genitalak ukitu besterik ez omen zuen egin…

Hori da behintzat bertan izandako batek Youtuben sartutako bideo honetan erakutsi duena. Ikusi bideoa!

Robbie Williamsek zakila erakutsi du kontzertu batean

82.000 pertsona bildu omen ziren Dublinen Take That taldea zuzenean ikusteko eta, kontzertuaz gozatzeaz gain, bestelako ikuskizun bat ere izan zuten bertaratutakoek, Robbie Williamsek zakila erakutsi baitzuen kontzertuan.

Rock DJ” kantua abesten ari zirenean, kantari britainiarrak eskua galtzetara eraman zuen eta, larrua jotzeko itxurak egiten ari zen bitartean, zakila atera zuen.

Kontzertuan zeudenak harri eta zur gelditu ziren, batik bat, lehen iladatan zeudenak. Dena den, zenbaitek “harro” zegoela ere adierazi zuen, gertatutakoa ikusteko “pribilegioa” izan zuelako. Ez dakigu Take That taldeko gainerako kideek nola hartu zuten gertatutakoa.

Gogora dezagun, Manchesterreko taldea 1990ean sortu zela eta Robbie Williamsek 1995ean taldea utzi zuela bakarkako bideari ekiteko (eta txutxu-mutxuek diotenez, euren arteko harremana ona ez zelako ere bai). Beraz, horren ondorioz, taldea desegin egin zen. 2005ean, ordea, Williams ez beste taldekideak berriz elkartu ziren eta taldearen bideari berriz ekitea erabaki zuten.  Izandako arraksta ikusirik, 2010ean elkartu egin zitzaien Robbie.

Shakira eta Pique lehen urteurrena ospatzen ari dira Parisen

Modako bikotea osatzen dute Shakira kantari kolonbiarrak eta Pique futbolari katalanak. Eta, agian azkar pasa zaigu, baina urte bat bete da bikote honen maitasuna sortu zenetik. Eta zein da horrelako urteurren bat ospatzeko leku onena? Maitasunaren hiria, Paris. Bertan izan dira egunotan eta eskutik helduta Frantziako hiriburuko kaleetan ibili dira, kantariak duela pare bat egun Bercy estadioan emandako kontzertuaren ostean egun batzuk hartu elkarrekin egoteko.

Duela urtebete Ibizako hotel batetik ateratzen harrapatu zituzten argazkilariek. Orduan, gezurtatu egin zuten albistea. Shakirak “waka-zurrumurru” bat besterik ez zela adierazi zuen. Baina denborak bere lekuan jarri ditu gauzak eta, orain, une honetan prentsa arrosaren munduan den bikote melatsuena osatzen dute, elkarrekiko maitasun adierazpen etengabeak egiten baitituzte.

Zorionak eta urte askotarako Shakira eta Pique!

David Bisbal eta Elena Tablada, banantzeko zorian

Zurrumurru hau ez da berria, aspaldi dabil bolo-bolo, baina badirudi baieztatzear dela: David Bisbal eta Elena Tablada banandu egingo dira. Ella izeneko euren alaba jaio aurretik ere baziren haustura zurrumurruak baina, haurraren jaiotzan isildu egin zituen. Orain, bataioaren ostean, berriz piztu dira.

Tablada familiak gezurtatu bazuen ere, Ellari Miamin egindako bataioan Bisbalen sendiari oso harrera txarra egin omen zioten. Tira, agian hori ez da banaketaren arrazoia izango baina, beste faktore bat izan daiteke. Nagusia, jakina, maitasuna bukatu zaiela.

Zurrumurruak zurrumurru, ez zaie ia inoiz elkarrekin ikusten. Elena festa dexentetan ibiltzen da azken aldian, baina lagunekin joaten da, sekula ez Davidekin.

Ikusi beharko dugu ea udan oporretara elkarrekin doazen edo bakoitza bere kasa doan. Horrek argituko ditu gauzak.

Britneyren hirugarren ezkontza bidean izan daiteke

Duela aste batzuk kontatu genizuen Britney Spears ezgaituta dagoela psikologikoki eta aitaren zaintzapean dagoela 2008tik. Hori dela eta, oraingoz ezingo zuela ezkondu zirudien. Baina hala ere, badirudi Poparen Printzesak hirugarrenez ezkontzeko erabakia hartu duela.

Itxura denez, Jason Trawick mutil-lagunak (artistaren ordezkaria da bera) Hollywoodeko erara ezkontzeko proposamena egin diola, etxeko beheko solairua larrosaz eta kandelaz beteta eta diamantezko eraztuna oparitu ziola.

Noiz izango den ez dute esango. Aitaren baimena beharko al du ezkontzeko? Badirudi baietz. Ez dakigu aitak zein iritzi duen artistaren azken mutil-lagunaz.

