Tag Archives: Angelina Jolie

Angelina Jolie eta Brad Pitt banandu egin dira

brad_foto610x342Angelina Jolie aktore estatubatuarrak dibortzioa eskatu dio Brad Pitti. Dirudienez, astelehenean hartu zuen banantzeko erabakia.

Pitt haserre agertu da Angelinak egindako adierazpenekin, marihuanarekin eta alkoholarekin arazoak dituela esan baitu bere emazte ohiak.

Gainera, litekeena da Angelinak berak eskatu izana sei haurren zaintza; Knox eta Vivienne bikiena, Shilohrena, Zahararena, Paxena eta Madoxena. Nagusiki, Brad Pittek seme-alabei ematen dien heziketa omen da dibortzioaren zergatia.

Duela bi urte pasatxo Provenzan ezkondu zen bikotea, eta itxuraz maiteminduta zeuden arren, Brad Pittek seme-alabekiko duen jarrerak banantzeko erabakia hartzera bultzatu du Angelina.

Angelina Jolieren muturreko argaltasuna, kezka iturri

610760_angelina_jolie_BERLINALE_2012_EFE_4_foto960Angelina Jolieren muturreko argaltasunak kezka piztu du aktorearen senitartekoen artean, eta, horren harira, azkenaldian hainbat aldizkariren azalean agertu Bard Pitten emaztea.

The National Enquirerrek argitaratu duenez, adibidez, ospitalera eraman behar izan dute Jolie, 35 kilo besterik ez duelako pisatzen. Dena den, sekulako kritikak jaso ditu aipatu argitalpenak, adierazpen oso gogorrak egin dituelako: “Angelina hilzorian dago minbizia eta anorexia dituelako”.

Gainera, esan dute Brad Pittek harremana uzteko mehatxua egin diola, bere emazteak ezer gutxi jaten duela ikusteaz nazkatuta dagoelako.

Dirudienez, nerabezaroan anorexia pairatu zuen Joliek, eta garai hartan ere ospitaleratu egin behar izan zuten. Hala eta guztiz ere, oraingoz, bikoteak ez du albiste kezkagarri horri buruzko adierazpenik egin.

Angelina Jolie eta Brad Pitt banandu egin dira

brad_foto610x342Komunikabideetan maiz entzun dugu Angelina Joliek eta Brad Pittek harremana hautsi dutela. Hori horrela, albiste horrek oihartzuna hartzen duen bakoitzean zurrumurru berri baten aurrean gaudela pentsatzen dugu. Dena den, badirudi oraingo honetan albisteak pisua hartu duela, eta litekeena da bikoteak banantzeko erabakia hartu izana.

Joliek eta Pittek ez dute gustuko beren bizitzei buruz hitz egitea, beraz, zaila izango da bikoteak berak albistea baieztatzea.

Zurrumurruek diotenez, Brad izan da erabakia hartu duena. Horixe da, bederen, Iparramerikako zenbait komunikabidek zabaldu dutena: lan kontuengatik bakoitza bere aldetik bidaiatzen dabiltzanez, maitasuna bukatu egin da.

Egia izatekotan, Hollywoodeko historiako dibortziorik garestienetakoa izango da.

Brad Pitten harreman bisexualak

pittHeshan “Sham” Ibrahim da aho zabalik utzi gaituen albiste honen iturria. Berorrek zabaldu du Brad Pitt aktorearen ustezko bisexualitatearen gaineko zurrumurrua, eta Vanitatis aldizkariaren bidez jaso dugu berria “Paparazzi” blogean.

“Ez dut haren sexualitateari buruz hitz egin nahi, baina zeinahi ere den, Brad Pitti gizonak ere gustatzen zaizkio. Hitz horiekin hasten da Star aldizkariari aipatu iturriak eskainitako elkarrizketa.

Argitalpenak apustu gogorra egin du informazio horren alde. Izan ere, azken alearen azalean agertu du albistea.

Shamen adierazpenen arabera, duela hamar urte hasi zen gizonekin harremanak izaten, RentBoy.com webguneraren bidez.

Besteak beste, Cameron Fox aktorearekin egon omen zen Monterreyko (Kalifornia) hotel batean. “Cameron heldu zenean, laguntzaile batekin, hoteleko logelatako batera zuzendu zen. Ziur nago Brad bertan zegoela. Elkartu zirenean, Pittek 1.000 dolar eman zizkion eta alde egiteko eskatu zion. Dirudienez, ez zuen Interneteko argazkietan ikusitako mutilaren antzik”.

