Tag Archives: rihanna

Rihanna mutil batekin musukatzen harrapatu dute

Leave a reply

Jakina da Rihanna Espainiako Estatuan dagoela, nahiz eta gutxi batzuk baino ez dakiten zehatz-mehatz non dagoen. Argi dagoena da konpainia onean dagoela, paparazziek mutil batekin musukatzen harrapatu baitute.

Laztanak, xuxurlak, bi xanpain kopa eta hainbat musu irudikatzen ditu prentsa arrosako kazetariek egindako argazkiak. Mutila nor den, aitzitik, ez dago batere argi.

Azken zurrumurruek esaten zuten NBAko Kevin Durant jokalariarekin zebilela Rihanna, baina, egia esateko, Drakerekin harremana hautsi zuenetik, ez du bikote ofizialik aurkeztu.

BET sarien galara huts egin zuen Barbadoseko erreginak, iragan igandean. Dirudienez, Espainiako Estatuan zegoen dagoeneko.

 

Rihanna eta Benzema, elkarrekin

Leave a reply

benzemaRihannak Leonardo DiCapriorekin bikote-harremana hasi zuela zabaldu zuten hainbat hedabidek duela denbora gutxi. Orain, berriz, Barbadoseko abeslariak amorante berria daukala diote iturri ezberdinek.

Hain zuzen ere, Karim Benzema Real Madrileko futbolariarekin lotu dute Rihanna. Dirudienez, futbol-jokalariaren eta kantariaren arteko hitzordu berri baten lekuko izan dira paparazziak.

New Yorken elkarrekin ikusi zituztenean zabaldu ziren ustezko harreman baten gaineko lehenengo zurrumurruak. Orain, aste honetan, batera egon omen dira berriro.

Gauzak horrela, gutxienez hiru alditan ikusi dute elkar Rihannak eta Benzemak.

Rihannak tenperatura igo du

Leave a reply

Konturatu orduko negu gorrian sartu gara, baina, aste honetako protagonista den hotzari aurre egiteko, Rihannak argazki bero-beroak igo ditu Instagramen daukan kontura.

rihanna1

Hain zuzen, Esquire aldizkariarentzat egindako argazki-erreportaje bateko irudiak dira hauek. Horietan, beste behin ere, jarrera sexyan eta edonor erakartzeko moduan azaldu da Barbadoseko abeslaria.

rihanna2

Txundigarriak benetan argazkiak; aho bete hortz geldituko dira seguru asko baten batzuk.

rihanna3

Oraingoan hitzak soberan daude. Horregatik, irudiz hornitu dugu txutxu-mutxuen bloga. Gozatu ederra hartzera gonbidatzen zaituztegu!

Rihanna, Cristiano Ronaldoren atzetik

Leave a reply

rihannacrisDuela astebete zabaldu zen berria Interneten: Rihanna, Cristiano Ronaldoren atzetik omen dabil. Hori da behintzat, elkarrekin argazki bat atera zutenetik,  etaTwitter bidez, Barbadoseko erregina Real Madrileko futbol-jokalariari eztenkadak botatzen hasi zenetik, hainbat komunikabidek esan dutena.

Astebete geroago, zurrumurrua bueltaka dabil oraindik, batez ere, txioetako batean “nire umea” deitu diolako. Zer ezkutatzen dute bi hauek? Eta zein da Irina Shayk modeloak zurrumurru horren inguruan duen iritzia?

Oraingoz ez dugu istorio honen gaineko datu gehiagorik. Argitzeke dago nola ezagutu diren, baita Cristianok mezuak erantzuten dizkion ala ez.

Lortuko al du Rihannak futbolaria gatibu hartzea? Ez izan zalantzarik hala bada, “Paparazzi” blogean informazio guztia emango dizugula.

Chris Martin eta Rihanna, adiskidetasuna ala zerbait gehiago?