Gogora dezagun 30 urteko kantaria bi aldiz egon dela ezkonduta. 2004ko urtarrilaren 3an Jason Allen Alexander aspaldiko lagunarekin ezkondu zen Las Vegasen. 55 ordu geroago, bikoteak ezkontza ezeztatu zuen, itxura denez, gehiegi edan zutelako eta ezkondu zirenean ez zeudelako euren kordean. , berriz, Kevin Federlina dantzariarekin ezkondu zen. 2006ko azaroaren 6an dibortziatu ziren Jayden James bigarren semea jaio eta berehala. Aurret8ik beste mutiko bat izan zuten, Sean Preston.

Shakira… haurdun?

Zurrumurrua berehala ari da zabaltzen Interneten:  Shakira… haurdun dago? In Touch aldizkariak behintzat, hori adierazi du.

Inork ez du albistea baieztatu baina duela urtebete artista kolonbiarrak esan zuen 2011n haurdun egongo zela. Beraz, ez litzateke hain harritzekoa izango erabaki hori hartu izana. Eta Piquerekin daukan maitasun-istorioa hain sutsua dela ikusita, ez dago halakorik baztertzerik… Kontrakoa esaten duten arte, behintzat!

Almeriako kontzertua bertan behera utzi izanak piztu ditu zurrumurruak. Baina, egia esan, larunbatean Bilbon aritu zen kantari ezaguna (guztiak gustura utzi ez bazituen ere…).

Hemendik aurrera, Shakiraren sabelari begira izango gara denak! Ala Twitter bidez baieztatuko ote du Piquek albistea?? Edo gezurtatu egingo al dute??

Cameron Diaz: hegazkinetan ezezagunekin sexu-harremanak izatea da nire kirol gustukoena

A zer nolako aitorpena egin duen Cameron Diazek. 38 urteko aktore estatubatuarrak argazki-saio bat egin du Maxim aldizkariarentzat barruko-arropatan eta emandako elkarrizketan aitortu duenez, hegazkinetako komunetan ezezagunekin sexu-harremanak izatea da bere kirol gustukoena.

“Kirol” hori ote dago ile-horiaren  gorputz ikusgarriaren atzean?

Auskalo! Genetikak eraginik izango du, seguru, eta zaindu ere egingo da. Baina tira, kirola sexu gisa definitzen duela ikusita, gartsua izan behar du emakume honek! Gainera, sexu hitza bera ere asko gustatzen zaiola esan du.

Aitorpen horiek promozioarekin lotura ere badute, jakina, izan ere, Diazek laster film bat estreinatuko du: Bad Teacher. Zeresana eman nahi zuen, nonbait, eta lortu du.

Gainontzean, ez da hain garai ona aktore ezagunarentzat, berriki eten baitu Alex Rodriguez beisbol jokalariarekin zeukan harremana.

Justin Bieber eta Selena Gomez… ezkontzear??

justinbieber_selenagomez17 eta 18 urte baino ez dauzkate Justin Bieberrek eta Selena Gomezek baina badirudi, artista kanadarrak ezkontzeko eskaera egingo diola bere neska-lagunari. Eta noiz eskatuko dion ere argi omen dauka Bieberrek. Uztailaren 22an. Egun horretan 19 urte beteko ditu Selenak eta beretzat prestatzen ari den urtebetetzen festan egin nahi dio eskaera.

Sean Kingston raperoaren laguna da kantari kanadarra eta hark izandako istripu larriak bizitzaren balioari buruzko hausnarketa ekarri dio Bieberri.

Hori guztia adierazi du aldizkari ingeles batek. Egia den edo ez jakiteko, uztailaren 22ra arte itxaron beharko dugu. Ea zer gertatzen den Selena Gomezen urtebetetzean.

Justin Bieber eta Selena Gomez… ezkontzear??

17 eta 18 urte baino ez dauzkate Justin Bieberrek eta Selena Gomezek baina badirudi, artista kanadarrak ezkontzeko eskaera egingo diola bere neska-lagunari. Eta noiz eskatuko dion ere argi omen dauka Bieberrek. Uztailaren 22an. Egun horretan 19 urte beteko ditu Selenak eta beretzat prestatzen ari den urtebetetzen festan egin nahi dio eskaera.

Sean Kingston raperoaren laguna da kantari kanadarra eta hark izandako istripu larriak bizitzaren balioari buruzko hausnarketa ekarri dio Bieberri.

Hori guztia adierazi du aldizkari ingeles batek. Egia den edo ez jakiteko, uztailaren 22ra arte itxaron beharko dugu. Ea zer gertatzen den Selena Gomezen urtebetetzean.