Tag Archives: bikoteak

Selena Gomez eta The Weeknd abeslaria, elkarrekin

selena_gomez_december_2010_3Badirudi, musikaren munduan bikote berri bat jaioko dela aurki. Selena Gomez eta The Weeknd abeslaria elkarri musu ematen harrapatu dituzte.

Argazkiek erakusten dutenez, oso helduta zihoazen kaletik. Gu geu ez gara izango harremana baieztatzen dugunak, baina jendaurrean hain helduta azalduta, beharbada, zerbait esan nahiko dute, ala?

Kontua da TMZ webguneak zabaldutako argazkia ezustea izan dela askorentzat; tartean, Bella Hadidentzat (The Weeknden bikote ohia). Azaroan hautsi zuten harremana, urte eta erdi elkarrekin egon ostean.

Orain, argazkiak ikusi ostean, sare sozialetan Selena Gomezen jarraitzaile ez izatea erabaki du Hadidek.

Beyonce, Jay-Z eta ezkontza-eraztuna etxean utzita

beyonce3Beyonce abeslaria Met galara bikoterik gabe joateak hautsak harrotu ditu. Vogue aldizkariaren editoreak antolatutako modako ekitaldia arlo ezberdinetan nabarmentzen diren pertsonaia ezagunez bete ohi da urtero. Horien artean, Lemonade diskoa argitaratu berri duen kantaria zegoen, baina Jay-Zren arrastorik ez zen izan atzokoan. Hori gutxi ez eta, ezkontza-eraztunik gabe agertu zen Beyonce.

Horrek guztiak kazetarien arreta piztu du, batez ere, azken asteetako gertaerengatik. Jay-Z rap musikaria Rachel Roy estilistarekin lotu dute azkenaldian. Gainera, Beyonceren lan berrian azaltzen diren kantuetako batzuek hedabideetan zabaldutako aipatu zurrumurrua indartu dute.

Izan ere, aurrerapen-kantuak, adibidez, bikotearekin arazoak dituen emakume bati buruz hitz egiten du, adarrak jarri dizkioten neska baten inguruan, hain zuzen. “Ez nagoenean soilik nahi nau. Nahiago du Beckyry, ile polita duenari, deitu” dio kantuak.

 

Leonardo DiCaprio, bikoterik gabe

leonardo2016a banatuta hasi dute Leonardo DiCapriok eta Kelly Rohrbach aktore eta modeloak. Duela gutxi zenbait komunikabidek zabaldu zuten ezkontzekoak zirela, baina egun batzuk geroago US Weekly aldizkariak informazio hori ezeztatu eta harremana hautsi dutela iragarri du. “Konpromiso asko dituztelako utzi dute harremana”, adierazi du aipatu iturriak.

Aurreko urteko udan hasi ziren elkarrekin. Denbora gutxi iraun duen harremana izan da, beraz, baina dirudienez lagun moduan bukatu dute, eta hausturak ez omen dauka zerikusirik hirugarren pertsona batekin. “Oso lanpetuta daude. DiCapriok pelikula bat estreinatu behar du aurki, eta Rohrbach munduko modelo handienetakoa da”.

Azken aldiz Esker Emate Egunean ikusi zituzten elkarrekin, besteak beste, Justin Bieber, James Middleton eta beste hainbat izar gonbidatu zituzten jai erraldoian.

Hausturaren harira, AEBko hainbat komunikabidek zehaztu dute Joan den igandean Nikki Beachen egon zela DiCaprio, emakumez inguratuta.

Taylor Swift eta Calvin Harris, elkarrekin

taylor3Duela hilabete harro esan zuen Taylor Swiftek pozik zegoela mutil-lagunik gabe. Aitzitik, 25 urteko abeslaria berriro maitemindu da, haren ingurukoek zabaldu duten informazioen arabera.

Dirudienez, kantariak aurkeztu die dagoeneko mutil-laguna hurbilekoei. Calvin Harris disko-jartzaile eskoziarra da, hain justu, Swiften lagun berria.

Orain arte hainbat mutil gazterekin lotu izan dute abeslari estatubatuarra, Harry Stylesekin edota Taylor Lautnerrekin, adibidez. Dena den, Conor Kennedyrekin zeukan harremana hautsi zuenetik ez du mutil-lagun ofizialik aurkeztu.

