Ezkon-hitza emana zutela zioten zurrumurruek, eta oraingo honetan bete egin dira.
Hala da bai, Lady Gaga abeslariak aldarea zapalduko du, eta San Valentin eguna aukeratu zuen Taylor Kinneyk (kantariaren bikotea) albistea zabaltzeko.
Instagram bidez iragarri dute ezkondu egingo direla. Gainera, abeslariaz guztiz maiteminduta dagoela adierazi du aipatu sare sozialean Chica Fire telesaileko aktoreak.
You & I bideokliparen grabazioan ezagutu zuten elkar, duela lau urte inguru.
Lady Gaga eta Taylor Kinney. Argazkia: ladygaga.com
Lady Gagak ia egunero kontatzen dizkigu bere gorabeherak sare sozialetan. Gehienetan, kontu profesionalei buruz hitz egin ohi digu; gaur, ordea, maitasun-kontuak izan ditu hizpide.
Taylor Kinney eta biak ageri dira igerileku batean elkarri musu emanez. Itxura guztien arabera, New Yorkeko artista biluzik dago, uraren mugimenduak eta bikotearen posturak ez baitu ikusten uzten bikinia jantzita duen ala ez.
Hala, beraz, bizi duen une zoriontsua islatu nahi izan du eta argazki bidez egitea erabaki du. Urte bete igaro da bideoklip bat grabatzen elkar ezagutu zutenez gero, eta harremana sendotu egin dela dirudi. Ibilbide profesionalari dagokionez, munduan barrena dabil une honetan azken diskoa promozionatzen. Gainera, azaroan Argentinan kontzertua eskainiko duela iragarri berri du.
Lady Gaga
Abeslari estatubatuarrak bihotza lanpetuta duela dirudi; izan ere, Taylor Kinnev bere mutil-laguna gurasoei aurkeztea erabaki du. Daily Mail egunkari britainarrak argitaraturikoaren arabera, bere aitak New Yorken duen jatetxean bildu ziren guztiak elkarrekin afaltzeko.
Beste hainbat iturrik esan dutenez, ordea, beste mutil bat ezagutu du Grezian. Giovanni omen du izena eta Plakako jatetxe baten jabea da. Orain dela gutxi jakin dugu etxe berria eraikitzen ari dela Mediterraneoko herrialde horretan.
Hori dela eta, sarri joan behar izan du lanak gainbegiratzera. Bide batez, amodio kontuetarako tartea ere atera du egonaldi horietan. Nor aukeratuko ote du azkenean? Denborak baino ez digu zalantza argituko.
Normalean Lady Gaga da bere erokeriekin harrituta uzten gaituena, baina, oraingoan, bere jarraitzaileetako bat izan da abeslaria ahoa zabalik utzi duena.
Lady Gaga Australian egon da, Born This Way Ball kontzertu birako zenbait emanaldi egiten, eta, Brisbanen zegoela, bere jarraitzaileetako bat hurbildu zaio kontsolagailu bat oparitzeko asmoz.
Abeslariak oparia hartu eta, harrituta, ondorengoa erantzun dio zaleari: “Eskerrik asko nire bizitza sexuala kontuan hartzeagatik, baina ez daukazu zertan kezkatu; oso bizia da”.
Dirudienez, barregarria iruditu zaio oparia Lady Gagari; izan ere, kontzertu amaieran, kontsolagailua hartu eta publikoari bota dio, norbaitek oroigarri moduan nahi duen galdetuz.
Haragiz egindako soinekoarekin ikusi dugu Lady Gaga aurrekoetan, baita arrautza erraldoi baten barruan ere. Oraingoan, labezomorroz betetako txapela prestatu nahi du abeslari bitxiak.
Ameriketako Estatu Batuetan egin duten ikerketa zientifiko batean, labezomorroek Lady Gagaren musikari beste abeslari batzuenari baino hobeto erantzuten diotela frogatu dute, eta ikerketaren emaitza hori oso bitxia iruditu omen zaio abeslariari.
Hori dela eta, labezomorroz betetako txapela prestatu nahi du artista ezagunak; horrela, berarekin eraman ahal izango ditu bere “munstro maiteak”. Dirudienez, txapel baten gainean, kaiola moduko bat eraiki nahi du, sare batekin estalia, intsektuak horretan zehar mugi daitezen.
Zer iruditzen zaizue abeslariaren azken erokeria hori? Atentzioa emateko daukan ohituraren ondorio, agian?
Lady Gaga. Argazkia: Twitter.
Bere bizitzaren garai ilunei buruz aritu da Lady Gaga “The conversation” telebista-saio estatubatuarrean. Amanda de Cadenet aurkezleari eskainitako elkarrizketa batean, bere bizitza pribatuaren inguruko hainbat azalpen eman ditu abeslariak, eta, besteak beste, gazteagoa zenean kokaina hartzen zuela aitortu du.
Musikariaren esanetan, 19 urte zituela ikasketak utzi eta bere gurasoen etxetik alde egin zuen. Orduan, lan egiten jarri eta musika munduan sartzeko lehen ahaleginak egin zituen. Garai hartan bakarrik sentitzen zenez, depresioa sufritu zuen eta une horretan hasi zen drogarekin arazoak izaten.
Dirudienez, kokainak bere barnean sentitzen zuen hutsunea betetzen laguntzen ziola uste zuen abeslariak: “Droga nire laguna zela uste nuen, hobeto sentitzen laguntzen ninduela”.
