Author Archives: Lady Rox

Elsa Pataky eta Chris Hemworth Donostiatik dabiltza

Euskadi Irratiak gaur goizean jakinarazi duenez, bart Donostiatik paseatzen ikusi dituzte Elsa Pataky eta Chris Hemsworth. Dirudienez, oporrak hartu ditu Hollywoodeko bikote ezagunak, duela egun batzuk Instagram bidez erakutsi baitzuten Sizilian zirela egun batzuk pasatzen.

Behin Italia utzita, Euskal Herrira etortzea erabaki dute, negutik aldendu nahian-edo. Dakizuenez, Australian bizi dira haien seme-alabekin batera, eta orain negua da bertan. Horregatik, guztiak elkarrekin, Donostiara etorri dira aisialdiaz disfrutatzera eta hondartzan egun batzuk igarotzera.

Oraingoz, ostera, ez dute sare sozialen bidez azken bidaia honetako informazio edo argazkirik zabaldu. Dena den, adi egon beharko dugu hurrengo orduetan, beharbada non bazkaldu duten edo hondartzara joan diren ala ez kontatuko baitigute.

Barbara Goenaga, haurdun

Barbara Goenagak eta Borja Semperrek albiste onak dakartzate. Aktore gipuzkoarrak Diez minutos aldizkariari jakinarazi dionez, haurdun dago. Hala, bikoteak bigarren umea izango du elkarrekin. Goenaga, bere aldetik, Aranen ama da. Duela urte batzuk Oscar Jaenada aktorearekin izandako harremanetik jaio zen Aran. Gainera, Borjak Pablo izeneko haurra dauka (bere lehenengo emaztearekin izan zuen Pablo).

Bikoteak ez zeukan albistea emateko asmorik, baina haurdunaldiaren berria kuxkuxeroen ahotik atera baino lehen, nahiago izan dute haurdun daudela eta guztia bide onetik doala iragarri.

Lagun batzuren bitartez ezagutu zuten elkar 2014an, Donostian, baina hilabete batzuk geroago hasi zuten harremana. Hasiera batean askorentzat sorpresa izan zen Goenagaren eta Semperren arteko harremana, baina urteen joan-etorrian elkarrekin oso pozik daudela adierazi dute behin baino gehiagotan.

Haurdunaldiari dagokionez ere, “oso pozik” agertu da Goenkaleko aktore ohia.

Mariah Careyk nahasmendu bipolarra pairatzen du

Kezka eragin du jarraitzaileen artean Mariah Carey abeslariaren osasun egoerak. People aldizkariari kantariak berak aitortu dionez, nahasmendu bipolarra pairatzen du, 2001az geroztik.

Hasiera batean ez zuen sinetsi nahi izan, eta jarrera ezezkorra erakutsi zuen Careyk sendagileen diagnostikoaren aurrean. Nolanahi dela, urte zailak igaro ostean, tratamendua hastea izan zen aukera bakarra. “Duela gutxira arte ez nuen onartu nahi, isolamenduan bizi nintzen eta sekulako beldurrarekin”, adierazi du aipatu elkarrizketan. Hartara, konponbide bat bilatzen saiatu zen “zama handiegia zeukalako gainean eta ezin nuelako musikarik egin”.

Gaur-gaurkoz tearpia egiten eta botikak hartzen dabil bera, depresio eta hipomanía tarteak nozitzen dituelako. Horrek guztiak suminkortasuna, loezina eta hiperaktibitatea eragiten dio. “Oreka aurkitzea garrantzitsuena da, horretarako medikamenduak hartzen ari naiz, eta ez naute nekatuta sentiarazten”, ziurtatu du.

La Oreja de Van Gogh taldeko Leire Martinez banandu egin da

Ezer gutxi dakigu Leire Martinez abeslari gipuzkoarraren bizitza pribatuari buruz. Nolanahi dela, La Oreja de Van Gogh taldeko kantariak banandu egin dela iragarri du Twitter bidez, jarraitzaile guztiak aho bete hortz utzita.