Gainera, bazirudien zoriontsu zela ezkongai zegoenean. Izan ere, urrian estudioko azken diskoa aurkeztu zuenean zera esan zuen: “Askatasun eta aisialdi tarte bat bizitzen ari naiz, eta horri esker familiari, nire musikari eta lagunei lehentasuna ematen diet”.

Nolanahi ere, itxura denez, Calvin Harrisi ere tarte bat gorde nahi izan dio.

Leonardo DiCaprio eta Rihanna, elkarrekin

rihannaAkabo Bakea‘ saioa entzun ostean jaso genuen atzo albistea, eta harrezkero aho zabalik gaude. Badirudi, Leonardo DiCaprio eta Rihanna elkarrekin agertu zirela asteburuan Playboyk antolatutako festan.

Biak daude ezkongai, eta arrakastaren bideko giltza poltsikoan daramate batak eta besteak. Badituzte, beraz, hainbat gauza komunean. Horregatik, litekeena da aurki harreman baten berri ematea.

Izan ere, aipatu festan egon ziren zenbait lekukok aitortu dutenez, luze eta zabal aritu ziren hizketan, eta aldiro elkar musukatzen ere ikusi zituzten.

Besteak beste, Paris Hilton, Pamela Anderson, Naomi Campbell, Tobey Maguire eta Hilary Duff izan ziren gonbidatuak, eta horietako batek Twitter bidez zabaldu zuen DiCaprio eta Rihanna elkar musukatzen ari zirela. Dena den, handik gutxira iruzkina ezabatu zuen.

Dirudienez, jaia bukatutakoan 50 Cent musikariaren etxera Joan ziren biak, festan egon ziren gainerako gonbidatuekin batera.

Ez omen da aurreneko aldia aktorea eta abeslaria elkarrekin daudela. Bikote ona egiten duela deritzozue?

Jon Kortajarenaren bikotea ezagutu nahi?

jonBaieztapen ofizialik ez dagoen arren, Britainia Handiko prentsak Jon Kortajarenak bikote berria daukala jakitera eman du.

Ezustean harrapatu gaitu albisteak, euskal modelo lirain eta sexya etxera eramateko esperantzaz geundenoi batez ere. Baina nor da Jon kortajarenaren mutil-lagun berria?

Dirudienez, El Hobbit pelikulako Luke Evans aktorearekin dabil. Aspaldi zabaldu ziren modeloaren ustezko homosexualitatearen gaineko zurrumurruak, eta orain arte berak horren inguruko adierazpenik egin ez badu ere, komunikabide britainiarrak aipatutako aktorearekin lotzen ere ausartu dira.

Aspaldi esan zuen Luke Evansek homosexuala zela, baina geroago ukatu egin zuen. Oraingoz, bietako batek ere ez du Britainia Handiko prentsak zabaldutako informazioa berretsi, ezta gezurtatu ere.

Egia izango ote da?

2013ko bikoteak

U138620_049Maitasun kontuak agorrezinak dira celebrity-en munduan. 2012an, bikote asko sortu ziren, eta beste asko banandu ere. Badago Kupidoren geziaren kolpea sentitu, eta 2013a maitasunez josita estreinatu duenik ere. Ikus dezagun zein izango diren 2013ko bikote entzutetsuenak.

Zalantza gabe, Blake Livelyk eta Ryan Reinoldsek osatzen dute egungo bikote ezagunenetako bat. 2011n hasi zuten euren erlazioa, eta ezkutuan izan zuten ordutik. 2013a ezkonberri hasiko dute, iazko irailean isilpeko ezkontza txiki bat ospatu baitzuten.

Maitasun gorabeheretan, Jennifer Aniston da beste protagonista bat. Justin Therouxekin dago orain, eta ezkontzekotan dago bikotea. Hau izango da, seguru asko, 2013ko notizia nagusietako bat arlo honetan.

Beraien antzera, badirudi Olivia Palermo, eta Johannes Huelb modelo alemaniarra ere aurten ezkontzekoak direla. Eta ez dira bakarrak izango: txutxu-mutxu askoren arabera, Jennifer Lopez eta 25 urteko bere mutil lagun berria, Casper Smart, ere ezkondu litezke aurten. Berdin Halle Berry eta Olivier Martinezekin. Halle Berryk bere senar ohiarekin izandako tirabirak lasaitu egin direla dirudi, eta, beraz, bikoteak ezkontzeko erabakia hartu du. Parisen izango da ospakizuna, eta maitasunaren hirian eliza bila ikusi ditugu dagoeneko.