Nolanahi ere, Shamek ziurtatzen du Bradek mutil bat begiz jotzen duenean dena kontrolpean izaten duela.

Aipatu iturriak eransten duenez, Angelinak badu horren guztiaren berri, eta normaltasunez onartzen du: “Angelina bera ere egon izan da emakumeekin. Horrenbestez, normala iruditzen zaio”.

Brad Pitt eta Angelina Jolie zazpigarren haurraren bila

angelinaBadirudi, Angelina Joliek eta Brad Pittek futbol-taldea osatu nahi dutela etxean. Azken orduetan zabaldu den zurrumurruaren arabera, familia handitzeko asmoz dabil bikotea. Horregatik, litekeena da aurki beste ume bat adoptatzea, kasu honetan, Siriako haur errefuxiatu bat.

Argi dago, diru aldetik arazorik ez dutela aktoreek. Horrenbestez, nahi beste ume har ditzakete semetzat edo alabatzat.

Angelinak NBEari laguntzeko egindako bidaia batean ezagutu zuen Moussa. Haurrak bi urtetxo ditu, eta bakarrik gelditu zen, ama eta aita galdu ostean. Altinozun (Turkian) bizi da, errefuxiatuentzako kanpaleku batean.

Hori jakinda, aktoreak umea etxera eramateko ahaleginetan hasi omen ziren. Dena den, bikoteak ez du oraindik adopzioaren berri eman.

Dagoeneko hiru haur dituzte adoptatuta: Maddox, Pax eta Zahara. Gainera, Shiloh eta Vivienne eta Knoux (bikiak) seme-alaba biologikoak dituzte.

Brad Pittek garesti ordain lezake desleiala izatea

bradEztei-bidaia Maltan ari dira pasatzen Angelina Jolie eta Brad Pitt. Une gozoak bizi ditu bikoteak, seme-alabekin batera. Bistara, behintzat, familia eredugarria ematen du, eta Angelinak bederen, ez dauka kexatzeko arrazoirik. Alta, Tom Raider filmeko protagonistaren abokatuek ezkon-aurreko akordio ezinhobea sinatu dute aktorearentzat.

AEBko komunikabideek bikoteak adostutakoaren berri eman dute azken orduetan, eta Brad Pittek garesti ordain lezake deslaiala izatea. Izan ere, hitzarmenak dio “ezkonduta dauden bitartean Pitt beste emakumeren batekin baldin badoa, Jolierentzat izango da umeen zaintza”. In Touch aldizkariaren arabera, “haurrak babesteko erarik onena” delako sinatu zuten akordioa.

Baina umeen zaintzarena ez da ustezko desleialtasun baten ondorioz jazoko litzatekeen kontu bakarra izango. Bikotearen ondasunen inguruan ere hitz egiten du akordioak. Kasu horretan, ezkondu aurretik zeukaten diruarekin geldituko litzateke biak, eta ezkontzaren ostean lortutako diru-sarrerak haien seme-alabentzat izango lirateke (gutxi gorabehera 185 milioi dolarreko ondasuna).

Gainera, bikoteak prest utzi du testamentua. Ondasunak, seme-alaben, Vietnamgo, Kanbodiako eta Etipiako umezurtz-etxeen eta minbiziaren aurkako ikerketaren artean banatu nahi dituzte.

Angelina Jolie eta Brad Pitt ezkondu egin dira

bradBederatzi urteko harremana sendotu nahian, ezkontzeko erabakia hartu dute Angelina Joliek eta Brad Pittek. AP albiste agentziako iturriek jakitera eman dutenez, bikotea pasadan asteburuan ezkondu zen Frantzian (Chateay Miraval).

Duela bi urte ezkon-hitza eman zutenetik, etengabe zabaldu dira ustezko ezkontza baten gaineko zurrumurruak, eta badirudi azkenik berba bete dutela.

Maiatzean Joliek adierazi zuenez, une egokiaren zain zeuden. Iaz, hainbat ebakuntza egin zizkioten aktore ezagun honi, eta denbora batez ez zen ezkontzari buruz hitz egin. Dena den, duela gutxi, ezkontza gertu egon litekeela adierazi zuen Angelina Joliek: “Bai, ezkondu egingo gara. Aurreikusita dugu”, esan zuen elkarrizketa batean.

Dirudienez, bikotearen seme-alabak irrikaz zeuzen gurasoak ezkontzeko, eta haiek omen zebiltzaten zeremonia prestatzen.