Leave a reply

rihannaChris Martinen maitasun aferek zeresana eman dute azkenaldian. Gwyneth Paltrow aktoarekin zuen harremana hautsi ostean, prentsa arrosaren mundua buru-belarri dabil Coldplayko kantariaren maitasun istorioak hurbiletik jarraitzen, eta asteburuan bi emakumerekin ikusi dute: larunbatean, bere emazte ohiarekin egon zen afaltzen, eta egun bat geroago, Rihanna abeslariarekin elkartu zen.

Zurrumurruek ez dute etenik Chris Martinen bizitzan. Duela aste batzuk, Alexa Chungekin ikusi omen zuten, eta harreman berri baten inguruko albisteak zabaldu zituzten hainbat komunikabidek.

Aitzitik, iragan asteburuan bi aldiz elkartu zen Gwyneth Paltrowrekin; larunbatean, Malibu Farm lokalean, eta igandean, Santa Monican. Han, Applerekin eta Moisesekin (haien seme-alabak) egon ziren afaltzen.

Guzti horrek ustezko adiskidetze baten gaineko zurrumurruak zabaldu ditu. Nolanahi dela, familiarekin afaldu ostean, Rihannarekin batu zen Santa Monicako (Kalifornia) jatetxe italiar batean.

Aspaldi ezagutzen dute elkar, “Princess of China” grabatu zutenetik zehazki. Baina adiskidetasuna soilik ala zerbait gehiago ote dago haien artean?

Rihanna eta Drake, berriz elkarrekin?

Leave a reply

Itxura guztien arabera, elkarrekin daude beste behin ere Rihanna eta Drake. Izan ere, zenbait hedabide estatubatuarrek aditzera eman dutenez, sarri ikusi dituzte batera azkenaldian, eta oso jarrera maitekorrean, gainera.

Hollywoodlife.com atariak honako hau baieztatu du: “Drake oso gizon prestua da, eta Rihanna ez dago halakoetara ohituta, beti egokitu izan zaizkiolako mutil gaiztoak“. Joan den asteburuan, Los Angelesko lokal batean geratu eta elkarrekin igaro zuten gaua. Ondoren, handik ateratzen ikusi zituzten.

2012an “Take Care” bideoklipa grabatu zuten, eta orduan ere argi utzi zuten bien artean kimika berezia sentitzen zutela.

Chris Brownekin izandako harreman gorabeheratsuaren ostean, ikusi egin beharko da zer-nolako etorkizuna datorkion Barbadoseko erreginari Drake rap abeslariarekin. Zer iruditzen zaizue bikote berria?

Rihanna eta Drake ''Take Care'' bideoklipean. Argazkia: youtube

Rihanna eta Drake ”Take Care” bideoklipean. Argazkia: youtube

Rihanna meskita batetik kanporatu dute Abu Dhabin

Leave a reply
Rihanna, Abu Dhabiko meskita batean

Rihanna, Abu Dhabiko meskita batean

Munduan barrena dabil Rihanna azken hilabeteotan, kontzertuz kontzertu. Biraren baitan, geldialdia egin du Abu Dhabin, eta zeresan handia ematen ari da Barbadoseko abeslariaren azken ideiak.

Joan den larunbatean, kontzertua hasi baino ordu batzuk lehenago, Zayed Xekearen Meskita Handia bisitatzera joan zen, Steven Gomillion eta Dennis Leupold argazkilari famatuekin. Han zeudela, argazki saioa inprobisatzea bururatu zitzaien. Estilismoari dagokionez, guztiz beltzez janztea erabaki zuen, goitik behera arropaz estalita.

Antza denez, meskitako arduranei ez zitzaien ideia batere gustatu, errespetu falta zela iruditu zitzaielako. Ateratako argazkiek ez omen zuten zuzendaritzak ezarritako baldintzak eta arauak betetzen; hortaz, meskitatik ateratzeko “gonbitea” luzatu zioten.

Erabakiak kontrako eta aldeko erreakzioak eragin ditu. Argazkiek ez dutela ezer txarrik erakusten diote batzuk; beste batzuen ustez, ordea, meskita ez da moda kontuetarako toki aproposena.

Zer iruditzen zaizue Rihannaren ideia? Artea edo probokazioa?

Rihanna, haurdun?