Bikote misteriotsuen artean, Ashton Kutcher eta Mila Kunis ditugu urte hasiera honetan. Udan ikusi genituen bikotearen lehen irudiak, eta ordutik axolagabekeriaz jokatu dute, euren itxura ere zaindu gabe. 2013 hasieran, ordea, kirola egiten ikusi ditugu; batek daki nola bukatuko duten urtea.

Azkenik, Sienna Miller dugu: maitasuna bigarren aldiz aurkitu du. Jude Lawrekin erlazio gorabeheratsua izan ondoren, Tom Sturridgerengan aurkitu zuen maitasuna, eta alaba bat dute dagoeneko, Marlowe. Badirudi 2013ak zoriona besterik ekarriko ez diela. Ikus dezagun horrela den.

Oso garestia da Jennifer Lopez engainatzea

Ez dakigu egia ote den, baina zurrumurruek diote Jennifer Lopezek engainuen aurkako neurriak hartzea erabaki duela.

Abeslariak Casper Smartekin daukan harremana gero eta serioagoa da; hala ere, ezkontzean pentsatu aurretik baldintza bat ezarri omen dio Lopezek mutil-lagunari: fidela izango dela ziurtatzen duen kontratu bat sinatzea. Horren arabera, Casper Smartek milioi bat dolar baino gehiago ordaindu beharko dio abeslariari, noizbait engainatu egiten badu.

Casper Smart dantzaria da, eta, Jennifer Lopezen azken bideoklipean agertu zenetik, gero eta ezagunago egiten ari da: urtebetean 480.000 dolar irabaztera iritsi da. Neska-laguna engainatzekotan, kontratuak dioena ordaintzeko diru nahikoa izango ote du dantzari gazteak?

Miley Cyrus eta Liam Hemsworth ezkondu egingo dira!

Zurrumurru ugari entzun ditugu azkenaldian Liam Hemsworthen eta Miley Cyrusen inguruan. Martxoan komunikabide ugarik argitaratu zuten bikote gaztea ezkontzekotan zegoela, baina abeslariak berehala ezeztatu zuen informazio hori sare-sozialetako bere profilen bitartez.

Oraingoan, albistea egiaztatuta dago: hiru urteko harremanaren ondoren, Miley Cyrus eta Liam Hemsworth ezkondu egingo dira. Cyrusek berak aitortu du informazioa Twitterreko bere profilean.

Dirudienez maiatzaren 31an eskatu zion The Hunger Games pelikulako aktoreak neska-lagunari berarekin ezkontzeko, 3,5 kilateko diamante batekin, eta honek baietz erantzun zion.

Oso gazteak diren arren (22 urte ditu Hemsworthek eta 19 Cyrusek) laster ezkontzeko asmoa dute bikotekideek. Horren ondorioz, Elsa Patakyren koinata izango da Cyrus, aktore espainiarra Chris Hemsworthekin, Liamen anaiarekin, ezkonduta baitago.

Shakira haurdun?

TVNotas aldizkariak prentsa arrosaren mundua astindu du, albiste harrigarri batekin. Argitalpenaren arabera, Shakira haurdun dago, eta bera eta Pique guraso izango dira datorren urteko urtarriletik aurrera. Oraindik ez da egon bikotearen egiaztapenik, baina, aldizkariak dioenez, abeslaria bi hilabeteko dago.

Aste honetan bertan, bikoteak erosi duen etxe erraldoiaren irudiak agertu dira, eta erosketa hori haurdunaldiarekin erlazionatu dute askok. “Shakira asko poztu zen haurdunaldiaren berri izan zuenean, eta horregatik erosi dute berak eta Piquek etxe bat Bartzelonan”, adierazi du bikotearen inguruko batek.

Informazio hori ez dator bat inola ere Pique eta Bar Rafaeli modeloa erlazionatzen zituzten zurrumurruekin. Egiazkoa izango ote da albistea? Eta, hala izatekotan, nola bateratuko dituzte bikotekideek euren ibilbide profesionala eta ume bat hazteko lana?