Monthly Archives: September 2011

Pittek milioi bat dolar eskaini dio Anistoni

Duela egun batzuk Brad Pittek bere emazte ohiari buruzko adierazpen batzuk egin zituen, eta horren ondoren, zurrumurru harrigarri bat zabaltzen ari da. Dirudienez, Anistoni milioi bat dolareko diru kopurua eskaini dio aktoreak, berarekin eta bere emaztearekin argazki bat ateratzearen truke.

Jenniferrek eta Bradek euren harremana hautsi zutenean, pelikulako “gaiztoa” Brad izan zen, izan ere, berak engainatu zuen Friends telesaileko aktorea Angelinarekin. Gainera, duela egun batzuk Pittek Anistonekin zuen bizitza aspergarria zela esan du, eta horrek ez du bere itxura batere hobetu.

Anistonek, aldiz, beti jarrera diskretua izan du, eta ez du inoiz bere senar ohiari buruzko adierazpenik egin. Normala den bezala, Brad Pitten azken adierazpenak ez dira inolaz ere Jenniferren gustukoak izan.

Bere adierazpenak leundu nahian, edo bere emazte ohiarekin duen harremana ona dela frogatu nahian, milioi bat dolar eskaini dio Anistoni, berarekin eta bere bikotekidearekin argazki bat ateratzen badu. Gainera, diru hori Anistonek aukeratzen duen karitate obrari zuzenduko duela adierazi du.

Orain arte ez da harremanik egon Anistonen eta Pitten artean, eta dirudienez, ez da horrelakorik gertatuko. Izan ere, Jenniferrek bere duintasuna ez du alde batera utzi, eta ezetz esan du.

Justin Bieber, borroka batean

Los Angeleseko kaleetan gertatutako borroka baten pertsonaia nagusia izan da Justin Bieber. Hori erakusten duen bideo bat zabaldu dute Youtuben, eta bertan ikus dezakegu abeslaria mutil talde bati ostikoak eta bultzadak ematen, beste mutil batek banantzen dituen arte.

Gazteak mutil baten aurka egiten duela ikusten da bideoan eta espaloira botatzen du. Ondoren, beste baterengana joaten da eta indarkeriaz eraso egiten dio. Borroka hor amaitzen da eta ez da gehiago gertatzen, izan ere, “bullying”aren aurkako iragarki baten kanpainarako grabatutako agerraldi bat da Youtuben ikus daitekeen bideoa.

Irudi hauek Youtuben filtratu zituzten fikziozkoloak zirela jakinarazi baino lehen, eta ziur aski jarraitzaile askok ustekabe handia hartu zuten artista horrelako istilu batean ikustean.

Hala ere, Selena Gomez (bere bikotekidea) eta bere miloika jarraitzaileak lasai egon daitezke, irudi horiek “bullying”aren aurkako publizitate kanpaina baten irudiak dira eta.

Justin Bieber Street Fighting? por splashnews

Victoria Beckham, bere alabaren diseinatzaile

Victoria Beckhamen alaba jaio zenetik, edonon ikus dezakegu britainiarra berarekin. Pozik egongo da Victoria oraingoan neska bat izan duelako, horrela, bere alabarentzat diseinatu ahal izango du eta. Ez du asko itxaron, eta dagoeneko soineko bat diseinatu du bere alaba kutunarentzat.

Aste honetan bertan, Victoriak twiterrera igo du Harpen Seven bere alabarentzat egin duen soinekoa. Katu urdin txikiak ditu soinekoak eta hori kolorekoa da. Soinekoa tiranteduna da eta aurreko aldean begizta bat du.

Beckhamek berak egindako diseinu baten oso antzekoa da bere alabarentzat egin duena. Izan ere, estanpatu berdina erabili du bere jantzien bilduman, Victoria by Victoria Beckham.

Askok diote futbolariaren emaztea orain umeentzako arropak diseinatzen hasi daitekeela. Moda hain gustuko izanda eta alabari egindako soinekoa ikusita, ez litzateke harrigarria izango, ezta?

Azken argazkikoa ez zen Scarlett Johansson

Scarlett Johanssonen argazki intimoak sarean zabaldu dira azken egunotan. Baina, zabaldu duten hirugarren argazkian agertzen den neska ez da Johansson. Argazkiak ez du inolako ukiturik, eta pertsona askok argazkia zabaltzean aktorea bera zela uste zuten arren, oker zeuden. Eta zein da ba neska? Scarletten antzekoa den porno aktore bat da argazkian ageri dena.

Beraz, argazki hau ez diote aktoreari lapurtu. Beste batzuek, Justin Timberlakerekin zegoenean honek ateratako argazkia izango ote zen zioten. Baina, ez da horrelakorik gertatu, argazkikoa ez baita Johansson.

Aktore ospetsuak gertakari hauek ahaztu nahi izan ditu, eta Milaneko Modaren Astean ikusi ahal izango dugu duela egun batzuk, Dolce & Gabbanaren desfilean.