“Espekulazioak saiheste aldera, eta batik bat nire semea babesteko, banandu egin naizela jakinaraztea erabaki dut. Dibortzioa bideratzen gabiltza orain”, aitortu du Leire Martinezek. “Bizitzen ari garen une zailak kontuan izanda, komunikabide eta jende guztiari eskertu nahi diet nire bizitza eta nire semearena errespetatzea, orain arte egin duzuen bezala”, bukatu du.

2015ean jaio zen bere semea

2014an ezkondu zen Jacobo Rodriguez Bustamanterekin Donostian. Urtebete geroago haien semea jaio zen.

Jon Kortajarenari eraso egin diote, asteburuan, Londresen

Jon Kortajarenak bizipen latza izan zuen asteburuan, Londresen. Ibizan atsedenaldi egun batzuk igaro ostean, britainiar hiriburura abiatu zen modelo bilbotarra, oporrak bertantxe amaitzeko. Halaxe adierazi du berorrek sare sozialen bidez, gertukoekin harremanetan jartzeko beste aukerarik izan ez duela azalduz.

Hasiera batean egundoko sustoa hartu zuen, baina dagoeneko ondo dagoela adierazi die senitartekoei Kortajarenak.

Dirudienez, Shoreditch auzoko kaleetan barrena zihoala, hainbat norbanakok eraso egin zioten. Indarra erabilita, gainean zeramatzan gauzak guztiak kendu zizkioten.

Modeloak ez du zehaztu zenbat erasotzailek hartu zuten parte, ezta zauriak zenbaterainokoak izan diren ere. Alabaina, jarraitzaileekin, lagunekin eta familiarekin konpartitu nahi izan ditu asteburuan bizitako une ilunak.

“Bart eraso egin zidaten Londreseko kaleetan. Ez daukat hurbilekoekin harremanetan jartzeko modurik. Ondo nago, soilik nahi dut adierazi indarkeria inoiz ez dagoela justifikatuta. Inolaz ere. Inorena”, idatzi zuen ingelesez eta gaztelaniaz sare sozialetan, mezua jarraitzaile guztiengana zabalduta.

Rihanna mutil batekin musukatzen harrapatu dute

Jakina da Rihanna Espainiako Estatuan dagoela, nahiz eta gutxi batzuk baino ez dakiten zehatz-mehatz non dagoen. Argi dagoena da konpainia onean dagoela, paparazziek mutil batekin musukatzen harrapatu baitute.

Laztanak, xuxurlak, bi xanpain kopa eta hainbat musu irudikatzen ditu prentsa arrosako kazetariek egindako argazkiak. Mutila nor den, aitzitik, ez dago batere argi.

Azken zurrumurruek esaten zuten NBAko Kevin Durant jokalariarekin zebilela Rihanna, baina, egia esateko, Drakerekin harremana hautsi zuenetik, ez du bikote ofizialik aurkeztu.

BET sarien galara huts egin zuen Barbadoseko erreginak, iragan igandean. Dirudienez, Espainiako Estatuan zegoen dagoeneko.

 

Selena Gomez eta The Weeknd abeslaria, elkarrekin

selena_gomez_december_2010_3Badirudi, musikaren munduan bikote berri bat jaioko dela aurki. Selena Gomez eta The Weeknd abeslaria elkarri musu ematen harrapatu dituzte.

Argazkiek erakusten dutenez, oso helduta zihoazen kaletik. Gu geu ez gara izango harremana baieztatzen dugunak, baina jendaurrean hain helduta azalduta, beharbada, zerbait esan nahiko dute, ala?

Kontua da TMZ webguneak zabaldutako argazkia ezustea izan dela askorentzat; tartean, Bella Hadidentzat (The Weeknden bikote ohia). Azaroan hautsi zuten harremana, urte eta erdi elkarrekin egon ostean.

Orain, argazkiak ikusi ostean, sare sozialetan Selena Gomezen jarraitzaile ez izatea erabaki du Hadidek.

