Tag Archives: harremana

Chris Martin eta Gwyneth Paltrow banandu egin dira

Hamar urte elkarrekin egon ostean, Chris Martin Coldplay taldeko abeslariak eta Gwyneth Paltrow aktoreak banantzeko erabakia hartu dute. Hala baieztatu du aktore ezagunak bere webgunean argitaratutako ohar batean. Ezinezkoa izan da; azken urtean saiakera ugari egin dituzten arren, harremana amaitu egin da.

Ez dira garai onak bikote ohiarentzat. Oso triste daudela onartu dute, nahiz eta elkar maitatu, ezin izan dituztelako sortutako arazoak gainditu. Batera nahiz bakoitza bere aldetik gogor lan egin omen dute aurrera egiteko, baina ezinezkoa izan da.

2003an ezkondu ziren Santa Monikan ospatutako ekitaldi intimo batean. 9 urteko alaba (Apple) eta 7 urteko semea (Moses) dituzte. Hori bai, banandu arren, familia izaten jarraitzen dutela esan dute

Chris Martin eta Gwyneth Paltrow

Chris Martin eta Gwyneth Paltrow

, eta seme-alaben onuraren alde lan egingo dutela.

Justin Bieber eta Selena Gomez, amodioa ala txantxa?

Elkarrekin daude, bai ala ez? Ez dakigu erantzun zehatzik lortuko ote dugun, baina azkenaldian “bikote” horren inguruan entzundakoak laburbilduko ditugu, ea norbaitek ondorio garbirik ateratzen duen.

2014. urtea hasi bezain laster, Selena Gomezek Justin Bieberrekin zuen harremana bertan behera uztea erabaki zuen, ez zituelako idolo gazteak droga eta alkoholarekin zituen arazoak jasaten.

Orduz gero, istorioak atal ugari izan ditu. Lehenik eta behin, Justin utzi eta gero, pairatzen ari zen arazo psikologikoei aurre egiteko klinika batean sartu zen Selena. Abeslari kanadiarra, bestalde, liskarrez liskar ibili zen.

Orain, ordea, badirudi bikoteak egoerari buelta eman eta maitasun istorioari berriz ekin diola. Izan ere, hipotesi hori agerian uzten duten argazki eta bideo ugari elkarbanatu dituzte sare sozialetan, baina, hori bai, ezer baieztatu gabe. Gainera, hainbat hedabidek argitaratu dutenaren arabera, batera ikusi zituzten joan den astean Toronton.

Zer deritzozue zuek, nola amaituko ote da maitasun istorio amaigabe hau?

Justin Bieber eta Selena Gomez. Argazkia: EFE

Justin Bieber eta Selena Gomez. Argazkia: EFE

Rihanna eta Drake, berriz elkarrekin?

Itxura guztien arabera, elkarrekin daude beste behin ere Rihanna eta Drake. Izan ere, zenbait hedabide estatubatuarrek aditzera eman dutenez, sarri ikusi dituzte batera azkenaldian, eta oso jarrera maitekorrean, gainera.

Hollywoodlife.com atariak honako hau baieztatu du: “Drake oso gizon prestua da, eta Rihanna ez dago halakoetara ohituta, beti egokitu izan zaizkiolako mutil gaiztoak“. Joan den asteburuan, Los Angelesko lokal batean geratu eta elkarrekin igaro zuten gaua. Ondoren, handik ateratzen ikusi zituzten.

2012an “Take Care” bideoklipa grabatu zuten, eta orduan ere argi utzi zuten bien artean kimika berezia sentitzen zutela.

Chris Brownekin izandako harreman gorabeheratsuaren ostean, ikusi egin beharko da zer-nolako etorkizuna datorkion Barbadoseko erreginari Drake rap abeslariarekin. Zer iruditzen zaizue bikote berria?

Rihanna eta Drake ''Take Care'' bideoklipean. Argazkia: youtube

Rihanna eta Drake ”Take Care” bideoklipean. Argazkia: youtube

Kylie Minogue eta Andres Velencosoren artekoa, kolokan?

Kylie Minogue eta Andres Velencoso. Argazkia: yahoo

Kylie Minogue eta Andres Velencoso. Argazkia: yahoo

Azken boladan hedadutako zenbait daturen arabera, Kylie Minogue eta Andres Velencosoren arteko harremana kolokan dago. Zergatik? Antza denez, abeslari australiarra bakarrik joan da oporretara Italiara, Portofino herrira, eta jarrera serioa erakutsi du. Bestalde, modelo kataluniarrak Ursula Corbero aktorearekin oso harreman estua duela zabaldu da.

Beraz, badirudi bikotea ez dela une gozoak igarotzen ari. Izan ere, krisian daudela dioten zurrumurruak argitaratu diren bakoitzean, ezeztatu egin dute albistea; orain, ordea, ez batak ez besteak ez du ezer esan.

Maiatzean ikusi genituen batera azkenekoz, Canneseko zinemaldian. 2008an ekin zioten amodiozko istorio horri, Parisen ospatutako festa batean elkar ezagutu ondoren. Amaitu egin ote zaie maitasuna? Denborak soilik emango digu erantzuna.

Leire Martinezek agur esan dio Antonio Velazquezi

Badirudi udaren etorrerak ez dakartzala albiste onak Leire Martinez La Oreja de Van Gogh taldeko abeslariarentzat. Izan ere, itxura guztien arabera, Antonio Velazquez aktorearekin zuen harremana bertan behera uztea erabaki du. Gainera, abeslari donostiarrak hartu omen du erabakia, eta bikoteak Madrilen zuen etxetik joan da, maletak hartuta.