Hala ere, elkarrizketan egindako adierazpenen arabera, egun batean ohetik altxatu zen eta bere bizitzaren norabidea aldatzea erabaki zuen. “Zu ez zara artista. Artistak musikan kontzentratu egiten dira eta ez hauts zuri madarikatu horretan”, esan zion bere buruari, eta, ahalegin handiak eginez, drogak uztea lortu zuen.
Lady Gaga. Argazkia: Twitter.
Bere bizitzaren garai ilunei buruz aritu da Lady Gaga “The conversation” telebista-saio estatubatuarrean. Amanda de Cadenet aurkezleari eskainitako elkarrizketa batean, bere bizitza pribatuaren inguruko hainbat azalpen eman ditu abeslariak, eta, besteak beste, gazteagoa zenean kokaina hartzen zuela aitortu du.
Musikariaren esanetan, 19 urte zituela ikasketak utzi eta bere gurasoen etxetik alde egin zuen. Orduan, lan egiten jarri eta musika munduan sartzeko lehen ahaleginak egin zituen. Garai hartan bakarrik sentitzen zenez, depresioa sufritu zuen eta une horretan hasi zen drogarekin arazoak izaten.
Dirudienez, kokainak bere barnean sentitzen zuen hutsunea betetzen laguntzen ziola uste zuen abeslariak: “Droga nire laguna zela uste nuen, hobeto sentitzen laguntzen ninduela”.
Hala ere, elkarrizketan egindako adierazpenen arabera, egun batean ohetik altxatu zen eta bere bizitzaren norabidea aldatzea erabaki zuen. “Zu ez zara artista. Artistak musikan kontzentratu egiten dira eta ez hauts zuri madarikatu horretan”, esan zion bere buruari, eta, ahalegin handiak eginez, drogak uztea lortu zuen.
Lady Gaga. Argazkia: Abeslariaren Twitter ofiziala.
Aurretik ere Lady Gagaren mania arraroei buruz hitz egin badugu ere, abeslariaren bitxikeriek askotarako ematen dute. Zein da bere azken kezka? Merkurio planetaren kokapena.
Abeslariak astrologo talde bat dauka kontratatuta horoskopoaren berri eman diezaion. Horren arabera, Merkurio planetak ibilbidea aldatuko du uztailaren 15etik abuztuaren 8ra. Aldaketa horren ondorioz, planetak atzera egiten duela ematen du, zerura begiratuz gero, eta horrek arazoak sortzen omen ditu. Fenomeno hau urtean hiru aldiz baino ez da gertatzen.
Merkurion aldaketa hori izaten den garaian Lady Gaga “Born this way” kontzertu biran murgilduta egongo da eta horretan zerbait txarra gertatuko den beldur da; horregatik bildu da gaian aditu direnekin.
Bestalde, azken astean polemika handia zabaldu du abeslariak Twitterreko bere profilean egindako adierazpen batzuekin. Horietan, pop abeslariek jan behar ez dutela esaten zuen eta kritika ugari jaso ditu. Hala ere, bere jarraitzaileak gero eta gehiago dira eta bere kontzertuetarako sarrerak berehala saltzen dira. Horren azken adibide dira Erresuma Batuan emango dituen kontzertuak; saltzen hasi eta minutu batzuetara agortu ziren sarrerak.
Lady Gagaren janzkerak beti harritzen gaitu, eta oraingoan ere horrela izan da. Gainera, jantzi duen azken soinekoak tragu txar bat pasatzea egin dio abeslariari. Gagak soineko gorri horren azpitik ez zuen barruko arroparik, eta modu horretan, artistaren parte intimoenak agerian geratu dira.
Vanity Fair aldizkariarekin argazki-sesio bat izan ondoren, soineko harrigarri honekin azaldu zen. Dirudienez, behar baino gehiago mugitu zen artista, eta kuleroak ez zituenez, estatubatuarraren parte intimoak agerian geratu ziren.
Kuleroak ez zituen, baina horretaz gain, bertan piercing bat duela da albiste nagusia. Gagak apaindua du, beraz, bere parterik intimoena…
Deskuidu bat izan ote da? Ala artista polemikoak bere parte intimoa erakusteko asmoz jantzi du soineko hori?
Lady Gaga erabat biluztu da oraingoan. Artistari buruzko dokumental bat egin du AEBetako HBO kateak. Bertan, kantaria aldagelan ikusiko dugu, Madison Square Gardenen (New Yorken) emandako kontzertu baten aurretik. Eta ezohiko irudia eskainiko digute, inoiz baino hauskorrago ikusiko baitugu Lady Gaga.
Muki-zapia eskuetan hartuta, askotan “galtzaile” sentitzen dela aitortu du, eskolan baztertutako neskatoa balitz bezala. “Goizero esan behar diot neure buruari super-izarra naizela aurrera jarraitu ahal izateko”, adierazi du. Gainera, etsai ugari baduela ere esan du artistak: “zenbaitetan sentitzen dut jendeak suntsitu egin nahi nauela… baina ezin naute suntsitu, inoiz ez naute suntsituko. Eta, gainera, sekula ez dute neure erreinua suntsituko, hau da, nire zaleak”.
Ikusi hemen dokumentalaren aurrerapena. Harrigarria!
