Monthly Archives: September 2012

Liam Hemsworth eta Miley Cyrusen bizitza sexuala pil-pilean dago

Miley Cyrus eta Liam Hemsworth

Abeslariaren esanetan, bikotea euren harremanaren unerik beroenetako batean dago. Zale guztiak txundituta utzi ditu Mileyk The Enquirer egunkarian bere harreman sexualen berri emanda. Bikoteari etxeko leku guztietan egitea gustatzen zaiola, eta ezohiko leku eta uneetan egiten dutela esan du.

Badirudi ezagutzen genuen Hannah Montana aspaldi utzi zuela atzean Mileyk. Bikotearen sexu harremanak “oso basatiak” direla esan du, eta bikotekideak erabat asetzen duela. Horren esanetan, sexuaren kalitatea da bikote-bizitza zoriontsua izateko lehen baldintza.

Oraindik ez dakigu Liamen iritzia, baina neska-laguna bezain sutsua izango ote da?

Billie Joe Armstrongek burua galdu du

Green Day taldeko abeslariak sekulako showa eman zuen iHeart Radio festibalean, Las Vegasen. Antza denez, punk taldearen kontzertuari minutuak kentzea erabaki zen Usher abeslariari denbora gehiago emateko.

“Basket Case” kantu ezaguna jotzen ari zen taldea, Armstrongi kartel baten bidez kontzertua bukatzeko minutu bat besterik ez zutela esan ziotenean. Orduan hasi zen benetako ikuskizuna… Abeslariak gitarra lurraren aurka hautsi eta ikusle artera bota zuen. “Ni ez naiz Justin Bieber madarikatua! 1988tik jotzen dut! Hau txantxa izan behar da!” eta antzeko adierazpenak oihukatuz bukatu zen Green Day taldearen emanaldia. Mike Dirnt baxu-jotzaileak ere txikitu zuen bere musika-tresna, eta “fuck you!” batez agurtu zen taldea.

Taldeak barkamena eskatu du jada, Facebook bidez, eta abeslaria desintoxikazio zentro batean sartuko dela tratamendua hasteko iragarri du. Askoren ustez, festibalean emandako ikuskizunak lotura zuzena du abeslariak droga kontsumitzearekin. Zuek zer uste duzue?

Liam Gallagher, partida batean, musuka

Astearte gauean, Madrilera bidaiatu zuen Oasis taldeko bokalista ohiak, Manchester City futbol taldea animatzeko asmoz Real Madrilen aurkako partidan, baina, antza, ez zuen lortu partidaren amaiera ikustea… Polemika sortzeagatik dugu ezagun abeslaria, eta asteartean ere ez gintuen esku hutsik utzi. Bere taldeak gola sartu bezain laster, artista zelaira jaitsi zen eta segurtasun agente bati sekulako musua eman zion!
Gallagher Santiago Bernabeutik egotzi zuten, eta horren erokeria Twitterren pil-pilean dago ordutik. Partida Real Madrilek irabazi zuen, baina zeresana Gallagherrek eman du.

Justin Bieber, nekeak jota

Justin Bieber. Argazkia: twitter

Nekeak eta estresak jota omen dago Justin Bieber abeslari kanadiarra. Hori jakinarazi du Twitter sare sozialaren bidez. Agenda erabat beteta du, bidaiak, promozio ekitaldiak eta kontzertuak baititu ia egunero. Estresagarria, benetan!

Hori dela eta, atseden hartzea erabaki du, eta oporrak behar dituela iragarri du. Hori bai, ez omen du parrandarik egiteko asmorik, indarberrituta itzuli nahi baitu lanera laster.

Ez da garai lasaia artista gaztearentzat; izan ere, Selena Gomezekin duen harremana ere hizpide da azken egunotan mundu osoko hedabideetan. Joan den astean, bere bikotekidearekin ezkontzeko asmorik ba ote zuen galdetu ziotenean, barrez hasi zen, urduri. Erreakzio horrek zalantza asko eragin ditu amodio istorio horren inguruan.

Amy Winehousen lehentasun gastronomikoak

Amy Winehouse. Argazkia: EFE

Urte bete baino gehiago igaro da Amy Winehouse abeslaria hil zenez gero, baina bere inguruko albiste eta bitxikeriek ez dute etenik. Orain ezagutu dugun datuak zur eta lur utzi gaitu: Mercadonako patata-tortilla oso gustuko omen zuen.

Mitch Winehouse Amyren aitak bere alabari buruzko liburua argitaratu du. Artista britainiarraren nondik norakoez gain, bien artean zuten harremana ere aztertu du. Horren guztiaren berri emateko, Vanity Fair aldizkariak Londreseko Jazz After Dark pubean elkarrizketatu du.

Alabaren arrakasta eta porrotei buruz mintzatu zen Mitch luze eta zabal, galderaz galdera. Bat-batean, ordea, Sam Shaker tabernako jabeak Amyren ahultasunetako bat agerian utzi eta Mercadonako patata-tortilla asko gustatzen zitzaiola aitortu zuen!! Berak ekartzen omen zion Espainian oporretan izaten zen bakoitzean. Harrigarria, ezta?

Rihannaren tatuaje berria

Amona omentzeko era berezia aukeratu du Rihannak. Izan ere, tatuaje berria egitea erabaki du bularraren azpian. Isis jainkosa egiptoarraren irudia aukeratu du, eta twitter sare sozialaren bidez zabaldutako argazkian erakutsi digu.

Rihannaren tatuaje berria. Argazkia: twitter

Uztailean hil zen Grand Dolly, minbizia ezin gaindituta. Zenbait kontzertu bertan behera uztea erabaki zuen Barbadoseko abeslariak, oso triste sentitzen zelako. Orduz gero, oporretan ibili da munduan barrena, eta bere nondik-norakoen berri eman digu sare sozialen bidez.

Musika arloan, Talk That Talk Tour biran murgildu da berriz ere. Horrez gain, “We found love” kantaren bideoklipa urteko bideorik onena aukeratu zuten MTV Video Music Awards sarietan. Amodio kontuetan ere ari da zeresana ematen Rihanna. Askok diotenaren arabera, Chris Brownekin zuen harremanari berrekin dio, joan den astean MTV galan elkarri musu eman ziotelako.

Pilar Rubioren itxura aldaketa

Askok udazkena aukeratzen dute ile-apaindegira joan eta itxura goitik behera aldatzeko eta horren adibide dugu Pilar Rubio aurkezlea.

Hamlet taldeko abeslariaren neska-lagunak askotan erakutsi digu bere benetako looka ez dela telebistan erakusten duena. Alegia, nahiago dituela arropa beltzak eta tatxetak dituzten jantziak kamera aurrean jartzen dizkioten soineko dotoreak baino.

Bestela ikusi modelo begi-urdinak ilean jarri duen kolore berria. Gainera, itxura rockeroa eman dio bere ohiko orrazkerari eta argazkian ikus dezakezuen bezala, irudi oso modernoa erakutsi du Mercedes Benz Madrid Fashion Weeken.

Zer iruditzen zaizue? Gustuko duzue bere look berria?