Tag Archives: la oreja de van gogh

La Oreja de Van Gogh taldeko Leire Martinez banandu egin da

Ezer gutxi dakigu Leire Martinez abeslari gipuzkoarraren bizitza pribatuari buruz. Nolanahi dela, La Oreja de Van Gogh taldeko kantariak banandu egin dela iragarri du Twitter bidez, jarraitzaile guztiak aho bete hortz utzita.

“Espekulazioak saiheste aldera, eta batik bat nire semea babesteko, banandu egin naizela jakinaraztea erabaki dut. Dibortzioa bideratzen gabiltza orain”, aitortu du Leire Martinezek. “Bizitzen ari garen une zailak kontuan izanda, komunikabide eta jende guztiari eskertu nahi diet nire bizitza eta nire semearena errespetatzea, orain arte egin duzuen bezala”, bukatu du.

2015ean jaio zen bere semea

2014an ezkondu zen Jacobo Rodriguez Bustamanterekin Donostian. Urtebete geroago haien semea jaio zen.

Leire Martinez haurdun dago

leireLeire Martinez, La Oreja de Van Gogh taldeko abeslaria, haurdun dago. Twitter bidez eman du albistea kantari gipuzkoarrak, kazetariek azkenaldian hartu duten jarrerarekin haserre.

Dirudienez, sekulako jazarpena jasaten ari da egunotan. Hori dela eta, haurdunaldiaren berri ematea baino ez zaio geratu. Hau da, hain zuzen, aipatu sare sozialaren bidez esandakoa:

“Kaixo guztioi

Dakizuenez, ez dut nire bizitza profesionaletik at dauden gaiei buruz hitz egiteko ohiturarik. Dena dela, azkenaldian kazetariak atzetik ditut une oro, baita errepidean ere, eta hori arriskutsua da niretzat.

Senitartekoen etxeetara ere deitu dute, gezurrak esanez. Hori guztia niri buruzko informazioa lortzeko helburuarekin egin dute.

Beti errespetatu izan ditut lanbide guztiak, eta hala egiten jarraituko dut, nahiz eta zenbait konturekin ados ez nagoen. Helburua jazarpenari amaiera ematea da, batez ere, nire ingurukoentzat bakea nahi dudalako, haiek ez baitute nire lanbidearekin zerikusirik.

Beraz, pare bat gauza kontatuko dizuet:

Alde batetik, beharrean oso pozik nabilela. Taldekideekin batera, kontzertu-bira zoragarri bat bukatu berri dut, eta orain disko berria prestatzen gabiltza. Aurreikusitakoaren arabera, 2016rako egongo da prest lan hori.

Bestalde, haurdun nago. Jacobo eta biok oso pozik gaude albistearekin. 2015ean jaioko da haurra, eta proiektu berri honi ekiteko gogoz gaude; seguruenik, gure bizitzako proiektu garrantzitsuenetakoa izango delako.

Ez dut besterik esateko…

Eskerrik asko denagatik

Muxu potolo bat

Leire.”

 

Leire Martinez ezkondu egin da

leireLa Oreja de Van Gogh taldeko Leire Martinez abeslaria eta Jacobo Bustamante asteburuan ezkondu dira Donostiako Gros auzoan dagoen San Ignacio elizan, El Diario Vasco egunkariak zabaldu duenez.

Urtebete daramate elkarrekin Errenteriako kantariak eta larunbatera arte haren mutil-laguna zenak. Aurretik, Tierra de lobos telesaileko Antonio Velazquez aktorearekin harreman luzea izan zuen Leire Martinezek.

Duela hilabete batzuk aurreratu genizuenez, apirilean New Yorken eman zuen ezkontzeko hitza bikoteak.

Hainbat iturrik zabaldu dutenez, bat-bateko maitemina sortu zen haien artean, elkar ezagutu zutenean. Birako kontzertuetara laguntzen zion orduan Jacobok Leireri, eta, denbora gutxian, maitasuna piztu zen haien artean.

Leire Martinezen ezkontza, hurbil

leireAste honetan bi ezkontza iragarri ditugu. Alde batetik, Amorebieta Athleticeko jokalari ohia ezkonduko dela eman genuen jakitera ostegunean, eta gaurkoan La Oreja de Van Gogh taldeko Leire Martinez dugu protagonista.

Errenteriako gaztea eta Jacobo Bustamante malagarra Donostian ezkonduko omen dira, urriaren 18an, El Mundo egunkariak iragarri duenez.

Duela gutxi New Yorkera egindako bidaia aprobetxatuz, ezkontzeko eskatu zion andaluziarrak Leire Martinezi.

Antonio Velazquezekin zeukan harremana hautsi ostean, Jacobo ezagutu zuen Madrilen Leirek. Urrian izan zen, hain zuzen, elkar ezagutzen hasi zirenean, eta dirudienez, berehala biztu zen maite-garra. Harrezkero, banaezina bihurtu da bikotea, eta apirilean ezkontzeko eskatu zion Jacobok.