Tag Archives: Jennifer Aniston

Nor da munduko emakumerik ederrena?

jenniferJennifer Aniston munduko emakume ederrenen artean kokatu da beste behin ere. Zinemaren munduan geroz eta agerraldi gutxiago egiten baditu ere, komunikabideetan duen oihartzunak lagundu egiten dio ahanzturan ez geratzen.

Horren adibide da, adibidez, People aldizkariak 47 urteko aktoreari egindako keinua. Izan ere, Friends telesaileko protagonista munduko emakume ederrena dela iritzio dio aipatu argitalpenak. Oraindik, baina, ez dute zerrenda osatzen duten gainerako emakumeen izenak azalerazi.

Bien bitartean, Anistonek esan du ohorea dela zerrendaburu izatea, nahiz eta, haren hitzetan, edertasuna inoiz ez den berarentzat kezka iturri izan. Halaber, adierazi du urteen joan etorrian gehiago zaintzen ikasi duela, elikadurari, ariketa fisikoari eta lo orduei garrantzia emanez. Dena den, aitortu duenez, agente batek kilo batzuk galdu behar zituela esan zionean erabaki zuen zaintzen hastea, bestela kontratatzeko arazoak izan zitzakeelako.

Jennifer Aniston banandu egin da

jennifer-anistonJennifer Anistonek aho zabalik utzi zuen mundu erdi ezkondu zenean; hots, iazko abuztuaren 5ean. Dena den, badirudi ‘The Leftovers’ telesaileko Justin Theroux aktorearekin zuen harremana ez zela zirudien bezain polita. Izan ere, zazpi hilabeteren ostean, antza, harremana hausteko erabakia hartu dute.

Hori da, bederen, In Touch aldizkariak zabaldu duen informazioa. Itxura denez, bakoitza bere aldetik dabil azkenaldian, eta banaketa tramiteak hasi dituzte.

Duela gutxi Therouxen lagun batek esan zuenez, bikotea ez da inoiz ados jartzen. “Ez dute elkarrekin zenbat denbora igaro behar duten adosten, ezta non bizi behar diren ere. Anistonek nahiago du Los Angeles, baina Therouxek Manhattan maite du”, adierazi zuen. Iturri berberak erantsi zuen Justin ezkongai egoteko jaioa dela.

Nolanahi ere, bi aktoreak bizkiak adoptatzeko asmoz zeuden, eta bi hilabeteren buruan izan behar zituzten etxean. Hala eta guztiz ere, haien arteko liskarren ondorioz, bertan behera utzi dute guraso izateko plana.

Zurrumurruak zurrumurru, oraindik bikoteak ez du baieztapen ofizialik eman.

Jennifer Anistonek alaba bikiak izango ditu

jenniferEzkontza egunean eman zuten albistea Jennifer Anistonek eta Justin Therouxek. Harrezkero, zurrumurrua luze eta zabal hedatu da komunikabideetan: bikotea haurdun dago.

Intseminazio artifiziala izan da umedun geratzeko bidea, eta, dirudienez, bi alaba izango dituzte. Izenak ere erabakita omen daude: Viola eta Ava.

46 urteko aktorea aspaldi zebilen ama izateko gogoz, baina bikote-harremanetan zorte handirik izan ez duenez, orain arte ez zaio amatasuna aurrera eramateko unea iritsi.

Ostera, 2010ean, John Mayerrekin harremana hautsi ostean, obuluak izozteko erabakia hartu zuen Friends telesaileko protagonistak, etorkizunean ama izateko asmoa zuelako.

Jennifer Anistonek Brad Pitten ama gonbidatu du bere ezkontzara

Jennifer Aniston. Argazkia: Europa Press.

Duela zenbait hilabete iragarri zuten Brad Pittek eta Angelina Joliek euren ordezkarien bitartez, ezkontzeko asmotan zirela. Oraindik, ordea, ez da ospakizunik izan eta badirudi Pitten bikotekide ohia, Jennifer Aniston, aurreratu egingo zaiela.

