Monthly Archives: June 2012

Jennifer Lopez eta bere komunen bitxikeriak

Estatubatuar izarren xelebrekeriak oso ezagunak dira egun, baina ohikoa da oraindik ere harrituta geratzea horien bitxikeriak entzunda. Honako honetan, Jennifer Lopezen txanda da; izan ere, ez omen da komun batean esertzen bere tapa berezia jarri gabe.

Jennifer Lopez. Argazkia: Getty

The Sun egunkariaren esanetan, abeslariak ez du bere atzealdea komun batean jesartzen aurretik bertan bere “eserleku babeslea” jarri ezean, bakteria edo germenik ez hartzeko.

“Jennifer garbitasunaren zale amorratua da, eta ez du bere ipurdia komun batean jartzen, aurretik komun guztietara egokitzen den bere eserleku babeslea jarri ezean”, The Sun egunkariaren arabera.

Ben Affleck aktoreak oparitu omen zion aulki eramangarri hori haren senargaia zenean, munduan zehar egiten zituen biretan erabiltzeko. Eserlekuak 105.000 dolarreko balioa omen du, errubiak, zafiroak, perlak eta diamante bat dituelako txertatuta.

Gizaki arruntoi opari bitxia iruditu arren, Benek honakoa esan omen zion lagun bati:”Jennifer nire printzesa da, eta onena merezi du, baita komunean dagoenean ere”.

Zer pentsatuko du horretaz artistaren egungo bikotekideak, Casper Smartek? Antzeko opariren bat emango al dio?

'Milurteko' ezkontzari buruzko datu gehiago ditugu!

Angelina Jolie eta Brad Pitt. Argazkia: Reuters, Lucas Jackson

Angelina Jolie eta Brad Pitt. Argazkia: Reuters, Lucas Jackson

Ari gara Angelina Jolieren eta Brad Pitten ezkontzari buruzko datu berriak ezagutzen, apurka-apurka. Badirudi Ingalaterra aukeratuko dutela egun berezi hori ospatzeko. Hala baieztatu du, behintzat, Daily Star egunkari britainiarrak. Beraz, litekeena da bikote famatua Windsorren ezkontzea.

Erabakiak badu, gainera, bere arrazoia, izan ere, Carlos Galesko printzea eta Camila Parker Bowles ezkondu ziren erregistro zibil berean egin nahi dute ekitaldia. Familiarteko gutxi batzuek baino ez dute une hori zuzenean ikusiko. Ondoren, Frantziara bidaia egingo dute hegazkin pribatuan, han duten gaztelu zoragarrira, gainerako gonbidatu guztiekin elkartzeko.

Ez da bat-batean hartutako erabakia izan. Antza denez, aholkulari espiritualarekin hitz egin dute ezkongaiek, eta, horrez gain, beste hainbat toki bisitatu dituzte, egokiena hautatzeko. Azkenean, Europako paisaiak gustatu zaizkie gehien.

‘Milurteko’ ezkontzari buruzko datu gehiago ditugu!

Angelina Jolie eta Brad Pitt. Argazkia: Reuters, Lucas Jackson

Ari gara Angelina Jolieren eta Brad Pitten ezkontzari buruzko datu berriak ezagutzen, apurka-apurka. Badirudi Ingalaterra aukeratuko dutela egun berezi hori ospatzeko. Hala baieztatu du, behintzat, Daily Star egunkari britainiarrak. Beraz, litekeena da bikote famatua Windsorren ezkontzea.

Erabakiak badu, gainera, bere arrazoia, izan ere, Carlos Galesko printzea eta Camila Parker Bowles ezkondu ziren erregistro zibil berean egin nahi dute ekitaldia. Familiarteko gutxi batzuek baino ez dute une hori zuzenean ikusiko. Ondoren, Frantziara bidaia egingo dute hegazkin pribatuan, han duten gaztelu zoragarrira, gainerako gonbidatu guztiekin elkartzeko.

Ez da bat-batean hartutako erabakia izan. Antza denez, aholkulari espiritualarekin hitz egin dute ezkongaiek, eta, horrez gain, beste hainbat toki bisitatu dituzte, egokiena hautatzeko. Azkenean, Europako paisaiak gustatu zaizkie gehien.

Shakira, haurdun?

Shakira eta Gerard Piqué. Argazkia: Getty

Shakiraren ustezko haurdunaldiaren inguruko zurrumurruak bolo-bolo dabiltza sarean azkenaldian. Orain arte, ordea, ez du inork albistea baieztatu, ezta ezeztatu ere.

Zalantza horren aurrean, abeslari kolonbiarraren aitak zur eta lur utzi ditu hedabideak. Izan ere, nahasmena eragin dute Kolonbiako telebistako saio ezagun batean egin duen adierazpenek. Haurdunaldiaren baieztapen ofiziala laster egitea espero duela esan du, eta, hitz horiek erabilita, zurrumurrua egiaztatu duela ulertu dute askok.

Aitzitik, esandakoa gaizki ulertu dugula esan du ondoren argitaratu duen agirian. Ez omen du bere alaba haurdun dagoela baieztatu, hala izatea nahiko lukeela baizik. Hau da hau nahasmena! Kontuak kontu, denborak baino ez digu egia erakutsiko!

Egin al dizuete noizbait halako oparirik?

Beyoncé. Argazkia: Getty, Kevin Mazur.

Askok eta askok nahiko luketen oparia egin dio Beyoncek Jay-Z bere senarrari. Aitaren Eguna dela eta, hegazkin bat erosi dio, mundu osoan barrena bidaia egin dezan.