2016ko banaketa sonatuenak

angelina_jolie_brad_pitt_cannesAurtengoa ez da maitasun kontuetan urte ona izan pertsonaia ezagun askorentzat. Zalantzarik gabe, Angelina Jolieren eta Brad Pitten arteko banaketa izan da prentsa arrosak eman duen albiste “garrantzitsuena”, baina Hollywoodeko bi aktore horien haserrealdia ez da urteko afera bakarra izan.

Johnny Deppen eta Amber Hearden banaketak ere soka luzea ekarri zuen, baita Mariah Careyren eta James Packerren arteko krisiak ere. Izan ere, Careyk adarrak jarri omen zizkion Packerri, kontzertu biran lagun izan zuen dantzarietako batekin. Bestalde, aipatzekoa da Iggy Azaleak ez ziola Nick Youngi desleialtasuna barkatu.

Bella Hadiden eta The Weeknden arteko harremana, ostera, lagun-giroan bukatu zen, eta lan kontuengatik banandu zirela iragarri zuten.

Hamaika urteren ostean, Liev Schreiberrek eta Naomi Whatsek ere harremana uzteko erabakia hartu zuten, eta uda hasieran iritsi zen Diana Krugerren eta Joshua Jacksonen banaketaren inguruko albistea.

Denetan okerrena, beharbada, Taylor Swiften egoera da. Maiatzean Calvin Harrisekin harremana utzi zuen, Tom Hiddlestonekin egoteko, baina uda ondoren ezkongai geratu zen berriro.

Ezin ahaztu, halaber, Lady Gagaren eta Taylor Kinneyren arteko haustura, ezkontzeko zorian zeudenean utzi baitzuten harremana.

Bukatzeko, besteak beste, Demi Lovato eta Drew Barrymore ere bikoterik gabe gelditu dira 2016an.

Mario Casas eta Berta Vazquez banandu egin dira

mario-casasPalmeras en la nive pelikularen grabazioan ezagutu zuten elkar, eta, badirudi, negua iristear denean, betirako urtu dela Mario Casasen eta Berta Vazquezen arteko harremana.

Hainbat aldizkarik zabaldu dute albistea, aktore biek, ordea, ez dute hausturari buruzko adierazpenik egin.

Dirudienez, Madril erdialdean Bertak duen etxea utzi du Mariok, eta azkenaldian kaletik bakarrik ikusi dute 24 urteko aktorea. Mario, berriz, Roman eta Turkian ibili da oporretan, eta gurasoen etxean bizi omen da orain.

Ez da ustezko krisi baten gaineko zurrumurrua zabaltzen den lehenengo aldia. Ikusteke dago, beraz, bikoteak albistea baieztatzen duen ala ez.

Madonnak felazio bat eskaini die Clintonen hautesleei

607312_madonna_givemeall_foto610x342Madonna abeslariak zur eta lur utzi ditu jarraitzaileak asteartean New Yorkeko Madison Square Gardenen egindako adierazpenekin.

58 urteko abeslaria Amy Schumerren ikuskizuneko gonbidatua izan zen, eta Hillary Clintonen aldeko aldarria egin zuen aipatu emanaldian. Hain zuzen ere, ahozko sexua eskaini zien AEBko presidente izateko hauteskundeetan Clintonen aldeko botoa ematen duten guztiei, hainbat komunikabidek zabaldu dutenez.

“Beno, ni baino dibertigarriagoa den norbaiten txanda da orain agertokian; beraz, ni banoa. Alabaina, taula utzi aurretik, zerbait esan nahi dizuet: Hillary Clintonen alde bozkatuz gero, felazio bat egingo dizuet. Zin egiten dizuet oso ona naizela. Ez naiz inondik inora baldar moldatzen den horietakoa, eta oso serio hartzen dut kontu hori. Felazioa egiten dudan bitartean begietara begiratzea gustatzen zait, eta irentsi egiten dut”, adierazi zuen milaka jarraitzaileren aurrean.