Hiru urte baino gehiago zeramatzaten elkarrekin, baina ez ziren oso garai zoriontsua igarotzen ari, azken hilabeteotan. Krisialdia ez da ongi bukatu, eta bakoitzak bere bideari ekitea erabaki du.

Leire Martinezek eman omen du behin betiko urratsa. Hori dela eta, Antonio Velazquez oso triste dagoela jakinarazi dute zenbait hedabidek. Beraz, Granadara bidaia egitea erabaki du aktoreak, familia eta lagunekin atsekabeari aurre egiteko.

La Oreja de Van Gogh-eko kantaria, bestalde, etxe bila hasi da Madrilen, garai berri hau martxan jartzeko. Argi dago, hortaz, ez duela atzera egingo.

leiremartinez-antoniovelazquez

Rita Ora eta Calvin Harris, bikote berria

Rita Ora eta Calvin Harris

Rita Ora eta Calvin Harris

Badirudi musikak bi artista batu dituela! Rita Ora eta Calvin Harris istorio erromantiko berri baten protagonistak dira. Albisteak ustekabean harrapatu ditu hedabideak eta bi artisten jarraitzaileak.

Izan ere, Calvin Harris Ellie Gouldingekin zegoela uste zuten askok, “I need your love” elkarrekin egindako bideoklipa ikusita. Oraingoan, behintzat, usteak erdia ustel!

Antza denez, nahiago du Rita Oraren xarma berezia. Bikote berriaren harremana Hollywooden hasi da. Abeslari britainiarraren lagunek baieztatu dutenaren arabera, Chateau Marmont hotelean zenbait hitzordu izan dituzte, Los Angelesen.

Kimika nabaria izan omen da bien artean! Zer iruditzen zaizue bikote berria?

Sergio Ramos eta Pilar Rubio, elkarrekin!

Sergio Ramos eta Pilar Rubio. Argazkia: Europa Press

Zurrumurruek maiz izaten dute zerbait egiatik eta badirudi Sergio Ramos Real Madrileko jokalaria eta Pilar Rubio aurkezlea bikote direla. Kontuaren gaineko adierazpenik egin ez badute ere, euren azken agerraldiek gero eta argiago uzten dute harremana.

Duela zenbait egun festa berean egon ziren biak, eta elkarrekin sartu eta irten ez baziren ere, susmoak piztu zituzten. Pasa den asteburuan, aldiz, jatetxe batean elkartu ziren; kasu honetan ere bakoitza bere aldetik sartu eta atera bazen ere, biek elkarrekin afaldu zuten.

Dena den, maitasun zantzu nagusia Sergio Ramosek berak erakutsi du: futbolariak “Rubio” hitza jartzen duen tatuaje berri bat egin du, ¡Hola! aldizkariak argitaratutako argazkian ikus daitekeenez.

Pilar Rubio aurkezleak 10 urte zeramatzan Hamlet taldeko José Molinero kidearekin eta Sergio Ramos Lara Álvarez kazetariarekin ibili zen. Orain euren bideak gurutzatu direla dirudi.

Dani Martin abeslaria, bakarrik

Dani Martin eta Huga Rey. Argazkia: Europa Press

Artista madrildarrak Huga Reyrekin zuen harremana bertan behera uztea erabaki du. Zur eta lur utzi gaitu guztiak, askok baitzioten elkarren arteko ezkontza prestatzen ari zirela urte amaierarako. Usteak, ordea, erdia ustel.

Antza denez, Huga oporretan da Madriletik kanpo; Dani Martinek, ordea, lanean jarraitzen du disko berria prestatzen. Ez batak ez besteak ez du albistea baieztatu, beraz, ez dago informazio gehiago.

El Canto del Loco taldeko abeslari ohia Twitter sare sozialeko erabiltzaile sutsua den arren, ez du momentuz ezer esan zurrumurruaren inguruan. Hainbat hedabideren arabera, isiltasun horrek indarra eman dio berriari. Itxaron egin beharko dugu, hortaz, kontua zertan geratzen den jakiteko.

Lenny Kravitz, maiteminduta?

Lenny Kravitz eta Elisabetta Canalis. Argazkia: omg

Abeslari ezagunak bikote berria duela dioten zurrumurruak zabaldu dira azken egunotan. Nor ote da? Antza denez, Elisabetta Canalis aurkezle italiarra da Lenny Kravitzen konkista berria.

Horixe baieztatu du Daily Mail egunkariak. Izan ere, elkarrekin ikusi zituzten 123 Ibiza Festival jaialdian, oso jarrera maitekorra zutela. Hedabide britainiarrak helarazi duenaren arabera, biak batera iritsi ziren eta, ondoren, Naomi Campbell eta bere senargaiarekin elkartu ziren.

Lenny Kravitzek neska-lagun ospetsu ugari izan ditu: Nicole Kidman, Adriana Lima eta Gisele Bündchen, besteak beste. Elisabettak, bestalde, harreman luzea izan zuen George Clonney aktorearekin.

Shakira eta Pique, krisi zurrumurruak isilarazi nahian

Atzo berehala zabaldu zen Shakiraren eta Piqueren arteko adar kontuei eta krisiari buruzko zurrumurrua eta, hori errotik moztu nahian, kolonbiarraren prentsa arduradun Rodrigo Beltranek gezurtatu egin zuen guztia: “faltsua da guztia, elkarrekin daude eta oso ondo, gainera”.

Ondoren, Shakirak berak Twitter sare soziala erabili zuen albistea, zeharka bada ere, isilarazteko: “Zorte on Espainiako selekzioari eta nire 3 zenbakiari, @gerardpique ri. Shak”.

Kulebroiaren kapitulu gehiago iritsiko ote zaizkigu?