Scarlett Johanssonen argazki berri bat, sarean

Aurreko astean Scarlett Johanssonen argazki intimoak zabaldu zituzten sarean, eta orain, aktore estatubatuarraren hirugarren argazki bat zabaldu dute. Argazki hau ez du aktoreak berak atera, argazkia begiratuta, beste pertsona batek atera diola dirudi eta.

Argazki berri honetan, ohean etzanda agertzen da estatubatuarra, eskuineko eskuan boligrafo bat duela, irakurtzen duen bitartean.

Johanssonen mugikorra hackeatu zuten, eta ondoren, Interneten publikatu zituzten aktorea biluzik agertzen diren argazkiak. Mary Singerrek, aktorearen abokatuak, argazki horiek Internetetik ezabatzea eskatu zuen pasatu den astean. Eta komunikatu batean irudien jabea Johansson dela dio: “Argazkiak oso pertsonalak eta pribatuak dira, nire bezeroa bere etxean baitago”, esan zuen Singerrek, eta webguneen jabeek bere eskaerak ez badituzte betetzen, “arriskuan egongo direla” ere adierazi zuen.

Horren bitartean, argazkiak publikatu dituzten horiek harrapatu nahian jarraitzen du FBIak, ikerketarekin aurrera jarraitzen dute eta.

Xabi Prietoren emaztea, haurdun

Xabi Prietok, Errealeko jokalariak, eta Amaia bere emazteak, ume bat izango dute. Maiatzaren 28an ezkondu zen bikotea hiriburu gipuzkoarrean, eta dagoeneko Amaia haurdun dago. Gazteako Dida! Saioan eman dute gaur goizean albiste horren berri.

Liga amaitu eta berehala ezkondu ziren Xabi Prieto eta Amaia Donostian. Egun berean Andoni Iraola, Athleticeko jokalaria, ezkondu zen. Usurbildarra Itziar izeneko neska batekin ezkondu zen. Gainera, bere eztei-bidaia atzeratu egin behar izan zuen, izan ere, Vicente del Bosquek Espainiako Selekzioarekin lagunarteko partidu batzuk jolasteko konbokatu zuen.

Pozik egongo dira, eta ez zaie arrazoirik falta. Zorionak bikote!!

Famatuak hegazkinean

Pertsonaia ospetsuek etengabe bidaiatu behar izaten dute, eta askotan, hegazkinetan eskandalu handiak eragiten dituzte. Skyscanerrek (bidaien bilatzaile webgune nagusiak) hegazkinetatik bota dituzten famatuen zerrenda bat egin du, eta hemen ikus ditzakezu horietako batzuk:

1. Gerard Depardieu: Duela aste batzuk aktore frantziarra albiste izan zen. Izan ere, aktore frantziarrak edan egin zuen hegazkina hartu baino lehen, eta komunera joateko baimena eskatu zuen. Komunak itxita zeuden, eta hegazkineko tripulazioak 15 minutu itxaron beharko zituela esan zion. Dirudienez, aktoreak ezin zuen gehiago eta bere eginbeharrak Air France hegazkineko pasilloan egin zituen.

2. Billie Joe Armstrong: Green Day talde estatubatuarreko kidea hegazkinekin bota zuten galtzak oso behean zeramatzalako. Dirudienez, aireratzea baino lehen, hegazkineko zerbitzariak galtzak igotzeko eskatu zion, eta hauxe erantzun zion artistak: “Ez al duzu egiteko gauza hoberik?”. Ondoren, eztabaida bat izan zuten eta abeslaria hegazkinetik bota zuten.

3. Melendi: Iberiako hegaldi batean, abeslaria eta bere lagun batzuk hegazkinean edaten ibili ziren eta “jarrera oldarkorra eta iraingarria” izan zuten. Edari gehiago eskatu zuten, eta hegazkineko zerbitzariak ezetz esan ondoren, taldearen jarrera askoz oldarkorragoa izan zen. Tripulazioak komandanteari honen berri ematean, honek Madrilera itzultzea erabaki zuen.

4. Naomi Campbell: 2008an modeloa haserretu egin zen eta hegazkineko tripulazioa iraindu zuen. Honen aurrean, poliziak modeloa kanporatu egin zuen.

5. Ivana Trump: Hegazkin batean ume zaratasu batzuk zeuden, eta modeloa umeei garrasika hasi zen. Berarentzat kaltegarria izan zen hori, umeak kanporatu beharrean, bera bota baitzuten hegazkinetik.

6. David Hasselhoff: British Airwayseko hegazkin batera sartzen saiatu zen 2006an aktorea. Baina, oso mozkorra zegoen eta ez zioten sartzen utzi. Beraz, hurrengo hegaldia hartu behar izan zuen Los Angelesera joateko.

7. Dizzee Rascal: Heathrowtik Portugalerantz zihoan artista, eta arazo teknikoak zirela eta hegaldia atzeratu egin zen. Rascal haserretu egin zen, eta irain eta bertako langileak iraindu zituen. Poliziak kanporatu egin zuen eta ez zen Portugalen zuen kontzertura iritsi.