Azkenik, 2008tik aldiro bizitoki duten Chateau Miravalen ezkondu dira. 35 logela ditu etxeak eta kapera ere badauka.

Ezkondu ostean, Maltara abiatu zen bikotea, By teh Sea pelikula grabatzera, Times of Malta egunkariak argitu duenez. Bi aktoreak hegazkin pribatu batean iritsi ziren Maltara.

Tatuaje batekin indartutako harremana

bradpitt

Ezkondu aurretik, tatuaje bat egiteko asmoa dute Angelina Joliek eta Bad Pittek. Oraingoz ez dute urrats hori eman, baina badirudi dagoeneko diseinua hautatzen dabiltzala. Zalantzarik gabe, jarraitzaileen artean arrakasta izango duen diseinu bat izango da Joliek eta Pittek hautatutakoa.

Bikotearen hurbileko iturri baten esanetan, une honetan bizi duten momentua irudikatzen duen diseinu berezi bat aukeratu nahi du Brad Pittek, eta litekeena da biek gorputzeko leku berean egitea tatuajea. Horrekin elkarren arteko lotura indartzea dute helburu.

Betidanik izan dituzte gustuko tatuajeak, batak zein besteak. Dena den, aipatutako iturriaren arabera, nerabe plantak egiten dabil Brad Pitt. Izan ere, orain arte Angelina arduratzen zen diseinuak aukeratzeaz, baina orain bien artean dabiltza irudi aproposena bilatzen.

Gainera, ez omen dute komunikabideen aurrean tatuaje berri horri buruz hitz egiteko asmorik, bien arteko “sekretua” izango delako..

Zuen ustez gai izango dira sare sozialetan tatuajearen irudia ez zabaltzeko?

Jennifer Anistonek Brad Pitten ama gonbidatu du bere ezkontzara

Jennifer Aniston. Argazkia: Europa Press.

Duela zenbait hilabete iragarri zuten Brad Pittek eta Angelina Joliek euren ordezkarien bitartez, ezkontzeko asmotan zirela. Oraindik, ordea, ez da ospakizunik izan eta badirudi Pitten bikotekide ohia, Jennifer Aniston, aurreratu egingo zaiela.

Justin Theroux bere senargaiarekin ezkontzekotan da Hollywoodeko aktorea eta ospakizunaren inguruko xehetasunak ezagutarazten ari direnez, pentsatzekoa da eguna gutxi barru izango dela. Datu horien artean deigarriena gonbidatuei loturikoa da: Jennifer Anistonek Brad Pitten ama, Jane Pitt, gonbidatzeko asmoa du. Hala azaldu du The Sun aldizkariak bere web atarian.

Pitt eta Anistonen istorioak iraun zituen 4 urteetan harreman estua egin zuten Pitten amak eta bikotekideak eta hurrengo 7 urteetan ere erlazio horri eutsi diote. Jane izugarri pozik omen dago Jennifer Anistonek berriro ere zoriontasuna topatu duelako eta 7 urteotan babesa eta aholkuak eman dizkiola adierazi du Anistonen gertuko lagun batek aipatutako aldizkariari.

Eguna iristean ezagutuko dugu zein den gonbidatuen zerrenda…

'Milurteko' ezkontzari buruzko datu gehiago ditugu!

Angelina Jolie eta Brad Pitt. Argazkia: Reuters, Lucas Jackson

Angelina Jolie eta Brad Pitt. Argazkia: Reuters, Lucas Jackson

Ari gara Angelina Jolieren eta Brad Pitten ezkontzari buruzko datu berriak ezagutzen, apurka-apurka. Badirudi Ingalaterra aukeratuko dutela egun berezi hori ospatzeko. Hala baieztatu du, behintzat, Daily Star egunkari britainiarrak. Beraz, litekeena da bikote famatua Windsorren ezkontzea.

Erabakiak badu, gainera, bere arrazoia, izan ere, Carlos Galesko printzea eta Camila Parker Bowles ezkondu ziren erregistro zibil berean egin nahi dute ekitaldia. Familiarteko gutxi batzuek baino ez dute une hori zuzenean ikusiko. Ondoren, Frantziara bidaia egingo dute hegazkin pribatuan, han duten gaztelu zoragarrira, gainerako gonbidatu guztiekin elkartzeko.

Ez da bat-batean hartutako erabakia izan. Antza denez, aholkulari espiritualarekin hitz egin dute ezkongaiek, eta, horrez gain, beste hainbat toki bisitatu dituzte, egokiena hautatzeko. Azkenean, Europako paisaiak gustatu zaizkie gehien.