Justin Theroux bere senargaiarekin ezkontzekotan da Hollywoodeko aktorea eta ospakizunaren inguruko xehetasunak ezagutarazten ari direnez, pentsatzekoa da eguna gutxi barru izango dela. Datu horien artean deigarriena gonbidatuei loturikoa da: Jennifer Anistonek Brad Pitten ama, Jane Pitt, gonbidatzeko asmoa du. Hala azaldu du The Sun aldizkariak bere web atarian.

Pitt eta Anistonen istorioak iraun zituen 4 urteetan harreman estua egin zuten Pitten amak eta bikotekideak eta hurrengo 7 urteetan ere erlazio horri eutsi diote. Jane izugarri pozik omen dago Jennifer Anistonek berriro ere zoriontasuna topatu duelako eta 7 urteotan babesa eta aholkuak eman dizkiola adierazi du Anistonen gertuko lagun batek aipatutako aldizkariari.

Eguna iristean ezagutuko dugu zein den gonbidatuen zerrenda…

Jennifer Aniston, haurdun?

Bonba-eztandaren parekoa. Zurrumurruen arabera, Jennifer Aniston haurdun dago. 42 urteko aktore ospetsua sei hilabeteko omen dago eta, gainera, ez dabil Justin Theroux  bikotekidearekin garai onenak pasatzen.

Orain dela ez asko, bikotea Coloradora joan zen oporretan, krisian zeudelako zurrumurru artean. Hala ere, Hollywoodlife webguneak aktorea haurdun egon litekeela argitaratu du. Horrez gain, bikotea banatzekotan dela eta gertatzen dena kontatzeko Jenniferrek Brad Pitti deitu ziola gaineratu dute.

Jennifer Aniston zeharo nahasita dagoela dirudi. Justin Therouxekin daukan harremana amildegiaren ertzean dagoela ematen duen arren, aktoreari azken erabakia hartzea kostatu egiten zaio.

Ama izateko nahia aspaldidanik izan du Jenniferrek eta Justinekin dabilenetik zurrumurru hori zabaldu besterik ez da egin. Harrigarriena Friends telesaileko aktorea triste sentitzen zela da. Horregatik deitu omen zion Brad Pitt senar ohiari.

Elkarrizketa horretan Bradek Angelina Jolierekin arazoak dituela aitortu zion, Hollywoodlife webgunearen esanetan. Ustez, Jenniferrek berekin bueltatzeko eskatu zion Bradi.

Jennifer Aniston hain etsita omen dago haur txiki batekin eta ezkongabe amaitzearen beldurragatik, ihesbide bakartzat Brad Pitt berreskuratzea jotzen du. Egia izango al da?

Brad Pitt eta Angelina Jolieren arteko maitasun harremana krisian dago

Gero eta zurrumurru gehiago daude Brad Pitt eta Angelina Jolieren arteko harremanaren haustura iragartzen dutenak. Gainera, ekaitz horren erdian Pitt harremana berrartzen ari da Jennifer Anistonekin. In Touch aldizkariaren arabera, telefono dei eta mezuez gain, aktoreak emazte ohia jaso zuen New Yorken grabatzen ari den The Baster filmaren errodajearen ostean.

Brad elkartzea sekretua izaten saiatu zen. Jennifer errodajetik irten arte auto barruan itxaron zuen eta gero, ordubete eman zuten hitz eginten auto barruan. Ondoren, Greenwich hotelean utzi zuen neska.

Anistonen ordezkariak ukatu egin du biak elkarrekin egon izana. Horrez gain, joan den asteburuan Bradek orduak eman zituen Coutney Coxekin, Jenniferren lagunik onenarekin hitz egiten. Hori ezinezkoa litzateke Jennifer eta Braden arteko harremana txarra balitz. Gero eta gehiago dira Angelinarekin duen harremana gaizki doala frogatzen duten zantzuak, eta Jennifer eta John Mayer banandu egin direnez, une egokia da senar-emazte ohien artean sua berriz pizteko.

Munduko emakume ederrenetako batzuen dietak ezagutu ditugu!