8. Justin Bieber: Abeslari gazteak ez zuen segurtasun uhala jantzi, eta “business” klasetik joan eta klase ekonomikoko jendearengana joan zen hitz egitera. Bere jarrera ez zela egokia erabaki zuten, eta horrela esan zioten: “ume baten jarrera eduki duzunez, tratu hori emango dizugu”.

9. Ian Brown: Parisetik Manchesterra zihoala, Stone Roses taldeko abeslari ohiak hegazkineko zerbitzari bati mehatxatu zion, eta eskua moztuko ziola esan zion. Ondoren, kabinako atea jotzen hasi zen. Gertakari horren ondorioz, Brown kartzelaratu egin zuten lau hilabetez.

10. Christian Slater: Lizentziarik gabeko pistola bat zuen eta hegazkinera sartzen saiatu zen. Atxilotu egin zuten, baina aktoreak zortea izan zuen. Izan ere, hiru egunetan gizarte-lan komunitarioak soilik egin behar izan zituen.

Non daude Shakira eta Piqué?

Shakiraren eta Piqueren arteko harremanaren berri etengabe izan dugu azken hilabeteotan, baina azken hilabete honetan ez dakigu ezer bikote ospetsu honetaz. Agenda oso beteta dute ala bien arteko harremana hoztu egin da? Izan ere, oso bitxia da hainbeste agerraldiren ondoren, orain bikotearen arrastorik ez izatea.

Eurek publikatu zuten Twitterren euren erlazioa. Bikotearen lehenengo irudia iraultza bat izan zen, eta argazkiak izan zuen arrakasta ikusita, bikoteak ez zuen zalantzarik izan eta lotsarik gabe erakutsi zuten euren maitasuna.

Ordutik aurrera bikotearen milaka argazki eta bideoak ikusi ditugu, eta Shakira Barçaren jarraitzaile sutsua bilakatu da maitasunagatik… Erromantizismo ugari ikusi dugu orain arte, eta jendea nekatu ere egin da. Izan ere, jendearen iritziz, bikote gogaikarriena osatzen dute.

Gehiegizko informazioa izan dugu, eta orain non dago bikotea? Duela hilabete ez ditugu inon ikusi, eta hainbeste argazkiren eta bideoren ostean, oso bitxia da… Publikoaren iritzia kontutan izan dute, edo dagoeneko ez dago pasiorik?

Beyonceren umea neska izango al da?

Beyonceren umea neska izango da, horrela adierazi du behintzat MediaTakeOut.com webguneak. Izan ere, iturri honen arabera, Jay Z-ren arrebak, Anniek, Christian Loubotini neurrira egindako arrosa koloreko bota txiki batzuk eskatu dizkio.

Abeslariak bere haurdunaldiaren berri eman zuenetik, mundu guztiak jakin nahi du zein izango den umearen sexua, eta sekretuan mantendu nahi izan duen arren, laster iritsi dira umearen sexuaren berriak. Eta, dirudienez, neskato txiki bat izango du kantariak.

2010 urtean, abeslariaren eta senarraren artean, 88 milioi dolar lortu zituzten, eta horrelako diru kantitatearekin, neurrira egindako bota batzuen kostua huskeria bat da bikotearentzat. Iturri berdinaren arabera, sei hilabete itxaron beharko ditu bikoteak haurraren botak ikusteko.

Gainera, abeslariak egunero masajeak jasotzen ditu eta ildaskak saihesteko lozio garestiak erosten ditu. Haurdunaldia hasi besterik ez du egin, eta dagoeneko diru asko ari da gastatzen artista.

Momentuz, bikoteak ez du adierazpenik egin, baina dirudienez, neska bat izango da Beyonceren umea.

Bill Kaulitzen look aldaketa

Bill Kaulitzen (Tokio Hotel taldeko abeslaria) irudia beti izan da oso bitxia, eta oraingoan ere, bere itxurarekin arreta bereganatzea lortu du. Izan ere, Alemaniako hainbat egunkaritan azaldu da look berriarekin. Horretaz gain (gezurra badirudi ere), albistegi alemaniar guztietan aipatu dute musikariaren orrazkera berria.

Argazki honetan ikus dezakegun bezala, orain ile horia du Kaulitzek. Gainera, bizarrarekin eta tamaina handiko eguzkitarako betaurrekoekin agertu da artista duela egun batzuk.

Hasiera batean bera dela sinestea zaila egiten den arren, argazkia bi aldiz begiratuta, ez dago zalantzarik… Beraz, dagoeneko iraganeko kontua da bere ile luze eta beltza, eta orain itxura oso desberdina du Kaulitzek.

Ziur aski rock taldeko izarraren jarraitzaileek ere ez zuten horrelako look aldaketarik espero, baina abeslaria itxura berri honekin ikustera ohitu beharko dute. Ez dute beste aukerarik.