Bombardier Challenger 850 markako jet pribatua da, eta 40 milioi euro ordaindu ditu abeslari estatubatuarrak. 15 lagunentzako tokia izateaz gain, luxuzko altzariak eta osagaiak ditu, baita bi bainugela ere.

Opari berezi hori eginda, aita ezin hobea dela erakutsi nahi izan dio Beyoncek. Hala adierazi dio egunkari britainiar bati.

Kontsolagailua oparitu diote Lady Gagari

Normalean Lady Gaga da bere erokeriekin harrituta uzten gaituena, baina, oraingoan, bere jarraitzaileetako bat izan da abeslaria ahoa zabalik utzi duena.

Lady Gaga Australian egon da, Born This Way Ball kontzertu birako zenbait emanaldi egiten, eta, Brisbanen zegoela, bere jarraitzaileetako bat hurbildu zaio kontsolagailu bat oparitzeko asmoz.

Abeslariak oparia hartu eta, harrituta, ondorengoa erantzun dio zaleari: “Eskerrik asko nire bizitza sexuala kontuan hartzeagatik, baina ez daukazu zertan kezkatu; oso bizia da”.

Dirudienez, barregarria iruditu zaio oparia Lady Gagari; izan ere, kontzertu amaieran, kontsolagailua hartu eta publikoari bota dio, norbaitek oroigarri moduan nahi duen galdetuz.

Rihannak beste tatuaje bat egin du

Twitterren zale amorratua da Rihanna; hori dela eta, egunero behin baino gehiagotan ematen digu bere bizitzaren berri sare sozialaren bitartez.

Oraingoan, bere azken tatuajea erakutsi nahi izan digu abeslari polemikoak, orkatilan tatuatu duen belatza. Argazkiarekin batera honakoa adierazi du: “Belatza, iluntasunean distira egiten duen argia. Ez ditu begiak ixten lo egiten duen bitartean”.

Tatuajea Bang Bang New Yorkeko tatuatzaile ezagunak egin dio; aurrekoetan ere berarengana jo du abeslariak tatuajeren bat egiteko orduan. Tatuaje ugari ditu Rihannak gorputzean: izar batzuk lepoaren atzeko aldean, musika nota bat eskuineko oinean, errebolber bat saihets-hezurren inguruan…

Labezomorroz betetako txapela nahi du Lady Gagak

Haragiz egindako soinekoarekin ikusi dugu Lady Gaga aurrekoetan, baita arrautza erraldoi baten barruan ere. Oraingoan, labezomorroz betetako txapela prestatu nahi du abeslari bitxiak.

Ameriketako Estatu Batuetan egin duten ikerketa zientifiko batean, labezomorroek Lady Gagaren musikari beste abeslari batzuenari baino hobeto erantzuten diotela frogatu dute, eta ikerketaren emaitza hori oso bitxia iruditu omen zaio abeslariari.

Hori dela eta, labezomorroz betetako txapela prestatu nahi du artista ezagunak; horrela, berarekin eraman ahal izango ditu bere “munstro maiteak”. Dirudienez, txapel baten gainean, kaiola moduko bat eraiki nahi du, sare batekin estalia, intsektuak horretan zehar mugi daitezen.

Zer iruditzen zaizue abeslariaren azken erokeria hori? Atentzioa emateko daukan ohituraren ondorio, agian?

Marta Sanchez eta Hugo Castejon, elkarrekin, berriz

Marta Sanchez eta Hugo Castejon. Argazkia: Reuters.

Joan den astean elkarren arteko harremana eten zutela iragarri genuen arren, Marta Sanchez eta Hugo Castejon adiskidetu egin dira. Antza denez, hainbat aste bananduta igaro ostean, hitzordua jarri zuten, bien artekoaz lasai mintzatzeko.

Elkarrizketa horren ondorioz, arazoei aurre egin eta harremanari berriro ekitea erabaki zuten. Orduz gero, elkarrekin ikusi dituzte Madrilen, zoriontsu. Zenbait hedabidek adierazi dutenaren arabera, gainera, Martaren etxean lo egiten ere izan da Hugo, dagoeneko.

Halaber, litekeena da Ibizara bidaia egitea, berri ona ospatzeko. Izan ere, uharte horretan ezagutu zuten elkar, 2010eko udan, eta oso oroitzapen onak dituzte.

Katy Perryk sexu-harremanak izan nahi ditu Rihannarekin

Katy Perryren eta Rihannaren arteko harremana primerakoa da, eta aspalditik dakigu bi abeslariek kanta bat prestatu nahi dutela elkarrekin. Oraingoan, Katy Perryk adierazpen harrigarriak egin ditu bere lagun minaren inguruan.

Wild 94.9 irrati kate estatubatuarrean egindako elkarrizketa batean, etorkizunean Rihannarekin sexu-harremanak izateko asmoa daukala aitortu du kantari ezagunak. Txantxetan egindako elkarrizketa izan arren, irratiko aurkezlea erabat harritu zuen abeslariaren aitorpenak.

Elkarrizketan oso eroso zegoenez, beste hainbat galdera gordini erantzun zien abeslariak. Hasteko, aurkezleak artista ezagun batzuen izenak eman zizkion, eta horiekin sexu-harremanak izatea gustatuko litzaiokeen ala ez erantzun zuen abeslariak. Drakeren eta Eminemen inguruan galdetu ziotenean, baietz erantzun zuen; Chris Browni buruz, berriz, ezezko biribila eman zuen Perryk. Noizbait hirukoterik egin ote duen galdetu ziotenean, ez zuen ezer erantzun.

Hona hemen elkarrizketaren bideoa, ingelesa menperatzen dutenentzako: