Category Archives: Bitxikeriak

Barbara Goenaga, haurdun

Barbara Goenagak eta Borja Semperrek albiste onak dakartzate. Aktore gipuzkoarrak Diez minutos aldizkariari jakinarazi dionez, haurdun dago. Hala, bikoteak bigarren umea izango du elkarrekin. Goenaga, bere aldetik, Aranen ama da. Duela urte batzuk Oscar Jaenada aktorearekin izandako harremanetik jaio zen Aran. Gainera, Borjak Pablo izeneko haurra dauka (bere lehenengo emaztearekin izan zuen Pablo).

Bikoteak ez zeukan albistea emateko asmorik, baina haurdunaldiaren berria kuxkuxeroen ahotik atera baino lehen, nahiago izan dute haurdun daudela eta guztia bide onetik doala iragarri.

Lagun batzuren bitartez ezagutu zuten elkar 2014an, Donostian, baina hilabete batzuk geroago hasi zuten harremana. Hasiera batean askorentzat sorpresa izan zen Goenagaren eta Semperren arteko harremana, baina urteen joan-etorrian elkarrekin oso pozik daudela adierazi dute behin baino gehiagotan.

Haurdunaldiari dagokionez ere, “oso pozik” agertu da Goenkaleko aktore ohia.

La Oreja de Van Gogh taldeko Leire Martinez banandu egin da

Ezer gutxi dakigu Leire Martinez abeslari gipuzkoarraren bizitza pribatuari buruz. Nolanahi dela, La Oreja de Van Gogh taldeko kantariak banandu egin dela iragarri du Twitter bidez, jarraitzaile guztiak aho bete hortz utzita.

“Espekulazioak saiheste aldera, eta batik bat nire semea babesteko, banandu egin naizela jakinaraztea erabaki dut. Dibortzioa bideratzen gabiltza orain”, aitortu du Leire Martinezek. “Bizitzen ari garen une zailak kontuan izanda, komunikabide eta jende guztiari eskertu nahi diet nire bizitza eta nire semearena errespetatzea, orain arte egin duzuen bezala”, bukatu du.

2015ean jaio zen bere semea

2014an ezkondu zen Jacobo Rodriguez Bustamanterekin Donostian. Urtebete geroago haien semea jaio zen.

Zergatik partekatzen ditu Xabi Alonsok ‘Pocoyo’ren bideoak?

xabi-alonso-efe_foto610x342Xabi Alonsoren alabak nahasmena eragin du futbolariaren Twiterreko jarraitzaileen artean. Izan ere, bi urte dituen Emmak ‘Pocoyo’ren bideo bat partekatu du Bayern taldeko erdilariaren Twitterrean.

Hala, Alonsok dituen ia 10.000 jarraitzaileei iritsi zaie etxeko txikienaren argitalpena. Nola ez, horrek ezustean harrapatu ditu jarraitzaileak, eta denetariko txantxak egin dizkiote. Baten batek mozkortuta ote dagoen ere galdetu dio, aipatu marrazki bizidunen txioa ikusitakoan.

Nolanahi ere, okerrak zuzentze aldera, futbol-jokalariak berehala eman die jarraitzaileei jazotakoaren azalpena.

Zalantzarik gabe, pasadizozko argitalpenaren harira jasotako iruzkinen artean, Jose Maria Castillejorena (‘Pocoyo’ren egilea) izan da sonatuena, Xabi Alonsori eskerrak eman baitizkio ‘Pocoyo’ren ikuskizunari emandako babesagatik eta alabak bidalitako txioa ez ezabatzeagatik”.

Zeri diote beldurra ‘xelebriti’ek?

PamelaDenok diogu zerbaiti beldurra, eta pertsonaia ezagunak ere ez dira horretaz libratzen. Robert Pattinsonek, adibidez, ezin du aldamenean zaldirik izan. Scarlett Johansson, berriz, labezomorroekin izutzen da.

Badira, era berean, ekaitzekin oso urduri jartzen direnak; Madonna abeslaria, kasu.

Michael Jordanen ikara ezagunena, berriz, nahiko justifikatuta dago. Izan ere, saskibaloi-jokalariak itsaso zabalari dio beldurra, duela urte batzuk lagun bat itota hil zitzaziolako.

Denen artean harrigarriena, beharbada, Johnny Deep aktorearen afera da. Behin baino gehiagotan aitortu izan duenez, pailazoekin izutzen da. Nicole Kidmanek, ostera, ezin ditu tximeletak ikusi.

Kontraesankorra dirudien arren, Pamela Andersonek ez ditu izpiluak gustuko. Are, gorroto omen ditu izpiluak. Hori da, bederen, aktore ile-horiak sarritan esan izan duena.

Bukatzeko, Keanu Reevesek ez ei du atsegin logela ilun batean bakarrik lo egitea, eta Woody Allen, besteak beste, altueren, leku itxien, leku irekien, hoteletako dutxen, egunsentien, umeen eta armiarmen beldur da.

 

Hau da hau marka!

 

Benicio del Torok Eskorbuto entzuten du

benicioBi fm irratiaren webguneak aipamen berezia egin dio El Mundo egunkariak Benicio del Torori egindako elkarrizketari. Izan ere, aurki Un dia perfecto pelikulan ikusiko dugun aktoreak aitortu du euskal talde bat atsegin duela. Hain zuzen ere, Eskorbuto taldea maite du Del Torok.

Fernando Leon de Aranoaren pelikula berriaren protagonista izango da mintzagai dugun aktorea, eta, dirudienez, grabazio-lanetan dabilenean musika asko entzuten du.

Puerto Ricoko aktorearen esanetan, besteak beste, Neil Young eta Bruce Spingsteen izan ditu bidelagun, grabazioetara autoan egindako joan-etorrietan. Halaber, Eskorbutoren musika entzuten zuela adierazi du. “Ezagutu dudan talderik onenetakoa da. Santurtziarrak dira. Ni, berriz, Puerto Ricoko Santurcekoa naiz”, gaineratu du.

 

Ezkondu arte birjinak izan diren pertsonaia ezagunak

hilaryDatu bitxiak ditugu gaurkoan esku artean. Zaila da pertsonaia ezagun hauek diotena egia ala gezurra den jakitea, baina, bitxikeri moduan edo, ustez ezkondu arte birjinak izan diren hainbat xelebritiren izenak ditugu hemen.

Adriana Lima:

Munduko modelo ezagunenetako bat da Adriana Lima. 2006an Limak esan zuen ez zuela inoiz sexu-harremanik izan, ezkondu arte birjina izan nahi zuelako. 2009an ezkondu zen modeloa Marko Jarirekin.

Kevin Jonas:

Jonas Brothers anaietako Kevinek ez zuen sexurik probatu Danielle Deleasarekin ezkondu zenera arte.

Jessica Simpson: Familia oso erlijiosoa dauka honek, eta, dirudienez, 12 urte zituela aitak kastitate-eraztuna eman zion.

Britney Spears: Nerabea zenean birjina zela hitzeman zuen poparen printzesak, baina haren abokatua zenak ziurtatu zuen 14 urterekin galdu zuela birjintasuna. Gezurretan ibili zen Spears andereñoa, beraz.

Aipatutako artistak ez ezik, besteak beste, Hilary Duffek eta Kaká futbolariak ere ez omen zuten sexu-harremanik izan ezkondu arte. Egia ote da?

Fernando Llorente ezkondu egin da

LLORENTE3Fernando Llorente Maria Lorenterekin ezkondu zen larunbatean Donostian. Juventus futbol-taldeko aurrelariaren ezkontzak sekulako ikusmina piztu zuen Gipuzkoako hiriburuan, non ehunka lagun bildu ziren futbolariaren ezkontza hurbiletik jarraitzeko.

Bertan kirolari ezagunak elkartu ziren; besteak beste, Aritz Aduriz, Markel Susaeta, Andoni Iraola, Carlos Gurpegi, Mikel Balenziaga, Javi Martinez, Dani Aranzubia, Igor Gbailondo, Fran Yeste eta Juventuseko Stephan Lichsteiner. LLORENTE

Dotore azaldu ziren Llorente eta haren emaztea zeremoniara, eta irribarretsu eta pozik erantzun zituzten han bildutako kuxkuxeroen hitz ederrak.