Udaberri bete-betean gaude eta hasi da jada hankak erakusten hasteko unea. Uda ere gaienan daukagu eta bikinia armairutik atera beharko dugu. Baina, jada prestatuta al gaude horretarako? Edo, agian, dietaren bat egin beharko dugu soberan dauzkagun kilotxoak kentzeko!

Guk munduko emakume ederrenetako batzuen dietak kontsultatu ditugu. Hementxe dauzkazue guztiak laburbilduta:

Penelope Cruz: Azken aldian modan dagoen Dukan dieta egin du Oscarretarako haurdunaldian hartutako kiloak galtzeko. Emakume ugarik jo du mediku frantziar ezagunaren dieta horretara hainbat kilo galtzeko, besteak beste, Kate Middletonek. Dietak 4 fase ditu. Lehenegoan proteina askoko elikagaiak besterik ez dira jan behar eta, ondorengoetan, pixkanaka, bestelako elikagaiak sartzen joan behar da.

Halle Berry: 1,70 neurtzen du eta 51 kiloko pisua du 44 urteko aktoreak. Azukrerik eta gantzik gabeko dieta egiten du berak. Egunean proteina,  zuntz eta maila ertaineko edo txikiko gluzido ugariko bost plater jaten ditu egunero. Azukredun freskagarriak eta gantz txarrak, debekatuta.

Kylie Minogue: 43 urteko kantari australiarrak 1,53 neurtzen du eta 48 kiloko pisua dauka. Montignac dietara jo izan du askotan. Hidratoak bitan banatzea dago dieta horren oinarrian: batetik, onuragarriak, fruta, barazkiak, ogi integrala…, beti gantzetatik bereizita kontsumitu beharrekoak; bestetetik, hidrato kaltegarriak, esaterako, ogi zuria, artoa edo patatak, ahalik eta gehien murriztu beharrekoak.

Julia Roberts: 43 urteko aktoreak 1,78 neurtzen du eta 60 kiloko pisua dauka. Dieta makrobiotikoa egiten du: barazki ugari, zereal integralak, soja eta algak kontsumitzean dago oinarrituta. Esnea, haragia eta azukrea, debekatuta.

Gwyneth Paltrow: 1,75 neurtzen du eta 50 kiloko pisua dauka. 38 urte ditu aktore estatubatuarrak eta, Julia Roberts bezala, dieta makrobiotikoaren zalea da. Hori bai, berriki egindako adierazpen batzuetan esan du Guinness garagardoa asko gustatzen zaiola eta pintak hartu ohi dituela.

Madonna: Dieta makrobiotikoaren jarraitzaile sutsua da hau ere. 1,61 neurtzen du eta 50 kiloko pisua dauka 52 urteko kantari estatubatuarrak. Gainera, liho haziak kontsumitzen ditu 3 orduro, Omega 3 maila handia baitaukate eta argaltzen laguntzen omen dute. Dieta makrobiotikoaz gain, Zone Diet izenekoa ere egiten du. Karbohidratoak, gantzak eta proteinak 40/30/30eko proportzioan kontsumitzean datza, egunero kontsumitu beharreko 3 otorduetan eta 2 aperitiboetan. Gainera, jakina den bezala, gimnasioan jo eta su aritzen da egunero. Askotan izan da bigorexia deritzon gaitza daukala Poparen Erreginak.

Jennifer Aniston: 1,57 neurtzen du eta 42 kiloko pisua dauka 42 urteko aktoreak. Zone Diet delakoa egiten du honek ere, eta kirola ere egunero egiten omen du bere gorputza osasuntsu mantentzeko.

Reneé Zellweger: 1,65 neurtzen du eta 50 kiloko pisua dauka 42 urteko aktoreak. “Bridget Jones”en rola izan da bere ibilbideko ezagunena eta, haren azalean jartzeko, 15 kilo hartu behar izan zituen. Hori bai, filmaren promozioa amaitu eta berehala, mini-plateren dietari ekin zion. Egun bakoitzean egin beharreko otorduetako janari kopurua hainbeste murriztu zuen, hezurretan gelditu zen artista.