Leave a reply
Rihannaren eta Chris Brownen arteko harremanak gorabehera ugari izan ditu. Argazkia: IMDb

Rihannaren eta Chris Brownen arteko harremanak gorabehera ugari izan ditu. Argazkia: IMDb

Martxoaren 8an abiatu zuen Rihannak Diamonds World Tour bira Estatu Batuetan. Aste batzuk baino igaro ez diren arren, kontzertuetako batzuk bertan behera utzi ditu Barbadosekoak: martxoan, Bostoneko eta Baltimoreko hitzorduak, eta, apirilean, Houstonen eta Dallasen eskaini beharreko emanaldiak. Dirudienez, laringitisak galarazi dio izarrari taula gainera agertzea, baina bestelako zurrumurru bat ere zabaldu da: haurdun dagoela, alegia.

Harremanak gorabehera ugari izan dituen arren, Chris Brownekin jarraitzen du egun Rihannak, eta bera jartzen dute umearen balizko aitatzat zurrumurruak zabaldu dituzten gehienek. Kontuak oihartzun handia izan du azken egunotan, baina abeslariaren ingurukoek ezeztatu egin dute. Hollywoodlife-k abeslariaren hurbileko lagun baten adierazpenak argitaratu ditu, eta azaldu duenez, gaixo dago: “Badakit ez dela arrazoi ona, jendeari drama gustatzen baitzaio. Haurdunaldia, bestalde, albiste ona izango litzateke askorentzat, baina ez, ez dago haur baten zain!”, gaineratu du aipatutako lagun honek.

Denboraren poderioz jakingo dugu zurrumurru hauek zer duten egiatik. Ea Barakaldon maiatzaren 26an eskaini behar duen kontzerturako arazorik ez duen…

Rihanna eta Katy Perry, euren mutil-lagunen erruz aldenduta

Leave a reply

Rihanna eta Katy Perry

Lehenagotik ere bagenekien Rihannaren mutilak bi artisten arteko erlazioa oztopatzen duela. Katy Perryk ez du inoiz gustuko izan bere lagunaren bikotekidea, eta ez du begi onez ikusten Rihanna eta Chris Brown berriro ere elkarrekin egotea. Baina gaurkoan egoera irauli egin dela dirudi, eta Rihanna da Katyren mutila, John Mayer, ikusmiran duena.

Bikote horrengandik gertu dagoen pertsona batek Star Magazine aldizkariari aitortu dionez, Katy hipokrita hutsa dela esan du Rihannak. Bere ustez, John Mayer mundu osoko pertsonarik gorrotagarrienetakoa da, eta ez du batere gustuko bere lagunarentzat.

Egia da John Mayer ez dela aurki daitekeen gizonik zintzoena, eta berak argi utzi du hori, baina Chris Brownekin alderatzea (Rihana jipoitu egiten zuen) gehiegitxo da, beharbada… Dena dela, espero dugu honek guztiak eragin handirik ez izatea bi artisten arteko harremanean.

Rihannaren tatuaje berria

Leave a reply

Amona omentzeko era berezia aukeratu du Rihannak. Izan ere, tatuaje berria egitea erabaki du bularraren azpian. Isis jainkosa egiptoarraren irudia aukeratu du, eta twitter sare sozialaren bidez zabaldutako argazkian erakutsi digu.

Rihannaren tatuaje berria. Argazkia: twitter

Uztailean hil zen Grand Dolly, minbizia ezin gaindituta. Zenbait kontzertu bertan behera uztea erabaki zuen Barbadoseko abeslariak, oso triste sentitzen zelako. Orduz gero, oporretan ibili da munduan barrena, eta bere nondik-norakoen berri eman digu sare sozialen bidez.

Musika arloan, Talk That Talk Tour biran murgildu da berriz ere. Horrez gain, “We found love” kantaren bideoklipa urteko bideorik onena aukeratu zuten MTV Video Music Awards sarietan. Amodio kontuetan ere ari da zeresana ematen Rihanna. Askok diotenaren arabera, Chris Brownekin zuen harremanari berrekin dio, joan den astean MTV galan elkarri musu eman ziotelako.