Elizako ospakizunak bukatuta, Igeldoko Itxas Bide finkan bazkaldu zuten guztiek.

2014ko musikari aberatsenak

beyonceUrtea bukatzear da, eta, ohi legez, musikarekin lotutako zerrendak nonahi agertzen dira. Rolling Stones aldizkariak argitaratu du azkena, eta 2014an diru gehien irabazi duten abeslarien izenak jasotzen ditu horrek.

Beats Music enpresa saltzea erabaki zuen egunean, urteko musikari aberatsena bihurtu zen Dr. Dre. 620 milioi dolar irabazi zituen orduan.

Ildo horri eutsiz, Forbesek 2014ko musikari dirutsuenen zerrenda argitaratu du, eta ekoizle eta rap-abeslari estatubatuarraren atzetik Beyonce azaltzen da. Guztira 115 milioi dolar eskuratu ditu disko berriari eta kontzertu-birari esker. Podiumeko hirugarren postua Eaglesentzat da, eta aipatu hiru artistari Bon Jovik eta Bruce Springsteenek jarraitzen diete 82 eta 81 milioi dolarrekin, hurrenez hurren.

Jarraian duzue zerrenda osoa:

  1. Dr Dre (620 milioi dolar) 
  2. Beyoncé (115 milioi dolar)
  3.  The Eagles (100 milioi dolar)
  4. Bon Jovi (82 milioi dolar)
  5. Bruce Springsteen (81 milioi dolar)
  6. Justin Bieber (80 milioi dolar)
  7. One Direction (75 milioi dolar)
  8. Paul McCartney (71 milioi dolar)
  9. Calvin Harris (66 milioi dolar)
  10. Toby Keith (65 milioi dolar)
  11. Taylor Swift (64 milioi dolar)
  12. Jay Z (60 milioi dolar)
  13. Diddy (60 milioi dolar)
  14. Bruno Mars (60 milioi dolar)
  15. Justin Timberlake (57 milioi dolar)
  16. Pink (52 milioi dolar)
  17. Michael Bublé (51 milioi dolar)
  18. Rihanna (48 milioi dolar)
  19. Rolling Stones (47 milioi dolar)
  20. Roger Waters (46 milioi dolar)
  21. Elton John (45 milioi dolar)
  22. Kenny Chesney (44 milioi dolar)
  23. Katy Perry (40 milioi dolar)
  24. Jason Aldean (37 milioi dolar)
  25. Jennifer Lopez (37 milioi dolar)
  26. Miley Cyrus (36 milioi dolar)
  27. Celine Dion (36m milioi dolar)
  28. Muse (34 milioi dolar)
  29. Luke Bryan (34 milioi dolar)
  30. Lady Gaga (33 milioi dolar)
  31. 30. Drake (33 milioi dolar)

 

‘Xelebritiek’ gutiziak, hoteletan

rihannajpgPertsonaia ospetsuek, batez ere aberatsak direnek, egundoko exijentziak izaten dituzte bidaiatzeko orduan; bai garraioari dagokionean, eta baita hoteletan ere.

Horren harian, Jetcost hegaldi-bilatzaileak “xelebritien” gaineko hainbat bitxikeria ezagutarazi ditu.

Lady Gagak, adibidez, mutil-lagunarekin bidaiatzeko ohitura dauka, baina, hoteletan, logela ezberdinetan egiten dute lo. Gainera, logela zilar-koloreko edo satin beltzez hornitzea eskatzen du. Hori gutxi ez, eta hormak Queenen, David Bowieren eta Elthon Johnen argazkiekin apaintzea agintzen du. Halaber, arrosa horiak edo zuriak, larruzko sofa eta izpilikuarekin lurrindutako eskuoihalak nahi izaten ditu. Jatekoari dagokionez, kakahuetedun urina, ogia, zerealak, fruta, humusa eta etxean egindako guakamolea aukeratzen ditu.

Jennifer Lopezen exijentziak ere ez dira nolanahikoak. Izarak etxetik eramaten ditu beti, 250 harirekin egindako ehunetan soilik egin dezakeelako lo. Normalean, hoteleko argiztapena aldatzeko eskatzen du. Bestalde, urrezko kanilak eta komunetako eserlekuak berriak izatea agintzen du. Koloreekin ere badu maniarik: hormak, aulkiak, maindireak, loreak, kandelak eta logelako apaingarri guztiak zuriak izan behar dira. Lopezentzat garrantzitsua da baita, gelan kirola egiteko makinak eta hainbat litro ur edukitzea.

Mariah Carey abeslariak ere gimnasioa logela alboan izatea exijitzen du. Han bi DVD egon behar dira, eta bere abestiak zein bideoak soilik jarri ditzakete. Bai bera eta baita bere maskota ere Frantziako ur mineralarekin bainatzen dira. Gainera, libre dauden hoteleko suite guztiak erreserbatzen ditu, inork ez molestatzeko.

Miley Cyrusek ez du gainerako abeslariak baino gutxiago izan nahi. Kaloria gutxi duten produktuak, AEBtik ekarritako sojazko esnea, jangai energetikoak, fruta, arraina, entsaladak, pasta, edari energetikoak eta ura eskatzen ditu beti. Arrosa gorriek eta bainila usainak ezin dute Cyrusen logelan hutsik egin.

Rihanna ezin da estilistarik gabe etxetik atera. Gozokiak eta janari lasterra atsegin ditu. Anekdota gisa, hau da behin egin zuen eskaria: Oreo markako hamalau gaileta pakete, gazta zaporedun lau patata poltsa, bederatzi izozki poto eta sei pizza erraldoi.

Madonna ez da atzean gelditzen. Hark ere obsesioa dauka komunarekin. Horregatik, logelako WCa aldatzea exijitzen du, eta hotela utzitakoan apurtzeko eskatzen du, inork saldu edo enkantean jarri ez dezan. Horretaz bestalde, neurri zehatz bateko eta momentuan moztutako arrosa zuriak nahi izaten ditu.

Katy Perryk burukoak lapurtzen omen ditu hoteletatik, Shakirak 30 litro ur eta 29 gaseosa eskatzen ditu beti. Halaber, esne gaingabetua eta lastotxo mordoa izan behar ditu, ezpainak margotuta mantentzeko.

Hegazkinean bidaiatzeari beldurra dioten ‘xelebritiak’

jenniferBadira hegazkinean bidaiatu behar dutenean, beldurrari aurre egiteko, mozkortzea erabakitzen duten pertsonaia ezagunak, eta badira, halaber, sekula hegazkinik hartuko ez luketen “xelebritiak” ere.

Horrekin lotuta, Jetcost hegaldi-bilatzaileak sekula hegazkinik hartu ez duten ospetsuen zerrenda kaleratu du, baita hegazkinean bidaiatu behar dutenean oso gaizki pasatzen duten hainbat pertsonaiaren izenak ere.

Hegazkinik hartzen ez dutenen artean, Aretha Franklin dago. Askotan, bertan behera utzi behar izan ditu AEBtik kanpo hitzartutako kontzertuak.

1994az geroztik, Dennis Bergkamp futbol-jokalariak ez du hegazkinik hartu, garai hartan esperientzia gogor bat izan zuelako.

Lenny Kravitzek ere nahiago du autoz bidaiatu. Duela urte batzuk, adibidez, 30 orduko bidaia egin zuen autoan, 3 orduko iraupena zuen hegaldi bat ez hartzearren.

Jennifer Anistonen kasua ere antzekoa da. Duela urte batzuk Torontotik New Yorkera zihoala hegazkin barruan bizitako ekaitz izugarri baten ondotik, egundoko ikara hartu zion airez bidaiatzeari.

The Cure taldeko Robert Smithek itsasontzia hartzen du normalean, eta, hortaz, taldekideak baino askoz lehenago atera behar izaten da etxetik.

Bestalde, Madonnak ekaitzei die batik bat beldurra. Horregatik, ez du gustuko hegazkinean joatea, bidean erauntsak harrapatzearen beldur delako.

Bruce Willisek, Penelope Cruzek, Woody Allenek, Sylvester Stalonek, Sarah Jessica Parkerrek, Megan Foxek eta beste hainbat xelebritik ere nahiago dute hegazkinik hartu behar ez izatea.